Молоток судьи, архивное фото

Додгоҳи олӣ ду аъзои гурӯҳи Мулло Абдуллоро равонаи зиндони низомаш сахт кард

497
Додгоҳи олии Тоҷикистон Бо ҳукми Суди Олии Ҷумҳурии Тоҷикистон ду аъзои гуруҳи Раҳимов Абдулло бо лақаби “Мулло Абдулло”-ро барои ыиноятщои дар солщои навадум содиркардаашон равонаи зиндон кард

ДУШАНБЕ, 18 фев— Sputnik. Тибқи иттилои   Прокуратураи генералии Тоҷикистон додгоҳ Латипов А.А. ва Нозиршоев М.А-ро бо ҷурми ҳуҷум ба шаҳрвандон ва ташкилотҳо тайи солҳои 1996 то 2001 барои 19 солӣ равонаи зиндон кард.

 Ба иттилои манбаъ, тафтишоти пешакӣ марбут ба парвандаи ҷиноятии мазкур мусаллам сохт, ки айбдоршавандагон Латипов А.А. ва Нозиршоев М.А. соли 1996 ба гурӯҳи мусаллаҳи устувори Раҳимов Абдулло бо лақаби “Мулло Абдулло”, ки дар ҳудуди ноҳияи Нуробод бо мақсади ғаразнок ва ниятҳои нопок, ки аз ҳуҷум ба шаҳрвандон ва ташкилотҳо зоҳир мегардад шомил гардида, то соли 2001 дар ин гурӯҳ ҷиноятҳои вазинину махсусан вазнинро содир намудаанд.

Додгоҳ Дона Набиеви 81-соларо 7 сол зиндон кард: ВКД шарҳ дод

  Манбаъ мегӯяд, моҳи майи соли 1999 шаҳрванд Наҷмуддинова С.С. аз ҳиссиёти рашк, ба назди Раҳимов Абдулло, ки он ҷо аъзоёни фаъоли гурӯҳи мусаллаҳи устувори мазкур Нозиршоев М.А., Зумрадов Р.М., Нақибов З.У. Бободжанов Ф.И бо лақаби “Файзи чӯлоқ” ва дигарон фаъолият доштанд омада, нисбати муносибатҳои маҳрамонаи шавҳараш Ғаниев М.А. бо сокини деҳаи Ҳасандараи ҳамин ноҳия Саъдуллоева Ш. А. муроҷиат намудааст.

Минбаъд, Бободжанов Ф.И. дар шарикӣ бо Латипов А.А. ва дигар аъзоёни гурӯҳи мусаллаҳи устувор Ғаниев М.А.-ро ба сифати гаравгон ғасб ва дастгир намуда, муддати зиёда аз 15 рӯз дар қароргоҳи муваққатиашон, воқеъ дар деҳаи Лайрони ноҳияи Нуробод ғайриқонунӣ нигоҳ дошта, мунтазам мавриди лату кӯб ва азобу шиканҷа қарор медоданд.

Гуфта мешавад, онҳо бо мақсади ғаразнок аз падари Ғаниев М.А. - Ғаниев Абдурасо ҳамчун шарти озод кардани гаравгон маблағҳои калони пулӣ ва молу амвол талаб намудаанд.

Додситонӣ мегӯяд, Латипов А.А. тахминан соли 2002 бо мақсади аз ҷавобагарии ҷиноятӣ дур шудан ба Федератсияи Россия фирор намуда, то моҳи октябри соли 2010, яъне то барҳам хурдани гурӯҳи мазкур ва безарар гардонида шудани Раҳимов А. интизори фармонҳои охирон ва дигар аъзоёни гурӯҳ шудааст.

"Илҳом Командир" ба 9 соли зиндон маҳкум шуд

Ахиран бо ҳукми Додгоҳи олӣ аз 12 феврали соли 2021 Латипов А.А. ва Нозиршоев М.А. бо моддаҳои 110 қисми 3 банди “а”, 181 қисми 3 бандҳои “а,б” ва 186 қисми 2 гунаҳгор дониста шуда, ба муҳлати 19 солӣ ба зиндони низомаш сахт маҳкум шудаанд.

