Иҷозатномаи зисти муваққатӣ. Акс аз бойгонӣ

Муҳоҷир ё ҳамватан: киро вилояти Тамбов барои зиндагии доимӣ даъват мекунад

257
(Таҷдидшуда 18:58 28.10.2016)
Ҳукумати маҳаллии вилояти Тамбов дар мусоҳиба бо Sputnik Тоҷикистон шарҳ дод: кӣ метавонад ба вилояти Тамбов кӯч бандад ва чӣ тавр метавон соҳиби шаҳрвандии Русия шуд

ДУШАНБЕ, 28 окт — Sputnik. Хабар дар бораи он, ки вилояти Тамбов ҳамватанонро аз Тоҷикистон барои зиндагии доимӣ даъват мекунад, дар саҳифаҳои иҷтимоӣ мавриди баррасии фаъоли муштариёни интернет гардид.

Sputnik Тоҷикистон дар саҳифаи Facebook нисбати ин хабар нашриёти зиёди корбарони ин шабакаро ба даст овард.

"Гурги Тамбовӣ-дӯсти беҳтарин!!!"-менависад муштарии шабакаи иҷтимоӣ Анвар.

"Ман фикр мекунам, Хадамоти муҳоҷират аз мутахассисони соҳаи тиб ва муҳандисону донандагони хуби забони русӣ танҳо шод мешаванд",-бовар дорад Фамидҷон.

"Ман мекӯчидам",-мегӯяд Аҳмад.

"Аз афташ муҳоҷирати ҷаҳонӣ сар шудааст. Сокинони шаҳрҳои Хуҷанд ва Кӯлоб ба Душанбе меоянд. Душанбегиҳо ба ноҳияҳои Русия, сокинони вилоятҳои Русия ба Маскав, сокинони Маскав ва Петербург ба Аврупо, аврупоиён ба ИМА ва Канада  хоҳиши кӯч бастан доранд.  Дар ҳар сурат шаҳрвандони моро танҳо ба ноҳияҳо ва қишлоқҷойҳо роҳ медиҳанд. То даме, ки соҳаи кишоварзӣ рушд накунад эътидол намешавад. Чи ки на гӯем, Русия-кишвари бой аст",-менависад Сомидҷон.

Вале барои муштариёни шабакаи интернетӣ як чиз нофаҳмо мемонад, кӣ дар ҳақиқат метавонад ба Тамбов кӯч бандад-ҳар як шаҳрванди Тоҷикистон, ки донандаи забони русӣ аст ё танҳо русони муқими Тоҷикистон.

Sputnik Тоҷикистон барои рӯшанӣ андохтан ба ин масъала бо намояндагони ҳукумати вилояти Тамбов сӯҳбат кард.

Чуноне намояндагони ҳукумати маҳаллӣ мегӯянд, сухан дар бораи муҳоҷирон намеравад.

"Муҳоҷирони корӣ бо шиносномаи кишвари худ ба Русия меоянд, ҳамватанони бурунмарзӣ бошад, шаҳодатномаи махсус. Фарқияти асосиаш дар ҳамин аст. Муҳоҷири корӣ ба Русия омада, кор мекунаду боз бармеградад. Ҳамватани бурунмарзӣ бошад-шахсест, ки Русияро барои зиндагии доимӣ интихоб мекунад. Ва барои гирифтани шаҳодатнома меъёрҳои муайяншуда вуҷуд дорад",-хабар доданд дар шӯъбаи вилоятии хадамоти муҳоҷирати меҳнатӣ.

Мақомоти маҳалии вилояти Тамбов ҳамчунин қайд кард, ки ҳуҷҷатҳоро шаҳрвандони Тоҷикистон дар мақомоти маҳаллӣ омода менамоянд, вале қарор барои иштирок дар барнома аз ҷониби ВКД-и Русия қабул карда мешавад.

"Аввал ҳамааш соддатар буд.  Иштирокчиёни барномаи кӯчидан кам буданд. Имрӯзҳо мо мушоҳида мекунем, ки бӯҳрон натанҳо дар Русия аст, балки дигар кишварҳоро низ фаро гирифтааст ва мардум рӯ ба сӯи Русия кардаанд. Масалан Тоҷикистон-кишваре, ки аҳолиаш зиёду ҷои кор кам. Дар ин кишвар ҷавонон хеле зиёданд ва барои ҳамин ҳам бештар ба барномаи кӯчбастан аҳамият медиҳанд. Онҳо мехоҳанд худро дар дигар кишвар ёбанд",-шарҳ дод мусоҳиб.

