Молодожены держатся за руки

Қурбонзода гуфт, писарҳоро қабл аз хонадор кардан, бояд ба зиндагӣ омода кард

356
(Таҷдидшуда 13:52 17.02.2021)
Омода набудани мард ба ҳаёти мустақилона дар Тоҷикистон яке аз омилҳои асосии пош хӯрдани оилаи навбунёд мегардад

ДУШАНБЕ, 17 фев – Sputnik. Раиси кумитаи занон имрӯз дар нишасти хабарӣ аз муроҷиати як зан ба кумита мисол оварда гуфт, волидон набояд бар он кӯшанд, ки писари худро ҳарчӣ зудтар хонадор кунанд, балки нахуст ӯро бояд ба зиндагии мустақил омода созанд.

Ҳилолбӣ Қурбонзода дар шарҳи муроҷиати як сокини Душанбе гуфт, "зан хонаи шахсӣ надорад ва илова бар ин писараш камтар мушкили равонӣ дорад".

Бо изҳори он зан, ҳамаи ҳамсояҳо ва наздикон ба ӯ маслиҳат додаанд, ки ҳарчи зудтар фарзандашро хонадор кунанд ва он гоҳ  бемории ӯ рафъ мешавад.

Аммо Қурбонзода мегӯяд, ингуна муносибати саҳлангории волидон муҷиби пош хӯрдани оилаҳои навбунёд мешавад.

Ӯ бар ин назар аст, ки фарзандро нахуст ба манзили зист бояд таъмин кард. Илова бар ин, мард бояд соҳибмаълумот ва дорои шуғле бошад, ки тавонад зану фарзанди худро таъмин кунад.

Дар Душанбе тарҳи "Пешгирии зӯроварии хонаводагӣ барои солҳои 2020-2021" баррасӣ шуд

Раиси Кумитаи занон аз он изҳори нигаронӣ намуд, ки имрӯзҳо маҳз мушкилиҳои хонаводагӣ аз қабили набуди манзили зист ва надоштани ҷойи кор, омилҳои асосии аз ҳам ҷудо шудани хонаводаҳо мегарданд.

356
Барчаспҳо:
хонадорӣ, Ҳилолбӣ Қурбонзода, Хатлон, Тоҷикистон
Люди в масках в районе Рудаки, архивное фото

Саркашӣ аз пардохти алимент 243 нафарро ба ҷавобгарии ҷиноятӣ кашид

50
(Таҷдидшуда 16:51 08.03.2021)
Мудири бахши робитаҳои байналмилалии Хадамоти иҷрои Тоҷикистон эълон кардааст, ки дар соли 2020 бинобар бадқасдона саркашии қарздорон аз пардохти маблағи алимент бо пешниҳоди иҷрочиён аз ҷониби мақомоти прокуратура нисбат ба 243 нафар парванда оғоз шудааст

ДУШАНБЕ, 8 март – Sputnik. Ширинов Аюбҷон, мудири бахши робитаҳои байналмилалии Хадамоти иҷрои назди Ҳукумати Тоҷикистон қайд кардааст, ки мутаассифона, таҳлили вазъи истеҳсолоти иҷро вобаста ба ситондани алимент нишон дод, ки воридшавии шумораи ҳуҷҷатҳои иҷро вобаста ба ин намуди санади судӣ сол то сол тамоюли зиёдшавӣ дорад.

Вай афзуд, айни ҳол, дар ҷумҳурӣ зиёда аз 71 ҳазор ҳуҷҷати иҷро вобаста ба ситондани маблағи алимент мавҷуд мебошад, ки ба сарбории ҳар иҷрочӣ бо назардошти дигар санадҳои судӣ зиёда аз 800 то 1200 санади судӣ рост меояд.

“Танҳо дар зарфи як сол, яъне соли 2020 барои иҷрои маҷбурӣ 11 330 ҳуҷҷати иҷро вобаста ба ситондани маблағи алимент ворид гардидааст, ки ситониши доимии давравиро пешбинӣ менамоянд”, - таъкид доштаст удири бахши робитаҳои байналмилалии Хадамоти иҷрои назди Ҳукумати Тоҷикистон.

Ҳамзамон Аюбҷон Ширинов, гуфт, ки соли 2020 бинобар бадқасдона саркашии қарздорон аз пардохти маблағи алимент бо пешниҳоди иҷрочиён аз ҷониби мақомоти прокуратура нисбат ба 243 нафар тибқи талаботи моддаи 177 Кодекси ҷиноятии Ҷумҳурии Тоҷикистон парванда оғоз шудааст.

“Инчунин, дар баъзе мавридҳо новобаста аз татбиқи ҷазои ҷиноятӣ маблағи қарзи алимент пардохт нагардида, ҳангоми адои ҷазо қарзи алимент давра ба давра зам гардида, боиси мушкил ситондани он барои таъминоти фарзандони ноболиғ мегардад”, - гуфт ӯ. 

Ҳатто ҳолатҳое мешаванд, ки волидон аз пардохти алимент бадқасдона саркашӣ намуда, бар зами ин боз даст ба ҷиноят мезананд.

Гуфта мешавад, ки бо мақсади сари вақт ситондани алимент барои фарзандони ноболиғ, болиғи ғайриқобили меҳнат, ҳимояи ҳуқуқҳои модару кӯдак роҳбарияти хадамоти иҷро ва кормандони он тамоми чораҳоро тибқи қонунгузории Тоҷикистон меандешанд.

