Вывеска на здании Налогового комитета при правительстве РТ. Архивное фото

Огоҳинома ва шарти Кумитаи андоз ба блогерҳо: то 1 апрел интизорем

1660
(Таҷдидшуда 12:53 18.02.2021)
Блогерҳои Тоҷикистон бояд то 1 апрел ба Кумитаи андози кишвар дар бораи фаъолияташон эъломия пешниҳод кунанд, дар сурати ғайр, кумита чора мебинад

ДУШАНБЕ, 18 фев— Sputnik. Намояндагони Кумитаи андози Тоҷикистон имрӯз дар рафти нишасти матбуотӣ қазияи андозбандии блогерҳоро дар Тоҷикистон тавзеҳ доданд ва таъйид карданд, ки дар ҳақиқат дар Тоҷикистон ин намуди фаъолият низ андозбандӣ хоҳад шуд.

Бино бар иттилои Шамсулло Кабирзода, сарвари Сарраёсати маъмурикунонии андозҳои Кумитаи андоз кормандони ниҳод аллакай фаъолияти блогерҳоро дар Тоҷикистон омӯхтаву ба хулоса омадаанд, ки ин онҳоро метавон ба рӯйхати андозсупорандагон шомил кард.

"Тибқи талаботи Кодекси андоз, дақиқтараш моддаи 98, ҳамагуна фаъолиятҳо, ҳама гуна даромадҳо ва манфиатҳое, ки шахсони воқеӣ мегиранд, новобаста аз намуди фаъолият, маҳалли фаъолият, таҳти андозбандӣ қарор дода мешавад", - тавзеҳ дод вай.

Ба гуфтаи Кабирзода, тибқи таҳлилҳое, ки Кумитаи андоз анҷом додааст, "шахсони алоҳида каналҳои худро мекушоянд, тавассути паҳн кардани ғоя, андеша ва ғайра даромад ба даст меоранд".

"Бинобарин таҳти андозбандӣ қарор додани блогерҳо, ягон ҷои нофаҳмӣ надоранд", - таъкид кард ҷаноби Шамсулло.

Ҳамин тавр, тибқи таҳлилҳои кумита фаъолияти 29 канал ошкор шудааст, ки шумораи тамошобинони он аз 3 то 19 миллионро ташкил медиҳад.

Феълан кумита ба соҳибони ин каналҳо огоҳинома додааст, ки то 1 апрел эъломи худро ба мақомоти андоз пешниҳод кунанд.

"Мо танҳо огоҳӣ додем, ки худашонро дар мақомоти андоз ба қайд гиранд. Мӯҳлат то барои шахсони воқеӣ то 1 апрел аст", - тавзеҳ доданд намояндагони кумита.

Духтарчаи шашсолаи рус ба даҳгонаи сарватмандтарин блогерҳо шомил шуд

Шамсулло Кабирзода дар посух ба суоли он ки даромади ин блогерҳо чанд пулро ташкил мекунад, изҳори бехабарӣ кард ва гуфт, ки "агар лозим шавад, муайян мекунем".

Феълан танҳо огоҳинома додем, дар сурати акс, чораҷӯӣ мекунем, афзуданд намояндагони кумита.

1660
Барчаспҳо:
андоз, Тоҷикистон
Намояндагони ширкати “Тех строй”-и шаҳри Маскав дар Суғд

Корфармоёни Русия ба суроғи муҳоҷирони тоҷик омаданд акс

29
(Таҷдидшуда 10:46 04.03.2021)
Роҳбарони ширкати сохтмонии “Тех строй”-и шаҳри Маскав ба Тоҷикистон ба суроғи муҳоҷирони меҳнатӣ омадаанд. Онҳо нахуст дар Хуҷанд ва сипас ба шаҳри Душанбе сафар карда бо сокиноне, ки хоҳиши дар Русия кор карданро доранд, шартномаи меҳнатӣ ба имзо мерасонанд

ДУШАНБЕ, 4 мар – Sputnik. Бо шунидани ташрифи корфармоёни Русия, ба Тоҷикистон даҳҳо нафар сокинон аз шаҳру навоҳии Суғд рӯзҳои 2 ва 3 март ба Хуҷанд омаданд.

Азизмат, сокинони ноҳияи Ашт буда, ҳамроҳ бо ду ҳамсолаш барои дарёфти кори хуб дар Русия ба Хуҷанд омад. Ӯ иброз намуд, ки дар гузашта дар як ширкати сохтмонии шаҳри Маскав кор мекард, вале бо сабаби хуруҷи пандемияи COVID-19 бо кори пештараи худ расида натавонист.

Ин сокини ноҳияи Ашт таъкид намуд, ки таҷрибаи кориаш дар сохтмонро роҳбарони ширкати Русия дар Хуҷанд дуруст дарк карданд ва онҳо барои ба имзо расонидани шартномаи ҳамкорӣ ба мувофиқа расиданд.

“Ҳангоми суҳбат мо иброз намудем, ки корҳои сохтмонӣ аз ҷумлаи андовагар, сенгчин, кошинкориро ба иҷро расонида метавонем. Роҳбарони “Тех строй” дар навбати худ иброз намуданд, ки чунин мутахассисонро сатҳи баланд ҳисоб мекунанд ва асосан ба чунин мутахассисон шартномаи ҳамкорӣ бастанианд”, -мегӯяд Азизмат.

Зариф Шодиев, як сокини 35 солаи ноҳияи Деваштич гуфт, даҳ сол ба ин тараф умдатан ҳисоби зиндагии хонаводашро аз ҳисоби кору заҳмати муҳоҷирати Русия таъмин мекунад. Ӯ гуфт, хуруҷи бемории ҳамагири каронавирус ба мисли ӯ, ба иқтисодиёти даҳҳо хонаводаи муҳоҷирон зарбаи ҷиддӣ расонд.

“Аввалҳо дар муҳоҷират боркашонӣ мекардам. Баъдан як муддат ронандаи таксӣ ҳам будам. Таҷрибаи панҷсолаи кор дар сохтмони иборатҳои баландро дорам. Мо дар Хуҷанд бо корфармоён суҳбат кардем дар баробари дигар шартҳо додани маош дар вақташро пешниҳод кардем”, гуфт Шодиев.

Намояндагони ширкати “Тех строй”-и шаҳри Маскав дар Суғд
© Sputnik (sputniktj_photo)
Намояндагони ширкати “Тех строй”-и шаҳри Маскав дар Суғд

Барои ҷалб намудани қувваи корӣ ташриф оварданд. Ҳамроҳ бо кормандони Хадамоти муҳоҷират Николай Папов, роҳбари ҶСК “Тех строй” шаҳри Маскав дар суҳбат ба Sputnik Тоҷикистон қайд намуд, ки бахши аъзами коргарони ин ширкат аз ҳисоби муҳоҷирони меҳнатӣ аст ва аз ҳамин лиҳоз ӯ бо гурӯҳи иборат аз 16 нафараи худ барои бастани шартномаҳо ба корҷӯён ба Тоҷикистон омаданд.

“Давоми ду рӯз бо бештар аз 500 нафар шартномаҳо ба имзо расонида шуд. Дар ин миён бештар аз 40 нафар ҳамчун мутахассиси баландсоҳа қабул гардиданд”, гуфт роҳбари “Тех строй” и Маскав.

 Бино ба гуфти Папов, баъд аз Хуҷанд сафари онҳо ба шаҳри Душанбе низ дар назар буда, то 6 уми март сокинонро барои ҳамкорӣ қабул мекунанд.

Ширкати “Тех строй” бастани 1000 шартнома бо ҳамкорони тоҷикро дар нақша дошта, масъалаи ташкили хатсайри чартерӣ, расамиётдарории ҳуҷҷатҳо аз қабили иҷозатномаи ҷойи кор, таъмин намудан бо хобгоҳ ва сари ҳар моҳ пардохт намудани маоши муҳоҷиронро ба уҳда гирифтааст.

29
Барчаспҳо:
шартнома, Русия, Хуҷанд, муҳоҷират, Маскав, ширкат, Тоҷикистон
ДТП, архивное фото

Садамаи маргбор: ронандаи "Опел-Зафира" марди 59 -соларо пахш кард

27
(Таҷдидшуда 11:47 04.03.2021)
Вазорати умури дохилаи Тоҷикистон аз садамаи маргборе дар ноҳияи Данғара хабар медиҳад, ки дар паи он марди 59 - сола ба ҳалокат расид

ДУШАНБЕ, 4 мар — Sputnik. Тибқи иттилои Вазортаи корҳои дохилӣ ин садамаи маргбор рӯзи 2-юми март, шабонгоҳ тахминан соати 23:00 ба вуқӯъ пайвастааст.

Гуфта мешавад, ки ронандаи худрави тамғаи "Опел-Зафира", Зарифов Сафармад Самадович, сокини 38 - солаи шаҳри Кӯлоб, ҳангоми ҳаракат аз шаҳри Душанбе ба самти шаҳри Кӯлоб, дар ҳудуди ҷамоати деҳоти И.Шарифи ноҳияи Данғара, аз уҳдаи идораи воситаи нақлиёт набаромадааст.

Садамаи маргбор: ҳалокати пирамарди 76-сола зери чархи мошини Камолиддин

Ӯ дар ҳамин ҳол, пиёдагард Шукуров Файзалӣ Эмомович, сокини 59 - солаи ҷамоати деҳоти Корези ноҳияи мазкурро пахш намудааст.

"Дар натиҷа, Шукуров Ф.Э. ҷароҳати вазнини ҷисмонӣ бардошта, дар ҷойи ҳодиса ба ҳалокат расидааст", - омадааст дар хабарнома.

Манбаъ афзуда, ки аз рӯи ин ҳодиса таҳқиқот идома дорад.

27
Барчаспҳо:
садамаи маргбор, маргбор, Тоҷикистон, садама