“Қарз зиёд шуд, боз қарз мегирем”: қарзи хориҷии Тоҷикистон чӣ қадар аст?

425
(Таҷдидшуда 20:53 19.02.2021)
Ба хотири иҷрои саривақтии уҳдадориҳои давлат аз ҳисоби маболиғи буҷетӣ дар маҷмуъ 190,2 миллион доллар пардохт шудааст

ДУШАНБЕ, 19 фев — Sputnik. Қарзи хориҷии Тоҷикистон дар қиёс бо соли 2019 ба ҳудуди як миллиард доллар афзудааст.

Ҷамшед Каримзода, муовини аввали вазири молияи Тоҷикистон, зимни нишасти матбуотӣ гуфт, идоракунии қарзи давлатӣ дар доираи Стратегияи идоракунии қарзи давлатӣ ба роҳ монда шуда, ҳаҷми умумии қарзи давлатӣ ба ҳолати 1 январи соли 2021 ба 3,7 миллиард доллари амрикоӣ расид.

Ин 3,2 миллиард доллари амрикоӣ ё 85% - и қарзи беруна ва 0,5 миллиард доллари амрикоӣ ё 15% қарзи дохилӣ аст.

“Ҳаҷми умумии қарзи давлатӣ ба 46,8% - и Маҷмӯи маҳсулоти дохилӣ (ММД) баробар буда, ба меъёрҳои муайяншудаи ҳуҷҷатҳои стратегӣ ва тавсияҳои созмонҳои байнулмилалии молиявӣ мутобиқ мебошад”, - гуфт Ҷамшед Каримзода.

Дар ҳамин ҳол, қарзи хориҷии Тоҷикистон ба ҳолати 1 январи соли 2020 2,888,6 миллиард доллар ё 36,6% - и ММД – и кишварро ташкил медод.

Моҳи феврали соли гузашта Файзиддин Қаҳҳорзода, вазири молияи Тоҷикистон, дар нишасти матбуотии ин ниҳод гуфта буд, ки соли 2020 барои хадамоти қарзи хориҷӣ 220 миллион доллар ва қариб ба ҳамин ҳаҷм гирифтани қарзи хориҷӣ дар назар гирифта шудааст.

Дар ҳамин ҳол, муовини аввали вазири молияи Тоҷикистон мегӯяд, ба хотири иҷрои саривақтии уҳдадориҳои давлат аз ҳисоби маболиғи буҷетӣ дар маҷмуъ 190,2 миллион доллар пардохт шудааст, ки аз ин пардохти қарзи асосӣ 124 миллион доллар ва фоизи қарз 66,2 миллион долларро ташкил медиҳад.

“Таъмини пардохти қарзи давлатӣ дар доираи таъмини нақшаи тасдиқшуда ба роҳ монда шуда, дар соли молиявӣ уҳдадориҳои қарзии пардохтнашуда дар назди созмонҳои байнулмилалии молиявӣ ва давлатҳои алоҳида вуҷуд надорад”, - гуфт Ҷамшед Каримзода.

40 миллиони дигар

Моҳи майи соли равон дар айни авҷи буҳрони сарзада дар пайи пандемияи COVID – 19 ҳукумати Тоҷикистон ва Эксимбонки Чин ба мувофиқа расиданд, ки пардохти қарзҳоро ба маблағи умумии 40 миллион доллар то охири соли 2021 боздоранд.

Ҷаласаи Ҳукумати Тоҷикистон
дафтари матбуоти раисиҷумҳури Тоҷикистон

Ин тасмими муштарак бо назардошти бартараф намудани паёмадҳои манфии пандемияи COVID – 19 ва ба хотири сарборӣ наовардан ба буҷети давлатҳо гирифта шуда буд, ки як ташаббуси созмонҳои бонуфузи байнулмилалии молиявӣ буд.

Хароҷоти буҷаи Тоҷикистон дар соли 2021

Эксимбонки Чин бузургтарин қарздиҳандаи Тоҷикистон ба шумор меравад. Тоҷикистон равобиташро бо ин бонк соли 2006 оғоз намуда, то имрӯз 18 созишномаи қарзӣ ба маблағи 1 миллиарду 550,7 миллион доллар ба имзо расондааст.

Мақомоти Тоҷикистон қаблан эълон дошта буданд, ки ин маблағро барои фаъолиятҳои соҳаи тандурустии кишвар равона мекунанд. Тибқи иттилои расмӣ, ба ҳолати 1 январи соли 2021 қарзи Тоҷикистон аз Эксимбонки Чин 1 миллиарду 155,55 миллион долларро ташкил медиҳад.

Тоҷикистон ба ҷуз Эксимбонк аз Бонки ҷаҳонӣ, Бонки Осиёии Рушд, Бонки исломии рушд ва ғайра низ қарз гирифтааст.

Воқеияти дигар

Дар ҳамин ҳол, афзоиши бесобиқаи қарзи хориҷии Тоҷикистон дар соли 2020 то куҷо барои кишвар хатар дорад, бахусус, ки Хазинаи байнулмилалии асъор (ХБА) дар гузашта “хатти сурх” барои ин кишварро дар ҳадди 40% - и ММД тахмин зада буд?

