Рӯзномаҳои тоҷикӣ. Акс аз бойгонӣ

ВАО-и хусусии Тоҷикистонро таваррум ва андоз пахш кардааст

85
(Таҷдидшуда 18:43 22.09.2016)
Ду се соли охир коҳишёбии фаъолияти ҷомеаи рӯзноманигорони Тоҷикистон ба назар мерасад. Коршиносон қайд мекунанд, ки ҳодисаи мазкур сабабҳои гуногуни дорад, аммо сабабҳои асосии он: бӯҳрони иқтисодӣ чун натиҷаи таҳримҳо зидди Русия, муносибатҳои мушкил бо ҳукумат ва набудани шароити рақобати озод дар байни ВАО-и давлатӣ ва маҳаллӣ аст.

ДУШАНБЕ, 22 сен — Sputnik. Ташкилоти маҳаллии MediaConsulting дар бораи вазъияти ВАО-и мустақили ҷумҳурӣ тадқиқот бурд. Хулосаҳои он, ҳузангез аст: ВАО-и хусусии Тоҷикистон дар вартаи нобудшавӣ қарор дорад.

Мувофиқи маълумотҳои таҳлил ба устувории иқтисодии ВАО дар Тоҷикистон  чунин омилҳо таъсир мерасонанд: набудани низоми тақсимоти самараноки матбуоти даврӣ, пайдо шудани интернет ва шабакаҳои иҷтимоӣ ҳамчун воситаи нави паҳнкунии маълумот, ба болои он рабудани даромадҳои ВАО-и анъанавӣ ва якбора паст гардидани интиқоли маблағ аз тарафи муҳоҷирони Русия.

Тадқиқот байни ВАО-и хусусии кишвар гузаронида шуд, зеро маҳз онҳо дар муқоиса бо ВАО- и давлатӣ дастгирӣ карда намешаванд.

Дар рафти тадқиқот маълум гардид, ки даромади ВАО-и маҳаллӣ аз аввали моҳҳои апрели соли 2014 то соли 2015 то 50 фисад(!) кам гардида, адади нашр бошад дар ҳамин давра то 30 фоиз кам шудааст. Дар баробари ин, қариб то 30 фоиз хароҷоти истеҳсолоти ВАО-и чоппӣ зиёд гардид.

Ин тамоюл ба гуфтаи роҳбари MediaConsulting  Набӣ Юсупов давом хоҳад ёфт.

Бӯҳрон якчанд сол давом мекунад

Ҳатто гап дар он нест, ки бӯҳрони молиявӣ шояд бо 1-1,5 соли дигар давом кунад, вазъияти мушкили ВАО дар муносибати ҳукумат бо он мебошад. Интизор намеравад, ки "ба наздикӣ ба ВАО-и маҳаллӣ заминаҳои мусоиди ҳуқуқӣ пайдо гардида,  ба он дасгирии бевоситаи молиявӣ мерасад".

Барои муайн намудани таъсири бӯҳрони ҳозира дар фаъолияти мутбуоти мастақил дар Ҷумҳурии Тоҷикистон, бо дархости Бюрои САҲА дар Тоҷикистон  аз моҳҳои май то июли ҳамин сол MediaConsulting пурсиш гузаронид, ки дар он 60 роҳбарони ташкилотҳои медиавии кишвар иштирок доштанд.

Наваду панҷ фисади пурсидашудагон ҷавоб доданд, ки "бале" бӯҳрон ба ВАО-и онҳо таъсир расонидааст. Боқимонда 3,3 фоиз бошад қайд карданд, ки ВАО-и онҳо аз ҳисоби грантҳо фаъолият мекунад ва кризиси иқтисодӣ дар онҳо на он қадар ҳис карда мешавад. Фақат 1,7 фоиз таъсири бӯҳронро ба фаъолияти ВАО инкор карданд.

Даромади ВАО-и хусусӣ

Қисми зиёди он (47,7 %) чун анъана аз ҳисоби реклама аст (маводҳои фармоишӣ, сарпарастӣ, эълон ва табрикот). Аз фурӯши нашр танҳо 28, 4 фоиз пурсидашудагон вазъи молиявии худро беҳтар мекунанду халос.

Дар пурсиш 32 намояндагони  ВАО-и чопӣ иштирок карданд. Бинобар ин аз ҳисоби нашр сеяки ВАО даромад мегиранду халос, ки ин вазъият танқидӣ аст, мегӯяд Юсупов.

