Председатель Верховного суда Таджикистана Шермухаммад Шохиён и председатель Высшего экономического суда Республики Таджикистан Каландарзода Мавлуда Саттори

Молу мулки судяҳоро мебинанд, агар дурӯғ гӯянд, барканор мешаванд: қонуни нав

6237
(Таҷдидшуда 14:57 13.02.2021)
Шермуҳаммади Шоҳиён, раиси Додгоҳи олии Тоҷикистон, дар парлумон тағйироти нав ба қонун дар бораи судҳои ҷумҳуриро муаррифӣ кард, ки ба ҷилавгирӣ аз фасодкории додрасҳо равона шудаанд

ДУШАНБЕ, 13 фев – Sputnik.  Маҷлиси намояндагон тағйирот ба қонун “Дар бораи судҳои Ҷумҳурии Тоҷикистон”-ро қабул намуд, ки ҳадафи он ислоҳоти низоми додгоҳӣ ва масъулияти бештари додрасҳо арзёбӣ гардид.

Новая чайхана в Гиссаре
© Официальная страница пресс-службы президента РТ в Facebook

Шоҳиён зимни шарҳи тағйирот гуфт, ба қонун муқаррарот дар бораи пешниҳоди эъломия дар бораи даромад ва вазъи молумулкии судя илова карда шуд.

“Ворид намудани талабот вобаста ба пешниҳоди эъломияи даромад ва вазъи молумулкӣ аз ҷониби судя бо мақсади роҳ надодан ба суиистифодаи вазъи ҳуқуқӣ ба манфиати шахсӣ, гурӯҳӣ ва дигар манфиати ғайрихизматӣ равона гардидааст”,  - изҳор дошт раиси Додгоҳи Олӣ.

Дар феҳрасти сабабҳои барканорию бозхонди судяҳо меъёрҳои нав илова карда шудаанд, яке аз он нафақагири Тоҷикистон ё давлати хориҷӣ будан аст.

Озода Раҳмон дар бораи дороии мансабдорон ва оқибати дурӯғгӯӣ

Инчунин бар асоси тағйироти ҷадид, додрас агар бо мақсади пинҳон доштани молу мулкаш ба мақомот маълумоти бардурӯғ пешниҳод кунад, аз мақом барканор хоҳад шуд.

Ба гуфтаи Шоҳиён, дар моддаи 14-уми қонун талабот нисбат ба судя ҳангоми амалӣ намудани адолати судӣ, аз ҷумла дар муносибатҳои ғайрихизматӣ худдорӣ кардан аз содир намудани ҳама гуна амале, ки боиси паст задани обрӯи ҳокимияти судӣ, қадр ва номуси судя мегардад, муқаррар шудааст.

Қариб 80 миллионро надодаанд: Шоҳиён гуноҳу ҷазои Исматулло Ҳаёевро эълон кард

Инчунин дар қонун савганд дар таҳрири нав таҳия шуда, тартиби савгандёдкунӣ муқаррар гардидааст.

Ба гузориши нашрияи парлумонии “Садои мардум”,  инчунин ваколатҳои раиси Суди Олӣ вобаста ба таъйин ва аз вазифа озод намудани сардорони раёсатҳо, шуъбаҳо, сармутахассисон, мутахассисони пешбар ва масъалаҳо вобаста ба шумораи судяҳо, машваратчиёни халқӣ ва кормандони дастгоҳҳои судҳо такмил дода шудааст.

6237
Барчаспҳо:
барканорӣ, судяҳои нав, дурӯғ, Тоҷикистон
Дудмонии дарахтон дар Тоҷикистон барои ҳифз аз сармо, акс аз бойгонӣ

То -21 дараҷа хунук ва бебориш: ҳавои имрӯз дар Тоҷикистон

427
Ожонси ҳавошиносии Тоҷикистон мегӯяд, имрӯз дар ҷумҳурӣ ҳаво камабр ва тағйирёбандаи бебориш мешавад

ДУШАНБЕ, 27 фев — Sputnik. Ба иттилои Ожонси обуҳавошиносӣ, имрӯз дар Вилояти Мухтори Кӯҳистони Бадахшон ҳавои тағйирёбандаи бебориш дар назар аст. Шамол аз самти ғарб бо гузариш ба шарқ бо суръати 3-8 метр дар як сония мевазад. Ҳаво дар ғарби вилоят шабона 5-10 дараҷа хунук ва  рӯзона аз 4 дараҷа хунук то 1 дараҷа гарм мешавад. Дар шарқи вилоят ҳаво  шабона 16-21 ва рӯзона  4-9 дараҷа хунук мешавад, хабар додаст “Ховар” аз қавли Ожонс.