Коршиносон мегӯянд, агар сухан дар бораи замони қабл аз пандемия мерафт, тавсияи ХБА –ро мешуд ҷиддӣ гирифт, аммо ҳоло сухан аз як буҳрони ҷаҳонии беназир ва ношинохта меравад, ки на фақат иқтисод, балки зиндагии инсонҳоро таҳдид мекарду мекунад.

Нурулло Ҳусейнов, коршинос дар умури иқтисод, мегӯяд, раҳоӣ аз ин буҳрон талошҳои ҷаҳониро тақозо мекунад ва кишварҳо маҷбуранд, ки аз ҳар роҳи шаръии раҳоӣ аз ин буҳрон истифода кунанд, бахусус, гирифтани қарз.

“Набояд аз қарз тарсид. Ба гунаи мисол, бино ба додаҳои расонаҳо, Қазоқистон бо он ҳама иқтидори иқтисодӣ беш аз 150, Ӯзбекистон ҳудуди 28, Туркманистон – 10, Қирғизистон – 4,7 миллиард доллар қарзи хориҷӣ доранд. Мушкил дар гирифтани қарз нест, балки истифодаи он аст”, - гуфт коршинос.

Тоҷикистон конҳое дорад, ки шояд яке аз хурдтарини онҳо барои адо кардани ин қарз кифоят кунад. Аммо барои даст ёфтан ба онҳо ҷиддӣ ва сидқан бояд кор кард, афзуд вай.

Зоҳиран, Тоҷикистон низ аз ин роҳ пеш меравад, ки барои иҷрои барномаҳои иқтисодӣ аз созмонҳои байнулмилаливу кишварҳои ҳамкори рушд сармоягузории бештар ҷалб кунад.

Давлатзода гуфт, буҷа аз таътили андозӣ дар пандемия чанд пулро аз даст дод

Тибқи иттилои вазорати молияи Тоҷикистон, соли 2020 ба ҳадафи ҷалби маболиғ ба соҳаҳои иқтисоди миллӣ ва татбиқи лоиҳаҳои афзалиятдошта 29 созишномаи нави қарзию грантӣ барои амалӣ кардани 21 лоиҳаи сармоягузории давлатӣ ба маблағи умуми 985 миллион доллар ба имзо расондааст, ки аз ин 700,4 миллион ё 71% - грант, 270 миллион ё 27% - қарз ва 14,6 миллион доллар саҳми ҳукумати Тоҷикистон аст.

425
Барчаспҳо:
қарз, Тоҷикистон
Ливень и град в Душанбе 13 ноября 2015 года

Барфу борон ва меғу жола: ҳавои Тоҷикистон рӯзҳои истироҳатӣ чӣ гуна мешавад

887
(Таҷдидшуда 19:54 05.03.2021)
Охири ҳафтаи оянда дар Тоҷикистон ҳаво тағйирёбанда хоҳад шуд. Борону жола ва барф иваз мешавад, аммо дар рӯзи Модарон манзара тағйир хоҳад ёфт

ДУШАНБЕ, 5 март - Sputnik. Дар Тоҷикистон рӯзҳои истироҳат ҳавои боронӣ пешбинӣ шудааст ва рӯзҳои 6 ва 7 март дар саросари кишвар борон ва жола меборад, хабар медиҳад Ожонсии ҳавошиносии ҷумҳурӣ.

Рӯзҳои шанбе ва якшанбе дар пойтахти Тоҷикистон ва ноҳияҳои атрофи он борон меборад. Вазиши бод амол метавонад дар як сония то 10-15 метр расад.

Ҳарорати ҳаво шабона 6-8 ° C ва рӯзона аз + 14 ° C гарм мешавад.

Ҳамзамон, дар ноҳияҳои кӯҳӣ жола борида ва шамоли сахт аз имкон дур нест. Бориш метавонад дар шакли барф бошад ва ҳарорат дар кӯҳҳо шабона -2 ... + 3 ° C ва рӯзона 6-11 ° C шавад.

Дар Душанбе дар рӯзи Модарон ҳаво абрӣ хоҳад буд, аммо аксаран офтобӣ ва аз ҳама муҳимаш, бориш намешавад. Ҳарорати рӯзона тақрибан 17 ° C гарм мешавад. Ва дар ноҳияҳои тобеи марказ дар баъзе ҷойҳо меғ мефарояд, вале бидуни боришот.

Дар вилояти Суғд, дар Хуҷанд, 7 март борон меборад, дар кӯҳҳо барф меборад, аммо 8 март ҳаво камабри бебориш мешавад.

Дар баъзе ҷойҳо дар шимоли кишвар туман мефарояд, ҳаврорати ҳаво рӯзона 13-15 ° C ва шабона + 3-8 ° C хоҳад шуд. Дар ноҳияҳои кӯҳӣ шабона то 6 ° C сард ва рӯзона то 4 ° C гарм мешавад.