Қисми хурди ВАО, 8 фоиз — аз дигар ҷиҳат (чорабиниҳо, акс, видео) даромад ба даст меоранд. Ахирон 6,8 фоизи пурсидашудагон гуфтанд, ки ВАО-и онҳо аз ҳисоби грант ё муассис фаъолият мекунад.

Аммо, ҳамаи ин даромадҳо аз 10 то 50 фоиз дар тамоми муассисаҳои ВАО кам гардиданд.

Чиро ва чӣ қадар аз даст медиҳанд?

Бо кадом мушкилиҳо имрӯз бештар роҳбарони ВАО рӯ ба рӯ мешаванд ва кадоме аз онҳо метавонад ба фаъолияти онҳо таъсири калон расонад?

Мувофиқи маълумотҳои тадқиқот 27 фоизи пурсидашавандагон кам шудани реклама ва маводҳои фармоиширо ҳис намуданд.

Ба ВАО "паст шудан норасоии музд" таъсири баробар дошт- 15,2%, "гаронии андоз"- 25,7% низ  таъсир расонид. 14 фоизи пурсидашавандагон нишон доданд, ки ба бӯҳрон дар ВАО ҳамчунин "пастшавии қурби пул таъсир расонидааст, ки вобаста ба он арзиши маҳсулот зиёд мешавад".

12,9 фоизи пурсидашудагон ҷавоб доданд, ки онҳо бӯҳронро  аз сабаби кам шудани нашр ҳис мекунанд, 2,8% дигар бошанд гуфтанд, ки умуман мехостанд фаъолияти нашрияашонро барҳам диҳанд. 11,2 фоиз  шумораи коргаронро камтар карданд. Фақат 1,1% изҳор доштанд, ки ҳоло ягон мушкилӣ надоранд.

Агар умуман дар бораи таъсири бӯрони иқтисодӣ ба ВАО сухан равад, 2/3 ҳиссаи иштирокчиёни пурсиш гуфтанд, ки бӯҳрон ба фаъолияти онҳо таъсири амиқ дорад.

31,1% қайд намуданд,  ки даромаднокии онҳо то 30-45%  кам шудааст. 36,1 фисад бошад гуфтанд, ки даромаднокии онҳо аллакай то 50% кам гардидааст. 13,1% бошад қайд мекунанд, ки даромаднокии онҳо то 20-25% кам шудааст.

Барои 9,8 фисади пурсидашудагон бӯҳрон сабаби муваққатан қатъ намудани фаъолияти ташкилот гардид. 1,6 фисади пурсидашудагон аз ҳама фисади пасти талафоти хешро нишон доданд- аз 10% то 15%.  8,2 фисади дигар умуман ба савол ҷавоб надоданд.

Роҳбарони ВАО қайд намуданд, ки вазъияти ҳозираи молиявӣ маҷбур мекунад, ки чораҳои қатъӣ андешида шавад-кам кардани сафи коргарон. 47,5 пурсидашудагон ин чораро аллакай андешидаанд, 26,2 фоизи дигар мехоҳанд сафи кормандонашонро дар оянда  кам кунанд. 23 фоизи дигар ҷавоб доданд, ки сафи коргаронро  кам намекунанд, зеро аллакай кам аст.

Роҳи раҳоӣ аз бӯҳрон

Бо фикри роҳбарони ВАО  дар сурати кам кардани андоз, бӯҳрон низ кам тар ҳис мешавад. Ҷузъан, онҳо пешниҳод намуданд, ки барои ВАО ба муддати 3 сол тамоми намуди андоз қатъ карда шавад(то он вақте, ки бӯҳрони молиявӣ нагузарад ва даромаднокӣ барқарор гардад).

Дигарон бошанд аз қатъ гардидани як қисми моддаҳои андоз хело шод мегардиданд, масъалан 17,4% андоз аз фоида ба фикри онҳо хело калон аст, зеро дар умум ба 25% аз даромади умумӣ баробар мешавад.

Боқимонда 15,1% гуфтанд, ки ба "Системаи андози соддакардашуда" нигоҳ накарда, андоз хело гарон аст. 12,8 фоиз мегӯянд, ки андози 18 фоиза аз арзиши иловашуда хело гарон аст, дар ҳоле ки дар дигар кишварҳо — Қазоқистон ва Қирғизистон он 10 фоизро ташкил медиҳад.  Боз 7% аз андози 25-фоизаи Фонди ҳифзи иҷтимоии аҳолӣ  (ФҲИА) норозиёна мегӯянд, ки бояд онро кам намуд.

