Самолет Boeing-737 MAX 167 на Международном авиасалоне Ле Бурже-2017 во Франции

"Боинг"-и ҷанҷолӣ: Тоҷикистон пас аз дудилагӣ "Boeing 737 MAX"-ро мехарад

1177
(Таҷдидшуда 12:44 15.02.2021)
Интизор меравад, ки ин ду боинги нав - "Boeing 737 MAX" моҳҳои июн ва дераш то сентябр ба Тоҷикистон оварда шаванд

ДУШАНБЕ, 15 фев — Sputnik. Тоҷикистон ду ҳавопаймои "Boeing 737 MAX" мехарад, хабар дод Сӯҳроб Ҷӯраев, муовини аввали мудири кулли "Сомон Эйр" дар рафти нишасти матбуотӣ.

Ба қавли вай, имрӯз намояндагони ширкати "Боинг" барои имзои давраи ниҳои созишномаи харидории ду ҳавопаймои "Boeing 737 MAX" ба Тоҷикистон расиданд.

"Дар ҳақиқат раванди харидоррии ин ҳавопаймо вақти зиёд гирифт. Зеро сертификатсияи он вақти зиёдро талаб кард", - тавзеҳ дод Ҷӯраев.

Ба қавли директори агентӣ "Boeing 737 MAX" феълан сертификати Амрико, Осиё ва Аврупоро ба даст овардааст, ва давра ба давра ба тамоми ҷаҳон парвозҳоро ба роҳ мемонад.

Интизор меравад, ки ҳавопаймо моҳҳои июн-сентябр ба Тоҷикистон расад.

"Ман умед дорам, ки мо ҳамин ҳафта имзои созишномаро ба намояндагони ширкати "Боинг" ба анҷом мерасонем, ба мувофиқа мерасем ва ин ҳавопаймо аз моҳҳои июн то сентябр ба Тоҷикистон мерасад", - гуфт дар анҷом муовини аввали мудири "Сомон Эйр".

Ёдрас мешавем, ҳанӯз соли 2017 гузориш дода шуда буд, ки Тоҷикистон ният дорад ду ҳавопаймои бузурги Боинг харидорӣ кунад.

Ҳамон сол ширкати ҳавопаймоии "Сомон Эйр" бо ширкати Боинг ҷиҳати харидории ду ҳавопаймои насли нави "Boeing 737 MAX" музокирот пеш мебурд.

"Ҳавопаймои нави манзургашта бештар замонавӣ буда, дар баробари ин бароҳат мебошад ва имкон дорад то 200 мусофирро дар дохили ҳавопаймо ҷойгир кунад. Бино ба гуфтаи ҳайати роҳбарикунандаи ширкати ҳавопаймоӣ, харидории навъи мазкури ҳавопаймо метавонад самти парвозҳоро зиёд намояд", - хабар дода буд "Сомон Эйр".

Аммо соли 2019 Икром Субҳонзода, мудири Агентии авиатсияи Тоҷикистон хабар дод, ки кишвар шояд аз харидории ин боинг умуман даст кашад.

Аз хариди ҳавопаймои "Боинг 737 MAX" ҳама даст кашиданд, Тоҷикистон ҳам

Сабабаш суқут кардани якбора ду ҳавопаймои "Boeing 737 MAX" буд.

"Тамоми дунё аз истифодаи ин ҳавопаймо даст кашидааст. То замоне, ки аз ҷониби комиссияи махсусе, ки садамаҳоро тафтиш мекунад, хулосаи ниҳоӣ нашавад, Тоҷикистон аз ин ҳавопаймо истифода намебарад", - гуфта буд Субҳонзода.

1177
Барчаспҳо:
харидорӣ, ҳавопаймо, "Боинг", Тоҷикистон
Линии электропередач в мороз, архивное фото

Тоҷикистон содироти барқро ба Афғонистон афзоиш медиҳад

171
(Таҷдидшуда 13:45 27.02.2021)
Мақомоти Тоҷикистон бо Афғонистон ва Ӯзбекистон дар бораи ҳаҷми интиқоли нерӯи барқ ​​барои соли ҷорӣ гуфтушунид кардаанд, аммо ҳаҷми дақиқи он аз ҷараёни об ба дарёи Вахш вобаста хоҳад буд

ДУШАНБЕ, 27 фев — Sputnik. Тоҷикистон ба нақша гирифтааст, ки содироти нерӯи барқ ​​ба Афғонистони ҳамсояро афзоиш диҳад, хабар медиҳад бахши энержии ҷумҳурӣ.

Мақомоти Тоҷикистон бо Афғонистон ва Ӯзбекистон дар бораи ҳаҷми интиқоли нерӯи барқ ​​барои соли ҷорӣ гуфтушунид кардаанд, аммо ҳаҷми дақиқи он аз ҷараёни об ба дарёи Вахш вобаста хоҳад буд.

