Султони Ҳамад. Акс аз бойгонӣ

Коршинос: Ҳоҷӣ Ҳалим ва Эшони Ҷунайдуллоҳ аз ҷумлаи сулҳхоҳон буданд

69
(Таҷдидшуда 11:23 10.09.2015)
Бархе аз коршиносони масоли сиёсии тоҷик мегӯянд, Абдуҳалим Назаров - собиқ муовини вазири дифои Тоҷикистон ва Ҷунайдуллоҳ Умаров – коменданти пешини низомии шаҳри Душанбе, ки ҳоло дар “такшили гуруҳи террористӣ” ва “хиёнат ба Давлат” муттаҳаманд, нафароне мебошанд, ки аз имзои Созишномаи сулҳ бисёр гарм истиқбол кардаанд.

ДУШАНБЕ, 10 сен — Sputnik. Коршиноси масоили сиёсӣ ва собиқ сухангӯи раҳбари Иттиҳоди нирӯҳои оппозитсиони тоҷик (ИНОТ), Султони Ҳамад дар суҳбат бо АМИТ "Ховар" гуфтааст, ин ду қумандони пешини ИНОТ аз зумраи шахсиятҳое мебошанд, ки дар тадбиқи Созишномаи сулҳ зиёд талош кардаанд.

"Ҳоҷӣ Ҳалим (Абдуҳалим Назаров, собиқ муовини вазири дифои Тоҷикистон-шарҳи идора) ва Эшони Ҷунайдуллоҳ (Ҷунайдуллоҳ Умаров, коменданти низомии шаҳри Душанбе-шарҳи идора), аз ҷумлаи ҳамон фармондеҳоне буданд, ки ин тавофуқи сулҳу оштиро гарм истиқбол карданд ва барои татбиқи он талош варзиданд",- изҳор доштааст ин таҳлилгар.

Ба қавли оқои Ҳамад, Ҷунайдуллоҳ Умаров ҳангоми нооромиҳои дохилии Тоҷикистон ба хоки Афғонистон паноҳ бурда, яке аз қумандонҳои пешини собиқ фармондеҳи неруҳои мусаллаҳи наҳзати исломии кишвар ба шумор мерафт.

"Баъд аз он ки раҳбарияти ИНОТ Ризвон Садировро хоин эълон кард, Ҷунайдуллоҳ аз Ризвон ҷудо шуд ва бевосита ба худи Сайид Абдуллоҳи Нурӣ итоат мекард",- афзудааст сухангӯи пешини ИНОТ.

Ин коршиноси масоили сиёсии тоҷик аз узви Ҳизби наҳзати исломии Тоҷикистон(ҲНИТ) эълон шудани ин ду мақоми баланпояи Вазорати дифои кишвар изҳори бехабарӣ кардааст.

"Дар бораи аъзои ҲНИТ будан ва ё набудани онҳо маълумоти дақиқ надорам. Аз он ки онҳо ба изҳороти басташавии ҲНИТ имзо кардаанд, мантиқан набояд аъзои ҲНИТ бошанд",-илова кардааст Султони Ҳамад.

Иттиҳоми ташкили гуруҳи террористӣ ва хиёнат ба давлат алайҳи Абдуҳалим Назарзода ва Ҷунайдулло Умаров дар пайи ҳамлаҳои хунин алайҳи кормандони пулис аз сӯи мақомоти тоҷик эълон шуд. Ин ҳамлаҳо субҳи 4 сентябр дар шаҳрҳои Душанбею Ваҳдат сурат гирифта, дар натиҷаи онҳо наздик ба 10 корманди пулис ҷон додаанд. Мақомот мегӯянд, ҳамлаҳо алайҳи кормандони пулис кори Назарзода ва Умаров мебошад.

69
Барчаспҳо:
амалиёти низомӣ, генерали фирорӣ, ҳамла ба Душанбе ва Ваҳдат, таҳлил, изҳори назар, Созишномаи сулҳ, ҲНИТ, ИНОТ, Ризвон Садиров, Сайид Абдуллоҳи Нурӣ, Эшони Ҷунайдуллоҳ, Ҷунайдулло Умаров, Абдуҳалим Назарзода, Султони Ҳамад, Душанбе, Ромит, Кобул, Афғонистон, Тоҷикистон
Мавзуҳо:
ҲНИТ дар “гирдоб”-и сиёсат (31)
Мавзуъ
Ифтитоҳи парвандаи “хиёнат” алайҳи Назарзода ва Умаров
Антон Цветков, архивное фото

