Виталий Наумкин, Акс аз бойгонӣ

Наумкин: набояд “ДИИШ”- ро давлати исломӣ хонд

97
(Таҷдидшуда 18:14 27.10.2016)
Коршинисони соҳаи ислом бар онанд, ки ҳама гуна бадбахтӣ аз ҷаҳолат сар мезанад. Мисоли равшани он муаррифии нодурусти террористон дар ВАО мебошад. Онҳо аз рӯзноманигорон даъват меоранд, ки ҳангоми номбар намудани номи секта ва ё ташкилотҳои террористӣ аз истилоҳҳои дуруст истифода баранд

ДУШАНБЕ, 27 окт — Sputnik, Мария Шелудякова. Оё рӯзноманигорон ҳуқуқи муаррифи намудани  гурӯҳҳои террористиро, ки мухолифи ҷамъияти исломӣ мебошанд, ҳамчун "Давлати исломӣ" доранд? Ходимони дин ва олимони ислом боварӣ  доранд, ки одамонро ин  амали намояндагони ВАО танҳо аз ҳақиқат дур мекунад.

Дар замони муосир тамоми ҷаҳон ба таҳдидҳои радикалистон рӯ  ба рӯ шудааст. Онҳо ҳарчанд бо дини бузурге, чун ислом ягон иртибот надошта бошанд ҳам, бо пӯшидани либосҳои динӣ аз номи ислом баромад мекунанд.

Радикалистон аз истифодаи иборае, чун такфир(кофир эълон кардани касе- идора) мехоҳанд миёни мусалмонон исён андозанд. Аммо, чуноне ки коршинос қайд намуданд, ислом- намунаи эҳтироми дигар динҳо ва эътиқодҳо мебошад ва дар ин бора бояд дар ВАО ёдовар шуд.

"Имрӯзҳо муҷоҳидоне, ки дар Сурия ҷанг мекунанд, ҳам аз минтақаҳои гуногуни Русия мебошанд ва ҳам аз давлатҳои Осиёи Марказӣ- мегӯяд машваратчии калони намояндагии СММ оид ба Сурия, аъзои Академияи илмҳои Русия Виталий Наумкин- маҳз барои ҳамин бояд ваҳдати мусалмононро дастгирӣ намуд ва ба баҳсҳои дохилӣ мудохила накард. Ҳоло бояд онҳоеро рад намуд, қасдан арзишҳои исломӣ, дин, ҳаёт  ва шаъну шарафи инсонро халалдор мекунанд. Бояд онҳоеро рад кунем, ки даъват аз зӯроварӣ ва ҳуҷум ба ҳукумати қонунӣ мекунад, ва мусалмоноро аз ҳам ҷудо намуда тафриқаандозӣ менамояд".

Бояд исломӣ анъанавӣ ягона манбаи фаҳмиши дини ислом бошад, на бархе аз намояндагони тафриқаандоз.

Чӣ тавр ҷавоноро бояд ҳимоят кард

Ифродгароён асосан ҷавононро аз роҳ мебароранд ва худро салафӣ ном медиҳанд.  Рӯзноманигорон бошад бо истифодаи истилоҳи террористон, ғайриихтиёрӣ одамонеро дастгирӣ мекунанд, ки аз номи дин баромад мекунанд. Ҳама гуна бадбахтӣ аз ҷаҳолати инсон ба вуҷуд меояд, мегӯянд ходимони дини исломӣ. Муаррифии нодуруст ва қабули нодуруст ба ҳақиқатҳои дурӯғин оварда мерасонад.

Танҳо дар як ҳолат метавон ба ҳақиқат расид- бояд ба ҳар як чиз номи худашро дод: ваҳҳобиҳоро ваҳҳобӣ номид, ифродгароёнро ифродгаро, террористонро террорист.

Намояндагони ислом мегӯянд, ки ифодаҳоеро ба монанди ифродгароии исломӣ на бояд истифода бурд, дар байни пайравони дигар динҳо низ ҷинояткорон ҳастанд, аммо мо ҳеҷ гоҳ тариқи телевизион ва ё радио ибораи экстремизми христианӣ ва ё буддиро намешудавем. Дар ислом экстремизм ва ё терроризм мавҷуд нест, ислом динест, ки ба сулҳ ва некӣ даъват меорад.

