Аз мақоми махсус то таъйини "Комиссар Катани" ба роҳбарии Бодканд: шарҳи сарвазир

1198
(Таҷдидшуда 19:30 16.02.2021)
Интизор меравад, ки давлати Қирғизистон ба Бодканд, вилояти ҳаммарз бо Тоҷикистон мақоми махсус диҳад. Дар Бишкек як гуруҳ эътирозгарон талаб доранд, ки мушкилоти марзӣ ҳал карда шаванд

ДУШАНБЕ, 16 фев - Sputnik. Ҳукумати Қирғизистон масъалаи додани мақоми махсусро ба вилояти Бодканд баррасӣ мекунад, хабар додааст Sputnik Қирғизистон аз қавли нахуствазири ин кишвар Улуғбек Маъруфов.

Ба иттилои сарвазир, роҳбари нави вилояти Бодканд, Омурбек Суваналиев таъйин шудааст, ки дар байни мардум бо номи "Комиссар Каттани" маъруф аст.

"Умедворем, ки ӯ вазифаҳоро ба дӯшаш гузошташударо хуб иҷро хоҳад кард. Дар минтақаи Бодканд қисматҳои аломатгузоринашудаи марзӣ мавҷуданд, вазъ мураккаб аст. Масъалаи додани мақоми махсус ба ин минтақа баррасӣ мешавад", - навиштааст Маъруфов дар сафҳаи худ дар Фейсбук.

Сарвазири Қирғизистон инчунин гуфт, ки мақомоти ҷумҳурӣ барои кумак ба шаҳрвандоне, ки дар минтақаҳои наздимарзӣ зиндагӣ мекунанд, ҳама чораро анҷом хоҳанд кард. Ба гуфтаи Маъруфов, раиси нави минтақа пешниҳодҳои нав омода мекунад ва рӯзҳои наздик ба ҳукумат ин масъаларо ироа месозад.

Дар ҳамин ҳол, хабар дода мешавад, ки рӯзи дуввум боз дар пеши бинои ҳукумат гирдиҳамоӣ баргузор мешавад, ки ширкаткунандагони он ҳалли мушкилоти марзӣ дар Бодканд, дар қаламрави ҳаммарз бо Тоҷикистонро тақозо мекунанд.

1198
Барчаспҳо:
Қирғизистон, Бодканд, Тоҷикистон
Конкурс Чакомаи Гесу в Худжанде

Мӯдарозтарин духтари Душанберо муайян карданд

173
(Таҷдидшуда 21:07 24.02.2021)
Дар Душанбе фестивали "Чакомаи гесу" ҷамъбаст гардид ва ғолибони озмун - духтарони муйдарози пойтахт муайян шуданд

ДУШАНБЕ, 24 фев — Sputnik. Имрӯз дар шаҳри Душанбе бо ташаббуси Мақомоти иҷроияи ҳокимияти давлатии шаҳр "Чакомаи гесӯ" баргузор гардид.

Дар оғози фестивал намоишгоҳи маҳсулоти ороишии  ҳунармандон, анвои гуногуни ороиши миллии занонаи аз ҷиҳати экологӣ фоидаовар ва лавозимоти марбут ба парваришу ороиши мӯйю рӯй  ба маъраз гузошта шуд.

Дар фестивал инчунин ашъори баланпоя ва суруду рақс, ривояту таронаҳои мардумӣ оид ба ҳусну таровати рӯй, ҷозибаи гесӯ, сарулибос ва ороишоти миллӣ, истифодаи маҳсулоти табиии ватанӣ дар парваришу нигоҳбини рӯйю мӯй ва муҳофизати пӯсти дасту рӯй тарғибу ташвиқ гардид.

Дар фестивали мазкур муовини Раиси шаҳри Душанбе Мавсума Муинӣ, Раиси Кумитаи занон ва оилаи назди Ҳукумати Ҷумҳурии Тоҷикистон Ҳилолбӣ Қурбонзода, ғолибони даври ноҳиявии фестивал аз ноҳияҳои пойтахт ва сокинони шаҳр  иштирок намуданд.

Мавриди зикр аст, ки давоми се соли охир фестивали мазкур дар доираи эълон гардидани солҳои 2019-2021 ҳамчун Солҳои рушди деҳот, сайёҳӣ ва ҳунарҳои мардумӣ дар тамоми қаламрави мамлакат доир  мегардад.

Рустам Эмомалӣ қарор кард: дар Душанбе фестивали "Чакомаи гесу" баргузор шавад

Дар фарҷоми Фестивал ғолибони бахшҳои он ва иштирокчиёни фаъол бо диплому сипоснома ва ҷоизаи махсуси мақомоти иҷроияи ҳокимияти давлатии шаҳри Душанбе сарфароз гардонида шуданд.

173
Сафири Афғонистон ба мулоқоти генерал Зуҳуров рафт

Дидори сафири Афғонистон бо Зуҳуров ва изҳори сипоси генерал аз Ағбар

215
(Таҷдидшуда 21:13 24.02.2021)
Сафири Афғонистон дар Тоҷикистон ба дидори генерал Сайдамир Зуҳуров рафт ва аз меҳмондории собиқ раиси КДАМ изҳори сипос кард

ДУШАНБЕ, 24 фев – Sputnik. Сафири Ҷумҳурии Исломии Афғонистон дар Тоҷикистон Муҳаммад Зоҳир Ағбар бо собиқ раиси амнияти Ҷумҳурии Тоҷикистон Сайдамир Зоҳуров дар манзили зисташ мулоқоти дӯстона анҷом дод, хабар медиҳад Сафорати Афғонистон дар Тоҷикистон.

"Мақсади ташриф арҷгузорӣ ба ҷаноби Зоҳуров, вазири собиқи тоҷик ва эҳтиром ба муносибати Рӯзи Артиш ва Қувваҳои Амнияти Тоҷикистон буд", - менависад манбаъ.

Манбаъ меафзояд, "бешак, ҷаноби Зуҳуров яке аз шахсиятҳои миллӣ ва фаъоли амниятии Тоҷикистон ва дӯсти деринаи мардуми Афғонистон аст, ки дар замони муқовимат бо мардуми Афғонистон робитаи мустақим дошт ва дар ҳамкорӣ дар ироаи кумак дареғ надошт".

Дафтари матбуотӣ меафзояд, ки далели хотираҳои неки ҷаноби генерал, аксе бо қаҳрамони миллии Афғонистон аст, ки дар девори хонааш овезон аст.

Зуҳуров гуфтааст, ки сафири Афғонистон барои ташрифаш миннатдор аст ва аз мардуми афғон хотираҳои хубе дорад.

Ёдрас мешавем, дирӯз Сайдамир Зуҳуров, ки мардуми Тоҷикистон унвони генерали халқиаш додаанд, 70-солагиашро ҷашн гирифт.

Сафири Афғонистон ба дидори генерал Саидамир Зуҳуров рафт
Сафорати Афғонистон дар Тоҷикистон
Сафири Афғонистон ба дидори генерал Саидамир Зуҳуров рафт

Ӯ  аз мутахассисони ҳирфаӣ ва саршиноси кишвар аст, ки дар сулҳу ваҳдати миллӣ ҳам саҳми босазое гузоштааст. Генерал, феълан пас аз сарнишинӣ дар чанд ниҳодҳои кишвар, аз ҷамла КДАМ бознишаста аст. Худаш, баъди чанд ҷарроҳии ҷиддӣ, "зинда монданашро мӯъҷиза медонад".

215
Барчаспҳо:
мулоқот, сафир, Саидамир Зуҳуров