Мужчина плачет, архивное фото

Боздошти марде, ки ҷавонро "шантаж" кард: пул надиҳӣ беобрӯят мекунам

945
(Таҷдидшуда 13:20 15.02.2021)
Як сокини ноҳияи Спитамен сокини дигари ин минтақаро барои паҳн кардани муносибатҳои ошиқона таҳдид карда, пул тамаъ мекард

ДУШАНБЕ, 15 фев — Sputnik. Вазорати умури дохилии Тоҷикистон марди 29-солаи сокини ҷамоати деҳоти Навкати ноҳияи Спитаменро ҳамчун гумонбар дар содир намудани ҷинояти тамаъҷӯӣ дастгир кардааст.

Гуфта мешавад, ӯ бо таҳдиди ифшои маълумотҳои беобрӯкунанда, бо мақсади паст задани шаъну шараф даст ба тамаъҷӯӣ задааст.

Тибқи иттилои дафтари матбуотии ин ниҳод, номбурда, 11-уми феврали соли 2021, тахминан соати 21:40-дақиқа, ба назди хонаи истиқоматии ҷавони 26-солаи сокини ҷамоати деҳоти Ӯлҷабоеви ноҳияи мазкур омада, ба  таҳдид кардан оғоз кардааст, ки агар 4 ҳазор сомонӣ надиҳад, робитаи ошиқонаи ӯро бо як зани 23-солаи деҳаи Навкат ошкор мекунад.

Ба иттилои манбаъ, ҳамчун гарав боздоштшуда шаҳодатномаи техникии автомашинаи тамғаи "Дэу Дамас", ки ба ҷабрдида тааллуқ дорад, гирифтааст.

"Рӯзи 12-уми феврали соли 2021, тахминан соати 17:00, дар ҳудуди ноҳияи Спитамен гумонбаршаванда ҳангоми гирифтани 2 ҳазор сомонӣ дастгир карда шуд”, - афзудааст манбаъ.

Аксҳои оилаамро аз телефонам гирифту "шантаж" кард: тафсилоти "куштори номусӣ" дар Масчо

ВУД мегӯяд, оид ба ин ҳодиса парвандаи ҷиноятӣ бо моддаи 250 қисми 1 Кодекси ҷиноятии Ҷумҳурии Тоҷикистон оғоз карда шуда, тафтишот идома дорад.

945
Барчаспҳо:
тамаъҷӯӣ, боздошт, Спитамен, Тоҷикистон
Пассажиры в зале ожидания аэропорта в городе Худжанде

Аз рухсатии бемузди кормандон то қарзи маош: зарбаи ҷиддии пандемия ба Фурудгоҳи Хуҷанд

19
(Таҷдидшуда 17:36 25.02.2021)
Парвоз нест, даромад ҳам нест: гуфта шуд, ки COVID-19, чи қадар ба хазинаи Фурудгоҳи Хуҷанд зарба задааст

ДУШАНБЕ, 25 фев – Sputnik. Бино ба маълумоте, ки имрӯз зимни нишасти матбуотӣ ироа гардид, дар қиёс ба соли 2019, сатҳи даромади Фурудгоҳи байналмилалии Хуҷанд соли гузашта 122 милиону 848 ҳазор сомонӣ кам шудааст.

Соли 2019 ин корхонаи вилояти Суғд ба андозаи 81 миллиону 660 ҳазор сомонӣ даромади соф ба даст оварда буд.

Юсуф Маюсуфов, котиби матбуотии Фурудгоҳи Хуҷанд иброз намуд, ки ба дунболи коҳиш ёфтани сатҳи даромад ҳаҷми хароҷот ҳам дар ин давра ба маблағи 34 милиону 819 ҳазор сомонӣ кам гардид.

“Фурудгоҳ натиҷаҳои молиявии худро дар соли 2020 ба маблағи 6 милиону 368 ҳазор сомонӣ зарар ҷамбаст намудааст”, гуфт Маюсуфов.

Масъулин дар нишасти матбуотӣ иброз намуданд, ки соли 2020, аз 2592 адад ҷамъи хатсайрҳои банақшагирифташуда, танҳо 619 парвоз сурат гирифта, бо сабаби хуруҷи пандемияи COVID-19, 1979 парвози ҳавопаймоӣ иҷро нашудааст.

