Қарабоғи Кӯҳӣ. Акс аз бойгонӣ

Сиёсатшинос: сабабҳои низоъ дар Қарабоғи Кӯҳӣ гуногунанд

115
(Таҷдидшуда 11:07 06.04.2016)
Шӯрои доимии САҲА бо иштироки аъзоёни гурӯҳи Минск оиди ҳалли масъалаи Қарабоғ ҷаласаи вижа доир менамояд. Гурӯҳ ҳоло ҳам метавонад ба ҳаллу фасли даргириҳо таъсир расонад, мегӯяд сиёсатшинос Владимир Зорин.

ДУШАНБЕ, 6 апр — Sputnik. Шӯрои доимии САҲА дар Вена бо иштироки аъзоёни гурӯҳи Минск доир ба бартарафсозӣ ва ҳалли муноқишаи Қарабоғ ҷаласа диор мекунад, иттилоъ медиҳад РИА Новости бо истинод ба як манбаъ аз ин ташкилот. Қайд мешавад, ки сухан дар бораи ҳар чӣ зудтар аз байн бурдани муноқишаҳо ва эҳтимоли ҳалли он дар сатҳи сиёсӣ меравад.

Ҳамраисони гурӯҳи Мински САҲА Русия, Фаронса ва ИМА мебошанд. Аъзоёни доимӣ —Белорус, Олмон, Италия, Шветсия, Финландия ва Туркия, ҳамчунин Арманистон ва Озарбойҷон ҳастанд.

Қаблан вазири умури хориҷии Русия Сергей Ловров ва котиби давлатии ИМА Ҷон Кери аз ҷонибҳо ба хотимаи даргириҳо даъват карданд. Онҳо "кӯшиши "бозингарони хориҷи"-ро дар тезу тунд кардани муноқишаи Қарабоғ маҳкум намуданд".

Дар бораи пуршиддат шудани даргириҳо дар минтақаи Қарабоғ вақтҳои охир Шабакаи мониторинги этникӣ ва огоҳкунии барвақтии низоъҳо (EAWARN) —ташкилоти ҷамъиятии Русия, ки бо дастгирии Интситути этнологӣ ва антропологии Академияи илмҳои Русия фаъолият мекунад, зиёд маълумот медод, мегӯяд доктори илмҳои сиёсатшиносӣ Владимир Зорин.

Вазъ дар маҳалли ҳодиса дар Қарабоғи Кӯҳӣ
© Sputnik / Асатур Есаянц
 

"Ҳамин вазъ дар рӯзи аввали даргирӣ, яъне 2 апрел мушоҳида шуд. Якум мехостам бигӯям, ки нақши гурӯҳи Минск то имрӯз самаранок ва муассир буд. Ҳоло ки ин гурӯҳ ҷамъ мешавад, бисёр муҳим аст. Шахсан ман аз ин гурӯҳ умеди калон дорам. Вазифаи аввалиндараҷа ин хотима додан ба даргириҳост. Қадами баъдӣ бояд берун овардани қувваҳои низомӣ ва аслиҳаи вазнин бошад. Ман изҳороти Сергей Лавров ва Ҷон Кериро  дар бораи даъвати хотима додани мубориза хеле хуш пазируфтам. Яъне кишварҳое, ки гурӯҳи Минскро таъсис доданд сиёсати рушани сулҳҷӯёна доранд. Ва ман умедворам, ки ин сиёсат нақши худро хоҳад бозид",-гуфт Владимир Зорин дар мусоҳиба бо радиои Sputnik.

Ба қавли ӯ, ба оташандозии "қувваҳои хориҷӣ" нигоҳ накарда, баъди чанде ҳамаи ин муноқишаҳо поён меёбанд ва ҳалли худро пайдо мекунад.

