Доллары в руках

Боздошти Охунҷони "валтютчик": "медонистам ин кор ғайриқонунӣ аст, пинҳонӣ мекардам"-видео

2465
(Таҷдидшуда 18:17 07.02.2021)
Мақомоти прокуратураи ноҳияи Бобоҷон Ғафуров аз боздошти як сарроф ё ба истилоҳ "валютчик" хабар медиҳанд, ки ба ивази ғайриқонунии асъори хориҷӣ даст дошт

ДУШАНБЕ, 3 феврал - Sputnik. Бино ба гузориши Акбар Шариф, сухангӯи Раёсати Вазорати корҳои дохила дар Суғд бо иттиҳоми саррофии ғайриқонунӣ Валиев Охунҷони 38-сола боздошт шудааст.

Ба иттилои манбаъ, Валиев ҳангоми хариду фурӯши асъор дар ҳудуди бозори Сомони шаҳри Бӯстон дастгир шуд.

Манбаъ мегӯяд, чунин рафтори боздоштшуда, беэҳтироми нисбат ба асъори миллӣ ва заминаи коҳишёбии он мебошад.

Валиев Охунҷон мегӯяд, медонист, ки кораш ғайриқонунист, бинобар ҳамин тариқи пинҳонӣ асъорҳои рублу доллари сокинонро дар бозор иваз мекард.

Гуфта мешавад, бо методҳои оперативӣ, сарроф пас аз иваз кардани 4 ҳазор доллар ба 45 ҳазору 600 сомонӣ дар даромадгоҳи бозори "Сомон" боздошт шуд.

ВУД мегӯяд, ҳамзамон аз боздоштшуда асъори хориҷӣ ва миллӣ дарёфт гардид, ки аз сарроф будани ӯ шаҳодат медиҳад.

Манбаъ меафзояд, барои ин кор нисбат ба ӯ парвандаи ҷиноӣ боз шуда, тафтишот идома дорад.

Ёдовар мешавем, ки дар Тоҷикистон тамоми амалиёти мубодила танҳо дар бонкҳо ва филиалҳои онҳо, ташкилотҳои қарзӣ, нуқтаҳои махсус, нуқтаҳои интиқоли пул, банкоматҳо ва терминалҳо иҷозат дода мешавад.

Дар сурати риоя накардани меъёрҳо, вайронкунандагон ба ҷавобгарии маъмурӣ кашида, қонун ҷазо дар намуди ҳабс аз 2 то 9 соли зиндонро пешбинӣ мекунад.

Ёдовар мешавем, қаблан прокуратураи генералӣ гуфта буд, ки ҷиҳати ба эътидол овардани қурби асъори миллӣ ва назорати асъор дар ҷумҳурӣ 377 қонунвайронкунӣ ошкор ва нисбат ба шахсони гунаҳгор 263 парвандаи ҳуқуқвайронкунии маъмурӣ, 114 парвандаи ҷиноятӣ оғоз карда, аз муомилоти ғайриқонунӣ 2,5 млн. сомонӣ, 221 ҳазор доллари ИМА, 211 ҳазор рубли Федератсияи Россия ва 1,2 млн. сомонӣ молу маҳсулот дарёфт ва мусодира намудааст.

2465
Барчаспҳо:
ВКД, сарроф, боздошт, Тоҷикистон
Молоток судьи, архивное фото

Ҳукми марде, ки ноболиғро наздикии истгоҳи Душанбе - Ваҳдат таҷовуз карду кушт, эълон шуд

10
Барои ин амали даҳшатбор, сокини 37 - солаи шаҳри Ваҳдат ба ҷазои як умр маҳрум шудан аз озодӣ маҳкум шуд

ДУШАНБЕ, 6 мар – Sputnik. Додгоҳи олӣ ҳукми сокини 37 - солаи шаҳри Ваҳдатро эълон кард, ки дар куштор ва таҷовуз ба номуси ноболиғ айбдор дониста мешавад.

Ба иттилои котиботи Прокуратураи Тоҷикистон, Раҷабов Зафар Сафархоҷаевич акнун як умр аз озодӣ маҳрум шуд ва дар колонияи ислоҳии низомаш махсус нигаҳдорӣ мешавад.

Номбурда моҳи августи соли гузашта аз назди бозорчаи 9 - уми шаҳри Душанбе, ноболиғ Сафарова Зулоларо бо мақсади қонеъ намудани талаботи шаҳвонии худ ба истгоҳи шоҳроҳи Душанбе - Ваҳдат ба ҷойи хилваттар бурда, хост ба номуси ӯ дастдарозӣ кунад.

Манбаъ меафзояд, чун ноболиғи 10 - сола муқобилият нишон дод, маҳкумшуда ба рӯи ӯ як зарбаи сахт зад, ки дар натиҷа хурдсол ба замин афтода, сараш ба санг сахт бархӯрд.

Гуфта мешавад, аз ҷароҳати вазнини бардошта, Зулолаи 10 - сола дар ҷойи ҳодиса ҷон додааст.

Аз вазъи оҷизонаи духтар истифода намуда, Раҷабов ба номуси ӯ таҷовуз кард ва сипас аз ҷойи ҳодиса ғайб задааст.

