Абдугани Мамадазимов, архивное фото

Коршинос: Саъудиҳо бар асари буҳрони Қатар аз сармоягузорӣ дар ҶТ даст кашиданд

260
(Таҷдидшуда 20:08 19.07.2017)
Иллати инсирофи Арабистони Саъудӣ аз сармоягузорӣ барои сохти муҷтамаъи Маҷлиси Тоҷикистонро бояд дар буҳрони Қатар ҷуст, мегӯяд раиси Анҷумани коршиносони улуми сиёсии Тоҷикистон Абдулғанӣ Мамадазимов

ДУШАНБЕ, 19 июл — Sputnik. Сохтмонҳои нави Маҷлиси Тоҷикистон дар маркази шаҳри Душанбе бо воми билоивази саддарсадии Чин сохта мешаванд.

Абдулғанӣ Мамадазимов мегӯяд, ин ки Чин хоста барои сохти ин сохтмонҳо сармоягузорӣ кунад, шигифтие надорад.

"Тоҷикистон дар хатти муқаддами тарҳи чинии "Як камарбанду як ҷода" ё Роҳи нави абрешим қарор дорад, аз ин рӯ мантиқист, ки Чин барои ин кишвар ҳам сармоя ихтисос бидиҳад ва ҳам барои сохтсуоз вомҳои имтиёзнок дар ихтиёраш бигзорад", — тавзеҳ дод вай.

Ӯ дар бораи инсирофи Арабистони Саъудӣ аз сармоягузорӣ барои сохтусози сохтмонҳои нави Маҷлис гуфт, ин масъала бисёр нозук аст.

"Мо, тоҷикон, аз дидгоҳи таборшинохтӣ ва забонӣ ба Эрон наздиктарем, вале аз нигоҳи динбоварӣ ба Арабистони Саъудӣ наздикем", — гуфт Мамадазимов ва афзуд, ки шояд ҳамин далел иллати ихтилоф шудааст.

"Арабистони Саъудӣ ин авохир, яъне пас аз нишасти сарони кишварҳои мусулмоннишин ва Амрико дар Риёз, сиёсати тавсеъаталабонаеро пеш гирифтааст. Ҳамчунин буҳрони Қатарро низ дар назар бояд гирифт, ки Арабистони Саъудӣ ва кишварҳои ҳамсӯяш онро дар муҳосира қарор додаву барояш замонзад (ултиматум) муқаррар кардаанд. Аммо Қатар дар Тоҷикистон бузургтарин масҷидро месозад. Аз ин рӯ, масъала бисёр печида аст", — гуфт вай.

Ёдоварӣ мекунем, ки Арабистони Саъудӣ ва эътилофе аз кишварҳои ҳамсӯяш Қатарро муттаҳам ба пуштибонӣ аз созмонҳои ҳаросафкани "ал-Қоъида" ва "Давлати исломӣ" кардаанд. Бархе аз коршиносон бар ин боваранд, ки гусасти равобити сиёсии Қатар бо Арабистон Саъудӣ бар нақшаҳои Чин аз иҷрои тарҳи "Роҳи нави абрешим" асари манфӣ хоҳад расонд.   

260
Барчаспҳо:
таҳлилгар, буҳрон, Абдулғанӣ Мамадазимов, Арабистони Саъудӣ, Қатар, Эрон, Чин, Тоҷикистон
Мавзуъ
Кишварҳои арабӣ Қатарро водор ба қатъи равобити дипломатӣ бо Эрон мекунанд
Арабистони Саудӣ аз рафтори Қатар норозӣ аст: коршинос
Ғайр аз ҳоҷиён: Арабистони Саудӣ ва АМА қатариёнро аз давлаташон ронданд
Ифтитоҳи хатсайри ҳавоӣ: сафари Э.Раҳмон ба Қатар ва имзои ҳашт созишнома
Сафари Эмомалӣ Раҳмон ба давлати Қатар
Қатар мехоҳад, дар Тоҷикистон бунёдҳои сармоягузории худро дошта бошад
Вице президент академии образования Таджикистана Каримова Ирина Холовна

Касбро намедонанд: Каримова дар бораи мушкили асосии довталабон дар Тоҷикистон

156
Довталабон дар Тоҷикистон аксаран ба факултаҳои иқтисод ва ҳуқуқ мераванд, зеро онҳо танҳо мехоҳанд  дипломи маълумоти олиро бигиранд ва намефаҳманд, ки пас аз донишгоҳ чи кор онҳо интизор аст, мегӯяд профессор Ирина Каримова

ДУШАНБЕ, 8 авг — Sputnik. Тӯли солҳои зиёд ҷавонони Тоҷикистон  ихтисосҳои техникӣ ва табииро (ба истиснои тиббӣ) сарфи назар карда, ба ҳуқуқшиносон, иқтисоддонон ва духтурӣ дохил мешаванд.