497
Барчаспҳо:
ҳукм, Додгоҳи олӣ, Тоҷикистон
Памятник Ленину в городе Пенджикент

Коммунисти содиқи ҲХДТ: Шарифзода гуфт, то Муъминобод ҳаст, Ленин мемонад

173
(Таҷдидшуда 16:42 25.02.2021)
Раиси тозатаъйини ноҳияи Муъминобод ба саволи чаро ҳайкали Владимир Ленин, поягузори револютсияи сохти сотсиалистии асри пор, то ҳанӯз дар маркази ин ноҳия барқарор мондааст, посух гуфт

ДУШАНБЕ, 25 фев — Sputnik. Лутфия Шарифзода, зимни нишасти хабарияш гуфт, ки то вақте Муъминобод ҳаст, ҳайкали ӯ низ хоҳад монд, менависад, сомонаи “Пайк”.

“Мо Ленинро чун гавҳараки чашм нигаҳ медорем ва то вақте Муъминобод ҳаст, ҳайкали ӯ низ хоҳад монд”,- гуфт Шарифзода.

Ӯ ҳамзамон ба суоли оё раиса узви ҳизби коммунистанд, низ посух гуфта, изҳор доштааст, ки узви Ҳизби халқии демократии Тоҷикистон аст.

“...ман узви ҲХДТ ҳастам, аммо ба партияи коммунистӣ ва Ленин содиқам”,- таъкид кардааст Шарифзода.

Муҷассамаҳои Владимир Ленин ҳамчун мероси замони Шӯравӣ қариб дар ҳама марказҳои шаҳру навоҳии Тоҷикистонро буданд.

Тадриҷан тайи солҳои ахир онҳо барчида шуда ба ҷояшон рамзҳои муосири давлатдории Тоҷикистон ҳамзамон пайкараҳои Исмоили Сомонӣ, Садриддин Айнӣ, парчам ва ё Абуабдуллоҳи Рӯдакӣ иваз шуданд.

Нахустин ҳайкали Ленин аз майдони марказии Душанбе бо дастури шаҳрдори он замон Мақсуд Икромов дар тирамоҳи соли 1991 канда шуд, ки эътирозҳои густурдаи ҷонибдорони коммунистҳоро дар пайи дошт.

173
Асозода Дилшод Алимурод, раиси шаҳри Норак

Раиси шаҳри Норак вакил интихоб шуд: Асозода Дилшод кист?

238
(Таҷдидшуда 16:32 25.02.2021)
Ахиран дар вилояти Хатлон интихобот вакилон ба Маҷлиси вакилони халқи вилоят ба ивази вакилони хориҷшуда интихоботи миёнадаврӣ баргузор шуд

ДУШАНБЕ, 25 фев - Sputnik. Бино бар иттилои дафтари амтбуоти мацомоти вилояти Хатлон, дар ин маъракаи сиёсӣ он Асозода Дилшод Алимурод ба вакилии Маҷлиси вакилони халқи вилояти Хатлон интихоб гардид.

“Дар ҳавзаҳои интихоботии №10 –оид ба интихоботи вакилон ба Маҷлиси вакилони халқи вилояти Хатлон ба ивази вакилони хориҷшуда интихоботи миёнадаврӣ дар сатҳи баланди сиёсию оммавӣ баргузор гардид”, - таъкид доштааст манбаъ.

Асозода Дилшод 7 июли соли 1983 дар шаҳри Нораки вилояти Хатлон ба дунё омадааст.  Соли 2005 Донишгоҳи давлатии тиҷорати Тоҷикистонро (рӯзона)  бо ихтисоси иқтисодиёти ҷаҳон ва соли 2010 Донишгоҳи давлатии миллии Тоҷикистонро (ғоибона) бо ихтисоси ҳуқуқшинос хатм кардааст. Вакили Маҷлиси вакилони халқи шаҳри Норак буда,  донандаи забонҳои русӣ ва англисӣ мебошад.

Бояд қайд кард, ки 11 ноябри соли 2020 бо Фармони Президенти Тоҷикистон Асозода Дилшод ба ҷои Маликшо Неъматзода, ки ба вазифаи дигар гузашт, раиси шаҳри Нораки вилояти Хатлон таъин гардид.