Ғайр аз ин роҳбарони ВАО-и хусусӣ мегӯянд, ки ба дастгирии давлат мӯҳтоҷ мебошанд, ҳарчанд баъзе аз онҳо чунин мешудоранд, ки орзуи онҳо амалинашаванда аст. Боқимонда  мегӯянд, ки "ба сохторҳои давлатӣ муфид аст, ки васоити ахбори оммаи мустақил баста шавад".

Ба ҳамаи ин нигоҳ накарда пурсидашудагон дар ҷавоб ба саволи "кадом амали давлат барои онҳо дастгирии маҳз мегардад", ҷавоб доданд, ки мехостанд дар биноҳои давлатӣ иҷорапулӣ ё пардохти комуналӣ кам ё маҳв карда шавад.

Дигарон наҷоти хешро дар ба даст овардани грант ё дигар кӯмакҳо ба монанди дастгирии техникӣ(коғаз, дастгоҳи наворгирӣ, мошинҳои хозматӣ ва ғайра) мебинанд. Қисме дигаре мехостанд дар обуна ва паҳнкунии рӯзномаи хеш дастгирӣ ёбанд.

Бояд қайд кард, ки дар солҳои истиқлолият ВАО-и хусусии кишвар фақат аз ташкилотҳои байналмиллалӣ ва намояндагиҳои дипломатӣ кӯмак гирифтаанд: грантҳо, таҷҳизот барои ВАО-и электронӣ, таҷҳизоти мултимедиавӣ, барномаҳои омӯзишӣ, сафарҳои омӯзишӣ ва ғайра.

Будан ё набудан

Дар натиҷаи таҳқиқ маълум гардид, ки 63 фоизи роҳбарони ВАО истисно намекунанд, ки шояд дар оянда маҷбур мешаванд, ки фаъолияти хешро қатъ кунанд. Танҳ 30 фисад боварӣ доранд, ки ин гуна хатар онҳоро интизор нест.

Саволи охирини таҳқиқ чунин буд: "Оё бӯҳрони молиявӣ ба мустақилияти таҳрирӣ таъсир мерасонад? ".  Яъне оё нашрияе, ки нуқтаи назари  хешро дорад, метавонад пас аз дучор шудан ба бӯҳрони молиявӣ аз мавқеи худ  даст кашад.

Чуноне ки маълум гардид, онҳое, ки тайёранд ин амалро иҷро намоянд,  хело бисёранд  — 78 фисади иштирокдорони пурсиш. Барои ҳамин, мегӯяд Набӣ Юсупов, агар вазъият бадтар шудан гирад, бештари ВАО метавонанд таҳти таъсири ин ё он сохторҳои давлатӣ ё тиҷоратӣ бимонанд.

Бисёре аз роҳбарони ВАО тақдири ояндаи наздики худро ба як ду сол манфӣ пешгӯӣ намуданд- 46,7%, ки дар оянда вазъият танҳо бадтар мешавад, боқимонда- 25% умед доранд, ки ҳоло ҳамааш хуб мешавад.

85
Барчаспҳо:
Зарари ВАО-и маҳаллӣ аз бӯҳрон, Набӣ Юсупов, Тоҷикистон
Антон Цветков, архивное фото

Светков оид ба таҷдиди зиндонҳои Тоҷикистон: шахс бояд дар шароити мӯътадил зиндагӣ кунад

139
Антон Светков, раиси Шӯрои коршиносон оид ба амнияту муносибатҳои шаҳрвандон ва мақомоти ҳифзи ҳуқуқ  дар бораи зарурати бунёди зиндонҳо мувофиқи стандартҳои байналмилалӣ дар Тоҷикистон, гуфт

ДУШАНБЕ, 14 авг — Sputnik.  Ҳукумати Тоҷикистон Стратегияи ислоҳоти низоми иҷрои ҳукмҳои ҷиноятиро барои давраи то соли 2030 тасдиқ кард.

"Масъалаи муҳим ин шуғли маҳкумшудагон аст, зеро ин яке аз омилҳои асосии тағйирот мебошад ва инчунин маҳбусон имкони дарёфт кардани пул ва ба хешовандонашон фиристодани онро ё ҳатто гирифтани касби навро доранд", - гуфт Светков дар суҳбат ба Sputnik Тоҷикистон.