Қаблан аз Қирғизистон ва Арманистон хостори кӯчидан хеле зиёд буданд, вале баъди дохил шудан ба Иттиҳоди иқтисодии АвруОсиё шаҳрвандони ин давлатҳо бидуни мамоният дар Русия машғули кор мешаванд ва дар баробари ин аз ватани худ зиндагӣ мекунанд.

Ҳамчунин манбаъ илова кард гарчанде, ки шумораи аҳолии вилояти Тамбов танҳо 1 миллион нафар бошад ҳам, бо истифодаи оқилонаи соҳаи иттилоотӣ ин вилоят дар мадди назари иштирокчиёни барномаи кӯчбандӣ  қарор гирифтааст.

Дар баробари ин мақомоти маҳаллӣ мегӯяд, ки аз сабаби ноайён будани баъзе қоидаҳои барнома, аксари аҳолӣ ҳангоми иштирок дар он дарк карда наметавонанд, ки оё ба барномаи кӯч бастан дохил мешаванд ё не. Омили инсонӣ низ вуҷуд дорад.

Бино ба манбаъ, нафароне, ки волидайнашон дар даврони ИҶШС зиндагӣ кардаанд ба фарҳанг ва ба худи Русия дар ҷиёс бо муҳоҷирони Осиёи шарқӣ назари дигар доранд.

"Агар онҳо (тоҷикистониён-шарҳ аз идора) ба Русия омада соҳиби шаҳрвандии ин кишвар гарданд, ҳеҷ гоҳ зимни баргаштан ба ватан дар бораи Русия фикри бад намекунанд",-изҳор дошт намояндаи мақомоти маҳаллӣ.

Кӯмаки молӣ

Бо хоҳишмандони кӯчидан ба Русия  қабл аз ба кор қабул кардан мушовараи санҷишӣ гузаронида намешавад, зеро далели бо аҳли оила  кӯч бастан худ нишонаи танҳо пулкоркунӣ нест.

 Вилояти Тамбов барои ҳар як иштирокчии барнома ба қадрои 20 ҳазор рубли русӣ медиҳад. 10-ҳазорӣ барои ҳар як аъзои оила. Ва ҳамчунин 7-ҳазорӣ барои ҳар як сокини нави Тамбоа.

Кӣ метавонад дар барнома иштирок кунад

Дар барнома нафароне, ки таърихан дар қаламрави Русия ба сар мебаранд, ашхосе, ки хешовандонашон дар қаламрави ФР зиндагӣ кардаанд, одамоне, ки дар ҳудуди кишварҳои собиқ ИҶШС зиндагӣ кардаанд; нафароне, ки зодагони СССР, РСФСР, Ҷумҳурии Русия ва давлати Русия буда, дорои шаҳрвандии ин давлатҳо ҳастанд, метавонанд иштирок кунанд.

Дар баробари ин дар барномаи кӯчидан ба Русия шаҳрвандони хориҷие, ки муваққатан дар ҳудуди Русия ба сар мебаранд,  онҳое, ки дорои иҷозатномаи муваққатӣ ё доимии зист ҳастанд ё дар Русия соҳиби паноҳгоҳи муваққатӣ мебошанд, метавонанд иштирок кунанд.

Ин барнома ба гурӯҳҳои дар боло зикргардида, имкон медиҳад, то дар муддати кӯтоҳтарин соҳиби шаҳрвандии Русия гарданд.

Шартҳои гирифтани шаҳодатнома

Аввал бояд ба консулгарии намояндагии ВКД-и Русия оид ба муҳоҷират дар Тоҷикистон муроҷиат намоед. Чунин меъёр аз соли 2007 инҷониб ба роҳ монда шудааст. Маълумоти бештарро метавонед дар сайти Сарраёсати ВКД-и Русия оид ба масъалаҳои муҳоҷират пайдо кунед.

Баъди ин хоҳишмандон бояд ариза навишта, дар бораи худ маълумоти пурра пешниҳод намоянд. Баъд, ариза ба шӯъбаи маҳалии ВКД-и Русия дар Тоҷикистон барои тасдиқи минбаъда пешниҳод карда мешавад.