Дар маҷмӯъ, Тоҷикистон ба нақша гирифтааст, ки дар соли 2021 ба кишварҳои ҳамсоя беш аз 3 миллиард кВт / соат нерӯи барқ ​​содир кунад.

Аммо ниҳод таъкид кардааст, ки ҳама чиз аз ҷараёни об дар дарёи Вахш, ки иншооти асосии тавлидкунандаи кишвар дар он ҷойгир аст, вобаста хоҳад буд.

"Агар захираҳои обӣ расанд, ба кишварҳои ҳамсоя содироти беш аз 3 миллиард кВт /соат нерӯи барқ ​​имконпазир аст. Қарор аст, ки дар мавсими тобистон миқдори зиёди нерӯи барқ ​​интиқол дода шавад", - омадааст дар иттилоия.

Қайд карда мешавад, ки содироти нерӯи барқ ​​ба Ӯзбекистон ба миқдори 1,5 миллиард кВт / соат пешбинӣ шудааст.

Инчунин, ҳаҷми таъминот барои Афғонистон афзоиш хоҳад ёфт.

Бахши энержӣ афзудааст, ки арзиши ҳар киловатт энержӣ барои Афғонистон дар соли гузашта 4,5 сент буд. Имсол ин нишондод 3 дар сад афзоиш хоҳад ёфт.

Қобили зикр аст, ки соли гузашта дар маҷмӯъ 1,53 миллиард кВт / соат нерӯи барқ ​​ба маблағи беш аз 55,4 миллион доллар содир карда шуд.

Вазир гуфт, барқи қимат аз бебарқӣ арзонтар меғалтад: қарори Ҳукумат дар бораи тарофаҳо

Ин рақам нисбат ба соли 2019 тақрибан 1,4 миллиард кВт / соат камтар аст. Ин вазъ аз он сабаб ба амал омадааст, ки дар Тоҷикистон тобистони соли гузашта сатҳи обанбори Норак якбора - 17 метр коҳиш ёфт. Ҳисобкуниҳо нишон доданд, ки захира беш аз 1,5 километри мукааб кам шудааст, яъне ҳафтяки ҳаҷми обанбор.

Аз ин сабаб, истеҳсоли нерӯи барқ ​​дар ҷумҳурӣ коҳиш ёфт ва барои қонеъ кардани талаботи дохилӣ, мақомот маҷбур буданд аз содирот ба кишварҳои ҳамсоя даст кашанд.

Қаблан, ширкати энержии Афғонистон аз Барқи Тоҷик дархост карда буд, ки дар чор моҳ нархи нерӯи барқро коҳиш диҳад.

Душанбе ва Кобул дар бораи интиқоли барқ ​​20 июни соли 2008 созишнома имзо карданд.

171
Вход в интернет, архивное фото

Мавқеи Тоҷикистон дар раддабандии суръати интернет боз пасттар шуд

158
(Таҷдидшуда 13:19 27.02.2021)
Дар раддабандии нави сураъати интернети мобилӣ Тоҷикистон ҷои 129-умро дар байни 140 кишвари дунё ба даст овард

ДУШАНБЕ, 27 фев — Sputnik. Дар Тоҷикистон суръати интернет пасттар шудааст. Далели он маълумотҳои раддабандии глобалии Speedtest. мебошад.

Бино бар иттилои манбаъ, моҳи январи соли 2021 Тоҷикистон байни 140 кишвари дунё ҷои 129-умро гирифтааст ва дар натиҷа дар як моҳ панҷ зина поён рафтааст.

Дар ҳамин ҳол, бино бар маълумотҳо моҳи декабри соли 2020 кишвар мавқеи 124-умро мегирифт.

"Суръати боркунии маълумот дар Тоҷикистон моҳи январ 13,8 Мб/сонияро ташкил дод, моҳи декабри соли 2020 ин нишондод ба 14.66 Мб/сония баробар буд", - омадааст дар ҳисоботи Speedtest.

Аз нигоҳи суръати интернети симӣ низ, тибқи ҳисобҳои моҳи январ, Тоҷикистон низ  мавқеъро аз даст дод ва дар байни 175 кишвар дар ҷои 99-ум қарор гирифт.

Моҳи декабр Тоҷикистон дар ин рӯйхат ҷои 94-умро ишғол мекард.

Аз кишварҳои ИДМ дар мавриди суръати интерент Русия пешсаф аст, ҷои 93-умро мегирад, Қазоқистон - 105, Қирғизистон - 101, Ӯзбекистон мавқеи 128-умро мегирад.

Ин дар ҳолест, ки Хадамоти алоқаи Тоҷикистон мегӯяд, хизматрасонии пасти ҳам интернетиву ҳам тамосии ширкатҳои мобилии Тоҷикистонро мушоҳида накардаанд.

