Бунёди 12 маркази омӯзишӣ барои ҷавонон дар вилояти Хатлон ва ВМКБ
(Таҷдидшуда 18:53 20.02.2021)
Вазорати меҳнат, муҳоҷират ва шуғли аҳолии Ҷумҳурии Тоҷикистон хабар додааст, ки дар вилояти Хатлон ва ВМКБ марказҳои касбомӯзӣ барои ҷавонон сохта ва бо инфрасохтори зарурӣ муҷаҳҳаз гардонида мешавад, ки ин барои соҳибкасб намудани ҷавонон дар кишвар мусоидат менамоядДУШАНБЕ, 20 фев — Sputnik. Ахиран вазири меҳнат, муҳоҷират ва шуғли аҳолии Тоҷикистон Ширин Амонзода бо директори Бунёди миллии иҷтимоии маблағгузории Тоҷикистон, Сидиқзода Шералӣ мулоқот намуд, иттилоъ додааст дафтари матбуоти ин ниҳод.
Бино бар иттилои манбаъ, дар ҷараёни мулоқот ҷонибҳо масъалаҳои муштараки ҳамкорӣ, тақвияти фаъолият дар самти рушди инфрасохтори зарурӣ ва татбиқи амалии лоиҳаи “Таҳкими устувории иҷтимоӣ - иқтисодӣ”- ро мавриди муҳокимаи корӣ қарор доданд.
Ҳамзамон қайд шудааст, ки дар доираи ҳамкориҳои муштараки Вазорат бо Бунёди миллии иҷтимоии маблағгузории Тоҷикистону Бонки умумиҷаҳонӣ дар шаҳру ноҳияҳои Кӯлоб, М.А. Ҳамадонӣ, Фархор ва Панҷи вилояти Хатлон ва шаҳру ноҳияҳои Хоруғ, Ванҷ, Шуғнон ва Ишкошими ВМКБ марказҳои касбомӯзӣ барои ҷавонон сохта ва бо инфрасохтори зарурӣ муҷаҳҳаз гардонида мешавад.
Амонзода: дар соли 2020 муҳоҷирати меҳнатӣ 76 дарсад кам шуд
Зикр шудааст, ки ин марказҳои касбомӯзӣ барои соҳибкасб намудани ҷавонон дар кишвар мусоидат хоҳад кард.
Барчаспҳо:
Бонки миллӣ иҷозатномаи "Вестерн Юнион ДП Восток" ва "Амонатбонк"-ро тамдид кард
(Таҷдидшуда 20:26 02.03.2021)
Бонки миллии Тоҷикистон иҷозатномаи БДА "Амонатбонк" ва "Ташкилоти қарзии ғайрибонкии "Вестерн Юнион ДП Восток"-ро барои фаъолияти оператори низоми пардохтӣ ба муҳлати панҷ сол тамдид кардДУШАНБЕ, 2 мар — Sputnik. Тибқи қарори Раёсати Бонки миллии Тоҷикистон, тамдиди иҷозатномаи БДА ҶТ "Амонатбонк" санаи аз 26 феврали соли равон тасдиқ ёфтааст.
"Бинобар сабаби ба итмом расидани муҳлати амали иҷозатномаи БДА ҶТ "Амонатбонк" барои фаъолияти оператори низоми пардохтӣ, ба "Амонатбонк" барои фаъолияти оператори низоми пардохтии миллии "Корти миллӣ" бо роҳи тамдид ба муҳлати 5 (панҷ) сол иҷозатнома дода шуд", - таъкид доштааст Бонки милӣ.
©
Фото : Пресс-служба президента Таджикистана
Гуфта шудааст, ки мутобиқи қарори мазкур, иҷозатномаи БДА ҶТ "Амонатбонк", ки аз 9 феврали соли 2018 барои фаъолияти оператори низоми пардохтӣ дода шуда буд, беэътибор дониста шудааст.
Ҳамзамон роҳбарияти Бонки миллӣ Идораи низоми пардохтро вазифадор кардааст, ки дар Феҳристи операторони низоми пардохтӣ оид ба тағйироти зерин сабти дахлдорро ворид намояд.
Инчунин бо қарори Раёсати Бонки миллии Тоҷикистон аз 26 феврали соли 2021, бинобар сабаби ба итмом расидани муҳлати амали иҷозатномаи ҶДММ "Ташкилоти қарзии ғайрибонкии "Вестерн Юнион ДП Восток" барои фаъолияти оператори низоми пардохтӣ, ба "Вестерн Юнион ДП Восток" барои фаъолияти оператори низоми пардохтии "Вестерн Юнион" бо роҳи тамдид ба муҳлати 5 (панҷ) сол иҷозатнома дода шуд.
