Министр иностранных дел Таджикистана Сироджиддин Мухриддин

Посухи Муҳриддин ба суоли оё Тоҷикистон ба Иттиҳоди иқтисодии АвруОсиё шомил мешавад

1596
(Таҷдидшуда 17:57 15.02.2021)
Вазири умури хориҷӣ Сироҷиддин Муҳриддин гуфт, Тоҷикистон дар бораи шомилшавӣ ба Иттиҳоди иқтисоди АвруОсиё чӣ тасмим гирифтааст

ДУШАНБЕ, 15 фев — Sputnik. Сироҷиддин Муҳриддин, вазири умури хориҷаи Тоҷикистон дар рафти нишасти матбуотӣ тавзеҳ дод, ки тасмими Тоҷикистон дар бораи шомилшавӣ ба Иттиҳоди иқтисодии АвруОсиё чӣ шуд.

Ӯ дар посух ба суоли рӯзноманигорон тавзеҳ дод, ки Тоҷикистон мавқеашро дар мавриди ин иттиҳод дигар накардааст ва масъала то ҳол омӯхта мешавад.

"Дар масъалаи шомилшавӣ ба Иттиҳоди иқтисодии АвруОсиё, ҳаминро гуфтанӣ ҳастам, ки мавқеи мо дигар нашудааст, гурӯҳ барои омӯхтани ҳамаи ҷабҳаҳои ин иттиҳод фаъолият дорад", - таъкид кард вай.

Сироҷиддин Муҳриддин афзуд, ин гурӯҳ тамоми ҷабҳаҳои масъаларо омӯхта, ҷавобашро пешниҳод хоҳад кард.

Иттиҳоди иқтисодии АвруОсиё чигуна ташкилот аст

Иттиҳоди иқтисодии АвруОсиё (Еврозес) – ташкилоти байналмилалии иқтисодӣ буда, барои босамар пешравии ҷараёни иттифоқи гумрукӣ ва минтақаи озоди иқтисодӣ ва боз барои иҷрокунии дигар мақсадҳо ва вазифаҳое, ки бо ҷараёни интегратсионӣ дар соҳаи иқтисодӣ ва гуманитарӣ вобаста мебошанд, ташкил шудааст.

Ин ташкилот пурра мувофиқи шартҳои Созмони Милали Муттаҳид ва мувофиқи меъёри ҳуқуқии байналмилалӣ ташкил шудааст ва дорои ҳуқуқи субъекти байналмилалӣ мебошад.

Ҳақиқати нави Иттиҳоди иқтисодии АвруОсиё: оё Ӯзбекистон Тоҷикистонро аз пасаш меорад?

Ин система таркиби аниқ дошта бо механизми ҷиддӣ ва барои иҷрои масъалаҳои иқтисодӣ қабул гардидааст. Иттиҳод ва шахсҳои вазифадори он аз имтиёзҳо ва иммунитетҳое, ки барои иҷрои ҷараён ва ноилшавии мақсадҳо, ки дар шартномаи Евразэс қабул шудаанд , истифода мебаранд.

Феълан ба ин ташкилот Русия, Қирғизистон, Қазоқистон, Белорус, Арманистон шомил мешавад ва кишвари Ӯзбекистон нозир аст.

1596
Барчаспҳо:
шомилшавӣ ба иттиҳод, Иттиҳоди иқтисодии АвруОсиё, Сироҷиддин Муҳриддин
Заместитель премьер-министра Таджикистана Азим Иброхим, архивное фото

Вазир дар бораи ифтитоҳи марзи Тоҷикистону Ӯзбекистон дар Наврӯз - мешавад ё не?

634
(Таҷдидшуда 21:01 26.02.2021)
Намояндагони мақомот тавзеҳ доданд, ки кай сокинони Тоҷикистону Ӯзбекистон метавонанд бе мамоният марзи ду кишварро убур кунанд

ДУШАНБЕ, 26 фев — Sputnik. Намояндагони вазоратҳои умури хориҷии Тоҷикистон ва Ӯзбекистон гуфтушунид баргузор карданд, ки дар рафти он масоили ҳамкориҳои ду кишвар баррасӣ шуд.

Дар расонаҳои маҳаллӣ пас аз ин мулоқот маълумот пайдо шуд, ки намояндаи вазорати корҳои хориҷии  Тоҷикистон Хусрав Нозирӣ ва муовини аввали вазири умури хориҷии Ӯзбекистон Фарҳод Арзиев масоили ифтитоҳи марзро баррасӣ карданд.

Аз ҷумла хабар дода мешавад, ки сарҳадҳои байни Тоҷикистон ва Ӯзбекистон эҳтимол дорад дар Наврӯз ифтитоҳ шавад.

Хабарнигори  Sputnik Тоҷикистон барои равшанӣ андохтан ба ин масъала, ба вазири нақлиёти кишвар Азим Иброҳим муроҷиат кард.

"Мо бо Ӯзбекистон муносибатҳои хубу наздик дорем. Дар соҳаи нақлиёт хело муносибати зич дорем ва феълан масоили мубрамро баррасӣ мекунем, аммо дар бораи ифтитоҳи гузаргоҳҳо гуфтушуниде анҷом надодаем", - изҳор дошт Азим Иброҳим.