Ин нуктаро Илҳом Атоев, муовини сардори Хадамоти алоқаи назди ҳукумати Тоҷикистон зимни нишасти хабарии ин ниҳод дар посух ба суоли Sputnik Тоҷикистон, ки ба шикоятҳои мардум дар бораи хизматрасониҳои пасти шикарҳои мобилии кишвар чӣ назар дорад, таъкид карда буд.

Сокинон аз интернету хизматрасонии паст шикоят доранд. Хадамот мегӯяд, мушоҳида накардааст

Номбурда дар бораи ҳам хизматрасонии интернетӣ ва ҳам гуфтугӯӣ гуфт, шояд бошад, аммо мо мушоҳида накардем.

Ӯ гуфт ҳатто аз ҷониби шӯъбаҳои назорати ин самти Хадамоти алоқа чунин камбудиҳо ошкор нашудааст.

Номбурда аз як радабандии байналмилалӣ мисол оварда гуфт, хизматрасониҳои итернетӣ ва ҳам гуфтугӯӣ нисбат ба солҳои қаблӣ хуб шудааст ва миёни давлатҳои минтақа ҷойи созгорро касб намудааст.

Ёдовар мешавем, қаблан дар пайи боло бурдани нархи хизматрасониҳои мобилӣ, мақомот ваъда дода буданд, ки сатҳи хизматрасонӣ беҳтар хоҳад шуд.

Аммо шикояти ҳамарӯзаи сокинон дар расонаҳои иҷтимоӣ оид ба хизматрасониҳои ширкатҳо, махсусан аз сатҳи пасти суръат акси ҳолро нишон медиҳад.

158
Президент Туркменистана Гурбангулы Бердымухамедов, архивное фото

Ашқободҷон ё Пойтахтҷон: Бердимуҳаммадов ба навзодҳо ном мегузорад

155
Қурбонгулӣ Бердимуҳаммедов, раисҷумҳури Туркманистон феҳристе аз номҳои духтар ва писарро барои навзодҳо пешниҳод кардааст

ДУШАНБЕ, 27 фев — Sputnik. Қурбонгулӣ Бердимуҳаммадов ба навзодҳо ном мегузорад.

Тавре "Парс тудей" менависад, раисиҷумҳури Туркманистон барои навзодоне, ки қарор аст 25 майи соли 2021 ва дар 140-умин соли таъсиси Ашқобод мутаваллид шаванд, феҳристе аз номҳоеро пешниҳод кардааст.

 Туркманистон рӯзи шанбе Комиссиюни вижаи давлатиро барои созмондиҳии ин маросим эҷод кард ва Қурбонгулӣ Бердимуҳаммедов, раисиҷумҳури ин кишвар низ феҳристе аз номҳои духтар ва писарро барои хонаводаҳое, ки фарзандонашон 25 май ва ҳамзамон бо солгарди таъсиси Ашқобод (Aşgabat) мутаваллид мешаванд, пешниҳод кардааст.

"Раисиҷумҳури Туркманистон гуфта, ки ин иқдоми намодин аст, ки исми писари нахусти хонаводаро, ки 25 майи соли 2021 мутаваллид мешавад "Пойтахт" ё "Ашқобод" ва исми духтари нахустро ҳам " Марҷон" ё "Мая" бигузоранд", - менависад манбаъ.

Раисиҷумҳури Туркманистон ҳамчунин дастур додааст то ҳадяҳое барои ин навзодон, ки дар 25 моҳи май мутаваллид мешаванд, таҳия шавад.

Петар хабар дода шуд, ки раисиҷумҳури Туркманистон, Қурбонгулӣ Бердимуҳаммадов писарашро ба симмати муовини сарвазир таъйин кард.

Сардор Бердимуҳаммадов ба вазифаи муовини сарвазир ва раиси Палатаи олии назорат таъйин гардид. Гузашта аз ин, узви Шӯрои амнияти миллӣ низ интихоб шуд.

"Дунёи маънавии туркманҳо": нашри китоби дигари Бердимуҳаммадов, раҳбари Туркманистон

Кишвардори Туркманистон гуфтаст, ки тасмим гирифт, ба кабинаи вазирон боз як вазифаи муовини раисро ворид кунад. Ба гуфтаи ӯ, муовини нави раиси ҳукумат, Палатаи олии назоратро низ сарварӣ карда, узви Шӯрои амният хоҳад буд.

Вазифаҳои муовини сарвазир, рақамисозӣ ва ҷорӣ намудани технологияҳои инноватсионӣ дар системаи ташкилотҳои давлатӣ ва ҷамъиятӣ, тандурустӣ, маориф, молия ва иқтисодро дарбар мегиранд.

Ҳамзамон, Сардор Бердимуҳаммадов аз вазифаи вазири саноат ва истеҳсолоти сохтмон озод карда шуд.

155
Барчаспҳо:
номгузорӣ, навзод, Қурбонқулӣ Бердимуҳаммадов, Туркманистон