"Фикр мекунам, ин ҷо Сергей Ловров ва Ҷон Кери Туркияро дар назар доштанд. Коршиносоне, ки алоқаи Туркияро дар Қафқоз мушоҳида мекарданд низ ба чунин хулоса омаданд. Амалан Туркия ягона мамлакате буд, ки дар рафти ин муноқишаҳо яке аз тарафҳоро дастгирӣ кард", — қайд кард сиёсатшинос.

Дар баробари ин Владимир Зорин гуфт, ки муноқиша якчанд сабаб дорад.

"Ин низоъ муноқишаест, ки ба қатори баҳсҳои "яхшуда" ё ба таъхир афтода дохил мешавад. Ва чунин муноқишаҳо метавонанд тезу тунд гарданд ва дар ҳар замон тарканд. Чизе, ки айни замон ба вуқӯъ пайваст —чанд сабаб дорад. Ҳам вазъияти бади иқтисодӣ ва сиёсии ин кишварҳо ва ҳам вазъияти ноороми дунёи имрӯз. Дар чунин шароит ҳамеша авҷи муноқишаҳои маҳаллӣ ва ба таъхирафтода буруз мекунад. Дар аксари ҳолат бошад, ин санҷиши қувваҳои ҳамдигарӣ баъди давраи сулҳи дарозмуддат аст", — иброз медорад Владимир Зорин.

Ба фикри сиёсатшинос айни замон Шӯрои гурӯҳи Мински САҲА метавонад вазъиятро ором кунад.

"Ман фикр мекунам, ки вазъияти имрӯза ба муборизаи бузург табдил нахоҳад ёфт. Чунки гурӯҳи Минск метавонад барои ором гардонидани вазъият таъсири мусбат расонад", —хулоса кард Вламидир Зорин.

115
Барчаспҳо:
ҷанг дар Қарабоғ, низоъ, баҳси марзӣ, тирпарронӣ, муноқиша, марз, Гурӯҳи Минск, САҲА, Владимир Зорин, Сергей Лавров, Ҷон Керри, Қарабоғи Кӯҳӣ, Арманистон, Озарбойҷон
Мавзуҳо:
Низоъ дар Қарабоғи Кӯҳӣ: аз ҷанг то ҳамлаҳои хакерӣ (5)
Мавзуъ
Дар "Эделвейс" шаҳраки ҳарбӣ бунёд мекунанд
Заместитель главного редактора журнала «Авиапанорама», заслуженный военный летчик России Владимир Попов

Коршинос дурнамои ифтитоҳи парвозҳо байни кишварҳои ИДМ-ро арзёбӣ кард

375
(Таҷдидшуда 14:36 27.10.2020)
Муовини сармуҳаррири маҷаллаи “Авиапанорама”, генерал-майор, Ҳавонаварди шоистаи ҳарбии Федератсияи Россия, номзади илмҳои техникӣ Владимир Попов гуфт, ки фурудгоҳҳои кишварҳои ИДМ барои кушодани ҳаракати ҳавоӣ то куҷо омодаанд

ДУШАНБЕ, 27 окт - Sputnik. Мақомоти Тоҷикистон ва Ӯзбекистон дар мавриди азсаргирии парвозҳо байни Тошканд ва Душанбе ба созиш расиданд.

Тибқи маълумоти пешакӣ, нахустин парвози ҳавопаймоҳо байни пойтахтҳои Тоҷикистон ва Ӯзбекистон рӯзи 28 октябр сурат мегирад.

Попов гуфт, ки эҳёи парвозҳо дар дохили ИДМ дурнамои рафъи бӯҳрон дар нақлиёти ҳавоиро боз мекунад.

Владимир Попов ба Sputnik Тоҷикистон гуфт: "Танҳо манъ кардан, бастани марзҳо лозим нест, бояд назорат ва сармоягузорӣ кард, то амнияти умумиҷаҳониро таъмин кунед". Ба гуфтаи мутахассис, вазъи мавҷуда имкон медиҳад, ки ҳаракати ҳавоӣ дубора барқарор карда шавад, зеро ташхиси коронавирус муайян,  ваксина аллакай сохта шудааст ва  нақшаи табобати ин беморӣ мавҷуд аст.