Мувофиқи барномаи тасдиқшуда амалиёти дар боло зикргардида,  на бештар аз 60 шабонарӯз давом мекунад. Мӯҳлати амали шаҳодатнома-3 сол мебошад.

Кор

Мувофиқи талаботи барнома на камтар аз 75%-и иштирокчиён бояд соҳиби маълумоти олӣ бошанд. Дар рафти навиштани ариза шахс дар кадом соҳа фаъолият карданро низ зикр мекунад.

"Нафаре, ки хоҳиши кӯч бастанро дорад, албатта метавонад соҳиби ҷои кор шавад",-мегӯянд намояндагони ҳукумати вилояти Тамбов.

Дар баробари ин ишитрокчиёни барнома бояд барои бозомӯзӣ омода бошанд. "Дар ояндаи наздик дар ҳудуди вилоят яке аз фабрикаи калонтарини  паррандапарварӣ кушода мешавад. Барои кор дар ин фабрика зиёда аз 2 ҳазор одам лоизм мешавад. Ва натанҳо коргарони оддӣ, балки муҳандисон ва техникҳо низ.

Дар оянда мушкилоти асосӣ норасоиии мутахассисон хоҳад буд. Барои ҳамин танҳо ба хотири муҳоҷирати меҳнатӣ будан набояд аз иштирокчиён даст кашид. Ва ҷалби бозори меҳнат ба воситаи барномаи кӯчонидани аҳолӣ-фикри олиҷаноб аст",-шарҳ дод мусоҳиб.

Ҳаҷми маош дар вилояти Тамбов наонқадар баланд аст. Масалан ҳамшираи шавқат бо доштани шаҳодатномаи тасдиқкунанда метавонад танҳо 15 ҳазор  рубли русӣ маош дошта бошад. Бо вуҷуди ин нарху навои маҳсулоти хӯрокворӣ низ наонқадар қиммат аст: 1 кг картошка-10 рубл, карам-9, маҳсулоти аз гушт омодашуда-220 рубл. Вале ба ин нигоҳ накарда, набояд ба кишвари бегона бидуни пасандоз сафар кард.

257
Барчаспҳо:
ҳамватанони бурунмарзӣ, барномаи дастгирии кӯчидани ихтиёрӣ, шаҳрвандони хориҷӣ, Мақомоти маҳаллии вилояти Тамбов, Тамбов, Тоҷикистон, Русия
Мавзуъ
Зиёда аз 2 миллион муҳоҷир имтиҳони забони русӣ супориданд
Дар Маскав зиёда аз 200 муҳоҷир боздошт гардид
Коршинос: бимаи тиббӣ бо нархи 10 ҳазор рубл барои муҳоҷир ҷабр аст
Шарипов хост, риояи ҳуқуқи занони муҳоҷир дар Русия таҳқиқ шавад
Женщина несет своего ребенка

Янки, гоу ҳоум: дар Сурия боз чӣ мегузарад?

217
(Таҷдидшуда 19:50 11.08.2020)
Коршиноси дигари рус Александр Перенджиев мегӯяд, ҳамла ба низомиёни амрикоӣ метавонад қисме аз муборизаҳои дохилиэътилофӣ барои захираҳои Сурия бошад.

Ҳамла ба пойгоҳҳои низомӣ ва дастаи посбонон, ҳамалоти мушакӣ ва инфиҷори минаҳои заминӣ дар тули масири сутунҳо - барои низомиёни амрикоӣ замини Сурия танг мешавад. Ҳамалотро на танҳо гурӯҳҳои террористӣ мезананд. РИА Новости таҳқиқ кард, аз ҳузури ИМА дар кишвари арабӣ боз кӣ нороҳат аст.

Аз чор тараф

Чанде пеш пойгоҳи низомии ғайриқонунии ИМА дар музофоти Хасек дар шимолу шарқии Сирия зери аҳдофи ҳамалоти мушакӣ қарор гирифт. Инҷо дар шасткилометрии ҷануби шаҳри Ал-Хасак амрикоиҳо аэродромеро барои қабули чархболҳои ҳамлавар ва боркашон муҷаҳҳаз карда буданд. Бино ба иттилои расонаҳои Сурия ба пойгоҳи мазкур гурӯҳи номаълум ҳамла оварданд.