Тибқи иттилои Бонки миллӣ дар асоси қарори зикршуда, иҷозатномаи ҶДММ "Ташкилоти қарзии ғайрибонкии "Вестерн Юнион ДП Восток", ки аз 9 феврали соли 2018 барои фаъолияти оператори низоми пардохтӣ дода шудааст, аз эътибор соқит дониста шуд.
Ҳамчунин роҳбарияти Бонк, Идораи низоми пардохтро барои ворид намудани сабти дахлдор дар Феҳристи операторони низоми пардохтӣ вазифадор намудааст.
Барчаспҳо:
Жириновский пешниҳод кард, Тоҷикистонро ба ҳайси як вилоят ба ҳайати Русия шомил кунанд
(Таҷдидшуда 23:49 02.03.2021)
Роҳбари Ҳизби либерал-демократи Русия Владимир Жириновский ахиран гуфт, ки чӣ гуна кишварҳои ИДМ метавонанд ба ҳайати Русия ҳамроҳ шаванд ва ин иқдом барои онҳо чӣ паёмадҳо дорадДУШАНБЕ, 2 мар- Sputnik. Владимир Жириновский гуфт, ки сиёсатмадорони кишварҳои ҳамсуд метавонанд тадриҷан як чизе қудратмандтар аз ИДМ бисозанд.
Ӯ дар суҳбат бо радиои "говорит Москва" таъкид дошт, ки муносибатҳои Русия ва Беларус ҳоло дар шакли кишвари шарик нигоҳ дошта мешаванд.
Сиёсатмадор илова кард, ки ҳамин гуна шакл метавон ба Қирғизистон ва Тоҷикистон низ пешниҳод кард.
Жириновский: Тоҷикистон ва Арманистон бояд ба ҳайати Русияи Бузург ҳамроҳ шаванд
"Беҳтарин роҳи ҳалли ҳама масъалаҳо, таъмини амнияти комил ва рушди иқтисод - ин дохил шудани 14 ҷумҳурии собиқи иттиҳоди Шӯравӣ ба ҳайси вилоят ба ҳайати Русия мебошад: вилояти Душанбе, вилояти Бишкек, вилояти Ереван, вилояти Рига, вилояти Житомир, вилояти Киев ва ғайра", - гуфт Жириновский.
Сиёсатмадор инчунин дар суҳбаташ афзуд, ки 20 сол пеш Александр Лукашенко, раисҷумҳури Беларус ба гуфтаҳои ӯ розӣ будааст ва Лукошенко он замон гуфта будааст, ки Беларус омода аст ба ҳайати Русия шомил шавад.
Барчаспҳо:
Нигарониҳо дар бораи гуруснагӣ дар саросари ҷаҳон афзоиш ёфт
(Таҷдидшуда 20:31 02.03.2021)
Коршиносони байналмилалӣ ахиран эълон доштанд, ки қиммати ҷаҳонии ғизо ба болотарин сатҳ дар 6 соли гузашта расидаастДУШАНБЕ, 2 мар — Sputnik. Нархи ҷаҳонии ғизо таҳти таъсири афзоиши ҳазинаи маводи ғизоӣ ба болотарин сатҳ дар беш аз 6 соли гузашта расидааст, иттилоъ додааст хабаргузории "Парстудей" дар истинод ба гузориши шабакаи хабарии "Bloomberg".
© Sputnik / Амир Исаев
Ба гузориши "Bloomberg", ҳамзамон қиммати колоҳои аслӣ афзоиш ёфта ва қимати ҷаҳонии маводи ғизоиро ба болотарин сатҳ дар шаш соли гузашта дар январи 2021 расондааст.
Бо тавваҷуҳ ба таъсири ҳамагирии корона дар раванди рушди иқтисодӣ, нигарониҳо дар бораи гуруснагӣ дар саросари ҷаҳон афзоиш ёфтааст.
“Ҳама ба ҳоли худ саргардон. Соли вазнин хоҳад буд”: нигарониҳои Раҳмон аз соли 2021
Ин шабакаи хабарӣ бо ишора ба афзоиши 30 то 61 дарсадии қимати ғизо дар кишварҳои мухталиф навишт, ки бозорҳои навзуҳӯр, фишори ношӣ аз афзоиши баҳои маводи хомро эҳсос мекунанд, зеро афзоиши қимати колоҳое ҳамчун нафт, мис ва ғаллот болотар аз ҳадди интизор будааст.
Барчаспҳо: