Донишгоҳи Абуалӣ ибни Сино - муҳимтарин маркази илмии омодасозии коршиносони улуми пизишкӣ дар Тоҷикистон. Акс аз бойгонӣ

Супориши Президент иҷро шуд: тағйирот дар сохтори Донишгоҳи тиббӣ

2285
(Таҷдидшуда 13:28 08.02.2021)
Ахиран ректори Донишгоҳи давлатии тиббии Тоҷикистон зимни нишасти матбуотӣ эълон кард, ки бо супориши раисҷумҳури кишвар дар сохтори ДДТТ тағйирот ворид шудааст

ДУШАНБЕ, 8 фев — Sputnik. Донишгоҳи давлатии тиббии Тоҷикистон ба номи Абуалӣ ибни Сино дар робита ба пандемияи коронавирус ва паҳншавии дигар бемориҳои сироятӣ дар сохтори худ баъзе тағйиротро ворид кард.

“Бо супориши Эмомалӣ Раҳмон, раисҷумҳури кившар факултети нигаҳдории тандурустии ҷамъиятӣ ба факултети тиббӣ-профилактикӣ табдил дода шуд”, - гуфт ректори донишгоҳ Маҳмадшоҳ Гулзода. 

Ректори донишгоҳ Маҳмадшоҳ Гулзода зимни нишасти матбуотӣ ҳамчунин, зикр кард, ки бори аввал аз рӯи ихтисосҳои “Вирусология”, “Микробиология” ва “Эпидемиология” дар донишгоҳ интернатураро ба роҳ монданд.

Аз ҳисоби лоиҳаҳои грантии рушди таҳсилоти олӣ ва TajikAid 11 дастгоҳи замонавии дандонпизишкӣ ворид гардид.

Ҳамзамон, Маҳмадшоҳ Гулзода таъкид дошт, ки бинои факултети химия ва маркази стоматологияи донишгоҳ аз таъмир бароварда шуда, сохтмони бинои нави муассиса, ки аз ҳисоби маблағҳои худӣ идома дорад, дар арафаи Ҷашни 30-солагии Истиқлолияти давлатӣ мавриди истифода қарор мегирад.

2285
Барчаспҳо:
тағйирот, Раисҷумҳур, супориш, ДДТТ ба номи Сино, Тоҷикистон
Национальный банк республики Таджикистан. Архивное фото

Бонки миллӣ иҷозатномаи "Вестерн Юнион ДП Восток" ва "Амонатбонк"-ро тамдид кард

62
(Таҷдидшуда 20:26 02.03.2021)
Бонки миллии Тоҷикистон иҷозатномаи БДА "Амонатбонк" ва "Ташкилоти қарзии ғайрибонкии "Вестерн Юнион ДП Восток"-ро барои фаъолияти оператори низоми пардохтӣ ба муҳлати панҷ сол тамдид кард

ДУШАНБЕ, 2 мар — Sputnik. Тибқи қарори Раёсати Бонки миллии Тоҷикистон, тамдиди иҷозатномаи БДА ҶТ "Амонатбонк" санаи аз 26 феврали соли равон тасдиқ ёфтааст.

"Бинобар сабаби ба итмом расидани муҳлати амали иҷозатномаи БДА ҶТ "Амонатбонк" барои фаъолияти оператори низоми пардохтӣ, ба "Амонатбонк" барои фаъолияти оператори низоми пардохтии миллии "Корти миллӣ" бо роҳи тамдид ба муҳлати 5 (панҷ) сол иҷозатнома дода шуд", - таъкид доштааст Бонки милӣ.

Гуфта шудааст, ки мутобиқи қарори мазкур, иҷозатномаи БДА ҶТ "Амонатбонк", ки аз 9 феврали соли 2018 барои фаъолияти оператори низоми пардохтӣ дода шуда буд, беэътибор дониста шудааст.

Ҳамзамон роҳбарияти Бонки миллӣ Идораи низоми пардохтро вазифадор кардааст, ки дар Феҳристи операторони низоми пардохтӣ оид ба тағйироти зерин сабти дахлдорро ворид намояд.

Инчунин бо қарори Раёсати Бонки миллии Тоҷикистон аз 26 феврали соли 2021, бинобар сабаби ба итмом расидани муҳлати амали иҷозатномаи ҶДММ "Ташкилоти қарзии ғайрибонкии "Вестерн Юнион ДП Восток" барои фаъолияти оператори низоми пардохтӣ, ба "Вестерн Юнион ДП Восток" барои фаъолияти оператори низоми пардохтии "Вестерн Юнион" бо роҳи тамдид ба муҳлати 5 (панҷ) сол иҷозатнома дода шуд.