Асозода Дилшод Алимурод солҳои 2005-2006 ҳамчун муҳосиби маркази инкишофи ҷамъияти “Парастор”-и шаҳри Норак кор кардааст.

Дар соли 2006 ҳамчун мутахассиси заминсозии гурўҳи худтаъминкунии “Барқ-Замин”-и шаҳри Норак ва солҳои 2006-2007 ба ҳайси сармутахассиси бахши ислоҳоти иқтисодии мақомоти иҷроияи маҳаллии ҳокимияти давлатии шаҳри Норак фаъолият кардааст.

Ӯ солҳои 2007-2011 мудири бахш оид ба корҳои дини назди мақомоти иҷроияи ҳокимияти давлатии шаҳри Норак таъйин шуд ва соли 2011 дар вазифаи мутахассиси маъмурӣ-ҳуқуқии дастгоҳи раиси шаҳри Норак кор кард.

Солҳои 2011–2014 ба ҳайси сармутахассиси шуъбаи ташкилӣ ва кор бо кадрҳои дастгоҳи раиси шаҳри Норак оид ба масъалаҳои маъмурию ҳуқуқӣ ва дар солҳои 2014-2020 муовини якуми раиси шаҳри Норак кору фаъолият кардааст.

238
Барчаспҳо:
Интихобот, интихобот, вакил, Норак, Хатлон, Тоҷикистон
Премьер-министр Никол Пашинян проходит по улицам столицы (25 февраля 2021). Еревaн

Пашинян мегӯяд, ба ҳеҷ ваҷҳ тарки Арманистон намекунад

0
Сарвазири Арманистон Никол Пашинян сару садоҳо дар мавриди берун рафтани ӯ аз қаламрави кишварро шарҳ дода, мегӯяд, нияти тарк кардани ватанро надорад

ДУШАНБЕ, 25 фев — Sputnik. Сарвазири Арманистон Никол Пашинян зимни эътироз бо ҷонибдорони худ дар маркази Ереван изҳор дошт, ки аз Арманистон берун намеравад.

Қаблан Telegram-канал, хабар дод, ки ҳавопаймои махсус аллакай омода аст ва дар сурати бад шудани вазъият Пашинян зуд ватанро тарк мекунад.

Ситоди генералии Арманистон истеъфои Пашинянро талаб кард

Аммо сарвазир ин гуна маълумоҳоро терроризми иттилоотӣ номида гуфт, "ҳар чӣ мардуми мо бо ингуна ахборот одат кардаанд".

"Ман нияти тарк карадни давлатро надорам ва ба ҳеҷ ваҷҳ аз Арманистон берун намеравам. Хонаводаи ман ҳам дар ҳамин ҷо аст. Шумо ҳоло худ шоҳид мешавад, зеро онҳо маҳз ба мо ҳамроҳ мешаванд", - афзуд Пашинян.

Аз наворҳо маълум аст, ки зимни эътирозҳо, Пашинянро писари ӯ Ашот ҳамроҳӣ мекунад.

Бӯҳрони сиёсӣ дар Арманистон пас аз он шиддат гирифт, ки Ситоди Генералии Қувваҳои Мусаллаҳ рӯзи 25 феврал истеъфои сарвазирро талаб кард ва гуфт, ки роҳбарияти сиёсӣ давлатро ба дами хатар мерасонад. Ин пас аз он рух дод, ки сарвари ҳукумат муовини аввали сардор генерал-лейтенант Тиран Хачатрянро, ки қаблан изҳороти сарвазирро дар бораи Искандар танқид карда буд, аз вазифа сабукдӯш кард.

Занозанӣ дар Ереван: ҷонибдорону мухолифони Пашинян вориди муноқиша шуданд - навор

Дар посух, сарвазир дар бораи кӯшиши табаддулот эълон кард ва шаҳрвандонро даъват кард, ки дар майдони ҷумҳурӣ ба хотири "дифоъ аз инқилоб" ҷамъ оянд.

Вай инчунин гуфт, ки дар бораи аз вазифа сабукдӯш кардани Сардори Ситоди Генералии Арманистон Оник Гаспарян қарор имзо кардааст. Аммо, президент то ҳол зери ин санад имзо нагузоштааст.

0
Барчаспҳо:
тарк, Арманистон, Никол Пашинян