Аммо, рақобатпазирии ин гуна маҳсулот паст аст ва мутаносибан музди меҳнат паст хоҳад буд, аз ин рӯ, барои ин маҳсулот бояд фармоиши давлатӣ мавҷуд бошад.

Ба ақидаи ӯ, зиндон метавонад як навъи "курсҳои такмили ихтисоси ҷинояткорон" бошад.

Бо вуҷуди ин, коршинос бар он ақида аст, ки нигоҳ доштан муддати тӯлонӣ дар ҷойҳои маҳрумият аз озодӣ рӯҳияи инсонро “мешиканад”, аз ин рӯ қонунгузориро бештар барои ҷиноятҳое, ки хусусияти зӯроварӣ надоранд инсондӯстона кардан, зарур аст.

Зиндонҳо: дар ним сол чанд кас фавтид?

Аз ҷумла, барои ҷиноятҳои иқтисодӣ ҷарима ва ё ҷазои шартӣ пешбинӣ шуда метавонанд.

Инчунин, барои пешгирии паҳншавии беморӣ, коршинос таъсиси колонияҳои ҷудогона барои беморон, алахусус, гирифторони силро зарур мешуморад.

"Зиндонҳо бе корона": Мансурҷон Умаров дар бораи ҳифз ва раҳоии зиндониён

"Дар Тоҷикистон ҳама биноҳои зиндонҳо кӯҳнаанд, аз ин рӯ сохтани биноҳои наверо, ки ҷавобгӯи меъёрҳои байнулмилалӣ бошанд, лозим аст. Вақте ки инсон дар шароити мӯътадил зиндагӣ мекунад,  худро дигар хел эҳсос мекунад, камтар нороҳат мешавад ва аз нав дубора ҳамчун узви ҷомеа барқарор мешавад.  Инчунин муҳим аст, ки кормандон дар шароити муқаррарӣ кор кунанд",-гуфт, Светков.

139
Барчаспҳо:
таҷдид, зиндон, Антон Светков, Тоҷикистон
Женщина несет своего ребенка

Янки, гоу ҳоум: дар Сурия боз чӣ мегузарад?

222
(Таҷдидшуда 19:50 11.08.2020)
Коршиноси дигари рус Александр Перенджиев мегӯяд, ҳамла ба низомиёни амрикоӣ метавонад қисме аз муборизаҳои дохилиэътилофӣ барои захираҳои Сурия бошад.

Ҳамла ба пойгоҳҳои низомӣ ва дастаи посбонон, ҳамалоти мушакӣ ва инфиҷори минаҳои заминӣ дар тули масири сутунҳо - барои низомиёни амрикоӣ замини Сурия танг мешавад. Ҳамалотро на танҳо гурӯҳҳои террористӣ мезананд. РИА Новости таҳқиқ кард, аз ҳузури ИМА дар кишвари арабӣ боз кӣ нороҳат аст.

Аз чор тараф

Чанде пеш пойгоҳи низомии ғайриқонунии ИМА дар музофоти Хасек дар шимолу шарқии Сирия зери аҳдофи ҳамалоти мушакӣ қарор гирифт. Инҷо дар шасткилометрии ҷануби шаҳри Ал-Хасак амрикоиҳо аэродромеро барои қабули чархболҳои ҳамлавар ва боркашон муҷаҳҳаз карда буданд. Бино ба иттилои расонаҳои Сурия ба пойгоҳи мазкур гурӯҳи номаълум ҳамла оварданд.

Вақтҳои ахир амрикоиҳоро дар Сурия доим тир мезананд ва онҳо осеб мебинанд. "Номаълумҳо" бештар қисми посбонии низомиёни ИМА-ро қир мекунанд.

Чунончи, охири моҳи май гурӯҳи худравҳои пур аз низомиёни Амрико ва ҷанговарони гурӯҳи "Нерӯҳои демократии Сурия"-ро дар Дайр-аз-Зор дастаи мусаллаҳ бо автомат, мусалсал ва норинҷак ҳамла оварданд. Дар натиҷа се арикоӣ ва 5 узви НДС маҷрӯҳ шуданд.