Светков оид ба таҷдиди зиндонҳои Тоҷикистон: шахс бояд дар шароити мӯътадил зиндагӣ кунад

188
Антон Светков, раиси Шӯрои коршиносон оид ба амнияту муносибатҳои шаҳрвандон ва мақомоти ҳифзи ҳуқуқ  дар бораи зарурати бунёди зиндонҳо мувофиқи стандартҳои байналмилалӣ дар Тоҷикистон, гуфт

ДУШАНБЕ, 14 авг — Sputnik.  Ҳукумати Тоҷикистон Стратегияи ислоҳоти низоми иҷрои ҳукмҳои ҷиноятиро барои давраи то соли 2030 тасдиқ кард.

"Масъалаи муҳим ин шуғли маҳкумшудагон аст, зеро ин яке аз омилҳои асосии тағйирот мебошад ва инчунин маҳбусон имкони дарёфт кардани пул ва ба хешовандонашон фиристодани онро ё ҳатто гирифтани касби навро доранд", - гуфт Светков дар суҳбат ба Sputnik Тоҷикистон.

Аммо, рақобатпазирии ин гуна маҳсулот паст аст ва мутаносибан музди меҳнат паст хоҳад буд, аз ин рӯ, барои ин маҳсулот бояд фармоиши давлатӣ мавҷуд бошад.

Ба ақидаи ӯ, зиндон метавонад як навъи "курсҳои такмили ихтисоси ҷинояткорон" бошад.

Бо вуҷуди ин, коршинос бар он ақида аст, ки нигоҳ доштан муддати тӯлонӣ дар ҷойҳои маҳрумият аз озодӣ рӯҳияи инсонро “мешиканад”, аз ин рӯ қонунгузориро бештар барои ҷиноятҳое, ки хусусияти зӯроварӣ надоранд инсондӯстона кардан, зарур аст.

Зиндонҳо: дар ним сол чанд кас фавтид?

Аз ҷумла, барои ҷиноятҳои иқтисодӣ ҷарима ва ё ҷазои шартӣ пешбинӣ шуда метавонанд.

Инчунин, барои пешгирии паҳншавии беморӣ, коршинос таъсиси колонияҳои ҷудогона барои беморон, алахусус, гирифторони силро зарур мешуморад.

"Зиндонҳо бе корона": Мансурҷон Умаров дар бораи ҳифз ва раҳоии зиндониён

"Дар Тоҷикистон ҳама биноҳои зиндонҳо кӯҳнаанд, аз ин рӯ сохтани биноҳои наверо, ки ҷавобгӯи меъёрҳои байнулмилалӣ бошанд, лозим аст. Вақте ки инсон дар шароити мӯътадил зиндагӣ мекунад,  худро дигар хел эҳсос мекунад, камтар нороҳат мешавад ва аз нав дубора ҳамчун узви ҷомеа барқарор мешавад.  Инчунин муҳим аст, ки кормандон дар шароити муқаррарӣ кор кунанд",-гуфт, Светков.

188
Барчаспҳо:
таҷдид, зиндон, Антон Светков, Тоҷикистон
Женщина несет своего ребенка

Янки, гоу ҳоум: дар Сурия боз чӣ мегузарад?

224
(Таҷдидшуда 19:50 11.08.2020)
Коршиноси дигари рус Александр Перенджиев мегӯяд, ҳамла ба низомиёни амрикоӣ метавонад қисме аз муборизаҳои дохилиэътилофӣ барои захираҳои Сурия бошад.

Ҳамла ба пойгоҳҳои низомӣ ва дастаи посбонон, ҳамалоти мушакӣ ва инфиҷори минаҳои заминӣ дар тули масири сутунҳо - барои низомиёни амрикоӣ замини Сурия танг мешавад. Ҳамалотро на танҳо гурӯҳҳои террористӣ мезананд. РИА Новости таҳқиқ кард, аз ҳузури ИМА дар кишвари арабӣ боз кӣ нороҳат аст.

Аз чор тараф

Чанде пеш пойгоҳи низомии ғайриқонунии ИМА дар музофоти Хасек дар шимолу шарқии Сирия зери аҳдофи ҳамалоти мушакӣ қарор гирифт. Инҷо дар шасткилометрии ҷануби шаҳри Ал-Хасак амрикоиҳо аэродромеро барои қабули чархболҳои ҳамлавар ва боркашон муҷаҳҳаз карда буданд. Бино ба иттилои расонаҳои Сурия ба пойгоҳи мазкур гурӯҳи номаълум ҳамла оварданд.

