Председатель Согдийской области Раджаббой Ахмадзода

Аҳмадзода: оини ҳамсоядориро нигоҳ медорем, як ваҷаб заминро ноҳақ ба касе намедиҳем

911
(Таҷдидшуда 12:35 17.02.2021)
Раҷаббой Аҳмадзода, раиси вилояти Суғд дар бораи тақсими марз бо Қирғизистон иттилоъ дод, ки коммисияи байниҳукуматӣ шурӯъ аз моҳи марти соли ҷорӣ ба кори худ оғоз мекунад

ДУШАНБЕ, 17 фев – Sputnik. Раиси вилоят зимни нишасти хабарияш гуфт, баъди ташкил шудани кобинаи нав дар ҳукумати ҳамсоякишвар, комиссияи байниҳукуматии Тоҷикистону Қирғизистон сар аз моҳи март ба кори худ дар масъалаи тақсими марз шурӯъ мекунанд.

Раҷаббой Аҳмадзода дар посух ба суоли рӯзноманигорон тавзеҳ дод, ки кадом шаҳру навоҳии Суғд бо кишвари Қирғизистон чанд километр ҳамсарҳад ҳастанд.

“Шаҳрҳои Исфара зиёда аз 136 километр, Конибодом 46 километр, ноҳияҳои Ҷаббор Расулов 51 километр, Деваштич 62,2 километр ва Кӯҳистони Масчоҳ 169, 8 километр бо Қирғизистон ҳамсарҳад мебошанд”, - гуфт ӯ.

Раиси вилояти Суғд дар бораи нақши Ворухи Исфара таъкид кард. Ӯ қайд намуд, ки ин минтақаи наздимарзӣ ҳеҷ вақт анклав набуд ва роҳе, ки ин ҷамоати наздимарзиро ба марзкази шаҳр мепайвандад, таърихан ба тоҷикон тааллуқ дорад ва ба иттилои ӯ ҳоло дар ин минтақаи ҳаммарз бо Қирғизистон ҳудуди 40 ҳазор аҳолӣ ба сар мебаранд.

“Мо бо қирғизҳо дар ҳамсоягӣ зиндагӣ мекунем ва ин оин асрҳо ба ин тараф пойбарҷост. Комиссия дуҷониба сари тақсими марз кор мекунанд мо як ваҷаб заминамонро ноҳақ ба касе намедиҳем ва ягон ваҷаб замини бегона ҳам ба мо лозим нест”, - иброз намуд Аҳмадзода.

Раиси вилояти Суғд гуфт, ҳоло вазъи марз ором аст ва таҳти назорати мақомоти ду кишвар қарор дошта, ҳар нафаре, ки қоидаҳои марзро вайрон мекунад дар доираи қонунҳои амалкунанда аз сӯи мақомот чораҷӯи сурат мегирад.

Тоҷикистону Қирғизистон 978 километри марзи муштарак доранд, ки то имрӯз танҳо 520 километри он таъину аломатгузорӣ шудааст.

911
Барчаспҳо:
комиссия, Қирғизистон, Раҷаббой Аҳммадзода, марз, Суғд, Тоҷикистон
Ливень и град в Душанбе 13 ноября 2015 года

Барфу борон ва меғу жола: ҳавои Тоҷикистон рӯзҳои истироҳатӣ чӣ гуна мешавад

895
(Таҷдидшуда 19:54 05.03.2021)
Охири ҳафтаи оянда дар Тоҷикистон ҳаво тағйирёбанда хоҳад шуд. Борону жола ва барф иваз мешавад, аммо дар рӯзи Модарон манзара тағйир хоҳад ёфт

ДУШАНБЕ, 5 март - Sputnik. Дар Тоҷикистон рӯзҳои истироҳат ҳавои боронӣ пешбинӣ шудааст ва рӯзҳои 6 ва 7 март дар саросари кишвар борон ва жола меборад, хабар медиҳад Ожонсии ҳавошиносии ҷумҳурӣ.

Рӯзҳои шанбе ва якшанбе дар пойтахти Тоҷикистон ва ноҳияҳои атрофи он борон меборад. Вазиши бод амол метавонад дар як сония то 10-15 метр расад.

Ҳарорати ҳаво шабона 6-8 ° C ва рӯзона аз + 14 ° C гарм мешавад.

Ҳамзамон, дар ноҳияҳои кӯҳӣ жола борида ва шамоли сахт аз имкон дур нест. Бориш метавонад дар шакли барф бошад ва ҳарорат дар кӯҳҳо шабона -2 ... + 3 ° C ва рӯзона 6-11 ° C шавад.

Дар Душанбе дар рӯзи Модарон ҳаво абрӣ хоҳад буд, аммо аксаран офтобӣ ва аз ҳама муҳимаш, бориш намешавад. Ҳарорати рӯзона тақрибан 17 ° C гарм мешавад. Ва дар ноҳияҳои тобеи марказ дар баъзе ҷойҳо меғ мефарояд, вале бидуни боришот.

Дар вилояти Суғд, дар Хуҷанд, 7 март борон меборад, дар кӯҳҳо барф меборад, аммо 8 март ҳаво камабри бебориш мешавад.

