ДУШАНБЕ, 4 мар — Sputnik. Китоби "Фитнаи ДИ" (ISHID fitnasi) рӯҳонӣ ва муовини раиси Идораи мусалмонони Ӯзбакистон Айдарбек Тулепов, ки 13 феврал муаррифӣ шуд, дар бораи ҷиноёт, дурӯғ ва ақоиди зараровари ДИ қисса мекунад, хабар медиҳад бошгоҳи "Средняя Азия в Интернете".
"Дар ин китоб куллия наҳваҳои ҷалби ҷонибдорон, ки аз онҳо тундгароёни "Халифати исломӣ" истифода мекунанд, тасвир шудаанд, — гуфт ба бошгоҳ намояндаи нашриёти "Мовароуннаҳр" Зафар Додоев. — Далоили ин иддаъоҳо баёноти террористон аз ҷумлаи шаҳрвандони Ӯзбекистон аст, ки баъд аз пушаймонӣ ба ватан баргаштанд. Дар китоб пажӯҳиши амиқи ақоиди исломгароён оварда шуда аъмоли хушунатбори онҳо бозтоб ёфтааст".
Китоб ба ҳам мутобиқ набудани ақоиди тундгароёна бо ақоиди аслии исломиро шарҳ додааст.
Худи муаллифи китоб, ки дар навиштанаш ба фатвоҳои уламои саршиноси ҷаҳони ислом такя кардааст, бар ин назар аст, ки ақоиди "Давлати исломӣ" комилан мухолифи исломи ҳақиқӣ мебошад.
"Аъзои ДИ алайҳи ҳама зулмоварӣ мекунанд, — гуфт Тулепов. — Пайёмбари Аллоҳ (с) гуфтааст: "қатли як мусалмон баробари қатли ҳамаи мусалмонҳост".
Зикр мешавад, ки китоби бо аксҳо ороишёфта бо теъдоди 5000 нусха мунташир шуда ва шакли электронии вай тавассути интернет паҳн мешавад.
Бархе аз макотиб ва китобхонаҳо нусхаҳои ин китобро аллакай дарёфт кардаанд.