Вақтҳои ахир амрикоиҳоро дар Сурия доим тир мезананд ва онҳо осеб мебинанд. "Номаълумҳо" бештар қисми посбонии низомиёни ИМА-ро қир мекунанд.

Чунончи, охири моҳи май гурӯҳи худравҳои пур аз низомиёни Амрико ва ҷанговарони гурӯҳи "Нерӯҳои демократии Сурия"-ро дар Дайр-аз-Зор дастаи мусаллаҳ бо автомат, мусалсал ва норинҷак ҳамла оварданд. Дар натиҷа се арикоӣ ва 5 узви НДС маҷрӯҳ шуданд.

Ҷанҷол бар сари нафти Сурия: Вашингтон таъкид дорад даромади нафт ба Амрико намерасад

Моҳи апрел бошад, силсилаи ҳамалот дар музофоти Хасака анҷом дода шуд. Аз ҷумла, мошини зиреҳдори "Хаммер"-ро, ки низомиёни амрикоӣ ва узви НДС савор буданд , "Шахсони номаълум" дар наздикии деҳаи Рувейшид тирборон карданд. Дар натиҷа чанд тан маҷрӯҳ шуданд. Дар пайи чунин як ҳодисаи дигар дар Дайр-аз-Зор як афсари амрикоӣ ва ҷанговари НДС ҳалок шуданд. Пас аз як ҳамлаи дигар ду амрикоӣ бенишон гум шуанд. Сарнавишти онҳо то ҳол рӯшан нест.

Борҳо дар роҳи патрулҳо таҷҳизоти тарканда мепартоянд. Моҳи июл дар Дайр-аз-Зор автомобили низомиёни мунфаҷир шуд. Талафоти бештарро амрикоиҳо моҳи январи соли гузашта доштанд: дар Манбиҷ дар шимоли Сурия дар наздикии патрули пиёдагард минеро мунфаҷир кард, дар натиҷа ду аскар, Корманди Вазорати дифои ИМА ва як ҷанговар кушта шуданд.

Пентгон бошад бештари хабарҳоро рад мекунад ва "фейк" мебарорад.

Мубориза барои захираҳо

Коршиноси ҳарбӣ Юрий Лямин дар мусоҳиба бо РИА Новости таъкид кард, ки воҳидҳои низомии Амрико ва патрулҳояшро қабилаҳои маҳаллӣ, ки зери истилои ИМА ва ҳаммаслакони вай мондаанд, метавонанд анҷом диҳанд.

"Инҳо арабҳое мебошанд, ки дар шарқ ва шимолу шарқи Сурия ба сар мебаранд, - мегӯяд Лямин. Феълан, онҳо амалан дар зери ҳокимияти курдҳо, ки амрикоиҳо дастгириашон мекунад, қарор доранд. Албатта, одамон норозианд, онҳо пурра аз вазъият норозиянд ва ҷонибдори бо Димишқ буданд".

Дар ҳоле, ки ин қабила мусаллаҳ ва тамриндидаанд.

Бо далели он ки дар кишвар чанд сол боз ҷанги шаҳрвандӣ меравад, силоҳ дар дасти аҳолӣ басанда аст, - таъкид кард Лямин. Аз ҷумла намудҳои гунонуи он, миномет ва пулеметҳо низ ҳастанд".

Коршиноси дигари рус Александр Перенджиев мегӯяд, ҳамла ба низомиёни амрикоӣ метавонад қисме аз муборизаҳои дохилиэътилофӣ барои захираҳои Сурия бошад.

Ин амалан мубориза байни худи дуздон аст, - таъкид кард вай. - Аз як тараф, Пентагон ҳаст, аз тарафи дигар - гурӯҳҳои саноативу молӣ, ки манфиатҳои ширкатҳои низомии алоҳидаро ҳимоя мекунанд, метавонанд ҳамон террористҳоро мусаллаҳ кунанд.

Ба гуфтаи вай, Пентагон дар бозиҳои Сурия, қувваи мустақил нест, балки манфиатҳои гурӯҳи алоҳидаро дар ИМА намояндагӣ мекунад.

Ин ҳамалоти пинҳонии аз тезутунд шудани мубориза барои канданиҳои гаронарзиш дар Сурия шаҳодат медиҳанд. 

