Гуруҳҳои тундрав. Акс аз бойгонӣ

Шамолов: гуруҳҳои тундрав нақшаи ҳамла ба Тоҷикистонро доранд

27
(Таҷдидшуда 16:11 09.07.2015)
Нашрияи “Нигоҳ”, ки дар Душанбе ба чоп мерасад, бо профессори тоҷик Абдулвоҳи Шамолов дар мавриди эҳтимолияти ҳамлаи гуруҳҳои тундрав ба Тоҷикистон суҳбат кардааст.

ДУШАНБЕ, 9 июл — Sputnik. Абдулвоҳид Шамолов, профессори тоҷик бар ин бовар аст, ки гуруҳҳои террористии назири Толибон, "Давлати исломӣ" ва ғайри ҳадафи ворид шудан ба Тоҷикистонро доранд, бо истинод ба нашрияи "Нигоҳ" навиштааст хабаргузории TojNews.

"Муборизаи дусадсолаи Британияи Кабир ва Русия барои зери нуфузи худ даровардани Осиёи Марказӣ ба ҳар шевае идома дорад", — афзудааст Шамолов.

Ба гуфтаи профессор, ҳоло таъсиси пойгоҳҳои ҳарбии ИМА ва НАТО дар Афғонистон дар сарҳади ҷумҳуриҳои Осиёи Марказӣ, ки таи садсолаи охир таҳти нуфузи Империяи Русия қарор дошт, Русияро безобита кардааст. Ва ин бесабаб нест, меафзояд профессор, чунки яке аз ҳадафҳои геостратегии Амрико ва ба хоки Афғонистон ворид шудани неруҳои низомии вай ва НАТО дар оянда татбиқ кардани ҳадафҳояшон аст.

Шамолов афзудааст, дар гирудорҳои ахири арсаи байналмилалӣ як нукта ба вузуҳ намоён ва боиси нигаронӣ аст, ки баъзе кишварҳо аз қабили Покистон, Арабистони Саудӣ, Амрико, Исроил ва Иттиҳоди Аврупо ба мақсади расидан ба ҳадафҳои худ аз гуруҳҳои ифротгароии мазҳабӣ ҳимоят ва пуштибонӣ карда, онҳоро дар сарлавҳаи авлавиятҳои сиёсати хориҷии хеш қарор додаанд.

"Ба ибораи дигар, бо истифодаи моҳирона аз заъфу мушкилиҳо ва нобасомониҳои иҷтимоиву иқтисодии дохилии ин кишварҳо ҳамаҷониба судҷӯӣ карда, на танҳо дахолату нақшофаринии бегонагонро дар минтақа зиёд мекунанд, балки нақшаҳое дар сар доранд, ки тафаккури ифротгароёнаро асоси ҷаҳонбинии мардумони кишварҳои Осиёи Марказӣ қарор диҳанд", — илова кардааст профессор.

Ин ниятҳои геостратегӣ ва геополитикии онҳо буда, раванди мазкур хеле тӯлонӣ ва доманадор аст ва ба қавли Барак Обама, вақти хеле зиёдеро тақозо дорад, "то ин ки ба баъзе дастовардҳо" ноил шаванд. Мақсад аз ин гуфтаҳо ин аст, ки решаҳои дарахти тавонманде, ки Русия дар ин минтақа дусад сол қабл шинонда буд, ҳанӯз мустаҳкам буда, сараввал алоқа ва таваҷҷӯҳро нисбат ба ин давлат коҳиш дода ва баъдан онро, ба қавли Е. Примаков, "ҳамчун бозингари асосӣ аз саҳнаи байналмилалӣ берун" кунанд, бовар дорад Шамолов.

Эмомалӣ Раҳмон дар ҷаласаи Шӯрои вазирони умури хориҷаи СПАД. 2 апрели соли 2015
© Официальная страница пресс-службы президента РТ в Facebook

Вай дар мавриди эҳтимоляти ҳамлаи гуруҳи Толибон ба хоки Тоҷикистон гуфтааст, он гуруҳ дар доираи эъломия ва мувофиқи қарордодҳои ба имзорасида дар Доха аз таҷовуз ба кишварҳои ҳамсоя даст кашидаанд.

