Глава Согдийской области Раджаббой Ахмадзода посетил жителей города Пенджикент, пострадавших в результате взрыва баллона со сжиженным газом.

“Беморхонаро нафурӯшед”: Аҳмадзода талоши занони Кабудсангро ҳангоми сафараш тавзеҳ дод

1139
(Таҷдидшуда 16:43 18.02.2021)
Занони деҳаи Кабудсанг ҳангоми сафари Раҷаббой Аҳмадзода ба шаҳри Панҷакент талоши мулоқот бо раиси вилоятро карда, арзашонро ба ӯ гуфтанд

ДУШАНБЕ, 18 фев – Sputnik. Раҷаббой Аҳмадзода, раиси вилояти Суғд гуфт, як гурӯҳ занон аз шаҳри Панҷакент, ки ғайриинтизор дар рӯ ба рӯяш қарор гирифтанд, чӣ арз кардаанд.

Аҳмадзода, пештар барои муаррифӣ намудани раиси навтаъйин ба шаҳри Панҷакент сафар карда буд. Вақте ӯ аз бинои ҳукумат берун мешуд, як гурӯҳ занҳо сокинони деҳаи Кабудсанг талош намуданд, ки ӯ ба додашон расад.

Раиси вилояти Суғд дар посух ба саволи рӯзноманигорон гуфт, ки чигуна сокинон ғайриинтизор дар рӯ ба рӯи ӯ қарор гирифта ва кадом мушкили мавҷудбударо ба миён гузоштаанд.

“Дар воқеъ мо ба шаҳри Панҷакент сафари корӣ доштем ва як гурӯҳ сокинон дар канори мошини мо ҳозир шудан, мо аз мошин поён шуда, ҳарфи онҳоро шунидем. Сокинон арз намуданд, ки гуё ҳукумати шаҳр, бинои беморхонаи кӯҳнаро фурӯхтааст. Онҳо пешниҳод карданд, ки собиқ бинои беморхона ба кӯдакистон табдил дода шавад”, - гуфт Аҳмадзода.

Раиси Суғд таъкид намуд, ки беморхона ва дигар иншооти соҳаи иҷтимоӣ аз ҷумла мактабу варзишгоҳ танҳо бо қарори ҳукумати ҷумҳурӣ фурӯхта ва ё самти фаъолияташ иваз карда мешавад. Ва на раиси вилоят ва на роҳбарони шаҳру ноҳияҳо барои фурӯхтани чунин иншоот ҳуқуқ надоранд.

Соли гузашта ҳукумати шаҳри Панҷакент беморхонаи касалиҳои дилро аз Кабудсанг ба бинои навсохт дар маркази шаҳр куч дода буд. Сокинони деҳаи Кабудсанг дар ҳоле ин арзашонро ба раиси вилоят расонидаанд, ки то ҳол ин деҳа дар Панҷакент кӯдакистон надорад.

Дар ин деҳа зимнан ҳудуди 5 ҳазор аҳолӣ ба сар мебарад.

“Мо комиссия ташкил намудем масъаларо омӯхта мебароянд. Агар вазорати тандурустӣ ба пешниҳоди онҳо розигӣ диҳад, ба ҷойи беморхонаи куҳна ба сохтмони кӯдакистон шурӯъ мекунем”, - гуфт Аҳмадзода.

Давоми соли 2020 ба унвони ҳукумати Суғд, дар маҷмӯъ 4175 нафар хаттӣ ва шифоҳӣ муроҷиат кардаанд, ки ин рақам назар ба як соли пеш (2019-5132) 957 муроҷиат кам ба қайд гирифта шудааст.

Тарҳи нобарори "China town" дар Хуҷанд: Аҳмадзода гуфт, хитоиҳо сохта натавонистанд

Раиси вилоят тавзеҳ дод, ки бештари мавридҳо сокинон барои ҷудо намудани қитъаи замин ва таъмин шудан бо манзил, барои хариддорӣ намудани масолеҳи сохтмонӣ, барқарор намудани саломатӣ ва харидани доруворӣ, барои бунёди мактабу кӯдакистон ва ё барои кашидани хати оби нӯшокӣ ба маҳҳали зист ба унвонии ҳукумат муроҷиат кардаанд.