Тибқи иттилои Бонки миллӣ дар асоси қарори зикршуда, иҷозатномаи ҶДММ "Ташкилоти қарзии ғайрибонкии "Вестерн Юнион ДП Восток", ки аз 9 феврали соли 2018 барои фаъолияти оператори низоми пардохтӣ дода шудааст, аз эътибор соқит дониста шуд.

Ҳамчунин роҳбарияти Бонк, Идораи низоми пардохтро барои ворид намудани сабти дахлдор дар Феҳристи операторони низоми пардохтӣ вазифадор намудааст.

62
Барчаспҳо:
Амонатбонк, тамдид, иҷозатнома, Бонки миллӣ, Тоҷикистон

Жириновский пешниҳод кард, Тоҷикистонро ба ҳайси як вилоят ба ҳайати Русия шомил кунанд

5373
(Таҷдидшуда 23:49 02.03.2021)
Роҳбари Ҳизби либерал-демократи Русия Владимир Жириновский ахиран гуфт, ки чӣ гуна кишварҳои ИДМ метавонанд ба ҳайати Русия ҳамроҳ шаванд ва ин иқдом барои онҳо чӣ паёмадҳо дорад

ДУШАНБЕ, 2 мар- Sputnik. Владимир Жириновский гуфт, ки сиёсатмадорони кишварҳои ҳамсуд метавонанд тадриҷан як чизе қудратмандтар аз ИДМ бисозанд.

Ӯ дар суҳбат бо радиои "говорит Москва" таъкид дошт, ки муносибатҳои Русия ва Беларус ҳоло дар шакли кишвари шарик нигоҳ дошта мешаванд.

Сиёсатмадор илова кард, ки ҳамин гуна шакл метавон ба Қирғизистон ва Тоҷикистон низ пешниҳод кард.

Жириновский: Тоҷикистон ва Арманистон бояд ба ҳайати Русияи Бузург ҳамроҳ шаванд

"Беҳтарин роҳи ҳалли ҳама масъалаҳо, таъмини амнияти комил ва рушди иқтисод - ин дохил шудани 14 ҷумҳурии собиқи иттиҳоди Шӯравӣ ба ҳайси  вилоят ба ҳайати Русия мебошад: вилояти Душанбе, вилояти Бишкек, вилояти Ереван, вилояти Рига, вилояти Житомир, вилояти Киев ва ғайра", - гуфт Жириновский.

Сиёсатмадор инчунин дар суҳбаташ афзуд, ки 20 сол пеш Александр Лукашенко, раисҷумҳури Беларус ба гуфтаҳои ӯ розӣ будааст ва Лукошенко он замон гуфта будааст, ки Беларус омода аст ба ҳайати Русия шомил шавад.

5373
Барчаспҳо:
ИДМ, пайвастан, ҳайат, Владимир Жириновский, Русия, Тоҷикистон
Акция по выдаче питания лицам без определенного места жительства

Нигарониҳо дар бораи гуруснагӣ дар саросари ҷаҳон афзоиш ёфт

0
(Таҷдидшуда 20:31 02.03.2021)
Коршиносони байналмилалӣ ахиран эълон доштанд, ки қиммати ҷаҳонии ғизо ба болотарин сатҳ дар 6 соли гузашта расидааст

ДУШАНБЕ, 2 мар — Sputnik. Нархи ҷаҳонии ғизо таҳти таъсири афзоиши ҳазинаи маводи ғизоӣ ба болотарин сатҳ дар беш аз 6 соли гузашта расидааст, иттилоъ додааст хабаргузории "Парстудей" дар истинод ба гузориши шабакаи хабарии "Bloomberg".

Ба гузориши "Bloomberg", ҳамзамон қиммати колоҳои аслӣ афзоиш ёфта ва қимати ҷаҳонии маводи ғизоиро ба болотарин сатҳ дар шаш соли гузашта дар январи 2021 расондааст.

Бо тавваҷуҳ ба таъсири ҳамагирии корона дар раванди рушди иқтисодӣ, нигарониҳо дар бораи гуруснагӣ дар саросари ҷаҳон афзоиш ёфтааст.

“Ҳама ба ҳоли худ саргардон. Соли вазнин хоҳад буд”: нигарониҳои Раҳмон аз соли 2021

Ин шабакаи хабарӣ бо ишора ба афзоиши 30 то 61 дарсадии қимати ғизо дар кишварҳои мухталиф навишт, ки бозорҳои навзуҳӯр, фишори ношӣ аз афзоиши баҳои маводи хомро эҳсос мекунанд, зеро афзоиши қимати колоҳое ҳамчун нафт, мис ва ғаллот болотар аз ҳадди интизор будааст.

0
Барчаспҳо:
боло, қиммат шудан, ғизо, байналмилалӣ, ҷаҳон