В Институте атомной энергии имени И.В. Курчатова, архивное фото

Реактори "Аргус" 80 дарсад барқарор шуд

643
(Таҷдидшуда 11:17 15.02.2021)
Фарҳод Раҳимӣ, президенти Академияи миллии илмҳои Тоҷикистон дар рафти нишасти матбуотӣ тавзеҳ дод, ки реактори "Аргус" барқарор шуд ё хайр

ДУШАНБЕ, 15 фев — Sputnik. Президенти Академияи улуми Тоҷикистон Фарҳод Раҳимӣ дар рафти нишасти матбуотӣ дар посух ба суоли рӯзноманигорон гуфт, ки корҳои барқарорсозии реактори "Аргус" кай ба анҷом мерасанд.

Ба қавли вай, 80 дарсади корҳо дар самти барқароркунии реактор ба охир расидааст.

"Дар умум корҳои асосие, ки мо бояд мекардем, пеш аз ҳама таҳияи ҳуқуқии меъёрҳои дахлдор, ба нақша гирифтем пай дар пай иҷро гардида истодаанд", - таъкид кард Фарҳод Раҳимӣ.

Президенти АМИТ афзуд, ҳамаи он санадҳое, ки фаъолияти ректорро ба танзим медароранд, омода шудаанд, ахирон санад дар баррасии вазорату идораҳо қарор дорад, ки он "Истифодаи энергияи атомӣ бо мақсадҳои осоишта мебошад".

Омодагии Тоҷикистон барои ифтитоҳи нахустин реактори ҳастаӣ

"Мо ҳамасола то 4 маротиба бо намояндагон, испекторҳо вомехӯрем, ҳисобот пешниҳод мекунем, ҳисобот аз тарфи онҳо пурра қабул шудааст", - таъкид намуд Раҳимӣ.

Реактори ҳастаии Тоҷикистон мавсум ба "Аргус-ФТИ" дар солҳои 1980 сохта шуда, вале ба далели мушкилоти ношӣ аз фурӯпошии Шӯравӣ, ҷанги дохилӣ ва нобасомониҳои иқтисодӣ мавриди баҳраварӣ қарор нагирифтааст.  

Акнун ҳукумати Тоҷикистон дар ростои таҳаққуқи мусаввабаи “Барқарорсозӣ ва баҳрабардорӣ аз реактори таҳқиқотӣ-ҳастаии Аргус 2020-2016 дар ҳоли омодасозии ин таъсисоти муҳим барои баҳрабардории комил аст.  

Қарор аст, дар “Аргус-ФТИ” фаъолиятҳои илмӣ дар бахшҳои пизишкӣ, кишоварзӣ, маодин, химия ва биологӣ сурат бигирад.

643
Барчаспҳо:
Аргус, президенти Академияи илмҳои Тоҷикистон, Фарҳод Раҳимӣ
Сотрудники ФСБ РФ во время задержания гражданина одной из Центрально-азиатских республик

42 зарби корд барои 60 сомониву телефон: Саймумин гуфт, чӣ гуна таксиронро кушт - видео

2728
(Таҷдидшуда 20:23 03.03.2021)
Вазорати корҳои дохилии Тоҷикистон навори бозпурсии Саймумин Муҳиддинов, ки дар қатли ваҳшиёнаи таксирон бо 42 зарби корд гумонбар мешуд, нашр кард

ДУШАНБЕ, 3 мар — Sputnik. ВКД-и Тоҷикистон дар як наворе ҷузъиёти пуррраи ин ҷиноятро мадҳушро шарҳ додааст.

Ба гузориши ВКД номбурда санаи 15 феврал соли равон бо мақсади ба даст овардани маблағи муфт бо истифодаи зуровари автомашинаи мусофиркашони таксиии Эраҷи Эмомалӣро манъ карда бо корди ба ӯ ҳамла намуда аз ӯ ронанда талаби пулӣ кардааст. Баъд аз шунидани ҷавоби рад ба узвҳои ҳаётан муҳими ронанда 42 маротиба зарба зада бо як бераҳмии махсус дар кӯчаи деҳоти ба ҳалокат расонидааст.