Тафсилоти куштори як зан дар Ҳисор: аввал ӯро маст ва сипас таҷовуз карда, кушт - навор

Ба ҳамин минвол, бо ҳукми Додгоҳи Олӣ,  Раҷабов  дар асоси моддаҳои 104 қисми 2 бандҳои "в, л" ва 138 қисми 3 банди "а"- и Кодекси ҷиноятии Тоҷикистон гунаҳгор дониста шуда, ба ӯ бо дастрасии моддаи 67 қисми 4 Кодекси ҷиноӣ ҷазои якумра маҳрум сохтан аз озодӣ бо нигоҳ доштан дар колонияи ислоҳии низомаш махсус, таъйин карда шуд.

Дар робита ба таҷовузи ноболиғон дар Тоҷикистон,  Раиси Кумитаи занон Ҳилолбӣ Қурбонзода зимни нишасти матбуотии ахир гуфта буд, ки дар қаламрави ҷумҳурӣ давоми як соли гузашта ба номуси 9 ноболиғ дастдарозӣ шудааст.

10
Барчаспҳо:
таҷовуз, ноболиғ, ҳукм, Додгоҳи олӣ
Кодири Косим на пресс-конференции Государственного Комитета по инвестициям и управлению государственным имуществом РТ

Ванҷ обод мешавад: Қодири Қосим бо соҳибкорони ин ноҳия мулоқот кард

36
(Таҷдидшуда 15:46 06.03.2021)
Муовини раиси Маҷлиси намояндагони Маҷлиси Олии Ҷумҳурии Тоҷикистон Қодири Қосим бо соҳибкорони ноҳияи Ванҷ мизи гирд доир намуд

ДУШАНБЕ, 6 мар – Sputnik. Кумитаи рушди сайёҳӣ бо мақсади боз ҳам ободтар намудани ноҳияи Ванҷ бо иштироки соҳибкорони муваффақи ноҳияи Ванҷ мизи мудаввар доир гардид.

Дар ҷаласа Раиси Кумитаи рушди сайёҳӣ Тоҷиддин Ҷӯразода, муовини Раиси Маҷлиси намояндагони Маҷлиси Олии Ҷумҳурии Тоҷикистон Қодири Қосим, Раиси ноҳияи Ванҷ Ҷаббори Қосим, соҳибкорони муваффақ ва фаъоли ноҳияи Ванҷ, ки дар пойтахт ва дигар минтақаҳо мамлакат фаъолият доранд, иштирок намуданд.

Интиқоли китоби Тоҷикон ба ноҳияи Ванҷ
сомонаи Вазорати маориф ва илми Тоҷикистон

Раиси Кумитаи рушди сайёҳӣ ҳадафи гирд овардани соҳибкоронро, омодагӣ ба таҷлили 30-солагии Истиқлоли давлатии Ҷумҳурии Тоҷикистон рабт дод.

Зикр гардид, ки имрӯз бо дастгирии давлату ҳукумати кишвар соҳибкорони маҳаллӣ дар рушди инфрасохтори ноҳия саҳми муносиб доранд. Ҳамзамон дар минтақаҳои дурдасти ноҳия аҳолии маҳаллӣ ба рушди инфрасохтори иҷтимоӣ, аз ҷумла меҳмонхонаву ошхонаҳо, марказҳои хизматрасонӣ, иншооти варзишӣ, боғчаҳо, марказҳои фароғатӣ, сартарошхонаву кошонаи ҳусн, ҳаммом ва бунгоҳҳои тиббӣ бо ҳуҷраҳои хатнаи писарбачагон ниёзи бештар доранд.

Дар ҷаласа ҳамзамон муовини Раиси Маҷлиси намояндагон Қодири Қосим ва Раиси ноҳияи Ванҷ Ҷаббори Қосим сухан карда, аз соҳибкорон даъват ба амал оварданд, ки бо дарназардошти имконият ва ҷалби бештари соҳибкорони муваффақ ва сокинони саховатпешаи ин минтақа дар татбиқи ҳадафи олии кишвар – баланд бардоштани сатҳи зиндагии аҳолӣ  ва пешрафти иқтисодию иҷтимоӣ тамоми нерӯи мавҷударо сафарбар карда, саҳми муносиб гузоранд.

Раҳмонзода гуфт, ба наздикӣ тӯҳфаи Президент ба Мурғобу Ванҷ ирсол мешавад: чист он?

Барои иҷрои Амри Президенти Ҷумҳурии Тоҷикистон дар бораи таҷлили 30–солагии Истиқлоли давлатии Ҷумҳурии Тоҷикистон нақша-чорабиниҳои мақомоти иҷроияи ҳокимияти давлатии ноҳияи Ванҷ оид ба анҷом додани корҳои ободонию созандагӣ бахшида ба 30 — солагии Истиқлоли давлатии Ҷумҳурии Тоҷикистон сохтмон ва бунёди 86 иншооти гуногуни таъйиноти иҷтимоию иқтисодиро дар бар мегирад.

Дар ин давра 31 иншоот дар соли 2018, 26 иншоот дар соли 2019,  22 иншоот дар соли 2020 мавриди истифода қарордода шуданд. Дар соли равон 6 иншоот ба нақша гирифта шуда, 4-тои он аллакай ба истифода дода шуд. Дар иншооти дигари ҷашнӣ корҳо бо маром идома дошта, то муҳлати муайяншуда мавриди баҳрабардорӣ  қарор дода мешаванд.

 

36