Дар Вилояти Мухтори Кӯҳистони Бадахшон рӯзҳои истироҳат баъзан боришот мешавад - борон ва барф меборад. Ҳарорат шабона то -2 ° C, рӯзона тақрибан 6 ° C гарм пешбинӣ шудааст.

Рӯзи душанбе - 8 март дар Хоруғ бориш дар назар нест, рӯзона 4-6 гарм мешавад. Дар Мурғоб шабона то 18-21 ° С сард пешгӯӣ мешавад.

Дар ҷануби ҷумҳурӣ, дар саросари вилояти Хатлон, борони шадид меборад, аммо то + 11-13 ° С гарм ва дар рӯзҳои истироҳат ҳарорат боз 10 дараҷа боло хоҳад рафт.

887
Барчаспҳо:
бориши барфу борон, ҳушдори ҳавошиносон, боду ҳаво, Тоҷикистон
Вскрытие двери, архивное фото

Наҷоти се кӯдак дар Душанбе аз паси дари баста

158
Кумитаи ҳолатҳои фавқулода аз наҷот додани се кӯдак, ки дар паси дари баста монда буданд, хабар медиҳад

ДУШАНБЕ, 5 мар— Sputnik. Тибқи иттилои Кумитаи ҳолатҳои фавқулода ин ҳодиса субҳи, 5-март рух додааст.

Аз ин ҳодиса сокини кӯчаи Навбаҳори ноҳияи Синои пойтахт ба қисми навбатдории Раёсати Кумитаи ҳолатҳои фавқулода хабар додааст.

Cпасательная группа помогает жителю Душанбе открыть дверь
Cпасательная группа помогает жителю Душанбе открыть дверь

Тибқи иттилои КҲФ, дари манзили истиқоматиаш  аз дарун маҳкам шудаву се тифли ноболиғаш дар хона мондаанд.

Шуғнон: Сарбозон духтари 20-соларо, ки худро ба дарёи Панҷ андохт, наҷот доданд

Баъди дарёфти хабар, Дастаи махсуси зудамали наҷоти Раёсат ба ҷои ҳодиса расид ва дари шаҳрвандро бо истифода аз воситаҳои техникӣ боз кард.

"Кӯдакони дар хонамонда беосебу саломат ба модарашон супурда шуданд", - омадааст дар хабарнома.

Ёдрас мешавем, ки чанде пеш низ дар Душанбе ҳодисаи ба ҳамин монанд рух дода буд. Он замон, ду ноболиғ дар манзили сокини пойтахт дар паси дари баста монда буданд ва низ аз ҷониби наҷотдиҳандагони КҲФ наҷот ёфтанд.

158
Барчаспҳо:
кӯдак, наҷотдиҳӣ, КҲФ ҶТ, Душанбе
Футбольный клуб Худжанд

Футболбозони клуби “Хуҷанд” ба Туркия мераванд: мақсад чист?

0
(Таҷдидшуда 20:34 05.03.2021)
Футболбозони клуби “Хуҷанд” ба Туркия сафар карда 10 рӯз он ҷо мемонанд. Пеша аз сафар раиси вилояти Суғд бо онҳо мулоқот кард

ДУШАНБЕ, 5 март - Sputnik. Раиси вилояти Суғд Раҷаббой Аҳмадзода бо футболбозони клуби "Хуҷанд" дидору мулоқот кард.

Бино ба гузориши мақомоти вилояти Суғд, раиси вилоят аснои мулоқот бо ҳайати даста гуфтааст, ки роҳбарияти вилоят дар партави дастурҳои Эмомалӣ Раҳмон ба рушди намудҳои варзиш, аз ҷумла футбол таваҷҷуҳи зарурӣ зоҳир намуда, клубҳои футболро мунтазам дастгирӣ менамояд.

Дар ин росто бозингарони дастаи "Хуҷанд"  бо мақсади баланд бардоштани маҳорату малака ва омодагӣ ба мавсими нави футбол, инчунин омӯзиши техникаҳои нави бозии футбол ба Ҷумҳурии Туркия сафарбар карда мешаванд.

"Бозингарони "Хуҷанд" давоми 10 рӯз дар Туркия се бозии рафиқона анҷом дода, барои иштирок дар чемпионатҳо омодагӣ мебинанд", - омадааст дар хабарнома.

Таъкид гардида, ки минбаъд дастаҳои футболи "Эсхата" ва "Истаравшан" низ барои такмили маҳорат ва мубодилаи таҷриба ба кишварҳои дуру наздик фиристода мешаванд.

Раиси вилоят дар поёни мулоқот ба шахсони масъул ҷиҳати беҳтар намудани шароити бозингарон, омодагии ҳамаҷонибаи дастаҳои футбол дар лигаи олӣ, рушди варзиш дар шаҳру навоҳӣ супоришҳои мушаххас додааст.

0
Барчаспҳо:
Раҷаббой Аҳмадзода, Туркия, Хуҷанд, Футбол