Худи Саймумин Муҳиддинов зимни бозпурси гуфт: “гуфтамаш, ки 8 сомонӣ дорам мешавад? Гуфт намешавад. Манам беақлӣ карда, дар ёдам корд зад. Кордро гирифтам ба бари манаҳаш гузоштам. Ва ӯро таҳдид кардам, мехостам пулҳояшро бигирам. Ронанда тарсид дастамро гирифт, сипас  миёнамон занозанӣ сар зад. Охир дар ёд дорам, ки аввалин корди задаам ба китфаш буд”.

ВКД таъкид доштааст, ки Муҳиддинов Саймумин ба шаҳри Душанбе омада ба чанд рӯз ба айшу ишрат ва беҳудагарди машғул будааст.

ВКД-и Тоҷикистон таъкид кардааст, ки баъд аз куштори ронандаи такси номбурда аз ҷайби ӯ 60 сомонӣ ва телефони мобиливу дигар ҳуҷатҳоро гирифта аз ҷои ҳодиса ғайб задааст.

Кормандони милитсияи дар давоми 24-соат ошкорсозии ин ҷинояти мудҳишро таъмин карданд ва муайян карданд, ки ҷинояти мазкурро шаҳрванд Муҳиддинов Саймумин Саймуддинович санаи таваллудаш 20.08.2000, сокини ҷамоати деҳоти Истиқлоли ноҳияи Ҷайҳун содир намудааст.

Ӯ аз зодгоҳа дастгир ва ба шаҳри Душанбе интиқол дода шуд.

Ҳоло нисбати гумонбаршаванда Саймумин Муҳиддинов дар Прокуратураи шаҳри Душанбе тибқи талаботи моддаи 104 (одамкушӣ) Кодекси ҷиноятии Тоҷикистон парвандаи ҷиноятӣ оғоз карда шуда мавриди тафтиш қарор дорад.

2728
Барчаспҳо:
навор, гумонбар, таксӣ, бозпурсӣ, вазорати корҳои дохилӣ, Тоҷикистон
Министр здравоохранения Таджикистана посетил больных

Беморхонаҳои Душанбе чӣ ҳол доранд? Абдуллозода шабона ба аёдати беморон рафт

152
(Таҷдидшуда 19:10 03.03.2021)
Раҳбаритяи Вазорати тандурустии Тоҷикистон шабона ба як қатор бемористонҳои шаҳри Душанбе рафта, бо вазъи кори муассисаҳо ошно шудаанд

ДУШАНБЕ, 3 мар — Sputnik. Вазири тандурустии Тоҷикистон Ҷамолиддин Абдуллозода ва муовини вазир Зулфия Абдусаматзода шаби 1 марти соли равон ба як қатор муассисаҳои тандурустии шаҳри Душанб рафта, беморонро аёдат намуданд.

Бино ба гузориши Вазорати тандурустӣ, аз ҷумла Ҷамолиддин Абдуллозода ба Муассисаи давлатии Маркази тиббии шаҳрии №1 ба номи Карим Ахмедов ва муовини вазир Зулфия Абдусаматзода ба Маркази саломатии шаҳрии № 2-и шаҳри Душанбе рафта, бо фаъолияти шабонаи онҳо  шинос шудаву бо беморон суҳбат кардаанд.

Аснои мулоқот бо беморон роҳбарияти вазорат иброз доштанд, ки Ҳукумати кишвар, ба соҳаи тандурустӣ диққати махсус зоҳир намуда, айни замон ҷиҳати  расонидани хизматрасонии босифати тиббӣ ба аҳолӣ дар мамлакат тамоми шароит ва имконоти мусоид фароҳам овардааст.

Манбаъ таъкид мекунад, ки маҳз ҷиҳати иҷрои дастуру супоришҳои президент Эмомалӣ Раҳмон дар самти таъмини солимии аҳолӣ ва беҳтар намудани хизматрасонии тиббӣ Вазорати тандурустӣ ва ҳифзи иҷтимоии аҳолии Ҷумҳурии Тоҷикистон тамоми тадбирҳои муҳимро рӯйи кор гирифтааст ва корҳо дар ин самт бомаром идома доранд.

Боздиди Абдуллозода аз маркази саломатие, ки Ӯзбекистон дар Қубодиён месозад

Тибқи иттилои вазорат, ҳадаф аз гаштҳои шабона ва рӯзонаи роҳбарияти вазорат, пеш аз ҳама шиносоии бевосита бо фаъолияти муассисаҳои тандурустӣ, аёдати беморон ва гуфтугӯи озод бо онҳо, таҳлилу баррасии вазъи воқеии муассисаҳои тандурустӣ, бартараф намудани мушкилот ва камбудиҳои ҷойдошта ва дар ин замина беҳтар намудани сатҳ ва сифати хизматрасонии тиббӣ ба аҳолӣ мебошад.

