Қосими Бекмуҳаммад, журналист ва сиёсатшинос. Акс аз бойгонӣ

Қосими Бекмуҳаммад: СПАД бояд муборизаро бо терроризм тақвият бахшад

14
(Таҷдидшуда 16:16 15.09.2015)
Фаразан, агар гуруҳи террористие ба қаламрави яке аз кишварҳои узви СПАД ҳамла кунанд,ин созмон наметавонад, ба таври комил ба ин мушкил расидагӣ кунад, чун таҷрибаи ғании мубориза бо терроризмро надорад, мегӯяд, Қосим Бекмуҳаммад, коршиноси масоили минтақавӣ, ки дар ростои баргузории саммит ба суолҳои хабарнигори Sputnik посух медод.

-Ба назари Шумо, то куҷо сенарияи ҳамлаи мустақими ҷангиён ба қаламрави Тоҷикистон ба ҳақиқат рост меояд? Ва ба имкониятҳои воқеии СПАД дар сурати ворид шудани тундравон ба қаламрави Тоҷикистон чи гуна баҳо медиҳед?

-Дар пайи интиқоли шумори зиёди ҷангиён дар нимаи дуюми соли гузашта аз Покистон ва минтақаҳои ҷануби Афғонистон ба шимол, танишҳо дар навоҳии шимол ва шимолу шарқӣ ба маротиб афзудааст. Ин навоҳӣ бо кишварҳои Осиёи Марказӣ, аз ҷумла Тоҷикистон ҳаммарз мебошанд.Талафоти неруҳои артиш ва пулиси Афғонистон даҳҳо ҳазор арзёбӣ мешавад.

Хабари таҳти тасарруфи гуруҳи толибон ва ҷонибдорони созмони террористии маъруф ба ДИИШ қарор гирифтани аксари минтақаҳо дар шимоли Афғонистон ва бадтар шудани авзои сиёсию низомӣ тамойюл ба болоравӣ дорад ва ин ҳам як воқеият аст.

Вале бо вуҷуди ин ҳама ман фикр намекунам, ки ҳоло гуруҳҳои террористӣ вазифаи аслии худро дар интиқоли садҳо ҷангҷӯ ба кишварҳои Осиёи Марказӣ донанд, бахусус ба Тоҷикистон. Зеро ҳоло гуруҳҳои террористӣ дар қаламрави Афғонистон ҳар кадоме ҳадафи худро дораду аз сӯи доираҳои гуногун сармоягузорӣ мешаванд ва агар бигӯем, ҳамаи онҳо тибқи як нақша амал мекунанду дар як соат ҳамроҳ ба кишвари ҳамсояе ворид мешаванд, ғалат аст.

-Кадом паҳлӯи заъфи фаъолияти СПАД-ро дар ростои ҷилавгирӣ аз гаравиши шаҳрвандони кишварҳои узв ба созмонҳои ифротӣ гуфта номбар карда метавонед?

— Дар ҳоли ҳозир кадом як муқовимати умумии неруҳои СПАД-ро набояд мунтазир шуд. Фаразан, агар гуруҳи террористие ба қаламрави яке аз кишварҳои узви СПАД ҳамла кунанд, ман фикр мекунам, ин созмон наметавонад, ба таври комил ба ин мушкил расидагӣ кунад, чун таҷрибаи бойи мубориза бо терроризмро надораду тадобири ин созмон барои ҷилавгирӣ аз ин гуна ҳолатҳо чандон коркард нашудаанд ва онҳоро бояд беҳтар карду аъзои он бояд сари ин масъала дар нишасти Душанбе фикр кунанд.

Моҳи июни соли равон Бордюжа аз афзоиши шумори ҷангҷӯни гуруҳҳои террористӣ, аз ҷумла ДИИШ аз ҳисоби шаҳрвандони кишварҳои узви СПАД нигаронӣ карда буд.

Тибқи иттилои мутахассисони "Гуруҳи буҳрони байналмилалӣ" давоми се соли ахир аз кишварҳои Осиёси Марказӣ аз 2 то 4 ҳазор нафар барои пайвастан ба саффи гуруҳҳои террористӣ озими Сурия шудаанд. Бар асоси иттилои мақомоти Тоҷикистон ҳоло аз ин кишвар дар саффи ҷангиёни ДИИШ 519 нафар иштирок дошта, шумори ҷангиёни рус дар ин созмон беш аз ду ҳазор нафар гуфта мешавад.

Тибқи изҳороти намояндагони расмии СПАД дар сохторҳои гуногуни ин созмон як қатор чораҳо андешида шудааст. Барои мисол, муайян кардани нақша ва усулҳои гуруҳҳои террористӣ дар кишварҳои узви СПАД. Инчунин, Ассотсиатсияи иттилооту таҳлили сохторҳои ин созмон, ки вазъиятро таҳлил ва хатару таҳдидҳоро муайяну барои ҷилавгирии онҳо чораҳои мушаххас таъйин мекунад. Бо назардошти афзоиши терроризм дар минтақаи таҳти идораи ин созмон метавон хулоса кард, ки дар ҳоли ҳозир чораҳои андешидашуда нокофӣ ва ғайриқаноатбахш мебошанд.

— Тибқи иттилои ВАО, дар бештари маврид шаҳрвандони Тоҷикистон аз қаламрави Русия ба суфуфи гуруҳҳои террористӣ мепайванданд. Ба назари Шумо омили аслӣ дар ин ҷо чӣ аст?

— Дар ҳақиқат аксари шаҳрвандони кишварҳои Осиёи Марказӣ ба суфуфи гуруҳҳои террористӣ, бахусус ДИИШ аз қаламрави Русия мепайванданд. Албатта пеш аз ҳама бояд гуфт, ки ҷонибдорони гуруҳҳои террористӣ миёни муҳорҷирон хеле фаъоланду хуб кор мекунанд. Бештар корҳои таблиғотиро миёни муҳоҷирони корӣ шаҳрвандони кишварҳои Қафқоз мебаранд. Вале вақтҳои ахир аз миёни шаҳрвандони кишварҳои дигар низ мубаллиғони хуб ҳам омода карда шудаанд. Яъне онҳо фаҳмидаанд, ки муҳоҷирон бештар ба ҳамватанони худ бовар мекунанд.

Бар иловаи гузоштани саҳми худ бо роҳи ҷиҳод дар таъсиси хилофате, ки дар он адолату баробарӣ ва мукофоти хуб барои иштирок дар ҷангҳо алайҳи "кофирон" ваъда шудааст, инчунин баъзе аз омилҳои дигари идеологию иқтисодӣ ва иҷтимоию фарҳангӣ вуҷуд дорад.

Яъне, фаъолшавии гуруҳҳои ифротию террористӣ ва афзоиши шумори ҷонибдорони онҳо на танҳо ба таъсири берунӣ, балки ба шароити дохилии Русияву кишварҳои Осиёи Марказӣ ҳам сахт вобастагӣ дорад.

14
Барчаспҳо:
оид ба СПАД, андешаи коршинос, изҳори назар, Толибон, СПАД, Николай Бордюжа, Қосими Бекмуҳаммад, Русия, Бадахшони Афғонистон, Осиёи Марказӣ, Душанбе, Тоҷикистон
Мавзуҳо:
Ҷаласаи сарони кишварҳои узви СПАД дар Душанбе (12)
Дмитрий Полетаев

Полетаев: пас аз пандемия муҳоҷиронро дар Русия корҳои зиёд интизор аст

237
(Таҷдидшуда 17:22 19.10.2020)
Дмитрий Полетаев, директори Маркази тадқиқоти муҳоҷират, корманди пешбари Пажӯҳишгоҳи пешгӯии иқтисодии Академияи илмҳои Русия гуфт, ки дар оянда Русия ба коргарони мавсимӣ муддати дароз ниёз хоҳад дошт

ДУШАНБЕ, 19 окт — Sputnik. Соли 2020 шумораи муҳоҷирони меҳнатӣ дар Маскав 40% коҳиш ёфт. Дар ин бора мири шаҳр Сергей Собянин хабар дод.

Камшавии нисфи шумораи муҳоҷирон дар кори хадамоти шаҳрӣ, алахусус дар ҷойҳои кории муваққатӣ барои тоза кардани шаҳр ба назар мерасад.

Коҳиши шумораи муҳоҷирон ба бозори меҳнат дар Маскав таъсир мерасонад. Ин алалхусус ба соҳаи манзилию коммуналӣ дахл дорад, ки дар он коргарони мавсимӣ ҷалб карда мешаванд.