Вақтҳои ахир амрикоиҳоро дар Сурия доим тир мезананд ва онҳо осеб мебинанд. "Номаълумҳо" бештар қисми посбонии низомиёни ИМА-ро қир мекунанд.

Чунончи, охири моҳи май гурӯҳи худравҳои пур аз низомиёни Амрико ва ҷанговарони гурӯҳи "Нерӯҳои демократии Сурия"-ро дар Дайр-аз-Зор дастаи мусаллаҳ бо автомат, мусалсал ва норинҷак ҳамла оварданд. Дар натиҷа се арикоӣ ва 5 узви НДС маҷрӯҳ шуданд.

Ҷанҷол бар сари нафти Сурия: Вашингтон таъкид дорад даромади нафт ба Амрико намерасад

Моҳи апрел бошад, силсилаи ҳамалот дар музофоти Хасака анҷом дода шуд. Аз ҷумла, мошини зиреҳдори "Хаммер"-ро, ки низомиёни амрикоӣ ва узви НДС савор буданд , "Шахсони номаълум" дар наздикии деҳаи Рувейшид тирборон карданд. Дар натиҷа чанд тан маҷрӯҳ шуданд. Дар пайи чунин як ҳодисаи дигар дар Дайр-аз-Зор як афсари амрикоӣ ва ҷанговари НДС ҳалок шуданд. Пас аз як ҳамлаи дигар ду амрикоӣ бенишон гум шуанд. Сарнавишти онҳо то ҳол рӯшан нест.

Борҳо дар роҳи патрулҳо таҷҳизоти тарканда мепартоянд. Моҳи июл дар Дайр-аз-Зор автомобили низомиёни мунфаҷир шуд. Талафоти бештарро амрикоиҳо моҳи январи соли гузашта доштанд: дар Манбиҷ дар шимоли Сурия дар наздикии патрули пиёдагард минеро мунфаҷир кард, дар натиҷа ду аскар, Корманди Вазорати дифои ИМА ва як ҷанговар кушта шуданд.

Пентгон бошад бештари хабарҳоро рад мекунад ва "фейк" мебарорад.

Мубориза барои захираҳо

Коршиноси ҳарбӣ Юрий Лямин дар мусоҳиба бо РИА Новости таъкид кард, ки воҳидҳои низомии Амрико ва патрулҳояшро қабилаҳои маҳаллӣ, ки зери истилои ИМА ва ҳаммаслакони вай мондаанд, метавонанд анҷом диҳанд.

"Инҳо арабҳое мебошанд, ки дар шарқ ва шимолу шарқи Сурия ба сар мебаранд, - мегӯяд Лямин. Феълан, онҳо амалан дар зери ҳокимияти курдҳо, ки амрикоиҳо дастгириашон мекунад, қарор доранд. Албатта, одамон норозианд, онҳо пурра аз вазъият норозиянд ва ҷонибдори бо Димишқ буданд".

Дар ҳоле, ки ин қабила мусаллаҳ ва тамриндидаанд.

Бо далели он ки дар кишвар чанд сол боз ҷанги шаҳрвандӣ меравад, силоҳ дар дасти аҳолӣ басанда аст, - таъкид кард Лямин. Аз ҷумла намудҳои гунонуи он, миномет ва пулеметҳо низ ҳастанд".

Коршиноси дигари рус Александр Перенджиев мегӯяд, ҳамла ба низомиёни амрикоӣ метавонад қисме аз муборизаҳои дохилиэътилофӣ барои захираҳои Сурия бошад.

Ин амалан мубориза байни худи дуздон аст, - таъкид кард вай. - Аз як тараф, Пентагон ҳаст, аз тарафи дигар - гурӯҳҳои саноативу молӣ, ки манфиатҳои ширкатҳои низомии алоҳидаро ҳимоя мекунанд, метавонанд ҳамон террористҳоро мусаллаҳ кунанд.

Ба гуфтаи вай, Пентагон дар бозиҳои Сурия, қувваи мустақил нест, балки манфиатҳои гурӯҳи алоҳидаро дар ИМА намояндагӣ мекунад.

Ин ҳамалоти пинҳонии аз тезутунд шудани мубориза барои канданиҳои гаронарзиш дар Сурия шаҳодат медиҳанд. 