Номбурда илова кард, ки иқтисодиёт ба тамоми соҳаҳои ҳаёт таъсир мерасонад.

Тоҷикистон боз аз рӯйхат берун монд: Русия бо 4 давлати дигар парвозҳо барқарор кард

Барои барқарор кардани кори ҳамаи сохторҳо, риояи тамоми чораҳои зидди эпидемия зарур аст, гуфт коршинос.

Ёдовар мешавем, дар пайи ҳамагирии коронавирус кишварҳо, аз ҷумла Тоҷикистон марзҳояшонро ба хотири ҷилавгирӣ аз ин беморӣ бастанд.

375
Барчаспҳо:
фурудгоҳҳо, коршиносон, парвозҳо, Тоҷикистон
Самолет F-16

"Аллакай дар истеҳсолот": чаро Русия "ҳавопаймоҳои рӯзи қиёмат"-ро эҳё мекунад

565
Муносибати байни қудратҳои ҳастаӣ то ҳадде боло рафтааст. Дипломатҳо ба бунбаст афтоданд, ҷонибҳо сафирҳоро даъват мекунанд. Қувваҳои мусаллаҳ дар ҳолати омодабош қарор доранд

ДУШАНБЕ, 26 окт — Sputnik. Барҳаво, қавӣ, бо технологияи олӣ сохташуда- аллакай ба наздикӣ Қувваҳои мусаллаҳи Русия бастаҳои ҷадиди фармондиҳӣ дар асоси ҳавопаймои баландпарвози Ил-96-400М-ро ба даст меоварад. 

Дар Ғарб ин гуна мошинҳоро "ҳавопаймоҳои рӯзи қиёмат" меноманд. Дар ҳолати оғози ҷанги севуми ҷаҳонӣ аз борти "ситоди парвоз" низомиёни олӣ ва роҳбарияти сиёсии кишвар дифоъ ташкил мекунанд ва аз замин қӯшунҳои обӣ ва ҳавоиро идора менамоянд. Ин навъи ҳавопаймоҳоро имрӯзҳо танҳо Русия ва ИМА доранд. Дар бораи имконот ва вазифаҳои онҳо маводи РИА Новостиро мутолиа кунед.

Наҷоти фармондиҳӣ

Муносибати байни қудратҳои ҳастаӣ то ҳадде боло рафтааст. Дипломатҳо ба бунбаст афтоданд, ҷонибҳо сафирҳоро даъват мекунанд. Қувваҳои мусаллаҳ дар ҳолати омодабош қарор доранд. Бомбафканҳои статегӣ боло мешаванд, қоиқҳои зериобии ҳастаӣ бо мушакҳои баллистикӣ ба уқёнус мераванд, системаҳои мушакии заминӣ ба ҳаракат даромдаанд ва ҷаҳон дар интизори ҷанги севум аст. 

Хушбахтона, ин сенария  афсонае беш нест. Чи дар Русия ва чи дар Амрико хуб дарк мекунанд, ки ҷанг метавонад дарҳол ба ҷанги ҳастаӣ табдил ёбад, ки даҳҳо миллион қурбонӣ хоҳад дошт. Аммо низомиён доим ба сенарияи бадтар омода мешаванд. 

Ҳарду ҷониб интизор доранд, ки зарбаи авал дар ин гуна чолиш рақибро бесар мекунад, ва аз ӯ имконияти идораи қӯшунҳоро мегирад, ки натавонад ҳеҷгуна муқовимат нишон диҳад. Мақсади асосӣ - марказҳои сиёсӣ ва ҳарбӣ ҳастанд.

 Дар давраи таҳдид роҳбарияти Русия ва ҳайъати олии фармондиҳии Қувваҳои мусаллаҳ дар шароити комилан махфӣ ба фурудгоҳи ҳарбӣ мебаранд, ки дар он ҷо онҳоро пунктҳои фармондиҳии болдор интизор аст. 