Ба гуфтаи директори Маркази тадқиқоти муҳоҷират Дмитрий Полетаев, корманди пешбари Пажӯҳишгоҳи пешгӯии иқтисодии Академияи илмҳои Русия, дар Маскав ва дигар шаҳрҳои калон ҷойҳои муҳоҷирон боқӣ хоҳанд монд, зеро пас аз бекор кардани карантин, иқтисод ба ҳолати муқаррарӣ бармегардад.

Генерал Валентина Казакова шарҳ дод, чигуна ҳуқуқи муҳоҷирон ҳимоят хоҳад шуд

Полетаев дар суҳбат бо Sputnik Тоҷикистон гуфт, сохтмон, хоҷагии манзилию коммуналӣ, хидматрасонӣ, тозагӣ - ин ҳама ба ҷое нахоҳад рафт ва ҳамзамон дар умури хизматрасонии хаткашонӣ низ ҷойҳои нав пайдо хоҳанд шуд.

Коршинос қайд кард, ки ҳамин ки иқтисод тадриҷан аз оромии маҷбурӣ бармегардад, ҷойҳои корӣ боз пайдо мешаванд.

Илова бар ин, Полетаев қайд кард, ки раванди ҷалби қувваи корӣ ба маркази Русия ва шаҳрҳо идома дорад. Дар берун аз минтақаҳои калони, ба монанди Санкт-Петербург ва Москва ҷойҳои нав пайдо шудаистодаанд.

"Ин тамоюл барои 10-15 соли оянда аст, бинобар ин, мо бояд ҳатто сари он андешем, ки шояд ҳатто он муҳоҷирони меҳнатиро, ки ҳоло мо ба онҳо такя карда метавонем, нарасад", - илова кард манбаъ.

Ӯ ҳамзамон тавзеҳ дод, ки ин ҷойҳо барои муҳоҷирони дорои тахассуси пасти меҳнатӣ хоҳанд буд, ки дар он ҷо кори душвор хоҳад буд ва аз ин рӯ онҳо танҳо ба муддате ба он ҷо хоҳанд омад.

Мактуб аз баргҳо: муҳоҷири роҳруб тарзи мубориза бо коронавирусро нишон дод - навор

"Мусаллам аст, ки вазъи демографӣ талаб мекунад, ки шумораи бештари муҳоҷирони синни қобили меҳнат ҷалб карда шаванд, ки онҳо русиягӣ шуда метавонанд. Ин муқаррарот амалӣ карда мешавад", - хулоса кард директори Маркази омӯзиши муҳоҷират.

237
Барчаспҳо:
кор, муҳоҷир, Тоҷикистон, Русия

"Инҷо мардумро мекушанд": Русияро дар Қаробоғ кӣ интизор аст?

259
(Таҷдидшуда 23:52 16.10.2020)
Дар бораи он ки ҳайъати оштидиҳии Русия дар Қаробоғ ба кадом мушкилиҳо рӯ ба рӯ хоҳад шуд ва дар солҳои 90-ум ин танишро чигуна кӯшиш карда буданд, пешгирӣ кунанд, аз маводи зер хонед

Вазири корҳои хориҷии Русия Сергей Лавров изҳор доштааст: дар Қаробоғи Кӯҳӣ бояд низомиёни нозири Русия бошанд, аммо қарори ниҳоӣ пас аз тасмими ҷонибҳои муқобил қабул хоҳад шуд.

Дар бораи он ки ҳайъати оштидиҳии Русия дар Қаробоғ ба кадом мушкилиҳо рӯ ба рӯ хоҳад шуд ва дар солҳои 90-ум ин танишро чигуна кӯшиш карда буданд, пешгирӣ кунанд, аз маводи РИА Новости хонед.

Посухро нашуниданд

Дар бораи "кулоҳҳои кабуд" бояд пеш аз ҳама Озарбойҷон ва Арманистон ба мувофиқа оянд. Котиби раисҷумҳури Русия Дмитрий Песков таъкид кардааст: "Ҳамагуна ҷойгиркунии ҳамагуна оштидиҳандагон, ҳар касе бошад, бояд бо ризогии ҳарду ҷониб сурат гирад. Ва афзуд: "То ҳол, мо посухе дарёфт накардаем".

Як рӯз пеш, 14 октябр, президент Илҳом Алиев дар мусоҳиба бо телевизиони туркии Haber Turk чунин гуфт: "Агар яке аз ҷонибҳо мухолиф бошад, ин имкон надорад. Нуқтаи дувум ин аст, ки ҳама бояд дарк кунанд, ки сухан дар бораи ҳудуди мустақили Озарбойҷон меравад. Бе розигии мо касе наметавонад нафареро ирсол кунад. Ин нақзи қовонини байналмилалӣ аст".