Низомиёни рус собиқ фурудгоҳи ҳарбии амрикоиҳоро дар Сурия ишғол карданд

"Агар дар ҳамла ҳарбии Сурия даст медошт, Пентагон дарҳол иқрор мешуд, - афзуд Перенджиев. - Аммо вақте мегӯянд, "қувваҳои номаълум", маънои онро дорад, сиррашонро пош карданӣ нестанд, аммо боварӣ дорам, ки худашон нағз медонанд".

Боз як хатари дигар ба амрикоиҳо, муқовимати мардуми Сурия мебошад. Чуноне ки президенти кишвар мегӯяд, мақсади мардуми ин кишвар, холӣ дидани он аз ҳама гуна нерӯҳои хориҷӣ мебошад.

Моҳи июн сокинони Тел-Абъяд дар музофоти Хасаке дар назди марз даст ба тазоҳурот зада, аз бурдани ғайриқонуни гандумашон изҳори норозигӣ кардаанд.

Чанд рӯз пеш аз қазия ВКХ Сурия изҳор дошт, ки ҷангиёни Туркия ва ҳаммаслакони Амрико барои ноором сохтнаи вазъ дар кишвар чанд бор замини гандум ва дигар донагиҳоро оташ заданд.

Фармондеҳии низомии ва ҳаммаслакони онҳо вазъи гуманитарӣ дар шимоли Сурияро мушкил мекунанд, то аҳолиро зидди мақомоти расмии кишвар хезонанд.

 Зуд-зуд бо ҷурми амрикоиҳо аҳолии осоиштаи кишвар қурбон мешаванд. Моҳи май аскарони ИМА дар Дайр-аз-зор ронандаи худраверо паррониданд - гӯё аз шоҳроҳи назди кони нафти "Коннико" худрав тоб хӯрда бошад.

Моҳи феврал, дар пости назди шаҳри Камишли низомиёни Сурия ҳарбиёни аримкоиро боздошт карданд, ки тариқи хатсайри ҳамоҳангношуда мерафтанд. Амрикоиҳо бо сокинони маҳаллӣ ҷанг хезониданд, ки дар натиҷа ҳарбиён ба тирандозии бетартиб сар карданд. Он замон як наврас кушта шуд ва як тани дигар захм бардошт. 

Қазия танҳо пас аз дахолати Русия ба эътидол оварда шуд.

224
Глава МИД РТ провел встречу зам главой МИД РФ Андрейем Руденко

Мулоқоти Русия ва Тоҷикистон дар Душанбе: тарафҳо чӣ масоилро баррасӣ карданд

0
(Таҷдидшуда 01:40 15.08.2020)
Вазири умури хориҷаи Тоҷикистон бо муовини вазири умури хориҷаи Русия дар шаҳри Душанбе дидор ва гуфтугӯ кард

ДУШАНБЕ, 15 авг — Sputnik. Сироҷиддин Муҳриддин, вазири умури хориҷаи Тоҷикистон бо Андрей Руденко муовини вазири умури хориҷаи Русия мулоқот анҷом дод, иттилоъ додааст дафтари матбуоти вазорати умури хориҷаи Тоҷикистон.

Бино бар иттилои манбаъ, дар ин дидор, масоили муҳими ҳамкории Тоҷикистон ва Русия баррасӣ шуд. 

Гуфта шудааст, дар ин вохӯрӣ масъалаҳои мубрами муносибатҳои шарокати Тоҷикистону Русия мавриди баррасӣ қарор гирифтанд. Дар ин замина рушди пойдори ҳамкории ду кишвар дар заминаҳои сиёсӣ, тиҷоративу иқтисодӣ, гуманитарӣ, ҳарбӣ, ҳарбӣ-техникӣ ва ғайра таъкид гардид.

Мусоҳибон инчунин роҷеъ ба пешбурди муколамаи вазоратҳои корҳои хориҷии Тоҷикистону Русия, ба хусус дар заминаи татбиқи муқаррароти Барномаи ҳамкорӣ байни вазоратҳои корҳои хориҷии ду кишвар барои соли 2020 изҳори назар намуданд.

Ду тараф перомуни ҳамкории Душанбе ва Маскав дар чорчӯби қавонини Созмонҳои байналамилалӣ, аз ҷумла Созмони Милали Муттаҳид, ҷомеаи ҳамсуд, Созмон Ҳамкории Шанхай, Созмон паймони амнияти ҷамъӣ ва созмони амният ва ҳамкории Аврупо баҳс ва табодули назар карданд.

0
Барчаспҳо:
вазири умури хориҷаи Тоҷикистон, гуфтугӯ, мулоқот, Душанбе, Русия, Тоҷикистон