Вазири корҳои хориҷа: Тоҷикистон иртиботе бо Толибон надорад ва гуфтушунид низ накардааст

273
(Таҷдидшуда 19:25 15.02.2021)
Тоҷикистон ҳамеша дар ҳама платформаҳо оид ба сулҳи Афғонистон ҳукумати расмию қонунии Афғонистон ва мардуми онро дастгирӣ мекунад

ДУШАНБЕ, 15 фев — Sputnik. Вазири корҳои хориҷӣ Тоҷикистон дар посух ба суоли ин ки оё Тоҷикистон бо Толибон ягон робита дорад ва ё на, посух гуфт.

Сироҷиддин Муҳриддин, зимни нишасти хабарии ниҳоди зертобеяш имрӯз гуфт, Душанбе ҳеҷгоҳ бо Толибон (гурӯҳи террористии фаъолияташ дар Тоҷикистон мамнуъ) вохӯриҳо ва ё музокирот накардааст.

Номбурда гуфт, ҳар кишваре, ки бо ин гурӯҳ вориди гуфтугӯ мешавад ин кори худи онҳост.

Ӯ гуфт Тоҷикистон ҳамеша дар ҳама платформаҳо оид ба сулҳи Афғонистон ҳукумати расмию қонунии Афғонистон ва мардуми онро дастгирӣ мекунад.

"Ҳар мавқееро, ки ҳукумати расмии Афғонистон пешниҳод мекунад, мо ҷонибдори ҳамон ҳастем",-таъкид кард вазир.

Ба гуфти ӯ, вазъ дар марз вақтҳои охир ба таври ҷиддӣ бад шудааст, аммо сарҳади Тоҷикистон хуб ҳимоя мешавад.

Эмомалӣ Раҳмон: Тоҷикистон барои расидан ба сулҳ аз Афғонистон пуштибонӣ мекунад

Вазир таъкид кард, ки президенти Афғонистон Муҳаммад Ашраф Ғанӣ дар охири моҳи март ба Душанбе ташриф оварда, дар конфронси навбатии вазирони корҳои хориҷии кишварҳои иштирокчӣ "Қалби Осиё - Раванди Истанбул", ки бо ҳамраисии Тоҷикистон ва Афғонистон доир мешавад, ширкат хоҳад кард.

Сулҳу амният дар Афғонистон яке аз масоили ҳамеша матраҳшаванда дар сатҳи байналмилалӣ аз ҷониби Тоҷикистон мебошад.

Тағйири сиёсат: Амрико дар тавофуқ бо Толибон бознигарӣ мекунад

Рӯзи гузашта низ сафари Саймумин Ятимов, раиси Кумитаи давлатии амнияти миллии Тоҷикистон ба Кобул сурат гирифт, ки ин дуввумин сафар давоми ним сол буда, дар доираи он бо мақомдорони аршади афғон оид ба сулҳу амният ва масоили марзӣ мулоқотҳо сурат гирифтааст.

273
Барчаспҳо:
амният, сулҳ, Афғонистон, Тоҷикистон

Раҳмон: CASA 1000 миёни Осиёи Марказӣ ва Ҷанубӣ иқдоми саривақтист

97
(Таҷдидшуда 20:56 04.03.2021)
Раисҷумҳури Тоҷикистон дар 14-умин Саммити Созмони ҳамкории иқтисодӣ иштирок ва суханронӣ кард

ДУШАНБЕ, 4 мар — Sputnik. Саммити ЭКО имрӯз 4 март дар шакли онлайнӣ баргузор гардид.

Раисҷумҳури Тоҷикистон ҳангоми суханронӣ аз аҳамияти “CASA-1000” ёдрас шуд.

Ӯ аз таъсиси Маркази энергияи тозаи ЭКО ҷонибдорӣ карда, татбиқи лоиҳаи сохтмони хатти баландшиддати интиқоли барқи “CASA-1000”, ки нахустин пули энергетикӣ миёни Осиёи Марказӣ ва Ҷанубӣ хоҳад буд, иқдоми саривақтӣ арзёбӣ намуд.

Эмомалӣ Раҳмон ҳамчунин ба бӯҳрони шадиди иҷтимоӣ, иқтисодӣ ва молиявии ҷаҳонии дар натиҷаи бемории нави сироятии КОВИД-19 ба амаломада, андешаронӣ кард.

Президент изҳори умед намуд, ки натиҷаҳои Саммит ба истифодаи беш аз пеши нерӯи Созмон ҷиҳати рафъи оқибатҳои пандемия ва таъмини рушди устувор дар минтақаи он мусоидат хоҳанд кард.

Президенти Тоҷикистон таъкид дошт, ки тиҷорат дар миёни кишварҳои аъзои ЭКО ҳамагӣ ҳашт фоизи ҳаҷми умумии савдои онҳоро ташкил медиҳад ва ин рақам баёнгари истифодаи нокифояи имкониятҳои тиҷоратӣ дар байни давлатҳо мебошад.