Алиев ба Sputnik аз имрӯзу фардои Қаробоғ гуфт - навор

Роҳбари Озарбойҷон афзуд, вуруди нозирон дар усулҳои асосии ҳаллу фасли сулҳ пешбинӣ шудааст. "Аммо ин банди охирон аст. Масъала феълан дар марҳилаи баррасӣ аст, зеро то ҳол дигаргунии назаррасе нест", - таъкид кард Алиев.

Ба қавли вай, бояд ба гуфтушунидҳо Туркия ҷалб карда шавад ва ба самаранокии кори гурӯҳи бо ном Мински САҲА, ки ба баҳси соли 1992-уми Қарабоғ машғул аст, эътимод надорад. 

Муштарикони он - Русия, Фаронса ва ИМА, аъзоҳо бошанд, ба ғайр аз Арманистон ва Озарбойҷон, - Белорус, Олмон, Италия, Шветсия, Финландия ва Туркия мебошанд.

"Дар ин гурӯҳ кишварҳое ҳастанд, ки ба минтақа дастрасӣ ва дар минтақа нуфузе надоранд, - тавзеҳ дод Алиев. Агар мо ҳалли танишро хоҳем, кишварҳое лозиманд, ки дар ҳақиқат метавонанд. Дар оштӣ нақш дошта бошанд. Дар нақши чунин кишвар мо албатта Туркияро мебинем".

Сарвазири Арманистон Никол Пашинян қайд кард, ки масъалаи ворид шудани оштидиҳандагони Русияро бояд баррасӣ кард. "Аммо ин гуна масъалаҳо бояд дар миқиёси бузургтар ба монандаи Гурӯҳи Минскии САҲА баррасӣ шаванд", - гуфтааст сарвазир ба Al Jazeera.

Дабири кулли Созмони аҳдномаи амнияти дастаҷамъӣ (СААД) Станислав Зас иттилоъ дод, ки шӯрои доимии созмон муроҷиати сарвазири Арманистон Никол Пашинян ва роҳбари Вазорати корҳои хориҷии Арманистон Зограб Мнасаканянро дар мавриди вазъ дар Қаробоғи Кӯҳӣ гирифтааст.

"Ворид кардани ҳайъати оштидиҳанда ба минтақа баррасӣ мешавад", - таъкид кард Зас. 

Ва афзуд: "Мо иштироки кишварҳоеро, ки узви Гурӯҳи Минскии САҲА мебошанд, истиқбол мегирем ва ин танҳо дар ҳошияи ваколатҳое аст, ки ба онҳо дода шудааст".

Нуҳуми октябр вазирони корҳои хориҷии Арманистон ва Озарбойҷон Зограб Мнасаканян ва Ҷайҳун Байрамов бо миёнравии Сергей Лавров, вазири умури хориҷаи Русия дар Маскав ба мувофиқа омаданд, ки кишварҳо оштӣ мекунанд. Дар назар дошта шуда буд, ки нимаи рӯзи дигар оташбас эълон мешавад. Аммо амалиётҳои ҷангӣ аз сар гирифта шуданд.

Русия омодаи пешниҳоди майдони гуфтугӯҳост: Захарова дар бораи танишҳо дар Қаробоғ

Фосила байни дидгоҳҳо

Қафқозшиноси рус, номзади илмҳои сиёсӣ Артур Атаев дар бораи мушкилие, ки оштидиҳандагонро интизор аст, гуфт.

"Минтақа аз нигоҳи ҷуғрофӣ сода нест. Ҳанӯз дарк нашудааст, ки куҷо метавон хатти тамосро кашид. Як ҷониб мегӯяд, ки Қаробоғи Кӯҳӣ ва 7 ноҳияи назди он ба Ҷумҳурии Қарабоғи Кӯҳии эътирофношуда тааллуқ дорад. Барои дигар ҷониб чӣ худи Қаробоғ ва замини атрофи он - ҳудуди Озарбойҷон аст. Фосила байни ин нуқтаҳои назар аст", - мегӯяд коршинос.

Ба гуфтаи сиёсатшинос, то замоне, ки амалиётҳои ҷангӣ мераванд, барои баррасии ҷиддии ҳайъати оштидиҳандагон шарти пешакие вуҷуд надорад.