На бояд ташкилоти террористиро "Давлати исломӣ" номид. Мувофиқи шариати ислом ин гуна ибора ғайриимкон аст.

Ба ақидаи ходимони дин, барои аз ҳақиқат дур нашудан, бояд аз ибораи "бо ном…" камтар истифода бурд. Барои ин гуна давлатҳо бояд номи "Давлати шайтони"- ро дод, боварӣ доранд олимони дин.

Ғайр аз ин ифродгароёнро дар ислом муҷоҳид номидан хатост, барои он ки ҷиҳод маънои ҷаҳд намуданро дорад, ки  он кӯшиш дар роҳи Аллоҳ мебоашд ва мубориза барои дин аст. Нисбат ба террористон ин ибораро на бояд истифода бурд, ки ба ин восита, амали онҳоро тасдиқ мекунанд.

Ҳоло ҷараёни ваҳҳобия паҳн шуда истодааст. Пайравони ин ҷараёни диниву сиёсӣ худро салафӣ ном медиҳанд, ки ин ҳам нодуруст аст. Салафиён онҳое мебошанд, ки аз пайғамбар Муҳаммад (с) сар карда, то се асри даврони мо зиндагии кардаанд. Ваҳҳобиён бошанд, ин номро ба худ касб кардаанд.

Ҳеҷ кас инкор намекунад, ки дар дохили ислом ҳамавақт ихтилоф буд ва вуҷуд дорад. Ҳоло бошад мушкилиҳо аз сектаҳое сар мезанад, ки онҳо дигар мусалмононро ғайримусалмон эълон мекунанд, мегӯяд муфтии Чечния Салоҳҳоҷӣ Маҷиев.- Ҳоло беш аз ҳама бояд муттаҳид буд.

Ходимони дини ислом мегӯянд, ки аксар вақт дигарон аз арзишҳои исломӣ хабар надоранд ва барои ҳамин куштор ва ё инфиҷорро ба ислом марбут мекунанд, ки он асос надорад.

97
Барчаспҳо:
дини пок, ислом, ходимони дин, Русия
Заместитель главного редактора журнала «Авиапанорама», заслуженный военный летчик России Владимир Попов

Коршинос дурнамои ифтитоҳи парвозҳо байни кишварҳои ИДМ-ро арзёбӣ кард

358
(Таҷдидшуда 14:36 27.10.2020)
Муовини сармуҳаррири маҷаллаи “Авиапанорама”, генерал-майор, Ҳавонаварди шоистаи ҳарбии Федератсияи Россия, номзади илмҳои техникӣ Владимир Попов гуфт, ки фурудгоҳҳои кишварҳои ИДМ барои кушодани ҳаракати ҳавоӣ то куҷо омодаанд

ДУШАНБЕ, 27 окт - Sputnik. Мақомоти Тоҷикистон ва Ӯзбекистон дар мавриди азсаргирии парвозҳо байни Тошканд ва Душанбе ба созиш расиданд.

Тибқи маълумоти пешакӣ, нахустин парвози ҳавопаймоҳо байни пойтахтҳои Тоҷикистон ва Ӯзбекистон рӯзи 28 октябр сурат мегирад.

Попов гуфт, ки эҳёи парвозҳо дар дохили ИДМ дурнамои рафъи бӯҳрон дар нақлиёти ҳавоиро боз мекунад.

Владимир Попов ба Sputnik Тоҷикистон гуфт: "Танҳо манъ кардан, бастани марзҳо лозим нест, бояд назорат ва сармоягузорӣ кард, то амнияти умумиҷаҳониро таъмин кунед". Ба гуфтаи мутахассис, вазъи мавҷуда имкон медиҳад, ки ҳаракати ҳавоӣ дубора барқарор карда шавад, зеро ташхиси коронавирус муайян,  ваксина аллакай сохта шудааст ва  нақшаи табобати ин беморӣ мавҷуд аст.

Номбурда илова кард, ки иқтисодиёт ба тамоми соҳаҳои ҳаёт таъсир мерасонад.