Низомиёни рус собиқ фурудгоҳи ҳарбии амрикоиҳоро дар Сурия ишғол карданд

"Агар дар ҳамла ҳарбии Сурия даст медошт, Пентагон дарҳол иқрор мешуд, - афзуд Перенджиев. - Аммо вақте мегӯянд, "қувваҳои номаълум", маънои онро дорад, сиррашонро пош карданӣ нестанд, аммо боварӣ дорам, ки худашон нағз медонанд".

Боз як хатари дигар ба амрикоиҳо, муқовимати мардуми Сурия мебошад. Чуноне ки президенти кишвар мегӯяд, мақсади мардуми ин кишвар, холӣ дидани он аз ҳама гуна нерӯҳои хориҷӣ мебошад.

Моҳи июн сокинони Тел-Абъяд дар музофоти Хасаке дар назди марз даст ба тазоҳурот зада, аз бурдани ғайриқонуни гандумашон изҳори норозигӣ кардаанд.

Чанд рӯз пеш аз қазия ВКХ Сурия изҳор дошт, ки ҷангиёни Туркия ва ҳаммаслакони Амрико барои ноором сохтнаи вазъ дар кишвар чанд бор замини гандум ва дигар донагиҳоро оташ заданд.

Фармондеҳии низомии ва ҳаммаслакони онҳо вазъи гуманитарӣ дар шимоли Сурияро мушкил мекунанд, то аҳолиро зидди мақомоти расмии кишвар хезонанд.

 Зуд-зуд бо ҷурми амрикоиҳо аҳолии осоиштаи кишвар қурбон мешаванд. Моҳи май аскарони ИМА дар Дайр-аз-зор ронандаи худраверо паррониданд - гӯё аз шоҳроҳи назди кони нафти "Коннико" худрав тоб хӯрда бошад.

Моҳи феврал, дар пости назди шаҳри Камишли низомиёни Сурия ҳарбиёни аримкоиро боздошт карданд, ки тариқи хатсайри ҳамоҳангношуда мерафтанд. Амрикоиҳо бо сокинони маҳаллӣ ҷанг хезониданд, ки дар натиҷа ҳарбиён ба тирандозии бетартиб сар карданд. Он замон як наврас кушта шуд ва як тани дигар захм бардошт. 

Қазия танҳо пас аз дахолати Русия ба эътидол оварда шуд.

217
Президент РФ Владимир Путин и председатель КНР Си Цзиньпин

Алвидоъ, доллар: Русия ва Чин ба асъори амрикоӣ ҷойгузин ёфтанд

1378
Дар соли 2015 қариб 90 дар сади савдои дутарафа тавассути доллар анҷом дода мешуд. Аммо пас аз оғози ҷанги тиҷории байни Амрико ва Чин кӯшишҳои мувофиқакардашудаи Маскав ва Пекин ин нишондод дар соли 2019 камтар аз 50 дар садро ташкил дод

ДУШАНБЕ, 9 авг — Sputnik. Русия ва Чин дар роҳи паст кардани вобастагӣ аз доллар фаъолона ҳамкорӣ мекунанд. Коршиносон мегӯянд, чунин ранг гирифтани ҳол метавонад дар натиҷа байни Пекин ва Маскав "иттиҳоди молие" -ро ба миён орад, менависад нашрияи машҳури ҷопонӣ Nikkei Asian Review.

Нашрия ба маълумоти Бонки марказии Русия ва Хадамоти федеролии гумруки кишвар истинод мекунад. Бино бар омори ниҳодҳои мазкур, бори нахуст дар торихи ҳамкориҳои тиҷории Русияву Чин саҳми доллар ба камтар аз 50 дар сад афтодааст.

"Доллар фақат барои 46 дар сади муҳосибаи байни Русия ва Чин истифода мешавад. Дар ҳамин ҳол евро 30 дар сад ва пули миллӣ 24 дар сади муҳосибаҳои ду кишварро ташкил медиҳанд", - омадааст дар гузориши Nikkei Asian Review.

Бо доллар кор мекунӣ, муҷозот мешавӣ: додгоҳ раиси ширкати “Тоҷикояндасоз”-ро ҷарима кард

Таъкид мешавад, ки солҳои охир, Русия ва Чин дар солҳои охир дар савдои дутарафаашон истифодаи долларро ба маротиб коҳиш доданд.