Гузаргоҳи "Ҷартеппа" дар марзи Тоҷикистону Ӯзбекистон барои донишҷӯён боз шуд

Вазири нақлиёти Тоҷикистон афзуд, ки марзи байни Тоҷикистон ҳамон вақт ифтитоҳ мешавад, ки "пандемия ба анҷом расад, яъне вазъи мусоиди эпидемиологӣ ба вуҷуд ояд".

634
Барчаспҳо:
марз, Ӯзбекистон, Тоҷикистон
Представительство Россотрудничества в Таджикистане организовало «Большой этнографический диктант»

Сингапур дар Душанбе донишкадаи байналмилалӣ ифтитоҳ мекунад

192
(Таҷдидшуда 20:30 26.02.2021)
Донишкада мутобиқи стандартҳои умумиэътирофгардидаи байналмилалӣ аз руи низоми бакалавриат ва магистратура кадрҳои баландихтисос тайёр хоҳад кард

ДУШАНБЕ, 26 фев - Sputnik. Дар Душанбе Донишкадаи байналмилалии Сингапур ифтитоҳ мешавад. Дар ин бора имрӯз дар рафти Маҷлиси Ҳукумати Тоҷикистон гуфтанд.

"Дар ҷаласаи Ҳукумат масъалаҳои филиали Донишкадаи рушди менеҷменти Сингапур дар шаҳри Душанбе баррасӣ карданд", - менависад дафтари матбуоти президент.

Манбаъ меафзоянд, дар доираи ҳамкориҳои судманди Ҷумҳурии Тоҷикистон ва Ҷумҳурии Сингапур бо дарназардошти мақоми байналмилалӣ доштан, дар шаҳри Душанбе филиали Донишкадаи рушди менеҷменти Сингапур таъсис дода мешавад.

Ин филиал, ки муваққатан дар бинои Академияи идоракунии давлатии назди Президенти Ҷумҳурии Тоҷикистон ҷой дода мешавад.

Дар он аз ҷониби Донишкадаи рушди менеҷменти Сингапур мутобиқи стандартҳои умумиэътирофгардидаи байналмилалӣ аз руи низоми бакалавриат ва магистратура кадрҳои баландихтисос тайёр карда мешавад.

Дар марҳилаи аввал дар филиали донишкада таълим аз рӯи се ихтисос — мудирияти саноат (менеҷменти индустриалӣ), туризм ва меҳмондорӣ, технология ва амнияти иттилоотӣ ба роҳ монда мешавад.

Минбаъд,  дар сурати ба миён омадани зарурат ва ниёзмандиҳои дигар, ихтисосҳои нави таълимӣ таъсис дода мешаванд.

Бояд тазаккур дод, ки Донишкадаи рушди менеҷменти Сингапур (Management development Institute of Singapore – MDIS) соли 1956  таъсис ёфта, тӯли беш аз 60 соли фаъолият намояндагиҳои худро дар аксар давлатҳои ҷаҳон таъсис додаааст ва яке аз аввалин муассисаҳои олии кишвар маҳсуб меёбад.

Шарикони Донишкадаи рушди менеҷменти Сингапур (Management development Institute of Singapore – MDIS) муассисаҳои олии таълимии кишварҳои пешрафтаи ҷаҳон,  амсоли  Франсия, Британияи  Кабир, Австралия ва  Амрико буда, хатмкунандагони он бо дипломи дараҷаи байналмилалӣ, ки аз ҷониби  шӯроҳои илмии мактабҳои олии сатҳи ҷаҳонӣ эътироф гардидааст, сарфароз гардонида мешаванд.

Айни замон дар Донишкадаи рушди менеҷменти Сингапур (Management development Institute of Singapore – MDIS) беш аз 15 000 муҳассилин аз рӯи 26 —  ихтисос таълим мегиранд, ки аз ин шумора беш аз 4000 нафарашон  намояндагони  62 давлати ҷаҳон мебошанд.

Ҷараёни  тадрис дар асоси барномаҳои таълимии Донишгоҳҳои Синдерланд ва Бангори Британия Кабир, ки мутобиқ ба сифати стандарти байналмилалӣ эътироф гардидаанд, ба забони англисӣ ба роҳ монда шудааст.

Ҳайати устодону омӯзгорони таълимгоҳ низ аз ҳисоби кадрҳои баландихтисоси Сингапур, донишгоҳҳои Синдерланд, Бангор ва Станфорди Британияи Кабир ва дигар мутахассисони варзидаи марказҳои муосири илмомӯзии ҷаҳон пурра гардида, дар раванди таълим усулҳои ҳозиразамон ва муштараки таҳсил фаъолона истифода бурда мешаванд.

Барои дохил шудан ба Донишкада курсҳои 6-моҳа ва 10-моҳаи омӯзиши забони англисӣ амал мекунанд.

Пешниҳоди Матвиенко барои афзоиши намояндагии донишгоҳҳои Русия дар Тоҷикистон

Донишкадаи рушди менеҷменти Сингапур имрӯзҳо дар  Ӯзбекистон, Ҳиндустон, Малайзия, Чин ва ғайра кампусҳои таълимии худро бунёд намуда, тасмим гирифтааст, ки барои  Тоҷикистон дар риштаҳои менеҷменти саноатӣ, сайёҳӣ, меҳмондорӣ ва технологияи иттилоотӣ кадрҳои баландихтисоси ҷавобгӯи талаботи замони муосирро омода намояд.

192
Барчаспҳо:
Душанбе, Сингапур, донишкада