Ҷанҷол бар сари нафти Сурия: Вашингтон таъкид дорад даромади нафт ба Амрико намерасад

Моҳи апрел бошад, силсилаи ҳамалот дар музофоти Хасака анҷом дода шуд. Аз ҷумла, мошини зиреҳдори "Хаммер"-ро, ки низомиёни амрикоӣ ва узви НДС савор буданд , "Шахсони номаълум" дар наздикии деҳаи Рувейшид тирборон карданд. Дар натиҷа чанд тан маҷрӯҳ шуданд. Дар пайи чунин як ҳодисаи дигар дар Дайр-аз-Зор як афсари амрикоӣ ва ҷанговари НДС ҳалок шуданд. Пас аз як ҳамлаи дигар ду амрикоӣ бенишон гум шуанд. Сарнавишти онҳо то ҳол рӯшан нест.

Борҳо дар роҳи патрулҳо таҷҳизоти тарканда мепартоянд. Моҳи июл дар Дайр-аз-Зор автомобили низомиёни мунфаҷир шуд. Талафоти бештарро амрикоиҳо моҳи январи соли гузашта доштанд: дар Манбиҷ дар шимоли Сурия дар наздикии патрули пиёдагард минеро мунфаҷир кард, дар натиҷа ду аскар, Корманди Вазорати дифои ИМА ва як ҷанговар кушта шуданд.

Пентгон бошад бештари хабарҳоро рад мекунад ва "фейк" мебарорад.

Мубориза барои захираҳо

Коршиноси ҳарбӣ Юрий Лямин дар мусоҳиба бо РИА Новости таъкид кард, ки воҳидҳои низомии Амрико ва патрулҳояшро қабилаҳои маҳаллӣ, ки зери истилои ИМА ва ҳаммаслакони вай мондаанд, метавонанд анҷом диҳанд.

"Инҳо арабҳое мебошанд, ки дар шарқ ва шимолу шарқи Сурия ба сар мебаранд, - мегӯяд Лямин. Феълан, онҳо амалан дар зери ҳокимияти курдҳо, ки амрикоиҳо дастгириашон мекунад, қарор доранд. Албатта, одамон норозианд, онҳо пурра аз вазъият норозиянд ва ҷонибдори бо Димишқ буданд".

Дар ҳоле, ки ин қабила мусаллаҳ ва тамриндидаанд.

Бо далели он ки дар кишвар чанд сол боз ҷанги шаҳрвандӣ меравад, силоҳ дар дасти аҳолӣ басанда аст, - таъкид кард Лямин. Аз ҷумла намудҳои гунонуи он, миномет ва пулеметҳо низ ҳастанд".

Коршиноси дигари рус Александр Перенджиев мегӯяд, ҳамла ба низомиёни амрикоӣ метавонад қисме аз муборизаҳои дохилиэътилофӣ барои захираҳои Сурия бошад.

Ин амалан мубориза байни худи дуздон аст, - таъкид кард вай. - Аз як тараф, Пентагон ҳаст, аз тарафи дигар - гурӯҳҳои саноативу молӣ, ки манфиатҳои ширкатҳои низомии алоҳидаро ҳимоя мекунанд, метавонанд ҳамон террористҳоро мусаллаҳ кунанд.

Ба гуфтаи вай, Пентагон дар бозиҳои Сурия, қувваи мустақил нест, балки манфиатҳои гурӯҳи алоҳидаро дар ИМА намояндагӣ мекунад.

Ин ҳамалоти пинҳонии аз тезутунд шудани мубориза барои канданиҳои гаронарзиш дар Сурия шаҳодат медиҳанд. 

Низомиёни рус собиқ фурудгоҳи ҳарбии амрикоиҳоро дар Сурия ишғол карданд

"Агар дар ҳамла ҳарбии Сурия даст медошт, Пентагон дарҳол иқрор мешуд, - афзуд Перенджиев. - Аммо вақте мегӯянд, "қувваҳои номаълум", маънои онро дорад, сиррашонро пош карданӣ нестанд, аммо боварӣ дорам, ки худашон нағз медонанд".

Боз як хатари дигар ба амрикоиҳо, муқовимати мардуми Сурия мебошад. Чуноне ки президенти кишвар мегӯяд, мақсади мардуми ин кишвар, холӣ дидани он аз ҳама гуна нерӯҳои хориҷӣ мебошад.

Моҳи июн сокинони Тел-Абъяд дар музофоти Хасаке дар назди марз даст ба тазоҳурот зада, аз бурдани ғайриқонуни гандумашон изҳори норозигӣ кардаанд.