Манбаъ афзуд, ҳаво дар вилояти Суғд камабр ва дар баъзе ноҳияҳо тағйирёбандаи бебориш шуда, туман мефарояд.  Шамол  аз самти ғарб бо гузариш ба шарқ бо суръати 3-8 метр дар як сония мевазад. Ҳаво  дар водиҳо шабона 4-9 дараҷа хунук ва рӯзона 1+6 дараҷа гарм мешавад. Дар ноҳияҳои кӯҳӣ ҳаво шабона 10-15 ва рӯзона 0-5 дараҷа хунук  мешавад.

Дар вилояти Хатлон ҳавои камабр ва дар баъзе ноҳияҳо тағйирёбандаи бебориш мешавад. Дар баъзе ноҳияҳо туман мефарояд.  Шамол аз самти самти ғарб бо гузариш ба шарқ бо суръати 3-8 метр дар як сония мевазад. Ҳаво дар водиҳо шабона 3-8 дараҷа хунук ва рӯзона 5+10 дараҷа гарм мешавад.  Дар ноҳияҳои доманакӯҳӣ ҳаво шабона  5-10 дараҷа хунук ва рӯзона 0-5 дараҷа хунук мешавад.

Дар шаҳру ноҳияҳои тобеи марказ ҳавои камабр ва дар баъзе ноҳияҳо тағйирёбандаи бебориш дар назар буда, дар ноҳияҳо туман мефарояд. Шамол аз самти ғарб бо гузариш ба шарқ бо суръати 3-8 метр дар як сония  мевазад.  Ҳаво  дар водиҳо  шабона 3-8 дараҷа хунук ва рӯзона 2+7 дараҷа гарм мешавад.  Дар ноҳияҳои кӯҳӣ ҳаво шабона 6-11 дараҷа хунук ва рӯзона  аз 2 дараҷа хунук то 3 дараҷа гарм мешавад.

Дар  шаҳри Душанбе ҳаво тағйирёбандаи  бебориш мешавад. Туман мефарояд.  Шамол аз самти ғарб бо гузариш ба шарқ бо суръати 3-8 метр дар як сония мевазад. Ҳаво шабона  4-6  дараҷа хунук ва рӯзона 4+6 дараҷа гарм мешавад.

427
Барчаспҳо:
борон, ҳаво, Тоҷикистон

Фармони Раҳимзода барои қадрдонии раиси суд бо медал “Барои мусоидат” - акс

1125
(Таҷдидшуда 09:10 27.02.2021)
Рамазон Раҳимзода, вазири умури дохилии Тоҷикистон бо имзои як фармон Гиёзода Мирзоисмон Қурбонро бо медал қадрдонӣ кардааст

ДУШАНБЕ, 27 фев — Sputnik. Мирзоисмон Гиёзода, раиси додгоҳи шаҳри Душанбе бо медали “Барои мусоидат” қадрдонӣ гардидааст.

Тибқи иттилои додгоҳи Душанбе, фармон дар бораи қадрдонии Гиёзодаро генерал Рамазон Раҳимзода, вазири умури дохилии Тоҷикистон 20 феврали соли равон имзо кардааст.

Манбаъ афзуд, медалро муовини якуми раиси Суди Олии Тоҷикистон Лутфуллозода Шавкат дар вазъияти тантанавӣ ба Гиёзода тақдим намуд. Дар итттилоияи додгоҳ сабабҳои қадрдонии Гиёзода бо медал “Барои мусоидат” шарҳ дода нашудааст.

Лутфуллозода Шавкат, муовини аввали раиси Суди Олӣ ва Гиёзода Мирзоисмон, раиси додгоҳи Душанбе
сомонаи суди Душанбе
Лутфуллозода Шавкат, муовини аввали раиси Суди Олӣ ва Гиёзода Мирзоисмон, раиси додгоҳи Душанбе

Раҳимзода қаблан низ бархе аз мақомдорони давлатиро бо медал “Барои мусоидат” қадрдонӣ карда буд.