Сулҳҷӯи зӯргӯй: Трамп мехоҳад, сарбозони амрикоиро ба хона орад - видео

Вазифаи асосии экипажҳои ҳавопаймоҳои рӯзи қиёмат - нафарони аввали кишварҳоро аз зери ҳамла берун оварда,  имконияти идора аз он тарафи ҳаворо фароҳам меоварад. Суботи набарди ин пунктҳои фармондиҳиро тавассути ҷангандаҳо ва танкҳо ба танзим медароранд. Чунин тактикаи монанд дар Амрико дар солҳои ҷанги сард коркард шудааст.

Ҷойгузине, ки муддатҳо дар интизори он буд

Нерӯҳои ҳаво ва фазои Русия аз чунин ҳавопаймоҳои рӯзи қиёмат 4-то дорад. Ин ҳавопаймоҳо дорои нерӯгоҳи қавӣ, воситаҳои муоширати муосир ва имконияти якчанд рӯз истодан дар ҳаворо доранд. 

Аз гузаштагонаш Ил-80 танҳо бо пешониаш фарқ мекунад, ки калон асту дар он таҷҳизоти радиову электронӣ ҷой дода шудаанд. Афзун бар ин Ил-80 равзана надорад, то мусофирон аз наздикии инфиҷори ҳастаӣ кӯр нашаванд.

Маълумоти бештар аз ин дар бораи Ил-80 сирри давлатист. Танҳо гуфта мешавад, ки дар борти ҳавопаймо таҷҳизот барои идораи тамоми намудҳои Қувваҳои мусаллаҳ, бинои махсус барои кор ва истироҳати мусофирони олимақом, ва захираи сӯзишворӣ ҷойгир аст.

Ҳавопаймо метавонад аз ҳамагуна фурудгоҳ парвоз кунад.

Амрико ба хотири қатъи сохтмони “Маҷрои шимолӣ-2” шарик меҷуяд

 Аммо Ил-80 бештар аз 15 сол аст, ки тавассути нерӯҳо истифода мешавад ва бештари манобеи худро тавсеа доданд. Доманаи амалии онҳо ҳамагӣ о 3800 километрро ташкил медиҳад, ки барои пункти ҳавоии идоракунӣ нокифоя аст. 

Барои ҳамин интихоби  Ил-96-400М ба сифати аоси ҳавопаймои нави рӯзи қиёмат пурра дуруст аст: доманаи амалии он қариб 9 ҳазор километрро ташкил медиҳад.

Меҳмонхонаҳои парвозкунанда
Нерӯҳои мусаллаҳи ИМА дорои 4 ҳавопаймои  E-4B Nightwatch мебошад, ки дар асоси боинг -747 сохта шудаанд. Ҳаряки аз онҳо 1000 нафарро меғунҷонад ва ҳангоми кифоягии маводи сӯхт метавонад то дар ҳаво то як ҳафта монад. E-4B Nightwatch аз таъсири таркиши ҳастаӣ осебе намебинад, ва дорои таҷҳизоти муосири радиоэлектронӣ мебошад.

 Метавон гуфт, ки "ҳавопаймои рӯзи қиёмат"-и амрикоӣ, ин як меҳмонхонаи парвозкунанда аст. Дар он барои кори автономӣ тамоми шароит аз ошхона сар карда, то ҳаммом, минтақаи истироҳатӣ, ҳуҷраи дорои миз ва 9 курсӣ, ҷои муҷаҳҳаз бо техникаҳои иттилоотӣ барои 29 корманд ва дигар бино иборат аст. Хулоса, бисёр ҳавопаймои бароҳат аст.

Шояд барои ҳамин баъзан нафарони аввали Амрико барои парвоз ба дигар кишварҳо E-4B-ро ба ҷои Air Force One истифода мекунанд.

Ҳавоппаймоҳои  E-4B аз ҳавопаймои Ил-80-и Русия хело бузургсол аст. Онро ҳанӯз соли 1970 ба истифода бароварда буданд. Бояд қайд кард, ки онҳо то рафт замонавӣ ва пурратар мешаванд.