Фурудгоҳи Хуҷанд дар давраи ҳисоботӣ ба 152 621 мусофир хизмат расонидааст, ки ин рақам нисбат ба ҳамин давраи соли 2019, 77 % коҳиш ёфтааст.

“Соли гузашта 94 ҳазору 528 мусофир гусел карда шуда ва ҳамагӣ 58 ҳазору 93 мусофир қабул карда шудааст. Ин нишондиҳандаҳо дар муқоиса ба соли 2019, 510 ҳазору 814 мусофир кам гуфта мешавад”, гуфта шуд дар нишасти матбуотӣ.

Парвозҳо дар Фурудгоҳи байналмилалии Хуҷанд аз ҷониби ширкати ватании “Somon Air” ва ширкатҳои байналмиллалии “Сибир”, “Ют Эйр”, “Уралские авиалинии”, “Рус Аэро”, “Tianjin Airnines” ва “Bon Air Havacilik” анҷом дода шудааст.

Роҳбарони Фурудгоҳи Хуҷанд ҳамчунин гуфтанд, ки бинобар қатъ гардидани парвозҳои мунтазами ҳавопаймоӣ ва коҳиш ёфтани ҳаҷми кору хизматрасонӣ, шурӯъ аз моҳи марти соли 2020, 70 % ё ҳудуди 600 нафар аз 824 кормандро ба рухсатии бемузд фиристодаанд.

Коҳиши парвозҳо: ширкатҳои ҳавоию фурудгоҳҳо чанд миллиард зарар диданд?

Айни ҳол маблағи қарзи музди меҳнати кормандони ин корхона ба 1 миллиону 90 ҳазор сомонӣ баробар шудааст.

Қаблан Кумитаи андози Тоҷикистон низ гуфта буд, солҳои қаблӣ бо фурудгоҳҳо мушкил дар андозсупорӣ надошт, аммо имсол Фурудгоҳи байналмилалии Хуҷанд 31 миллион сомонӣ қарздор шудааст.

Масъулин таъкид меварзанд, ки Фурудгоҳи Хуҷанд барои қабул ва гусели парвозҳои байналмилалӣ омода аст.

19
Барчаспҳо:
парвоз, фурудгоҳ, Суғд, Тоҷикистон
Памятник Ленину в городе Пенджикент

Коммунисти содиқи ҲХДТ: Шарифзода гуфт, то Муъминобод ҳаст, Ленин мемонад

196
(Таҷдидшуда 16:42 25.02.2021)
Раиси тозатаъйини ноҳияи Муъминобод ба саволи чаро ҳайкали Владимир Ленин, поягузори револютсияи сохти сотсиалистии асри пор, то ҳанӯз дар маркази ин ноҳия барқарор мондааст, посух гуфт

ДУШАНБЕ, 25 фев — Sputnik. Лутфия Шарифзода, зимни нишасти хабарияш гуфт, ки то вақте Муъминобод ҳаст, ҳайкали ӯ низ хоҳад монд, менависад, сомонаи “Пайк”.

“Мо Ленинро чун гавҳараки чашм нигаҳ медорем ва то вақте Муъминобод ҳаст, ҳайкали ӯ низ хоҳад монд”,- гуфт Шарифзода.

Ӯ ҳамзамон ба суоли оё раиса узви ҳизби коммунистанд, низ посух гуфта, изҳор доштааст, ки узви Ҳизби халқии демократии Тоҷикистон аст.

“...ман узви ҲХДТ ҳастам, аммо ба партияи коммунистӣ ва Ленин содиқам”,- таъкид кардааст Шарифзода.

Муҷассамаҳои Владимир Ленин ҳамчун мероси замони Шӯравӣ қариб дар ҳама марказҳои шаҳру навоҳии Тоҷикистонро буданд.

Тадриҷан тайи солҳои ахир онҳо барчида шуда ба ҷояшон рамзҳои муосири давлатдории Тоҷикистон ҳамзамон пайкараҳои Исмоили Сомонӣ, Садриддин Айнӣ, парчам ва ё Абуабдуллоҳи Рӯдакӣ иваз шуданд.

Нахустин ҳайкали Ленин аз майдони марказии Душанбе бо дастури шаҳрдори он замон Мақсуд Икромов дар тирамоҳи соли 1991 канда шуд, ки эътирозҳои густурдаи ҷонибдорони коммунистҳоро дар пайи дошт.

196