Самолет авиакомпании Сомон Эйр, архивное фото

Тоҷикистон ба барқарор кардани парвозҳо бо Русия омода аст

3429
(Таҷдидшуда 17:50 15.02.2021)
Директори Агентии авиатсияи гражданӣ Субҳонзода Икром мегӯяд, Тоҷикистон хело пештар қарор дода буд, ки парвозҳоро бо Русия барқарор мекунад

ДУШАНБЕ, 15 фев — Sputnik. Субҳонзода Икром, директори Агентии авиатсияи граждании Тоҷикистон дар рафти нишасти матбуотӣ ба суоли хабарнигорон дар бораи он ки кай парвозҳои муқаррарӣ бо Русия барқарор мешаванд, посух гуфт.

Ӯ изҳор дошт, ки ҳанӯз аз моҳҳои июн Тоҷикистон қарор дода буд, ки метавонад парвозҳои муқаррариро бо Русия аз сар гирад.

"Барқарор кардани парвозҳо барои мо бисёр муҳим аст. Ҳудуди 70 дарсади парвозҳое, ки дар умум аз фурудгоҳҳои Тоҷикистон анҷом дода мешавад, ба Русия рост меояд", - таъкид кард Субҳонзода ва афзуд, ки муроҷиатҳои зиёдеро аз ҷониби муҳоҷирон ва донишҷӯён дар ин росто қабул кардааст.

"Тоҷикистон ва Ситоди мубориза бо коронавируси Тоҷикистон хело барвақт қарор дода буд, ки парвозҳоро бо Русия барқарор мекунад, ҳанӯз аз моҳи июн омода ҳастем", - таъкид кард вай.

Вай афзуд, ки Тоҷикистон бо Вазорати нақлиёт ва Оҷонсии фидералии нақлиёти ҳавоии Русия ҳамкории зич дорад ва ин мавзӯъро борҳо баррасӣ кардааст.

"Дирӯз низ дар Русия бевосита дар ин бора сӯҳбат карда будем, мо қарори ҳамкоронамонро интизорем", - мегӯяд Субҳонзода.

Тасмими Ҳукумати Русия баъди дархости Расулзода барои оғози парвозҳо

Ба қавли директори агентӣ, Тоҷикистон ба талаботҳои ҷониби Русия дар бораи вазъи эпидемиологӣ пурра ҷавобгӯ аст.

"Акнун қарори барқарор кардани парвозҳо танҳо аз Русия вобаста аст", - таъкид кард ӯ.

Икром Субҳонзода афзуд, ки Русия бо Қирғизистон, Қазоқистон, Белорус, Озарбойҷон ва Арманистон парвозҳоро барқарор кардааст ва умед аст, ки кишвари минбаъд Тоҷикистон мегардад.

3429
Барчаспҳо:
парвоз, Русия, Тоҷикистон
Мужчина плачет, архивное фото

Барои рафтан ба Латвия раводид мекунам гуфт: боздошти сокини пойтахт барои қаллобӣ

109
Вазорати умури дохилии Тоҷикистон аз боздошти як сокини пойтахт хабар медиҳад, ки дар қаллобӣ меттаҳам мешавад

ДУШАНБЕ, 9 мар – Sputnik.  Бино ба иттилои дафтари матбуотии ин ниҳод, марди 34-солаи сокини пойтахт дар пайи аризаи шикоятии сокини дигари 32-солаи пойтахт боздошт шудааст.

Ба иттилои манбаъ, марди 32-сола 18-уми декабри соли 2020, бо роҳи фиреб ба боварии марди 34-солаи дигари пойтахт даромада, барои гирифтани раводиди корт ба давлати Латвия аз ӯ 33 ҳазору 600 сомонӣ гирифтааст.

Манбаъ мегӯяд, на раводит гирифтаасут на маблағашро барнагардонидааст.

Қаллобӣ бо кӯмаки собиқ раиси идораи замин: 13 ҳазор доллари корафтодаро азхуд карданд

Ҳамзамон, гумонбар бо ҳамин роҳ рӯзи 19-уми декабри соли 2020, бо роҳи фиреб ба боварии ҷавони 26-солаи сокини шаҳри Душанбе даромада, барои гирифтани раводиди корт ба давлати Латвия аз ӯ 3 ҳазору 870-доллари амрикоӣ гирифта, то ҳол маблағашро барнагардонидааст.

ВУД мегӯяд, аз рӯи ин ҳодисаҳо тафтишот идома дорад.

109
Барчаспҳо:
ВКД, раводид, қаллобӣ, сокини пойтахт, боздошт
ДТП, архивное фото

Садамаи маргбор: Муқимҷон аз уҳдаи идораи мошин набаромаду пирамарди 80-соларо пахш кард

348
(Таҷдидшуда 10:49 09.03.2021)
Вазорати умури дохилии Тоҷикистон аз рухдоди як садамаи нақлиётӣ хабар медиҳад, ки бар асари он пирамарде ҳалок шудааст

ДУШАНБЕ, 9 мар – Sputnik. Бино ба иттилои дафтари матбуотии ин ниҳод, ҳодиса рӯзи 7-уми март, тахминан соатҳои 21:40-дақиқа дар роҳи Душанбе ба самти шаҳри Ҳисордар дар ҳудуди деҳаи Шӯроби шаҳри Ҳисор сар задааст.

Ба иттилои манбаъ, ронандаи автомашинаи тамғаи "Волсваген-Пасат", Назаров Муқимҷон Саидмаҳмудович, соли таваллудаш 1994, сокини ҷамоати деҳоти Дурбати шаҳри Ҳисор, ҳангоми ҳаракат аз самти шаҳри Душанбе ба самти шаҳри Ҳисор, дар ҳудуди деҳаи Шӯроби шаҳри Ҳисор аз уҳдаи идораи воситаи нақлиёт набаромада, пиёдагард, Бобомуродов Ҳамроҳи 80-сола, сокини ҷамоати деҳоти Сомонро пахш намудааст.

Манбаъ мегӯяд, дар натиҷа, пиёдагард, Бобомуродов Ҳамроҳ ҷароҳати ҷисмонӣ бардошта, дар ҷойи ҳодиса ба ҳалокат расидааст.

ВУД мегӯяд, аз рӯи ҳодисаи мазкур таҳқиқот идома дорад.

Ин хустин ҳолати ҳалокати солхӯрдагон зери чархи мошин набуда, тайи моҳҳои ахир чунин ҳаводис зиёд рух медиҳад. 

Садамаи маргбор: ронандаи "Мерседес-Спринтер" зани 70-соларо пахш кард

Аввали моҳи ҷорӣ низ вазорат аз ҳалокати пирамарди 76 -сола зери чархи автомобил дар масири Шаҳритус ба самти ноҳияи Н.Хусрав хабар дода буд.

348
Барчаспҳо:
пахш, пирамард, Ҳисор, садама, Тоҷикистон