152
Барчаспҳо:
Ҷамолиддин Абдуллозода, Вазорати тандурустии ҶТ, вазир, Душанбе, Тоҷикистон
День 4 марта

Зодрӯзи Дона Баҳромов ва ифтитоҳи Маҷмааи тандурустии "Истиқлол": имрӯзи таърих

0
(Таҷдидшуда 14:58 02.03.2021)
Рӯзи 4 - уми март дар Белорус - Рӯзи милитсия таҷлил мешавад. Дар ин рӯз дар шаҳри Душанбе маҷмааи тандурустии "Истиқлол" ифтитоҳ шуд

Рӯзи 4 март дар ҷаҳон чӣ рух дод

 Соли 1789 аввалин Конститутсия ИМА ба ҳукми амал даромад.

Рӯзи 4 март дар Тоҷикистон чӣ рух дод

Соли 2010 дар ҷаласаи Мачлиси миллии Маҷлиси Олии Ҷумҳурии Тоҷикистон Қонуни Ҷумҳурии Тоҷикистон «Дар бораи ворид намудани тағйирот ба Қонуни ҶТ «Дар бораи санадҳои меъёрӣ-ҳуқуқӣ» баррасӣ карда шуд.

Соли 2012 дастаи мунтахаби Тоҷикистон оид ба футбол барои иштирок дар даври ниҳоии Ҷоми КФО-2012 ба пойтахти Непал-  шаҳри Катманду сафар кард.

День 2 марта
© Sputnik/ Стас Этвеш/ Мария Вишнякова

Соли 2013 палатаи поёнии Парлумони Тоҷикистон қарор кард, ки ба лоиҳаи Қонуни ҶТ «Дар бораи мубориза бо терроризм» тағйирот ворид намояд.

Соли 2014 дар Маҷмааи давлатии «Кохи Борбад» маросими кушодашавии 16-умин намоиш-ярмаркаи армуғон ва сайёҳии  «Тоҷикистон-2014»  баргузор гардид.

Соли 2015 дар шаҳри Маскав ҷаласаи навбатии комиссияи байниҳукуматии Тоҷикистону Россия оид ба ҳамкории иқтисодӣ-тиҷоратӣ баргузор гардид.

Соли  2016 Президент Эмомалӣ Раҳмон дар ноҳияи Фирдавсии шаҳри Душанбе дар маросими ботантана Маҷмааи тандурустии "Истиқлол"- ро ифтитоҳ намуд.

Соли 2017 дар Маркази исмоилияи шаҳри Душанбе маросими ифтитоҳи Рӯзҳои фарҳанги Ҷопон баргузор гардид, ки ду рӯз идома ёфт.

Соли 2019 дар бо қарори Ҳукумати Ҷопон собиқ Вазири корҳои хориҷии Ҷумҳурии Тоҷикистон Талбак Назаров барои саҳми арзандааш  дар рушду таҳкими муносибатҳои дуҷониба байни Тоҷикистон ва Ҷопон бо мукофоти давлатии ин кишвар – Ордени Тулӯи офтоб дараҷаи I сарфароз гардонида шуд.

Соли 2020 Президенти Федератсияи футболи Тоҷикистон Рустами Эмомалӣ узви Кумитаи иҷроияи Шӯрои Олимпии Осиё (Olympic Council of Asia) интихоб гардид.

Ҷашнҳои рӯзи 4 март

  • Дар Белорус — Рӯзи милитсия.

Рӯзи 4 март кӣ ба дунё омадааст

Соли 1875 -нависандаи тоҷик, равшанфикр ва рӯзноманигор Маҳмудхоҷа  Беҳбудӣ.

Соли 1936 - рӯзноманигор Тулфор Қадамов.

Соли 1947 - доктори илмҳои биологӣ Сафарбек Раҳимов.

Соли 1949 - ҳофиз, ҳунарманди халқии Тоҷикистон Дона Баҳромов.

Соли 1957 – рӯзноманигор Ҳуринисо Ализода.

0
Барчаспҳо:
Ҷаҳон, Тоҷикистон, ҷашн