"Дар соли 2015 қариб 90 дар сади савдои дутарафа тавассути доллар анҷом дода мешуд. Аммо пас аз оғози ҷанги тиҷории байни Амрико ва Чин кӯшишҳои мувофиқакардашудаи Маскав ва Пекин ин нишондод дар соли 2019 камтар аз 50 дар садро ташкил дод", - тавзеҳ медиҳад Nikkei Asian Review.

Тавре мудири Институти тадқиқотҳои Шарқи дури АИР Алексей Маслов гуфт, "дедолларизатсия" ё долларгурезии Амрикову Чин ба "қулла" наздик мешавад, ки метавонад муносибатҳои Маскав ва Пекинро то "иттиҳод" расонад.

"Ҳамкориҳои Русия ва Чин дар соҳаи молия аз он мегӯяд, ки онҳо дар ниҳоят дар ҳоли ёфтани параметрҳои иттиҳоди ҷадид бо якдигар ҳастанд. Бештаринҳо интизор доштанд, ки ин иттиҳод ё тиҷорӣ ё низомӣ хоҳад буд, аммо он ҳоло бешатр ранги молӣ мегирад. Ин барои ҳарду кишваркафолати мустақилӣ медиҳад", - гуфт вай.

Nikkei Asian Review қайд мекунад, ки "дедолларизатсия" аз соли 2014 авлавият дошт. Русия ҳамчунин пас аз таҳримҳои ИМА маҷбур шуд, ки ба асъори амрикоӣ ҷойгузин ёбад.

"Ҳамагуна амалиёти бонкие, ки дар тамоми ҷаҳон тавассути доллар анҷом дода мешаванд, дер ё зуд аз бонки амрикоӣ мегузарад. Ин маънои онро дорад, ки ҳукумати Амрико метавонад ба ин бонк супориш диҳад, ки ин ё он амлиётро мутаваққиф кунад", - тавзеҳ дод иқтисодшиноси ING Bank  дар Русия Дмитрий Долгин.

Дедолларизатсия пас аз ворид намудани миллиардҳо доллар молиёт ба колои чинӣ аз ҷониби ҳукумати Доналд Трамп фарохтар гардид.

"Мо онҳоро нодида гирифтем": Ғарб комёбии низомии Русияро дар Сурия эътироф кард

"Танҳо ба наздикӣ Чин ва иншоотҳои бузурги иқтисодӣ дарк карданд, ки онҳо низ дар вазъи ҳамтоёни русашон метавонанд қарор гиранд: зери таҳримҳо монанд ва ҳатто аз системаи SWIFT берун оянд", - иқрор мешавад, корманди илмии Маркази тадқиқотҳои Шонгхойи донишгоҳи Чжан Син.

Дар натиҷа дар соли 2014 Русия ва Чин созишномаи сесолаи мубодилаи асъорӣ бастанд. Он ба Маскав ва Пекин имконият дод, ки асъори якдигарро бе харидорӣ намудан аз бозори асъор дастрас карда тавонанд. Соли 2017 ин созишномаро ба 3 соли дигар тамдид карданд.

Тобистони соли 2019 ҷонибҳо созишномаи ивазкунии доллар ба пули миллӣ дар савдои байналмилалиро бастанд. 

Афзун бар ин, Русия аз ҳисоби доллар захираҳои юанро фаъолона бой мекунад. Бино бар иттилои Nikkei Asian Review Русия захираи чоряки юанро дар бозори ҷаҳонии асъор азхуд кардааст.

Тавре Маслов мегӯяд, кӯшиши Русия дар ҷамъоварии юан на танҳо бо мутанаввиъ намудани захираҳои асъори кишвар вобаста аст.

"Русия дар муносибат бо Амрико нисбат ба Чин мавқеи қатъиеро ишғол мекунад. Русия ба мубориза одат кардааст, он ба гуфтушунид намебарояд. Русия ба ҳамкории молӣ бо Чин нишон медиҳад, ки Чин низ мавқеашро мисли ӯ қатъӣ карда метавонад", - афзуд вай.

Дар ҳамин ҳол вожгун кардани доллар осон нест.
Ба гуфтаи иқтисодшиноси Донишгоҳи Ҳорвард Ҷеффӣ Франкел, доллар якчанд афзалият дорад, ки то ҳол ягон асъори кишварҳои дунё бо он баробар шуда наметавонанд.

Дар ҳамин ҳол, коршинос иқрор мешавад, ки вазъи долларро қарзи давлатии Амрико ва сиёсати таҳримбардори кишвар метавонад коста кунад.