Чанд рӯз пеш аз қазия ВКХ Сурия изҳор дошт, ки ҷангиёни Туркия ва ҳаммаслакони Амрико барои ноором сохтнаи вазъ дар кишвар чанд бор замини гандум ва дигар донагиҳоро оташ заданд.

Фармондеҳии низомии ва ҳаммаслакони онҳо вазъи гуманитарӣ дар шимоли Сурияро мушкил мекунанд, то аҳолиро зидди мақомоти расмии кишвар хезонанд.

 Зуд-зуд бо ҷурми амрикоиҳо аҳолии осоиштаи кишвар қурбон мешаванд. Моҳи май аскарони ИМА дар Дайр-аз-зор ронандаи худраверо паррониданд - гӯё аз шоҳроҳи назди кони нафти "Коннико" худрав тоб хӯрда бошад.

Моҳи феврал, дар пости назди шаҳри Камишли низомиёни Сурия ҳарбиёни аримкоиро боздошт карданд, ки тариқи хатсайри ҳамоҳангношуда мерафтанд. Амрикоиҳо бо сокинони маҳаллӣ ҷанг хезониданд, ки дар натиҷа ҳарбиён ба тирандозии бетартиб сар карданд. Он замон як наврас кушта шуд ва як тани дигар захм бардошт. 

Қазия танҳо пас аз дахолати Русия ба эътидол оварда шуд.

222

Таҳдиди навбатии Амрико ба Русия: Помпео ваъда дод, Маскав ҷазоӣ сахт мегирад

0
(Таҷдидшуда 18:53 14.08.2020)
Котиби давлатии Амрико ҳушдор дод, ки агар “созиши Маскав ва Толибон” тасдиқ ёбад, Русияро рӯзҳои сахт интизор аст

Майк Помпео, котиби давлатии Амрико таъкид кард, ки агар тасдиқ шавад, ки русҳо барои қатли сарбозони Амрико пул пешниҳод мекардааанд, Русияро ҷазоӣ сахт интизор аст.

“Агар русҳо барои қатли сарбозони Амрико ва мардуми Ғарб пул пешниҳод кунанд, онҳо арзиши гаронеро хоҳанд супорид. Инро ман ба вазири умури хориҷаи Русия Сергей Лавров расондам. Ман хабар дорам, ки низомиёни мо бо роҳбарияти низоимии Русия низ дар ин бора гуфтугӯ доштанд. Мо таҳаммули инро надорем”, - гуфт Майк Помпео.

Дар ҳамин ҳол, Сергей Лавров, вазири хориҷаи Русия таҳдидҳои Амрикоро ба вазъи сиёсии дохилии ин кишвар рабт дод.

Вай гуфт, дар арафаи интихобот ҳукумати Трамп дар баробари демократҳо мехоҳад аз “корти Русия” истифода кунад

Ёдрас мешаҷвем, ки нашрияи “The New York Times” бо такя ба манобеи дар хадамоти махсуси Амрико рӯзи 26-уми июн хабар дода буд, ки мақомоти Русия ба гурӯҳи Толибон барои куштани сарбозони нерӯҳои эътилоф таҳти сарварии Амрико дар Афғонистон пул пешниҳод мекардааст.

Нашрияи “The Times” навиштааст, ки Толибон ва ё “гурӯҳҳои мусаллаҳи ҷиноии алоқаманд ба онҳо” як қисми пулро дастрас кардаанд. Аммо дар гузориш гуфта мешавад, ки рӯшан нест, ки ин пардохтҳо ба 20 сарбози кушташудаи амрикоӣ дар соли гузашта дар Афғонистон рабт дорад, ё не.

Иддао Амрико дар ҳолест, ки ин кишвар пас аз имзои созишномаи сулҳ бо Толибон дар моҳи феврал тасмим гирифтааст, ки соли оянда сарбозонашро аз хоки Афғонистон берун кунад.

Нашрияи “The Times” навиштааст, ки мақомоти Амрико намедонистанд, ки то чӣ андоза амалиёти пинҳонии ҳукумати Русия тасдиқ шудааст ва он чӣ ҳадафро дунбол мекунад.

Мақомоти Русия ин иттиҳоми навбатиро “бепояву беасос” хонд.

0
Барчаспҳо:
Толибон, Маскав, таҳдид, Русия, Амрико