"Барои ташдид шудани вазъ бошад, баръакс, ҳаст. Зоҳиран, дар минтақаи даргирӣ узви гурӯҳҳои ҳарбие фаъолият мебаранд, ки омодаанд ҳама гуна созишро шикананд. Дар бораи ба Қафқоз интиқол ёфтани ҷангиёни Шарқи Наздик  роҳбари Хадамоти иттилооти хориҷии Русия Сергей Наришкин ёдрас шуд. Ин гуна изҳоротҳо бидуни далеле гуфта намешаванд", - таъкид мекунад Атаев.

Аз як тараф Русия таҷрибаи ҷойгир кардани қувваҳои сулҳоварро дар Қафқоз - Осетияи Ҷанубиро дорад. Он ҷо иштирокдорони таниш роҳи гуфтугӯро ёфта буданд. Аммо ҳуҷуми ҳарбии Гурҷистон ба нозирони Русия дар Тсинвале иддаи тақсими мухолифин ба тавассути як нерӯи севумро то ҳадди зиёде беэътибор кард. 

"Низомиёне, ки ин гуна вазифаҳоро иҷро мекунанд, метавонанд дар ҳамагуна вазъ ба гуфтушунид бароянд. Дар Осетияи ҷанубӣ ва Абхазистон созиш дар бораи хатти оташ ва минтақаи бидуни тамос амал мекард. Аммо дар ҷо 68 ниомии рус қурбон шуда буд. Барои ҳамин, Маскав масъаларо чуқур баррасӣ хоҳад кард", - мегӯяд коршинос.

Роҳи ҳалли эҳтимолӣ - ширкати СААД дар тақсим кардани ҷонибҳо мебошад. "Ин метавонад чун нақтаи рушд дар созмон хизмат кунад", - тахмин мезанад Атаев.

Дар соли 1980 дар аввалҳои соли 1990 ҷонибҳои мухолиф дар минтақа қисме аз Артиши советӣ ва қӯшунҳои дохилии Вазорати корҳои дохилии Иттиҳоди Шӯравиро ворид карда буданд. 

Аммо на ҳамаи онҳоро ба сифати оштидиҳандагон қабул карданд, - ҳам арманиҳо ва ҳам озарбойҷониҳо таъна заданд, ки онҳо ба ҳариф кӯмак мерасонанд.

Пешниҳоди Жириновский: Қарабоғи Кӯҳӣ ба ҳайъати Русия ворид шавад

Сергей Шатко дар вилояти мухтори Қарабоғи Кӯҳӣ дар ҳайъати воҳидҳои ҳанги иртиботи давлатӣ хизмат мекард. 

Ӯ худро куҳансарбози амалиётҳои ҷангӣ намедонад - ҳарбиёне, ки дар Қарабоғ ҷанг кардаанд, ин гуна статус надоранд. Вай байни мавқеияти ҳуқуқии номафҳуми сулҳбозони он замон ва авзои ошуфтаи сиёсии авоили солҳои 90-ум қаринаҳоеро тарсим мекунад.

"Мо бо ҷонибҳои ҷангкунанда мисли ҳамватанонамон, ки бояд ҳифзашон мекардем, муносибат доштем, - ба ёд меоварад Шатко. - Тавре афсари баталиони озоди курсантони омӯзишгоҳи ВКД СССР дар Сумгаита гуфта буд:"Ҷанг идома дорад, мардумро мекушанд ва вазифаи мо дар он аст, то нишон диҳем, ки ҳукумати советӣ дар ин ҷо буд, ҳаст ва мемонад." Аммо натавонистанд. Дар марказ шояд намефаҳмиданд, ки чигуна вазъро ба эътидол оваранд. Одамони гуногунро дучор мешудем, бештарашон фикрҳои солим доштанд, аммо нафароне низ буданд, ки моро ба дастгирии ҷониби дигар муттаҳам мекарданд. Ба онҳо сулҳ не, автоматҳои мо лозим буд, ки ба сӯи якдигар тир кашанд.

Қисмҳои ахири аз Степанкерт соли 1992 рафта буд, ҷонибҳо амалан амалиёти ҷангӣ мебурданд, барои ҳамин барои берун кардани қисмҳои ҳарбӣ, кишваре ки аллакай вуҷуд надошт, амалиёти низомӣ ташкил карданд.