Тоҷикистон боз аз рӯйхат берун монд: Русия бо 4 давлати дигар парвозҳо барқарор кард

Барои барқарор кардани кори ҳамаи сохторҳо, риояи тамоми чораҳои зидди эпидемия зарур аст, гуфт коршинос.

Ёдовар мешавем, дар пайи ҳамагирии коронавирус кишварҳо, аз ҷумла Тоҷикистон марзҳояшонро ба хотири ҷилавгирӣ аз ин беморӣ бастанд.

358
Барчаспҳо:
фурудгоҳҳо, коршиносон, парвозҳо, Тоҷикистон
Самолет F-16

"Аллакай дар истеҳсолот": чаро Русия "ҳавопаймоҳои рӯзи қиёмат"-ро эҳё мекунад

544
Муносибати байни қудратҳои ҳастаӣ то ҳадде боло рафтааст. Дипломатҳо ба бунбаст афтоданд, ҷонибҳо сафирҳоро даъват мекунанд. Қувваҳои мусаллаҳ дар ҳолати омодабош қарор доранд

ДУШАНБЕ, 26 окт — Sputnik. Барҳаво, қавӣ, бо технологияи олӣ сохташуда- аллакай ба наздикӣ Қувваҳои мусаллаҳи Русия бастаҳои ҷадиди фармондиҳӣ дар асоси ҳавопаймои баландпарвози Ил-96-400М-ро ба даст меоварад. 

Дар Ғарб ин гуна мошинҳоро "ҳавопаймоҳои рӯзи қиёмат" меноманд. Дар ҳолати оғози ҷанги севуми ҷаҳонӣ аз борти "ситоди парвоз" низомиёни олӣ ва роҳбарияти сиёсии кишвар дифоъ ташкил мекунанд ва аз замин қӯшунҳои обӣ ва ҳавоиро идора менамоянд. Ин навъи ҳавопаймоҳоро имрӯзҳо танҳо Русия ва ИМА доранд. Дар бораи имконот ва вазифаҳои онҳо маводи РИА Новостиро мутолиа кунед.

Наҷоти фармондиҳӣ

Муносибати байни қудратҳои ҳастаӣ то ҳадде боло рафтааст. Дипломатҳо ба бунбаст афтоданд, ҷонибҳо сафирҳоро даъват мекунанд. Қувваҳои мусаллаҳ дар ҳолати омодабош қарор доранд. Бомбафканҳои статегӣ боло мешаванд, қоиқҳои зериобии ҳастаӣ бо мушакҳои баллистикӣ ба уқёнус мераванд, системаҳои мушакии заминӣ ба ҳаракат даромдаанд ва ҷаҳон дар интизори ҷанги севум аст. 

Хушбахтона, ин сенария  афсонае беш нест. Чи дар Русия ва чи дар Амрико хуб дарк мекунанд, ки ҷанг метавонад дарҳол ба ҷанги ҳастаӣ табдил ёбад, ки даҳҳо миллион қурбонӣ хоҳад дошт. Аммо низомиён доим ба сенарияи бадтар омода мешаванд. 

Ҳарду ҷониб интизор доранд, ки зарбаи авал дар ин гуна чолиш рақибро бесар мекунад, ва аз ӯ имконияти идораи қӯшунҳоро мегирад, ки натавонад ҳеҷгуна муқовимат нишон диҳад. Мақсади асосӣ - марказҳои сиёсӣ ва ҳарбӣ ҳастанд.

 Дар давраи таҳдид роҳбарияти Русия ва ҳайъати олии фармондиҳии Қувваҳои мусаллаҳ дар шароити комилан махфӣ ба фурудгоҳи ҳарбӣ мебаранд, ки дар он ҷо онҳоро пунктҳои фармондиҳии болдор интизор аст. 

Сулҳҷӯи зӯргӯй: Трамп мехоҳад, сарбозони амрикоиро ба хона орад - видео

Вазифаи асосии экипажҳои ҳавопаймоҳои рӯзи қиёмат - нафарони аввали кишварҳоро аз зери ҳамла берун оварда,  имконияти идора аз он тарафи ҳаворо фароҳам меоварад. Суботи набарди ин пунктҳои фармондиҳиро тавассути ҷангандаҳо ва танкҳо ба танзим медароранд. Чунин тактикаи монанд дар Амрико дар солҳои ҷанги сард коркард шудааст.

