Сохтмони лӯлаи газ. Акс аз бойгонӣ

Туркия: набуди гази русӣ фоҷеа аст

16
(Таҷдидшуда 15:25 11.12.2015)
Ин лӯлаи газ як бахши калидии лоиҳаи бузурге мебошад, ки бо дастгирии комили Кумисиюни Аврупо роҳандозӣ шудааст.

ДУШАНБЕ, 11 дек — Sputnik. Зиёд шудани нофаҳмиҳо миёни Маскаву Анқара дар пайи сарнагун шудани ҳавопаймои Су-24 Туркияву Аврупоро ба мухолифини таъминкунандагони алтернативии энергия Русия табдил медиҳад, навиштааст РИА Новости бо истинод ба матлаби нашрияи "Politico".

"Туркия дар вазъияти хеле ҳассос қарор дорад ва қатъи интиқоли газ аз Русия бо сабабҳои геопалитикӣ барои Анқара фоҷеа хоҳад шуд", — мегӯяд таҳлилгари Институти "Брейгел"-и Аврупо Симон Таляпетр. Ба гуфтаи ӯ, дар сурати кандани риштаи дӯстии Маскаву Анқара ба мақомоти турк пайдо кардани манбаъҳои дигари интиқоли газ дар ояндаи наздик мушкил хоҳад буд.

Ин таҳлилгари аврупоӣ меафзояд, ки сафари ахири вазири корҳои хориҷии Туркия Аҳмад Довуд-уғлӯ ба ҳар чӣ зудтар оғоз шудани сохтмони лӯлаи интиқоли гази "Tаноб" рабт дошт, ки давраи шуруи сохмтони он ба миёнаҳои соли 2018 рост меомад.

Ин лӯлаи газ як бахши калидии лоиҳаи бузурге мебошад, ки бо дастгирии комили Кумисиюни Аврупо роҳандозӣ шудааст.

Лоиҳаи мазкур интиқоли 16 миллиард метри мукааб газ аз баҳри Каспий ба Аврупоро то охири даҳсола дар назар дорад, ки 6 тои он ҳаққи Туркия аст.

"Агар Русия интиқоли газ ба Туркияро қатъ кунад, пас Анқара ба гази бештар аз они Каспий ниёзманд хоҳад шуд. Зеро ҳаҷми гази интиқолшаванда тавассути лӯлаи мазкур наметавонад, мушкили онро ҳал созад", — меафзояд Таляпетр.

Ин таҳлилгар бовар дорад, ки бо вуҷуди тезонидани раванди сохтмони лӯлаи шаз то мавриди баҳрабардорӣ қарор гирифтани он муддати тӯлонист.

Равобити Анқараву Маскав баъд аз сарнагун шудани ҳавопаймоии зарбазани Су-24 тавассути ҳавопаймои ҷангии F-16-и Туркия дар хоки Сурия ба сардӣ гароид.

16
Барчаспҳо:
газ, қатъ, мушкил, сохтмон, сафар, лӯлаи газ, Институти "Брейгел"-и Аврупо, Кумисиюни Аврупо, Аҳмад Довуд-уғлӯ, Симон Таляпетр, Анқара, Туркия, Аврупо, Русия, Маскав
Руководитель департамента здравоохранения Международной Федерации обществ Красного Креста и Красного Полумесяца (Европейский регион)  Даврон Мухамадиев

Муҳамадиев аз хатари асосии мавҷи дуввуми коронавирус барои Тоҷикистон гуфт

666
(Таҷдидшуда 14:45 31.10.2020)
Мувофиқи маълумоти ТУТ, одамон пас аз коронавирус барқароршавияшон дарозтар шудааст, бинобар ин бисёр беморон аз нигоҳубини маъмулӣ маҳрум шуданд, гуфт намояндаи Салиби Сурх ва Ҳилоли Аҳмар Даврон Муҳамадиев

ДУШАНБЕ, 31 окт — Sputnik. Бемории COVID-19 дар саросари ҷаҳон афзоиш меёбад. Дар Тоҷикистон ҳанӯз ҷаҳиши шадиди ин беморӣ ба назар намерасад, аммо ин метавонад муваққатӣ бошад.

Масъала дар он аст, ки ҳарчанд Вазорати тандурустии Ҷумҳурии Тоҷикистон ба мавҷи дувум омодагӣ мебинад ва барои мабодо бемористонҳоро бо асбобҳои нафасдиҳиву катҳои иловагӣ таъмин мекунад, аммо тағири табиати беморӣ метавонад тамоми кӯшишҳои табибонро нокофӣ кунад, мегӯяд Даврон Мухамадиев, сардори Раёсати тандурустии Салиби Сурх ва Ҳилоли Аҳмар.

“Аз моҳи сентябр ба ин сӯ афзоиши шадиди сироят дар Аврупо мушоҳида мешавем, ки пас аз Иёлоти Муттаҳида меистад. Шумораи бистаришавӣ дар беморхонаҳо афзудааст, аммо бадтараш, барқароршавӣ тӯлонитар шудааст, одамон вақти зиёдро дар катҳои беморхонаҳо мегузаронанд, ки ин ба  беморхонаҳо бори иловагӣ меорад.

Олимон гуфтанд, одамон бо кадом гурӯҳи хун коронавирусро сабук мегузаронанд

Дар ниҳоят, беморхонаҳо барои мубориза бо COVID-19 тарҳрезӣ шудаанд ва аксари беморон аз нигоҳубини маъмулӣ маҳруманд ", - шарҳ дод Муҳаммадиев ба Sputnik Тоҷикистон.

