Шаҳраки хитоӣ дар Хуҷанд: дар баҳорон ҳам “ях” аст

Тарҳи нобарори "China town" дар Хуҷанд: Аҳмадзода гуфт, хитоиҳо сохта натавонистанд

1116
(Таҷдидшуда 17:00 18.02.2021)
Раиси вилояти Суғд, сабаби бунёд нашудани шаҳраки замонавӣ ё “China town” ва ё худ "Шаҳраки хитоӣ" дар Хуҷандро шарҳ дод

ДУШАНБЕ, 18 фев – Sputnik. Раҷаббой Аҳмадзода, зимни нишасти матбуотӣ ба саволи он, ки чаро сохтмони шаҳраки замонавӣ дар Хуҷанд билофоисла ба иҷро нарасида, рӯи қоғаз боқӣ монд, посух дод.

Ӯ гуфт, ширкати “Ҳусноро 1”, ки ба шаҳрвандони кишвари Чин тааллуқ дошт, соли 2018, баъди се соли ба ихтиёрашон вогузор шудани қитъаи замин аз ҳисоби ҳавлии сокинони хиёбони Раҳмон Набиев сохтмони биноҳоро ба охир мерасонд, аммо онҳо аз уҳдаи кор набаромаданд.

“Ширкати “Ҳусноро 1” бо сокинон шартнома баста, қариб се сол пурра хароҷоти ҳуҷраҳои иҷоравии онҳоро пардохт кард, лекин сатҳи оби зеризаминӣ баланд буд ва лоиҳаи шаҳракро амалӣ карда натавонист”, -гуфт Аҳмадзода.

Соли 2015, ҳудуди 30 хонавода аз хиёбони ба номи Р. Набиеви Хуҷанд ба умеди бунёди шаҳраки хитоӣ бо даъвати ҳукумат, манзилҳои худро ҳамвор карда, 1, 5 ҳазор метри мурабаъ қитъаи заминро дар ихтиёри сохтмончиҳои чинӣ вогузор намуданд.

 Қарор буд, то соли 2018, дар маҳаллаи онҳо ҳафт комплекс бинои истиқоматии 12, 14 ва 16 ошёгӣ бунёд мешуд ва бар ивази тахриби манзилашон ба онҳо аз биноҳои нав ҳуҷраҳо тақдим мешуд. Аммо бо гузашти панҷ сол, ин шаҳрак, рӯи қоғаз боқӣ мондааст.

Раиси вилояти Суғд, таъкид намуд, ки бинобар иҷро нашудани шаҳраки нав ба сокинон аз бинои тозабунёд дар маҳаллаи 18-и Хуҷанд ҳуҷраҳои истиқоматӣ тақдим карда мешавад.

“Дар ҳоли ҳозир корҳои сохтмонӣ ҷараён дорад ва дар арафаи ҷашни Наврӯз ба сокинон ҳуҷраҳои нав бо ҳама шароит супорида мешавад”,-зикр кард Аҳмадзода.

Раиси вилояти Суғд иброз дошт, ки баъди даст кашидани ширкати чинӣ аз сохтмон, онҳо бунёди ин тарҳ ширкатҳоеро, ки таҷрибаи хонасозӣ дар назди баҳру соҳилҳоро доранд, даъват намуда сохтмони ин лоиҳаро то охири соли ҷорӣ аз сар гирифтанист.

Дар ҳоле ширкати “Ҳусноро 1” бо сабаби баланд будани сатҳи оби зеризаминӣ аз сохтмон даст кашидааст, ки дар фосилаи кам ё беш аз 100 метр ба ин макон, ширкати маҳалии “Элитсохтмон” ба сохтмони биноҳои шаҳраки “Khujand city” сар кардааст.

1116

Сабти боз як заминларзаи дигар дар Тоҷикистон

33
Дар қаламрави Тоҷикистон заминларза бо шиддати 4,1 балл ба қайд гирифта шуд, ки субҳи имрӯз рух дод

ДУШАНБЕ, 25 феврал - Sputnik. Дар Тоҷикистон субҳи барвақт заминларза рух дод, хабар медиҳад Маркази ҷумҳуриявии мониторинги пешгӯии сейсмикии Вазорати ҳолатҳои фавқулодаи Ӯзбекистон.