Ҷойгузине, ки муддатҳо дар интизори он буд

Нерӯҳои ҳаво ва фазои Русия аз чунин ҳавопаймоҳои рӯзи қиёмат 4-то дорад. Ин ҳавопаймоҳо дорои нерӯгоҳи қавӣ, воситаҳои муоширати муосир ва имконияти якчанд рӯз истодан дар ҳаворо доранд. 

Аз гузаштагонаш Ил-80 танҳо бо пешониаш фарқ мекунад, ки калон асту дар он таҷҳизоти радиову электронӣ ҷой дода шудаанд. Афзун бар ин Ил-80 равзана надорад, то мусофирон аз наздикии инфиҷори ҳастаӣ кӯр нашаванд.

Маълумоти бештар аз ин дар бораи Ил-80 сирри давлатист. Танҳо гуфта мешавад, ки дар борти ҳавопаймо таҷҳизот барои идораи тамоми намудҳои Қувваҳои мусаллаҳ, бинои махсус барои кор ва истироҳати мусофирони олимақом, ва захираи сӯзишворӣ ҷойгир аст.

Ҳавопаймо метавонад аз ҳамагуна фурудгоҳ парвоз кунад.

Амрико ба хотири қатъи сохтмони “Маҷрои шимолӣ-2” шарик меҷуяд

 Аммо Ил-80 бештар аз 15 сол аст, ки тавассути нерӯҳо истифода мешавад ва бештари манобеи худро тавсеа доданд. Доманаи амалии онҳо ҳамагӣ о 3800 километрро ташкил медиҳад, ки барои пункти ҳавоии идоракунӣ нокифоя аст. 

Барои ҳамин интихоби  Ил-96-400М ба сифати аоси ҳавопаймои нави рӯзи қиёмат пурра дуруст аст: доманаи амалии он қариб 9 ҳазор километрро ташкил медиҳад.

Меҳмонхонаҳои парвозкунанда
Нерӯҳои мусаллаҳи ИМА дорои 4 ҳавопаймои  E-4B Nightwatch мебошад, ки дар асоси боинг -747 сохта шудаанд. Ҳаряки аз онҳо 1000 нафарро меғунҷонад ва ҳангоми кифоягии маводи сӯхт метавонад то дар ҳаво то як ҳафта монад. E-4B Nightwatch аз таъсири таркиши ҳастаӣ осебе намебинад, ва дорои таҷҳизоти муосири радиоэлектронӣ мебошад.

 Метавон гуфт, ки "ҳавопаймои рӯзи қиёмат"-и амрикоӣ, ин як меҳмонхонаи парвозкунанда аст. Дар он барои кори автономӣ тамоми шароит аз ошхона сар карда, то ҳаммом, минтақаи истироҳатӣ, ҳуҷраи дорои миз ва 9 курсӣ, ҷои муҷаҳҳаз бо техникаҳои иттилоотӣ барои 29 корманд ва дигар бино иборат аст. Хулоса, бисёр ҳавопаймои бароҳат аст.

Шояд барои ҳамин баъзан нафарони аввали Амрико барои парвоз ба дигар кишварҳо E-4B-ро ба ҷои Air Force One истифода мекунанд.

Ҳавоппаймоҳои  E-4B аз ҳавопаймои Ил-80-и Русия хело бузургсол аст. Онро ҳанӯз соли 1970 ба истифода бароварда буданд. Бояд қайд кард, ки онҳо то рафт замонавӣ ва пурратар мешаванд.

Мисол, соли 2015 як қисми борт раванди азнавбарномакунонӣ ва тағйирёбии таҷҳизоти коммуникатсиониро гузаштааст. Феълан ин ҳавопаймо бемамоният ба интернет дастрасӣ дорад. Даври E-4B - 11 ҳазор километрро ташкил медиҳад. 