Аз ҷумла ин медалро Шамсиддин Орумбекзода, вазири вақти фарҳанг ва муовини якумаш  Маҳмадсаид Пирзода гирифта буданд.

Он замон далели тақдими медал, ҳамкориҳои судманду самаранок, дастгирии маънавӣ ва таҳияи чорабиниву маъракаҳои кормандони мақомоти корҳои дохилӣ арзёбӣ шуда буд.

1125
Барчаспҳо:
медал, суд, Тоҷикистон
Ширин Амонзода, вазири меҳнат, муҳоҷират ва шуғли аҳолии Тоҷикистон

Суҳбати вазир: аз гуфтушунид бо Маскав то нақшаи фиристодани муҳоҷирон ба дигар давлатҳо

313
(Таҷдидшуда 11:52 27.02.2021)
Ширин Амонзода, вазири меҳнат, муҳоҷират ва шуғли аҳолии Тоҷикистон, мегӯяд, 95 дарсади муҳоҷирони меҳнатии кишвар ба Русия рост меоянд. Ӯ аз нияти Ҳукумат барои диверсификатсияи муҳоҷират ва фиристодани корҷӯёни тоҷик ба Корея, Қатар ва Аморати Муттаҳидаи Араб гуфт

ДУШАНБЕ, 27 фев — Sputnik. Ширин Амонзода мавзӯъҳои музокирот миёни Тоҷикистону Русия дар мавриди муҳоҷирони меҳнатиро баён дошт.

Амонзода дар суҳбат бо “Ҷумҳурият” изҳор доштааст, ки вазорат дар асоси дархости корфармоёни Русия, ки ба қувваи корӣ ниёз доранд, барои гирифтани иҷозаи вуруд ба ин кишвар тавассути хатсайрҳои чартерӣ гуфтушунид дорад.

Содагардонии ба қайд гузоштан ва гирифтани патент барои кор, баррасии авфи навбатии муҳоҷирони меҳнатӣ аз Тоҷикистон, барқарор кардани хатсайрҳои ҳавоии мунтазам байни ду давлат, дар бораи бо нафақа таъмин намудани шаҳрвандони Тоҷикистон, ки бо патент ва дигар санадҳои зарурӣ дар Федератсияи Русия кор мекунанд, аз мавзӯъҳои дигари музокирот бо мақомоти рус мебошанд, хабар додааст Амонзода.

Вазири меҳнат ва муҳоҷират илова намудааст, ки солҳои охир бо мақсади диверсификатсияи муҳоҷирати меҳнатӣ бо як қатор давлатҳои хориҷӣ созишномаҳои байниҳукуматӣ ба имзо расиданд.

Ӯ зикр намуд, ки аз ҷумла, соли 2018 бо Амороти Муттаҳидаи Араб ва соли 2019 бо Давлати Қатар Ёддошти тафоҳум оид ба танзими қувваи корӣ ба имзо расид.

“Айни замон бо мақсади татбиқи Ёддошти тафоҳум бо Давлати Қатар гурӯҳи кории ҷонибҳо таъсис ёфта, 2 декабри соли 2020 ҷаласаи якуми гурӯҳи корӣ (тавассути муоширати визуалӣ) доир шуд, ки дар он масъалаи сафарбар намудани шаҳрвандони Тоҷикистон ба Давлати Қатар баррасӣ гардид. Тарафҳо ба мувофиқа расиданд, ки барои амалисозии муқаррароти созишномаи мазкур нақшаи чорабиниҳоро таҳия ва тасдиқ намоянд”, - изҳор доштаст вазир.

Амонзода таъкид кардааст, ки аз ҷониби Муассисаи давлатии “Агентии бокортаъминкунӣ дар хориҷа”-и назди вазорат бо ширкати “Роял фелком секюрити”-и Амороти Муттаҳидаи Араб созишномаи ҳамкорӣ омода гардида, дар мувофиқаи тарафҳо қарор дорад. Бо Ҷумҳурии Корея низ корҳо дар ин самт ҷараён доранд, изҳор доштаст вазир.

Ин талошҳо дар ҳолеянд, ки феълан масири асосии муҳоҷират Русия боқӣ монда, марзбандиҳо боис гардидааст, ки бисёре аз корҷӯён натавонистаанд ба ин кишвар сафар намоянд.

313
Барчаспҳо:
Русия, муҳоҷират, Тоҷикистон