Вазир гуфт, изофанависӣ ҳаст ва ин корро хиёнат ба ватан номид

494
(Таҷдидшуда 18:11 09.02.2021)
Вазири кишоварзӣ иқрор кард, ки дар омори пешниҳоднамудаи ҳосилот ва кишти картошка ҳамеша изофанависӣ ҷой дорад

ДУШАНБЕ, 9 фев — Sputnik. Зиёзода Сулаймон Ризо вазири кишоварзии Тоҷикистон дар ҷамъи хабарнигорон гуфт, ки изофанависӣ дар пешниҳоди маълумот оиди кишт ва ғундории ҳосили картошка вуҷуд дорад.

Вазир таъкид кард, ки аз ин мушкилӣ роҳбари давлат Эмомалӣ Раҳмон низ хабардор аст ва дар маҷлисҳои васеи Ҳукумат низ ба ин камбудӣ таваҷҷӯҳ мекард.

Зиёзода тавзеҳ дод, ки изофанависиро ба мисли хиёнат намудан ба шаҳрвандони ин кишвар бояд қабул кард.

"Бо роҳи изофанависӣ мо пешрафт нахоҳем кард", - афзуд вазири кишоварзӣ.

Зиёзода Сулаймон шарҳ дод, ки соли ҷорӣ барои пешгирӣ кардан аз изофанависӣ як тасмими хуб гирифта шудааст. Ҳоло, ки дар вилояти Хатлону Суғд ва ноҳияҳои тобеи марказ кишти барвақтии картошка оғоз мешавад, бо супориши вазири кишоварзӣ ҳар як контуре, ки кишт мешавад, аз ҷониби намояндагони вазорати кишоварзӣ ва масъулони Кумитаи заминсозӣ онро даррав чен мекунанд.

Бо ҳамин усул, Тоҷикистон ба изофанависиҳо дар пешниҳоди кишт ва ҳосилғундории картошка нуқта гузоштанӣ ҳастанд.

Чипси хуҷандӣ: Раҳмон дар Хуҷанд корхонаи нав ифтитоҳ кард

Бояд гуфт, ки бо вуҷуди маълумотҳо дар мавриди кишти барзиёди картошка ҳамасола танқисии ин навъ маводи озӯқаворӣ эҳсос мешавад. Дигар ин, ки арзиши гарони картошка дар бозорҳои ҷумҳурӣ мардумро нигарон мекунад.

Шаҳрвандон аз он изҳори нигаронӣ мекунанд, ки чаро мақомотҳои марбута аз кишт ва ҳосили барзиёди картошка садо баланд мекунанд, дар ҳоле, ки дар таъмини ниёзи мардум танқисӣ мекашаванд.

Вазорати кишоварзӣ мегӯяд, имсол замини кишти картошка ба 70 ҳазор гектар хоҳад расид.

494
Барчаспҳо:
Сулаймон Зиёзода, картошка, Вазорати кишоварзӣ
Самолет, на фоне заката

Тоҷикистон парвозҳои мунтазамро бо ду кишвар аз сар гирифт

131
(Таҷдидшуда 14:49 02.03.2021)
Дар Тоҷикистон, ки ҳоло вазъи эпидемиологӣ дар робита ба маризии коронавирус беҳбуд ёфтааст, равобити ҳавоӣ бо ду кишвар барқарор шуд

ДУШАНБЕ, 2 мар — Sputnik. Тоҷикистон равобити ҳавоиро бо Ҷумҳуриҳои Қазоқистону Афғонистон барқарор намуд.

Ба иттилои Агентии авиатсияи гражданӣ, ҳамакнун парвозҳо ҳафтае як маротиба дар масири Душанбе - Алмаато - Душанбе ва инчунин Душанбе - Афғонистон - Душанбе сурат мегиранд.

Манбаъ меафзояд, масъалаи барқарор шудани парвозҳои мунтазим дар ҷаласаи ахири мудири агентӣ Икром Субҳонзода бо намояндагони "Фурудгоҳи байналмилалии Душанбе", ширкати ҳавопаймоии "Сомон Эйр" ва ҳамчунин намояндагони ширкатҳои ҳавопаймоии "Белавиа"- и Беларус, "Эйр Астана"-и Ҷумҳурии Қазоқистон ва "Кам Эйр"- и Афғонистон баррасӣ шуд.

Зикр мегардад, ки дар ҷаласаи мазкур Икром Субҳонзода ба беҳ шудани вазъи эпидемиологӣ дар Ҷумҳурии Тоҷикистон ишора карда, изҳор доштааст, ки чунин вазъият ба барқарор кардани парвозҳои мунтазами байналмилалӣ мусоид аст.

Илова бар ин, Ситоди ҷумҳуриявӣ оид ба мубориза алайҳи коронавирус низ иҷозат додааст, ки парвозҳои мунтазам бо Афғонистону Қазоқистон барқарор шавад.

Вазир: Русия барои роҳандозии парвозҳо ягон шарт нагузоштааст

Гуфта мешавад, ҳоло масъалаи барқарор шудани равобити ҳаво бо Белорус низ дар ҳоли баррасӣ қарор дорад.

Агентӣ тавзеҳ додааст, ки дар рафти ҷаласа аз ширкатҳои ҳавопаймоии ватанию хориҷӣ дархост шудааст, ки нархи чиптаро хуқдсарона афзун накунанд, балки дар доираи арзиши аслӣ фурӯхта шавад.

131
Барчаспҳо:
Афғонистон, Қазоқистон, парвоз, Тоҷикистон
Ученики Зебинисо Рустамова

Камонварони тоҷик дар Тошканд мақоми дуюм гирифтанд

16
(Таҷдидшуда 14:34 02.03.2021)
Дар ин мусобиқа тими занона ва мардонаи кишвари мизбон мақоми аввалро аз худ кард

ДУШАНБЕ, 2 мар — Sputnik. Камонварони Тоҷикистон дар мусобиқаи байналмилалӣ дар Тошканд ду медал ба даст оварданд, хабар медиҳад Кумитаи милли олимпӣ.

Ба иттилои манбаъ, мусобиқаи байналмилалӣ оид ба камонварӣ аз 22 то 27 феврал дар шаҳри Тошканд ҷараён дошт, ки тими Тоҷикистон низ дар кори он иштирок кард.

Тими занона ва мардонаи Тоҷикистон дар ин мусобиқа ба гирифтани медали нуқра даст ёфтанд.

Ба ҳайати тими бонувони Тоҷикистон, Мавзуна Азимова, Фирӯза Зубайдова ва Фирӯза Давлатова шомил буданд. Дастаи мардон аз Анушервон Раҳимӣ, Умед Раҳмонов ва Абдуғаффор Рустамов иборат буд.

Варзишгарони мизбон бошад, қаҳрамони мусобиқа шуданд.

Зимнан, мақоми сеюмро варзишгарони Қирғизистон касб карданд.

16
Барчаспҳо:
ғолиб, Тошканд, варзишгарони тоҷик