"Ин қадамҳои авваланд": чаро Амрико зердарёиҳоро ба наздикии марзи Русия интиқол медиҳад

Афзун бар ин, амрикоиҳо 16 ҳавопаймои  E-6-ро доранд, ки метавонанд ба сифати пункти фармондиҳии муштараки стратегии нерӯҳои мусаллаҳи Амрико истифода шаванд. Дар ҳолати ҷанг ин мошинҳо аз минтақаи Уқёнуси Ором ва Атлантик вориди фазои ҷанг шуда, бо қаиқҳои зериобии ҳастаӣ ва "ҳавопаймоҳои рӯзи қиёсат" E-4B иртиботи бевосита хоҳанд дошт.

544
Грузовик с товарами, архивное фото

Роҳҳоро ифлос мекунед: чаро дар Суғд мошинҳои боркашоро ҷарима мекунанд

7
(Таҷдидшуда 11:09 28.10.2020)
Раёсати бозрасии давлатии автомобилӣ дар Суғд ба ронандагони мошинҳои боркаш ҳушдор медиҳад, ки минбаъд ҳангоми ҳаракат дар кӯчаҳо аз болопӯши ҳимоявӣ истифода баранд, то роҳро ифлос накунанд

ДУШАНБЕ, 28 окт — Sputnik.  Кормандони БДА дар вилояти Суғд зимни гузаронидани чорабинии мақсаднок нисбати 20 нафар ронандаи боркашон маводи маъмурӣ тартиб додаанд, гузориш медиҳад ВКД Тоҷикистон.

Ҳамзамон ба чанде аз роҳбарони корхонаву ширкатҳои сохтмонӣ барои рафъи камбудиҳо амрномаҳо дода шуд.

Бино бар иттилои манбаъ, ронандаҳои мазкур  тариқи ҷодаҳои нақлиётгарди маркази маъмурии вилояти Суғд шаҳри Хуҷанд ва ноҳияҳои атрофи он ҳамарӯза кашонидани борҳои пошхӯрандае аз қабилу хоку шағал тавассути нақлиётҳои боркаш машғул буда, роҳро ифлос мекунанд.

Ба иттилои БДА маҳз бо ҳамин сабабҳо дар чорроҳа ва кӯчаҳои асосӣ рехтаҳои шағалу хок тозагии шаҳри Хуҷандро ифлос мекунад. 

"Мутассифона ронандаҳо ва ягон нафар аз роҳбарони ташкилоту корхонаҳое, ки аз хизматрасонии кирояи ин нақлиётҳои боркаш истифода мебаранд, барои тозаю озода нигоҳ доштани кӯчаву роҳҳо чораҷӯӣ намекунанд ва сари ин масъала ташаббусе ҳам нишон намедиҳанд. Тавсияву дастур ба ронандаҳои боркаш ҷиҳати пӯшонидани бордони нақлиёт тавассути пардаҳои сахти резинӣ кифоя аст, ки пеши чунин бетартибии ислоҳшаванда гирифта шавад", - мегӯяд манбаъ.

БДА аз  ронандаҳои воситаҳои нақлиёт ва роҳбарони корхонаву ширкатҳои сохтмонӣ талаб мекунад, ки иҳати тозаву озода нигоҳ доштани кӯчаву роҳҳо масъулият ҳис кунанд. Ба ҳолатҳои бепардаи ҳимоявӣ кашонидани борҳои пошхӯранда роҳ надиҳанд ва хислати покизакорӣ нишон дода, оини шаҳрдориро риоя намоянд.

Қаҳрамонии як мансабдори БДА: донишҷӯдухтарро аз худкушӣ дар Сирдарё наҷот додааст

Кодекси ҳуқуқвайронкунии маъмурӣ дар моддаи 291 қисми 2 барои ифлос кардани роҳ ва бавуҷуд овардани монеа барои ҳаракат дар роҳ ба шахсони воқеъӣ ба андозаи аз 5 то 7 нишондиҳанда ва ба шахсони мансабдор ба андозаи аз 20 то 30 нишондиҳанда барои ҳисобҳо ва моддаи 322 барои бо нақлиёт кашонидани борҳои пошхуранда, ки пардаи ҳимоявӣ надоранд, ба андозаи аз 2 то 3 нишондиҳанда барои ҳисобҳо ҷаримаи маъмурӣ муқаррар кардааст.

 

7