"Аммо ин эъломияҳо то чӣ андоза воқеият доранд ё на, назораташон хеле мушкил аст. Аз як тараф иттилооте вуҷуд дорад, ки мувофиқи он барои Толибон ва муттаҳидини онҳо гузаронидани амалиётҳо дар марзи кишварҳои муштаракулманофеъ то ҳоло манъ набошад. Аз дигар тараф, аз сарчашмаҳои мухталифи иттилооти хабарҳое дастрас гардидаанд, ки мутобиқи онҳо "Ҷунбиши исломии Туркистон" ва дигар дастаҳову ҷунбишҳои кишварҳои пасошӯравӣ, ки дар шимоли Афғонистон амал мекарданд, аз зери назорати фармондеҳони Толибон баромадаанд", — изҳор доштааст Абдулвоҳид Шамолов.

Ин гуфтаҳо метавонанд ҷузъи бозиҳои сиёсӣ бошанд, зеро хабарҳое ба даст расидаанд, ки тибқи онҳо дар рафти ҷаласае, ки дар тирамоҳи соли 2014 аз ҷониби роҳбарияти Толибон бо гуруҳҳои муттаҳидин аз кишварҳои собиқ Иттиҳоди Шӯравӣ гузарониданд, иҷозати амалиётҳо ба муқобили кишварҳои муштаракулманофеъ дода шудааст. Дар ин ё он шакл таҷрубаи бархӯрди наздисарҳадӣ бо ширкати ҷангиён, ки дар солҳои 2014 — 2015 ба қайд гирифта шудаанд, нишон медиҳанд, ки дастаҳои ҷангиёни мухолифин дар шимоли Афғонистон як манбаи асосии таҳдид ба кишварҳои Осиёи Марказӣ мебошанд, бо қатъият изҳор доштааст профессори тоҷик.

Дар мавриди он ки кадоме аз кишварҳои Осиёи Марказӣ дар пешорӯи хатароти амиқтар қарор доранд, вай аз Туркманистону Тоҷикистон ном бурдааст.

"Сарҳадоти байни Афғонистон ва Ӯзбакистон хеле мустаҳкам буда, вилояти наздисарҳадии Балх босуботтарин вилояти шимоли Афғонистон маҳсуб мегардад. Ҳамин заъифии нерӯҳои сарҳадӣ дар Тоҷикистону Туркманистон мувофиқи таҳлилҳои Никита Мендкович дар мақолаи "Вазъият дар шимоли Афғонистон ва хатарҳо барои Осиёи Миёна" имконоти ҳуҷум ва ҳамлаҳои ногаҳониро дар марзҳои Тоҷикистон ба вуҷуд овардаанд", — афзудааст профессор Шамолов.

Дар байни ин самтҳое, ки Н. Мендкович пешбинӣ кардааст, аз ҳама хатарнок самти Бадахшон ба ҳисоб меравад, зеро ба қавли Н.Мендкович "назорати сохторҳои қудратӣ дар ин минтақа ба андозае камтар аст". Дар он ҷо нақши калидиро гуруҳҳои ҷиноии муташаккил, ки ба қочоқ машғул буда, бо дастаҳои силоҳбадаст дар Афғонистон, аз он ҷумла Толибон, робитаҳои наздик доранд, мебозанд. Имконоти истифодаи ин гуруҳҳо ба муқобили ҳукумат вуҷуд дорад. Дар оянда Толибон ва экстремистҳои Тоҷикистон метавонанд дар Хоруғ "сенарияи Фарғона"-ро роҳандозӣ намоянд.

27
Барчаспҳо:
ҳамла, эҳтимол, тундгароӣ, хатарҳо, "Толибон", Абдулвоҳид Шамолов, Осиёи Марказӣ
Женщина в таджикском национальном костюме и маске

ТУТ: пӯшидани ниқоб дар Осиёи Марказӣ  ҷони беш аз 200 ҳазор нафарро наҷот медиҳад

74
(Таҷдидшуда 16:14 25.10.2020)
Пешгирии издиҳом, нигоҳ доштани фосилаи ҷисмонӣ, пок нигоҳ доштани дастон, ҷудо кардани гумонбарон, ҳолатҳои эҳтимолӣ ва тасдиқшуда ва карантин кардани тамосҳои онҳо бояд ба як одат ҳамарӯза табдил ёбад

ДУШАНБЕ, 25 окт — Sputnik. Ҳафтаҳои наздик интизор меравад,  шумораи беморони нави гирифтори COVID-19 дар минтақаи Осиёи Марказӣ афзоиш ёбанд, гуфт Бахтигул Карриева, намояндаи ТУТ дар Тоҷикистон.

Ӯ ҳамзамон гуфтааст, афзоиши марг низ дар заминаи ин беморӣ аз эҳтимол дур нест.