Мисол, соли 2015 як қисми борт раванди азнавбарномакунонӣ ва тағйирёбии таҷҳизоти коммуникатсиониро гузаштааст. Феълан ин ҳавопаймо бемамоният ба интернет дастрасӣ дорад. Даври E-4B - 11 ҳазор километрро ташкил медиҳад. 

"Ин қадамҳои авваланд": чаро Амрико зердарёиҳоро ба наздикии марзи Русия интиқол медиҳад

Афзун бар ин, амрикоиҳо 16 ҳавопаймои  E-6-ро доранд, ки метавонанд ба сифати пункти фармондиҳии муштараки стратегии нерӯҳои мусаллаҳи Амрико истифода шаванд. Дар ҳолати ҷанг ин мошинҳо аз минтақаи Уқёнуси Ором ва Атлантик вориди фазои ҷанг шуда, бо қаиқҳои зериобии ҳастаӣ ва "ҳавопаймоҳои рӯзи қиёсат" E-4B иртиботи бевосита хоҳанд дошт.

565

Вакил гуфт, бекор кардани патент барои муҳоҷирон чӣ пайомад дорад

0
(Таҷдидшуда 20:06 28.10.2020)
Ба гуфти вакил сабукӣ барои муҳоҷирони метавонад вокунииши манфии шаҳрвандони Русияро ба бор орад ва ба амният хатар дошта бошад

ДУШАНБЕ, 28 окт — Sputnik. ВУД Русия пешниҳод карда, ки қонун "Дар бораи вазъи ҳуқуқии шаҳрвандони хориҷӣ дар ФР" ислоҳ карда шавад ва барои бархе аз гурӯҳи муҳоҷирон патент бекор гардад.

Светлана Бессараб, узви Кумитаи Думаи давлатӣ оид ба меҳнат, сиёсати иҷтимоӣ ва собиқадорон, дар суҳбат бо Парламентская газета аз чунин навоварӣ интиқод кард.

Дар Русия барои муҳоҷирони ғайриқонунӣ низ Маркази имдод ифтитоҳ мешавад

"Ман ба чунин ташаббус эҳтиёткорона муносибат мекунам. Тавре таҷриба нишон медиҳад, аз ҷумла дар кишварҳои Урупо, на ҳамеша пур кардани ҷойҳои корие, ки мардуми бумӣ намехоҳад аз ҳисоби муҳоҷирон, хуб аст. Аксар вақт ин амалкард бо амнияти давлатӣ алоқаманд аст". қайд кард Бессараб.

Вакил афзуд, ки чунин навгониҳо барои муҳоҷирони сохтмончӣ метавонад вокунииши манфии шаҳрвандони Русия ва иттифоқҳои касабаро ба бор орад.

Чунин вокуниш махсусан имрӯзҳо, ки сатҳи бекорӣ дар Русия дар ҳоли афзоиш аст, интизоршаванда мебошад.

Ба ширкатҳои бузурги сохтмонӣ иҷозат дода мешавад, муҳоҷиронро аз Тоҷикистон даъват кунанд

Рӯзи 26 октябр Вазорати корҳои дохилии Русия тарҳи ислоҳи қонун "Дар бораи вазъи ҳуқуқии шаҳрвандони хориҷӣ дар Федератсияи Русия" -ро барои муҳокимаи умум нашр кард.

Тибқи ҳуҷҷат, хориҷиён метавонанд бидуни патент ва иҷозатномаи кор дар ширкатҳои байналмилалии Русия кор кунанд: дар сохтани иншооти барои чорабиниҳо зарурӣ пешбинишуда ва ҳангоми омодагӣ ва иштирок дар чунин чорабиниҳо.

Рӯйхати чорабиниҳо, ташкилкунандагон ва лоиҳаҳои сохтмонро ҳукумат муайян мекунад.

0
Барчаспҳо:
муҳоҷирон, хатар, патент, Русия