Дар баъзе ҷойҳо дар шимоли кишвар туман мефарояд, ҳаврорати ҳаво рӯзона 13-15 ° C ва шабона + 3-8 ° C хоҳад шуд. Дар ноҳияҳои кӯҳӣ шабона то 6 ° C сард ва рӯзона то 4 ° C гарм мешавад.

Дар Вилояти Мухтори Кӯҳистони Бадахшон рӯзҳои истироҳат баъзан боришот мешавад - борон ва барф меборад. Ҳарорат шабона то -2 ° C, рӯзона тақрибан 6 ° C гарм пешбинӣ шудааст.

Рӯзи душанбе - 8 март дар Хоруғ бориш дар назар нест, рӯзона 4-6 гарм мешавад. Дар Мурғоб шабона то 18-21 ° С сард пешгӯӣ мешавад.

Дар ҷануби ҷумҳурӣ, дар саросари вилояти Хатлон, борони шадид меборад, аммо то + 11-13 ° С гарм ва дар рӯзҳои истироҳат ҳарорат боз 10 дараҷа боло хоҳад рафт.

895
Барчаспҳо:
бориши барфу борон, ҳушдори ҳавошиносон, боду ҳаво, Тоҷикистон
Вскрытие двери, архивное фото

Наҷоти се кӯдак дар Душанбе аз паси дари баста

159
Кумитаи ҳолатҳои фавқулода аз наҷот додани се кӯдак, ки дар паси дари баста монда буданд, хабар медиҳад

ДУШАНБЕ, 5 мар— Sputnik. Тибқи иттилои Кумитаи ҳолатҳои фавқулода ин ҳодиса субҳи, 5-март рух додааст.

Аз ин ҳодиса сокини кӯчаи Навбаҳори ноҳияи Синои пойтахт ба қисми навбатдории Раёсати Кумитаи ҳолатҳои фавқулода хабар додааст.

Cпасательная группа помогает жителю Душанбе открыть дверь
Cпасательная группа помогает жителю Душанбе открыть дверь

Тибқи иттилои КҲФ, дари манзили истиқоматиаш  аз дарун маҳкам шудаву се тифли ноболиғаш дар хона мондаанд.

Шуғнон: Сарбозон духтари 20-соларо, ки худро ба дарёи Панҷ андохт, наҷот доданд

Баъди дарёфти хабар, Дастаи махсуси зудамали наҷоти Раёсат ба ҷои ҳодиса расид ва дари шаҳрвандро бо истифода аз воситаҳои техникӣ боз кард.

"Кӯдакони дар хонамонда беосебу саломат ба модарашон супурда шуданд", - омадааст дар хабарнома.

Ёдрас мешавем, ки чанде пеш низ дар Душанбе ҳодисаи ба ҳамин монанд рух дода буд. Он замон, ду ноболиғ дар манзили сокини пойтахт дар паси дари баста монда буданд ва низ аз ҷониби наҷотдиҳандагони КҲФ наҷот ёфтанд.

159
Барчаспҳо:
кӯдак, наҷотдиҳӣ, КҲФ ҶТ, Душанбе
Футбольный клуб Худжанд

Футболбозони клуби “Хуҷанд” ба Туркия мераванд: мақсад чист?

0
(Таҷдидшуда 20:34 05.03.2021)
Футболбозони клуби “Хуҷанд” ба Туркия сафар карда 10 рӯз он ҷо мемонанд. Пеша аз сафар раиси вилояти Суғд бо онҳо мулоқот кард

ДУШАНБЕ, 5 март - Sputnik. Раиси вилояти Суғд Раҷаббой Аҳмадзода бо футболбозони клуби "Хуҷанд" дидору мулоқот кард.

Бино ба гузориши мақомоти вилояти Суғд, раиси вилоят аснои мулоқот бо ҳайати даста гуфтааст, ки роҳбарияти вилоят дар партави дастурҳои Эмомалӣ Раҳмон ба рушди намудҳои варзиш, аз ҷумла футбол таваҷҷуҳи зарурӣ зоҳир намуда, клубҳои футболро мунтазам дастгирӣ менамояд.

Дар ин росто бозингарони дастаи "Хуҷанд"  бо мақсади баланд бардоштани маҳорату малака ва омодагӣ ба мавсими нави футбол, инчунин омӯзиши техникаҳои нави бозии футбол ба Ҷумҳурии Туркия сафарбар карда мешаванд.

"Бозингарони "Хуҷанд" давоми 10 рӯз дар Туркия се бозии рафиқона анҷом дода, барои иштирок дар чемпионатҳо омодагӣ мебинанд", - омадааст дар хабарнома.

Таъкид гардида, ки минбаъд дастаҳои футболи "Эсхата" ва "Истаравшан" низ барои такмили маҳорат ва мубодилаи таҷриба ба кишварҳои дуру наздик фиристода мешаванд.

Раиси вилоят дар поёни мулоқот ба шахсони масъул ҷиҳати беҳтар намудани шароити бозингарон, омодагии ҳамаҷонибаи дастаҳои футбол дар лигаи олӣ, рушди варзиш дар шаҳру навоҳӣ супоришҳои мушаххас додааст.

0
Барчаспҳо:
Раҷаббой Аҳмадзода, Туркия, Хуҷанд, Футбол