Намояндаи СУТ афзуд, ки вазъ метавонад дар ҳолати мубоширати бевоситаи одамон ва интиқоли вирус ба нафарони солхӯрда якбора бад шавад.

"Пешбиниҳоде, ки тавассуди намунаи эпидимиологии боэътимод ба даст оварда шудаанд, хурсандиовар нест. Бино бар ин намунаҳои, бардошта шудани маҳдудиятҳо метавонанд ба он расонанд, ки моҳи январи соли 2021 нишондодҳои марг аз коронавирус назар ба моҳи апрел 4-5 маротиба бештар шавад", - тавзеҳ дод коршинос.

Ба гуфтаи вай, муҳим аст, ки талаботи санитарию гигиениро сарфи назар накунем ва ниқобҳои муҳофизатӣ пӯшем, зеро онҳо метавонанд то моҳи феврали соли 2021 беш аз 200 ҳазор ҷони одамонро наҷот диҳанд.

Мутахассис илова кард, ки маҳдудиятҳои шадидтар дар мубориза бо пандемия самарабахштар хоҳанд буд.

Муҳим: тавсияҳои ТУТ барои гирифтор нашудан ба "коронавирус"

Пешгирии издиҳом, нигоҳ доштани фосилаи ҷисмонӣ, пок нигоҳ доштани дастон, ҷудо кардани гумонбарон, ҳолатҳои эҳтимолию тасдиқшуда ва қарантин кардани тамосҳои онҳо-ин  чизест, ки бидуни гуфтан бояд риоят шавад, хулоса кард Карриева.

74
Барчаспҳо:
пешгирӣ, тадобир, вируси корона, Созмони ҷаҳонии беҳдошт, Тоҷикистон
Генеральный директор Ассоциации Аэропорт Виктор Горбачев

Горбачёв дар бораи омодагии фурудгоҳҳои Тоҷикистон барои барқарории парвозҳо гуфт

674
(Таҷдидшуда 23:48 24.10.2020)
Пас аз кушодани сарҳадҳо, ҳаракати ҳавоӣ байни кишварҳои ИДМ-ро аз сар гирифтан мумкин аст, гуфт директори генералии Ассотсиатсияи "Фурудгоҳ" Виктор Горбачёв

ДУШАНБЕ, 25 окт — Sputnik. Мақомоти Тоҷикистон ва Узбакистон дар бораи азсаргирии парвозҳо байни Тошканд ва Душанбе ба созиш расиданд.

Тибқи маълумоти пешакӣ, нахустин парвози ҳавопаймоҳо байни пойтахтҳои Тоҷикистон ва Узбакистон рӯзи 28 октябр сурат мегирад.

"Ҳоло муҳим аст, ки парвозҳо ҳадди аққал ба ҳамсоягон ва Русия дубора аз сар гирифта  шаванд, дар он сурат барқарорсозӣ хоҳад шуд",- гуфт Горбачёв ба Sputnik Тоҷикистон.

Ба гуфтаи ӯ, авлавияти аввалин кушодани марзҳост. Вақте ки табибон марзро боз мекунанд, он гоҳ муҳокимаи барқарор кардани парвозҳо оғоз мешавад, таъкид кард ӯ.

Ба андешаи ӯ, ширкатҳои ҳавопаймоӣ метавонанд дубора парвозҳоро дар тӯли як ҳафта омода кунанд, дар ин давра нуқтаҳои санҷиши иловагӣ кушода мешаванд, вагарна онҳое, ки меоянд, пас аз расидан бояд карантинии дуҳафтаинаро гузаранд.

Ҳама фурудгоҳҳои ИДМ пас аз иҷозаи тиббӣ пас аз як ҳафта омода мешаванд.

Беш аз сад парвоз то охири моҳ: ҷадвали нави парвозҳо миёни Русия ва Тоҷикистон

Вай инчунин қайд кард, ки ҳамаи фурудгоҳҳои Русия, ки парвозҳо ба хориҷ аз он анҷом дода мешаванд, бо ҳама чизҳои зарурӣ барои ташхисҳои экспресс таъмин мебошанд, ки натиҷаро дар як соат медиҳанд.