1139
Ливень, архивное фото

Ҳавошиносон дар Тоҷикистон аз раъду барқ ​​ва боришоти шадид ҳушдор медиҳанд

24
(Таҷдидшуда 11:57 09.03.2021)
Се рӯзи оянда дар саросари ҷумҳурӣ ҳавои ноустувор боқӣ мемонад, офтоб бо раъду барқи шадид иваз мешавад

ДУШАНБЕ, 9 март - Sputnik. Ҳавошиносон сокинони Тоҷикистонро аз раъду барқ ​​огоҳ мекунанд, ва баъзан боридани жоларо имконпазир медонанд, хабар медиҳад Агентии обуҳавошиносии ҷумҳурӣ.

Ба иттилои манбаъ, дар Душанбе имрӯз ҳаво абрист, бориш намешавад, аммо пагоҳ ва то 11 март борон меборад ва раъду барқ ​​мешавад. Ҳарорат шабона 3-5 ва рӯзона + 17  дараҷа гарм мешавад.

Дар ноҳияҳои тобеи марказ боришот дар шакли барф, инчунин дар баъзе ҷойҳои раъд барқ шуда, дар кӯҳҳо шабона 1-6 ва рӯзона то 7 дараҷа гарм мешавад.

Дар шимоли кишвар, вилояти Суғд, дар баъзе ҷойҳо туман мефарояд, имрӯз бошад бебориш мешавад ва аллакай 10 март дар баъзе ноҳияҳо борон ва барф меборад.

Дар водиҳо шабона тақрибан 3-8 ва рӯзона то 17 дараҷа гармӣ, аммо дар кӯҳҳо шабона то аз 1 то 6 дараҷа хунук мешавад.

Дар Вилояти Мухтори Кӯҳистони Бадахшон аз 10 то 13 март барф меборад, раъду барқ мешавад ​​ва рӯзона борон меборад. Дар ғарби ВМКБ шабона 3-8 ва рӯзона аз 3 то 8 дараҷа гарм, дар шарқи Помир шабона то -31 дараҷа сард мешавад.

Дар ҷануби Тоҷикистон, вилояти Хатлон туман мефарояд, аммо бориш танҳо рӯзи чоршанбе пешбинӣ шудааст.

Ҳарорат дар водиҳо шабона аз 4-9  ва рӯзона то 23 дараҷа гарм мешавад.

24
Мужчина плачет, архивное фото

Барои рафтан ба Латвия раводид мекунам гуфт: боздошти сокини пойтахт барои қаллобӣ

139
Вазорати умури дохилии Тоҷикистон аз боздошти як сокини пойтахт хабар медиҳад, ки дар қаллобӣ меттаҳам мешавад

ДУШАНБЕ, 9 мар – Sputnik.  Бино ба иттилои дафтари матбуотии ин ниҳод, марди 34-солаи сокини пойтахт дар пайи аризаи шикоятии сокини дигари 32-солаи пойтахт боздошт шудааст.

Ба иттилои манбаъ, марди 32-сола 18-уми декабри соли 2020, бо роҳи фиреб ба боварии марди 34-солаи дигари пойтахт даромада, барои гирифтани раводиди корт ба давлати Латвия аз ӯ 33 ҳазору 600 сомонӣ гирифтааст.

Манбаъ мегӯяд, на раводит гирифтаасут на маблағашро барнагардонидааст.

Қаллобӣ бо кӯмаки собиқ раиси идораи замин: 13 ҳазор доллари корафтодаро азхуд карданд

Ҳамзамон, гумонбар бо ҳамин роҳ рӯзи 19-уми декабри соли 2020, бо роҳи фиреб ба боварии ҷавони 26-солаи сокини шаҳри Душанбе даромада, барои гирифтани раводиди корт ба давлати Латвия аз ӯ 3 ҳазору 870-доллари амрикоӣ гирифта, то ҳол маблағашро барнагардонидааст.

ВУД мегӯяд, аз рӯи ин ҳодисаҳо тафтишот идома дорад.

139
Барчаспҳо:
ВКД, раводид, қаллобӣ, сокини пойтахт, боздошт