Покистон мехоҳад созишномаи тарҳи CASA - 1000 - ро ислоҳ кунад

Зимни суханронии президенти Тоҷикистон ҳамчунин сатҳи ҳамкории кишварҳои аъзои Созмони ҳамкории иқтисодиро дар соҳаҳои нақлиёт, коммуникатсия, энергетика, саноат, истихроҷу коркарди канданиҳои фоиданок, ҳифзи муҳити зист ва дар бахши аграрӣ таҳлил намуд.

Ӯ густариши робитаҳо ва татбиқи барномаву лоиҳаҳои муҳимро барои таъмини рушди устувор дар минтақа зарур шуморид.

97
Женщина на прогулке с ребенком

Қадрдонии поккорони пойтахт аз ҷониби Рустами Эмомалӣ: беш аз 3,5 миллион сомонӣ дод

157
(Таҷдидшуда 19:54 04.03.2021)
Раиси шаҳри Душанбе Рустами Эмомалӣ барои ҷудо кардани маблағ ба поккорон ба муносибти Рӯзи Модарон қарор баровард

ДУШАНБЕ, 4 мар — Sputnik. Тибқи ин қарор аллакай 1169 занону бонувон кумакпулии яквақтаинаи худро дарёфт карданд.

Ба иттилои дафтари матбуотии шаҳрдорӣ, маблағи умумии ҷудошуда ба занони тамизкор 3 миллиону 633 ҳазору 450 сомонӣ мебошад.

Ҳаиминтавр, тибқи қарори Рустами Эмомалӣ, дар бораи ҳавасманд намудани занони раёсатҳои истифодабарии роҳҳо, муассисаҳои давлатии боғҳои фарҳангӣ-фароғатии шаҳрӣ, бонувон, фаррошони дастгоҳ, дар Муассисаи давлатии истифодабарии роҳҳои ноҳияи Синои пойтахт бахшида ба Рӯзи Модар ҷамъомади тантанавӣ баргузор гардид.

Дар ин ҷамъомад муовини раиси шаҳр Умед Гуреззода ширкат карда, масъулину кормандон ва занону бонувони Муассисаи давлатии истифодабарии роҳҳои ноҳияи Синои пойтахтро ба муносибати Рӯзи Модар табрику таҳният гуфта, барояшон комёбиҳои беназир, саодату пирӯзи таманно намуд.

"Дар асоси дастури раиси шаҳри Душанбе ба 1169 нафар занону бонувон, ки дар тозакориву поккорӣ ва ободонии кӯчаву маҳаллаҳои ноҳияи Сино саҳм гузоштаанд, тӯҳфаҳои хотиравӣ ва мукофотҳои пулӣ дар ҳаҷми 1000 сомонӣ тақдим карданд", - омадааст дар хабарнома.

Соли гузашта Рустами Эмомалӣ амр дод, ки барои тӯҳфаҳо ба занон ба ифтихори Рӯзи модарон ва Наврӯз 3,19 миллион сомонӣ (329 ҳазор доллар) ҷудо карда шавад.

Тақвими рӯзҳои Ид дар Тоҷикистон дар соли 2021

Шаҳрдори пойтахт занони тоҷикро табрик гуфта, модаронро ба "офтоб" муқоиса кард, ки ба ҷаҳон файзу шодмонӣ мебахшад ва меҳру шафқати модаронро манбаи зиндагӣ хонд.

157
Барчаспҳо:
Рӯзи модарон, маблағ, Рустами Эмомалӣ, Душанбе
Новоизбранный премьер-министр Садыр Жапаров

Ҷабборов бо сафари расмӣ ба Тоҷикистон меравад

366
Роҳбари Қирғизистон Содир Ҷаббаров бо сафари расмӣ ба Душанбе сафар карданист ва дар ояндаи наздик ӯ инчунин аз Ӯзбекистон, Чин ва Туркманистон дидан хоҳад кард

ДУШАНБЕ, 4 мар — Sputnik. Президенти Қирғизистон Содир Ҷабборов қасд дорад ба Тоҷикистон сафари расмӣ анҷом диҳад, гуфт вазири корҳои хориҷии ҷумҳурӣ Руслан Казакбоев дар як нишасти матбуотӣ.

Зимни суханронӣ дар брифинг роҳбари Вазорати корҳои хориҷии Қирғизистон дар бораи сафарҳои ояндаи байналмилалии сарвари давлат сухан гуфт.

"Президент ният дорад сафари навбатии худро ба Ӯзбекистон анҷом диҳад. Тахминан рӯзҳои 11-12 март", -  гуфт сарвари вазорати корҳои хориҷӣ.

Ба гуфтаи Казакбоев, Ҷабборов инчунин қасд дорад ба кишварҳои ҳамсоя - Чин, Тоҷикистон ва Туркманистон сафар кунад.

Ҷабборов ба кишвардори Русия тӯҳфаи ғайриоддӣ дод

Хотиррасон мекунем, ки қаблан Президент ба Русия ва Қазоқистон ташриф оварда буд.

Дар Маскав вай бо Владимиров Путин мулоқот кард. Ҷабборов ба ҳамтои руси худ тӯҳфаи ғайриоддӣ - шамшери қирғизиро тақдим кард.

366
Барчаспҳо:
сафар, Тоҷикистон, раисҷумҳур, Қирғизистон