"Сиёсатмадорон аз ҳарду ҷониб на ба сулҳ, балки барои ба даст овардани қудрат кӯшиш мекарданд. Ба он миллатгароён низ пайваст шуданд, - идома медиҳад Шатко. - Ягона чизе, ки онҳо мехостанд, - пирӯзӣ бо шартҳои онҳо буд. Дигар чизе не. Қарабоғро қӯшунҳои дохилӣ, қисми ҳарбии собиқ Иттиҳоди Шӯравӣ тарк карданд ва ҳама барҳам пошид. Касе дигар кӯшиш накард, ки ҷонибҳои ҷангкунандаро аз ҳам ҷудо кунад. Пас аз тақсим кардани ғанимати Округи ҳарбии Красноземное ва  Закавказ ҷонибҳо силоҳ ва техникаи ҷангӣ ба даст оварданд ва оташи ҷанг аланга гирифт."

Генерал-майори хадамоти дохилӣ Владимир Ворожсов дар аввалҳои соли 1990 дар Закавказ дар сафарҳои хидматӣ буд. 

Ҳоло бо истеҳзои тунде ба ёд меовард: ҳамхизматони вай гоҳе дар кӯҳҳои Арманистон, гоҳ дар кӯҳҳои Озарбойҷон меҷаҳиданд - аз он вобаста ки дар куҷо адои хидмат мекарданд.

"Мешуд, ки низомиён, ҳангоми қарор доштан дар ҳудуди Арманистон ё Озарбойҷон, чунон ба ақоиди сокинони маҳаллӣ дода мешуданд, ки қариб худро ба ҷониби даргирӣ шомил менамуданд, - иқрор мешавад вай. Иттиҳомот ҳам аз ҳамин ҷост, ки Ҳарбии Советӣ ҳам ину ҳам онро ҷонибдорӣ кард. Аммо сарбозон асосан аҳолии  маҳаллиро ҷонибдорӣ мекарданд. Бархеашон маҳз барои ҳамин ҷонашонро фидо карданд".

Ба гуфтаи Ворожсов, Русия барои миёнравӣ таҷриба дорад, афзун бар ин барои ҳайъати оштидиҳандагон кадр низ  дорад.

"Технологияҳо коркард шудаанд, аммо дар амал мушкил аст: низомиёни ҷонибҳои муқобил ва миёнрав якҷо хатти тамосро тафтиш мекунанд. Аввалаш, иртиботи инсонӣ, дувум, ҷониби худашон тир намекушоянд", - тавзеҳ медиҳад вай.

Кӣ бояд вазифаи оштидиҳандаро иҷро кунад - на танҳо аз муносибати сокинони маҳаллӣ вобаста аст.

Путин дар бораи низои Қарабоғ: "Мардуми он ҷой барои мо бегона нестанд" - видео

"Бовариро бо амал ба даст меоваранд. Аммо шартҳои асосӣ - розигии ҷонибҳои мухолиф ба ҳузури маҳз ҳамин низомиён мебошад", - мегӯяд генерал.

Ин масъала сирф сиёсӣ мебошад. Ворид кардани воҳидҳо он вақт маъно дорад, ки вазифаи он муайян аст. Инро ҳам дар Боку, ҳам дар Ереван ва ҳам дар Маскав хуб дарк мекунанд.

259
День 21 октября

Ҷашнҳои рӯзи 21 октябр дар Тоҷикистон ва ҷаҳон

0
(Таҷдидшуда 18:50 20.10.2020)
Рӯзи 21 октябр дар Иёлоти Муттаҳидаи Амрико ҳамчун рӯзи ширинӣ ва дар Бритониёи Кабир рӯзи себ таҷлли мешавад

Рӯзи 21 октябр дар ҷаҳон чӣ рух дод

Соли 1969 дар  Тошканд аввалин Кинофестивали байналмилалии давлатҳои Осиё, Африқо ва Амрикои Лотинӣ доир шуд.

Город Ташкент, архивное фото
Город Ташкент, архивное фото

Соли 1994 Академияи телевизионии Русия ҷоизаи ҳамасолаи "ТЭФИ"-ро таъсис дод.