Эрон таҳримҳои Амрико бар зидди ин кишварро терроризми иқтисодӣ хонд

"Таҳримҳо як воситаи муҳими Амрико мебашанд, аммо кӣ гуфта наметавонад, ки дигарон низ метавонанд ин роҳро пеш гиранд", - гуфт дар анҷом иқтисодшинос.

1378
Народный поэт Таджикистана Гулназар Келди

Наздикони Гулназар Келдӣ: вазъаш рӯ ба беҳбуд ва муътадил аст

2312
(Таҷдидшуда 21:57 12.08.2020)
Вазъи саломатии Гулназар Келдӣ, шоири шинохтаи тоҷик, муаллифи суруди миллии Тоҷикистон, ки қаблан ба дастгоҳи нафасдиҳии сунъӣ пайваст шуда буд, феълан муътадил мебошад

ДУШАНБЕ, 12 авг — Sputnik. Табибон дар пайи бадтар шудани вазъи Гулназар Келдӣ, ӯро ба дастоҳи нафасдиҳии сунъӣ пайваст карда буданд, иттилоъ дод хабарнигори Sputnik Тоҷикистон.

"Гулназар Келдӣ худро бадтар эҳсос кард ва табибон тасмими гирифтанд, ки ӯро зери дастгоҳи нафасдиҳии сунъӣ гузаронанд”, - изҳор дошт манбаъ.

Аммо наздикони шоири халқӣ мегӯянд, вазъаш рӯ ба беҳбуд ва феълан муътадил мебошад. Дориюш Раҷабиён, рӯзноманигори шинохтаи тоҷик ва яке аз наздикони Гулназар Келдӣ дар саҳифааш миннатдории устодро ба ҳамаи онҳое, ки ҷӯёи ҳолашанд, баён дошт.

"Яке-ду рӯзи аввал ба дастгоҳи танаффуси маснӯъӣ ниёз доштанду акнун ҳолашон рӯ ба беҳбуд ва муътадил аст. Орзумандем, ки базудӣ бо такмили давраи муъолиҷаи худ ба оғӯши хонавода баргарданд", - навишт Раҷабиён.

Қаблан шоири халқӣ ва муаллифи суруди миллии Тоҷикистон бо гумони ибтило ба “вируси корона” ба Маҷмааи тандурустии “Истиқлол” интиқол ёфта буд.

Худи шоир 11 август ба Sputnik Тоҷикистон гуфт, як рӯзи қабл дарди ногуворе саропои вуҷудашро ларзонд ва наздиконаш салоҳ донистанд, ки ӯро ба шифохона интиқол диҳанд.

“Каме хастагиро эҳсос мекунам. Дар умум, вазъи сиҳатиам хуб аст. Ҳоло табобати профилактикӣ мегирам. Аз дӯстон хоҳиш мекунам, ки ташвиш накашанд, аммо худро сахт эҳтиёт кунанд”, - гуфт шоири халқии Тоҷикистон.

Гулназар Келдӣ 20 сентябри соли 1945 таваллуд шуда, ба номи худ Ҷоизаи давлатии Тоҷикистон ба номи Абӯабдуллоҳи Рӯдакӣ (1994), Ҷоизаи Комсомоли Тоҷикистон, Ҷоизаи ба номи М. Турсунзода, Шоири халқии Тоҷикистон (1995) – ро сабт кардааст. Муаллифи матни Cуруди миллии Тоҷикистон мебошад. "Расми сарбозӣ" - нахустин маҷмӯаи шеърҳои ӯ соли 1969 чоп шудааст.

"Дастархон" (1972), "Нордбон" (1975), "Ағба" (1978), "Паҳно" (1981), "Лангар" (1983), "Пайи дарё" (1985), "Чашми нигин" (1988), "Табхола" (1992 г.), “Туву хубиву раъноӣ” маҳсули фаъолияти беш аз нимасраи ӯ мебошанд. Маҷмӯаҳои вай ба забони русӣ бо номи "Звезда Улугбека" (1981) ва "Безымянный родник" (1986) дар нашриёти "Советский писатель" – и Русия ва "Тень тутовника" (1989) дар Душанбе чоп шудаанд. Осори ӯ дар Афғонистону Эрон ва дигар кишварҳо низ ба нашр расидаанд.

2312