674
Барчаспҳо:
фурудгоҳҳо, парвозҳо, Русия, Тоҷикистон

Ҷашнҳои рӯзи 26 октябр дар Тоҷикистон ва ҷаҳон

0
(Таҷдидшуда 22:20 25.10.2020)
Рӯзи 26 октябр рӯзи пайдоиши футбол (1863) буда, рӯзи миллии Озарбойҷон мебошад. Дар ин рӯз ҳунармандони халқии Тоҷикистон Давлатманд Холов ва Мастона Эргашева ба дунё омадаанд

Рӯзи 26 октябр дар ҷаҳон чӣ рух дод

Соли 1861 олими немис Филипп Рейс дар Франкфурт ихтирои худро ба намоиш гузошт ва минбаъд онро телефон номид.

 

Телефон в центре управления остановленного третьего реактора на Чернобыльской атомной электростанции
© REUTERS / Gleb Garanich
Телефон в центре управления остановленного третьего реактора на Чернобыльской атомной электростанции

 

Соли 1863 дар шаҳри Лондон Ассотсиатсияи футболи Англия таъсис дода шуд.Соли 1900 дар Ню-Йорк аввалин хатти метрополитен кушода шуд.

 

Стадион Уэмбли в Лондоне
© Sputnik / Антон Денисов
Стадион "Уэмбли" в Лондоне

 

Соли 1932 Иосиф Сталин нависандагонро "муҳандисони қалби инсонҳо" унвон кард.Соли 1956 Агентии байналхалқӣ оид ба энергияи атомӣ таъсис ёфт.

 

Иосиф Виссарионович Сталин (Джугашвили), Генеральный секретарь ЦК ВКП (б)
© Sputnik / РИА Новости
Иосиф Виссарионович Сталин (Джугашвили), Генеральный секретарь ЦК ВКП (б)

 

Соли 1978 Созмони ҷаҳонии тандурустӣ эълон дошт, ки барангезандаи бемории нағзак (оспа) дар табиат маҳв карда шуд.

Соли 1990 Шон Шеннони канадагӣ барои дар 26 сония хондани монологи Гамлет «Будан ё набудан» рекорди ҷаҳонӣ гузошт.

© Sputnik / Стас Этвеш / Вишнякова Мария

Соли 2015 дар натиҷаи заминҷунбии 7,5-балла дар Афғонистон ва Покистон беш аз садҳо нафар ҷони худро аз даст доданд.

Рӯзи 26 октябр дар Тоҷикистон чӣ рух дод

Соли 2009 Президенти Ҷумҳурии Тоҷикистон Эмомалӣ Раҳмон Фармондеҳи вақти Қувваҳои марказии Иёлоти Муттаҳидаи Америка  Дэвид Петреусро ба ҳузур пазируфт.

Соли 2011 Клуби футболи "Регар-ТадАЗ" — и шаҳри Турсунзада  барандаи Ҷоми футболи Тоҷикистон дар соли 2011 гардид.Соли 2011 Эмомалӣ Раҳмон бо муовини аввали раисҷумҳури вақти Ҷумҳурии Исломии Афғонистон маршал Муҳаммад Қасим Фаҳимхон масоили кунанӣ ва дурнамои рушди муносибатҳои дуҷонибаро баррасӣ намуд.

Ҷашнҳои рӯзи 23 октябр дар Тоҷикистон ва ҷаҳон

Соли 2016 дар Қасри миллат Раҳмон Мушовири Девони Амири Давлати Кувайт, Раиси Фонди байналмилалии хайрияи исломӣ, Намояндаи Дабири Кулли Созмони Милали Муттаҳид оид ба корҳои башардӯстӣ доктор Абдуллоҳ Маътуқ ал — Маътуқро ба ҳузур пазируфт.

Ҷашнҳои рӯзи 26 октябр

Рӯзи пайдоиши футбол (1863).
Рӯзи миллии Озарбойҷон.

Рӯзи 26 октябр дар Тоҷикистон кӣ ба дунё омадааст

Соли 1945 – доктори илмҳои иқтисодӣ профессор Ҳоҷимуҳаммад Умаров.

Соли 1945 – Ҳунарпешаи шоистаи театри лӯхтаки Тоҷикистон Зафар Ҷаводов

Соли 1950 – ҳунарманди халқии Тоҷикистон Давлатманд Холов.

Народный артист Таджикистана, исполнитель фалака Давлатманд Холов
Amir Isaev
Народный артист Таджикистана, исполнитель фалака Давлатманд Холов


Соли 1952 – Ҳунарманди халқии Мастона Эргашева.

Соли 1953 – композитор Борис Пиговат.

Соли 1978 – журналист Олга Тутубалина.

0
Барчаспҳо:
ҷаҳон, ҷашн, Тоҷикистон