Вручение телевизионной премии ТЭФИ 2017
© Sputnik / Владимир Астапкович
Вручение телевизионной премии "ТЭФИ 2017"

Рӯзи 21 октябр дар Тоҷикистон чӣ рух дод

Соли 2009 дар Душанбе созишнома миёни Ҳукумати Тоҷикистон ва Бонки рушди УрОсиё (БРАО) дар бораи фаъолият ва кушодани дафтари Бонк дар Тоҷикистон ба имзо расид

© Sputnik / Стас Этвеш / Вишнякова Мария

Соли 2010 дар шаҳри Душанбе Кумита оид ба ҳимояи ҳуқуқи журналистон зери номи “Кумитаи 29 сентябр” таъсис ёфт.

Соли 2010 дар шаҳри Душанбе татбиқи "Барномаи сиёсати хориҷии Ҷумҳурии Тоҷикистон дар самти муҳоҷирати меҳнатӣ барои солҳои 2006-2010" муҳокима карда шуд.

Соли 2014 Донишгоҳи (славянии) Тоҷикистону Русия ва Донишгоҳи "Сока" — и  Ҷопон созишномаи ҳамкорӣ ба имзо расониданд.

Здание Российско-Таджикского (славянского) университета, архивное фото
© Sputnik Амир Исаев
Здание Российско-Таджикского (славянского) университета, архивное фото

Соли 2015 дар Осорхонаи миллии Тоҷикистон намоиши "Шамоил. Асрҳои Х1Х-ХХ. Сухан ва тасвир" оғоз гардида, 20 ноябр ба анҷом расид.

© Sputnik / Стас Этвеш / Вишнякова Мария

Соли 2016 масоили вақт ва дурнамои ҳамкории Тоҷикистону Аморати Муттаҳидаи Араб баррасӣ шуданд.

Соли 2016 вазоратҳои корҳои хориҷии Ҷумҳурии Тоҷикистон ва Ҷумҳурии Туркия барномаи ҳамкории мутақобила барои солҳои 2017-2020 –ро ба имзо расониданд.

Соли 2015 дар чойхонаи миллии қасри таърихии Арбоб Президенти Ҷумҳурии Тоҷикистон Эмомалӣ Раҳмон бо роҳбарону фаъолони вилояти Суғд машварати корӣ доир намуданд.

Дворец Арбоб в Худжанде
© Sputnik / Стас Этвеш
Дворец Арбоб в Худжанде

Соли 2016 дар Қасри миллат дар мулоқоти Эмомалӣ Раҳмон ва Вазири корҳои хориҷии Туркия Мавлют Човушоғлу масоили вақт ва дурнамои ҳамкории ду давлат ва дигар мавзӯъҳои муҳим баррасӣ шуданд.

Ҷашнҳои рӯзи 21 октябр

  • Дар ИМА — Рӯзи ширинӣ.
  • Дар Британияи Кабир —  Рӯзи себ.
  • Рӯзи қувваҳои мусаллаҳ дар Гондурас.
  • Рӯзи инқилоб дар Сомалӣ ва Судон.

Рӯзи 21 октябр дар Тоҷикистон кӣ ба дунё омадааст

Нарзулло Азимов (1934)- адабиётшинос, профессор.

Зинаида Захарова (1929) – актрисаи театр, Ҳунарпешаи Шоистаи Тоҷикистон.

Маҳмуд Исмоилов (1929-2011) – доктори илми биологӣ, профессор, узви вобастаи АИ Тоҷикистон, Ходими шоистаи илми ҷумҳурӣ.

Солеҳҷон Фармонов (1922) – актёри театр, Ҳунарпешаи шоистаи Тоҷикистон.

Марианна Фофанова (1921) – шоира, мутарҷим, Корманди шоистаи маданияти Тоҷикистон.

Григорий Ясвоин (1884 – 1963) – доктори илми тиб, профессор, Ходими шоистаи Тоҷикистон.

0
Барчаспҳо:
Ҷаҳон, Тоҷикистон, ҷашн
Мавзуъ
Ҷашнҳои рӯзи 14 октябр дар Тоҷикистон ва ҷаҳон
Ҷашнҳои рӯзи 15 октябр дар Тоҷикистон ва ҷаҳон
Ҷашнҳои рӯзи 16 октябр дар Тоҷикистон ва ҷаҳон
Ҷашнҳои рӯзи 17 октябр дар Тоҷикистон ва ҷаҳон
Ҷашнҳои рӯзи 18 октябр дар Тоҷикистон ва ҷаҳон
Ҷашнҳои рӯзи 19 октябр дар Тоҷикистон ва ҷаҳон
Ҷашнҳои рӯзи 20 октябр дар Тоҷикистон ва ҷаҳон