Ларзиш соати 07: 11-и вақти Душанбе ба қайд гирифта шудаанд.

Қувваи заминҷунбӣ 4,1 баллро ташкил дод, он дар умқи 151 километр рӯй додааст.

Кумитаи ҳолатҳои фавқулодда ва мудофиаи граждании Тоҷикистон дар бораи заминларзаи навбатӣ ҳоло шарҳ надодааст.

Ҳамзамон дар бораи хисорот ва ё талафот хабаре нест.

Инчунин маълум аст, ки қувваи заминларза дар қаламрави Ӯзбекистон эҳсос нашудааст, масофа аз маркази зилзила то Тошканд дар самти ҷанубу шарқ 497 километрро ташкил додааст.

35 километр дуртар аз Мурғоб: тафсилоти заминларзаи шоми дирӯз дар Тоҷикистон

Ёдовар мешавем, ки ин аввалин заминларзае нест, ки дар давоми ин моҳ аз ҷониби пойгоҳҳои сейсмикӣ ба қайд гирифта шудааст. Дар маҷмӯъ, дар моҳи феврал тақрибан 10 чунин ларзиш рух дод.

33
Таджикские сомони и рубли, архивное фото

Ҷаҳиши рубл дар бозори асъори Тоҷикистон: сомонӣ заиф мешавад

145
(Таҷдидшуда 00:01 25.02.2021)
Тағйироти назаррас дар қурби асъор аз охири ҳафтаи гузашта то ҳол дар Тоҷикистон ин болоравии якбораи рублу доллару евро дар баробари сомонӣ мебошад

ДУШАНБЕ, 25 фев - Sputnik. Бонки миллии Тоҷикистон қурби асъори хориҷиро нисбат ба сомонӣ барои имрӯз эълон кард, ки тибқи нишондод асъори миллӣ дар ҳоли заифшавист.

Қурби рубл, ки чанде қабл поин рафта буд, давоми ҳафтаи равон ба таври назаррас боло рафт.

Тибқи нишондоди Бонки миллии кишвар, арзиши рубл танҳо давоми як шабонарӯз беш аз 3 сомонӣ гарон шуд. Ҳоло барои 1000 рубл дар кишвар 155 сомону 30 дирам муқаррар шудааст.

Доллар низ пас аз каме боло рафтан дорад ба нишондоди аввали худ бармегардад ва имрӯз як доллар дар Тоҷикистон 11,3045 сомонӣ арзиш дорад.

Дар мавриди қурби асъори Аврупо бошад, он тули чанд муддат аст, ки калобанда дар марзи 13,6500 то 13,7500 қарор мегирад. Ин ниҳод қурби як евро барои 25 феврал 13,7169 сомонӣ муқаррар кардааст.

Дар мавриди поинравии асъори миллӣ Наврӯз Валиев, сардори шӯъбаи минтақавии Бонки миллӣ дар Хуҷанд мегӯяд, то замони тағйир наёфтани тавозуни савдо ва зиёд нашудани ҳаҷми содироти мол, вазъи бозори асъор осебпазир ва фишор ба қурби пули миллӣ эҳсосшаванда боқӣ мемонад.

Чаҳор бонки мушкилдори Тоҷикистон назди амонатгузорон ҳудуди 90 миллион доллар қарздоранд

Ёдовар мешавем, ки дар Тоҷикистон тамоми амалиёти мубодила танҳо дар бонкҳо ва филиалҳои онҳо, ташкилотҳои қарзӣ, нуқтаҳои махсус, нуқтаҳои интиқоли пул, банкоматҳо ва терминалҳо иҷозат дода мешавад.

Дар сурати риоя накардани меъёрҳо, вайронкунандагон ба ҷавобгарии маъмурӣ кашида мешаванд.

145