50
Барчаспҳо:
маблағ, Прокуратура, пардохт, саркашӣ, Тоҷикистон

Симои микроноҳияи 13-и шаҳри Хуҷанд табдил меёбад

166
(Таҷдидшуда 17:22 08.03.2021)
Мақомоти шаҳри Хуҷанд эълон доштааст, ки дар микроноҳияи 13-уми шаҳр маҷмааи хизматрасонӣ бо тарҳи хос бунёд мегардад

ДУШАНБЕ, 8 март – Sputnik.  Бино бар иттилои дафтари матбуоти мақомоти шаҳри Хуҷанд, корҳои ободонӣ бахусус дар дохили хонаҳои баландошёнаи микроноҳияи 13-уми шаҳр вусъат гирифта, қадди роҳ, пайраҳаҳо ба низом дароварда шуда, то ба имрӯз беш аз 30 адад хонаҳои баландошёнаи ин маҳалла аз ҷониби кормандони Корхонаи давлатии “Истифодабарии манзили соҳили рост” рангубор карда шуданд.

Ҳамзамон манбаъ қайд кардааст, ки дар партави ин корҳои ободонию созандагӣ ва бунёдкории шаҳрдорӣ миёни хонаҳои баландошёнаи 17, 37, 38, ва 25-и микроноҳияи 13-уми шаҳри Хуҷанд маҷмааи хизматрасонӣ бо тарҳи хос иборат аз чойхона, дорухона, сехи дӯзандагӣ, нонвойхона, майдончаи бозии футбол, мавзеъи бозии кӯдакона, ҷои истироҳати сокинони биноҳо, танӯрхона ва ошхона бунёд шуда истодааст, ки дар арафаи Наврӯзи байналмилали 2021 мавриди баҳрабардорӣ қарор хоҳад гирифт.

Ҳамзамон таъкид гардидааст, ки барои сарсабзу зебо гардонидани муҳити зист дар ин микроноҳия беш аз 400 бех ниҳолҳои ҳамешасабзи шинонида шуданд, ки ба муҳити атроф накҳати дигар мебахшад.

Зикр шудааст, ки сокинони микроноҳияи 13-ум аз ин иқдоми шаҳрдорӣ истиқбол карданд.

Бояд гуфт, ки дар шаҳри Хуҷанд барои дар сатҳи баланд ҷашн гирифтани 30-солагии Истиқлолияти давлатии Тоҷикистон, силсилаи корҳои бунёдкорӣ сурат гирифта истодааст.

166
Барчаспҳо:
бунёд, хизматрасонӣ, маҷмаа, симо, Хуҷанд, Тоҷикистон
Председатель Высшего совета национального примирения Афганистана Абдулла Абдулла

Вокуниши мақомоти афғон ба тарҳи сулҳи нави Амрико

0
(Таҷдидшуда 19:13 08.03.2021)
Тарҳи нави давлати Амрико дар бораи ташкили давлати муваққат ё ҳукумати мушорикатӣ бо Толибон дар Афғонистон вокуниши шадиди мақомоти ин кишварро дар пай доштаву давлати Афғонистон таъкид кардааст, ки Кобул ҳаргиз таслими хостаҳои ғайриқонунии Амрико намешавад

ДУШАНБЕ, 8 март – Sputnik.  Раиси Шӯрои олии мусолиҳаи миллии Афғонистон рӯзи душанбе дар вокунише тунд ба номаи ахири вазири умури хориҷаи Амрико гуфт, ки давлати Байден наметавонад бо зӯру фишор хостаҳои ғайриқонунии худро ба мардуми Афғонистон таҳмил ва давлати Афғонистонро водор ба ташкили давлати муваққат кунад, иттилоъ додааст хабаргузории "Парстудей".

Абдуллоҳ Абдуллоҳ дар маросими гиромидошти ҳафтумин солгарди даргузашти Муҳаммадқосими Фаҳим, собиқ муовини аввали раёсати ҷумҳурии Афғонистон дар Кобул изофа кард, ки вахомати авзои амниятӣ мардумро дар шароити душворе қарор додааст ва ҷомеаи маданӣ, расонаҳо, хабарнигорон, уламои динӣ ва ҳеч як аз афроди ҷомеа масуният надоранд.

Дар ҳамин ҳол, Амруллоҳ Солеҳ, муовини аввали раиси ҷумҳурии Афғонистон ҳам дар ин маросим таъкид кард, Кобул сулҳи омиронаро намепазирад ва дар муқобили он меистад.

Амруллоҳ Солеҳ тарҳи нави сулҳи Зулмай Халилзод, намояндаи Амрико дар умури Афғонистонро «санади нанг» номид ва изофа кард, ки мақомоти афғонистонӣ ҳаргиз чунин санадеро имзо нахоҳанд кард.

Муовини аввали раиси ҷумҳурии Афғонистон изҳор дошт, ки ҳамон гуна, ки Амрикову Ғарб ҳақ доранд дар бораи сарнавишти низомиёни худ бо Толибон нишаст баргузор кунанд, мо ҳам ҳақ дорем дар бораи сарнавишти шаҳрвандони худ бар асоси манофеи миллии кишварамон тасмим бигирем.

Амруллоҳ Солеҳ афзуд, ки давлати Кобул ҳаргиз ҳозир намешавад бо сарнавишти мардуми худ муомила ва созиш кунад.

Тарҳи нави Амрико барои сулҳ дар Афғонистон

Вазири умури хориҷаи Амрико дар номае ба Муҳаммад Ашраф Ғанӣ, вайро таҳдид кардааст, ки бо тарҳи нави давлати Амрико дар хусуси ташкили давлати муваққат ва ё ҳукумати мушорикатӣ бо Толибон мувофиқат кунад.

0
Барчаспҳо:
сулҳ, Кобул, Толибон, вокуниш, Амрико, Афғонистон