Ба гуфтаи ӯ, ягона чизе, ки бемористонҳоро аз изофабориҳо наҷот медиҳад, ҳушёрии худи шаҳрвандон, риояи режими ниқоб ва фосилаи иҷтимоӣ мебошад.

Олимон гуфтанд, кадом омил хавфи марг аз коронавирусро дучанд мекунад

Набояд ба иқлими гарм ва офтоби тафсони Тоҷикистон такя кард, зеро ягон тадқиқот робитаи мустақими режими ҳарорат ва афзоиши бемориро собит накардааст.

666
Барчаспҳо:
сироят, табобат, беморон, вируси корона, Тоҷикистон
Заместитель главного редактора журнала «Авиапанорама», заслуженный военный летчик России Владимир Попов

Коршинос дурнамои ифтитоҳи парвозҳо байни кишварҳои ИДМ-ро арзёбӣ кард

398
(Таҷдидшуда 14:36 27.10.2020)
Муовини сармуҳаррири маҷаллаи “Авиапанорама”, генерал-майор, Ҳавонаварди шоистаи ҳарбии Федератсияи Россия, номзади илмҳои техникӣ Владимир Попов гуфт, ки фурудгоҳҳои кишварҳои ИДМ барои кушодани ҳаракати ҳавоӣ то куҷо омодаанд

ДУШАНБЕ, 27 окт - Sputnik. Мақомоти Тоҷикистон ва Ӯзбекистон дар мавриди азсаргирии парвозҳо байни Тошканд ва Душанбе ба созиш расиданд.

Тибқи маълумоти пешакӣ, нахустин парвози ҳавопаймоҳо байни пойтахтҳои Тоҷикистон ва Ӯзбекистон рӯзи 28 октябр сурат мегирад.

Попов гуфт, ки эҳёи парвозҳо дар дохили ИДМ дурнамои рафъи бӯҳрон дар нақлиёти ҳавоиро боз мекунад.

Владимир Попов ба Sputnik Тоҷикистон гуфт: "Танҳо манъ кардан, бастани марзҳо лозим нест, бояд назорат ва сармоягузорӣ кард, то амнияти умумиҷаҳониро таъмин кунед". Ба гуфтаи мутахассис, вазъи мавҷуда имкон медиҳад, ки ҳаракати ҳавоӣ дубора барқарор карда шавад, зеро ташхиси коронавирус муайян,  ваксина аллакай сохта шудааст ва  нақшаи табобати ин беморӣ мавҷуд аст.

Номбурда илова кард, ки иқтисодиёт ба тамоми соҳаҳои ҳаёт таъсир мерасонад.

Тоҷикистон боз аз рӯйхат берун монд: Русия бо 4 давлати дигар парвозҳо барқарор кард

Барои барқарор кардани кори ҳамаи сохторҳо, риояи тамоми чораҳои зидди эпидемия зарур аст, гуфт коршинос.

Ёдовар мешавем, дар пайи ҳамагирии коронавирус кишварҳо, аз ҷумла Тоҷикистон марзҳояшонро ба хотири ҷилавгирӣ аз ин беморӣ бастанд.

398
Барчаспҳо:
фурудгоҳҳо, коршиносон, парвозҳо, Тоҷикистон
Пожар, архивное фото

Сержант то омадани оташнишонҳо сӯхторро хомӯш кард

0
Вазорати умури дохилии Тоҷикистон мегӯяд, новобаста аз бурдани корҳои зиёди пешгирикунанда, ҳамоно бисёре аз масъулини дӯкону марказҳои савдо, мағозаву бозорҳо қоидаҳои бехатарӣ аз сӯхторро нодида мегиранд

ДУШАНБЕ,  31 окт — Sputnik. Тибқи иттилои ВУД, шаби 29 ба 30-юми октябри соли равон тахминан соати 01:00, дар маҳаллаи 91-уми шаҳри Душанбе, дар нуқтаи савдои тезтайёр сӯхтор сар зад.

"Дар ин ҳангом корманди ШБДА РВКД дар шаҳри Душанбе, сержанти хурди милитсия Мирзоев Хуршед, ки дар ин минтақа хизмат мебурд, ин ҳодисаро пай бурда, дар баробари хабар додани ба бахши оташнишонӣ, худ низ дарҳол аз паи хомӯш намудани сӯхтор мешавад. Мавсуф ба воситаи тирезаи нуқтаи савдо ворид онҷо шуда, оташро дар як муддати кӯтоҳ хомӯш мекунад", - омадааст дар иттилоияи ВУД.

Манбаъ афзуд, дар натиҷа аз таъсири алангаи оташ қисми рости пешонии сержанти хурди милитсия Мирзоев Хуршед осеб дидааст. Айни ҳол номбурда бо бардоштани ҷароҳати ҷисмонӣ дар Раёсати тибби ВКД таҳти муоинаи табибон қарор дорад.

ВУД таъкид кардааст, ҷасорат, масъулият ва садоқати корманди милитсия буд, ки ин ҳодисаи сӯхтор хомӯш карда шуду дигар ашёҳои нуқтаи савдо аз коми оташ эмин нигоҳ дошта шуданд.

0
Барчаспҳо:
оташхомӯшкунӣ, сӯхтор, Тоҷикистон