Ба гуфтаи Ирина Каримова, доктори илмҳои педагогӣ, профессори Академияи таҳсилот, далел он аст, ки дар самти омӯзиши касбӣ дар мактабҳо кор бурда намешавад ва ҷавонон як факултетро бо ихтисоси васеъ интихоб мекунанду  умедворанд мешаванд, ки маълумоти олӣ ба таври автомотӣ ҳадди аққал ягон корро таъмин мекунад.

Ба гуфти мутахассис онҳо дар бораи пас аз хат дар куҷо кор карданашон ва чи кас шуданашон фикр намекунанд.

“Эҳтимол баччаҳои ҷавонро гуногунрангии касбҳои ояндаи худ ҷалб мекунанд. Охир, боварӣ дорад, ки дар ҳама ҷо иқтисодчӣ лозим аст - вай метавонад ба муҳосиб, менеҷер, корманди бонк кор кунад.  Ҳамин тавр, қариб дар ҳама гуна ташкилотҳои тиҷоратӣ ҳуқуқшинос лозим аст. Аммо суол ин аст, ки оё онҳо дар бозор талабот хоҳанд дошт ", -шарҳ дод Каримова ба Sputnik Тоҷикистон.

Ба гуфтаи вай, ҳатто бо касби духтур, ки хеле маъмул ва обрӯманд аст, мушкилот вуҷуд дорад - аксарияти довталабон намефаҳманд, ки омӯзиши шашсола дар соҳаи тиб чӣ қадар душвор аст. Аз ин сабаб, бисёриҳо пас аз соли 1-2-юм донишгоҳро тарк мекунанд.

156
Абитуриенты, архивное фото

"Обрӯталош": чаро ҷавонони тоҷик ҳуқуқшинос, иқтисодшинос ва духтур шудан мехоҳанду халос?

440
(Таҷдидшуда 19:46 07.08.2020)
Пурхаридор будани ихтисоси ҳуқуқшинос ва иқтисодшинос - ин иштибоҳ аст, ки оқибаташ бекории ҷавонон аст. Аммо довталабон дар бораи дигар ихтисосҳои "бонуфуз" андеша ҳам намекунанд

ДУШАНБЕ, 7 авг — Sputnik. Чанде пеш дар рафти нишасти матбуотӣ мудири Маркази миллии тестии Тоҷикистон Хуршед Икромӣ шикоят кард, ки довталабони зиёд ба донишгоҳҳои Тоҷикистон асосан се касб - ҳуқуқшинос, иқтисодшинос ва пизишкиро интихоб мекунанд.

Дар ҳамин ҳол ҷавонон аз касбҳои техникӣ ва табииву риёзӣ рӯй мегардонанд. Ҳамин тавр, соли 2020 ба донишгоҳҳо ва коллеҷҳо бештар аз 110 ҳазор нафар номнавис карданд. Нафароне ки мехостанд ба факултаҳои ҳуқуқшиносӣ ё тиббӣ дохил шаванд, аз нақша бештар -168 ва 167 дар садро ташкил доданд. Аммо дар ихтисосҳои техникӣ ин нишондод 80,5 дар садро ташкил медиҳад.

Муҳим: Маркази миллии тестӣ имтиҳонро дар асоси тарҳи нав доир мекунад

Sputnik Тоҷикистон аз коршиносони соҳа пурсон шуд, ки чаро хатмкунандагон дар Тоҷикистон сӯи иқтисодшиносӣ ва ҳуқуқшиносӣ медаванд ва оё ин вазъ дар тамоми ИДМ аст.

Сабаб дар чист?

Мудири Маркази тестӣ авалин нафаре нест, ки ба ин масъала назар афгандааст. Моҳи феврал президенти Тоҷикистон Эмомалӣ Раҳмон аз мактаб, коллеҷ ва донишгоҳҳо дархост кард, ки ихтисосҳои техникӣ нуфузи пештараашро баргардонанд ва диққати ҷавононро бештар ин соҳаҳо ҷалб кунанд.

Раисҷумҳур таъкид кард, ки кишвар ба муҳандисон, зоотехник ва агроном ниёз дорад. Аммо хатмкунандагони соҳаҳои гуманитарӣ зиёданд. Аз онҳо ба иқтисоди кишвар фоидае несту барояшон кор ёфтан ҳам осон нест.

Мантиқан кӯшиши пизишк шудани ҷавонон равшан аст, аммо боқимондаҳо чаро сӯи ҳуқуқшиносиву иқтисодшиносӣ медаванд?

Дар ҳоле ки давталабон ва волидонашон хуб дарк мекунанд, ки баъди хатми донишгоҳ кор ёфтан бе "тағо" осон нест.

Ба гуфтаи муовини президенти Академияи маорифи Тоҷикистон Ирина Каримова, фаннҳои ҳуқуқшиносӣ 20 сол инҷониб байни довталабон "баргузида" аст, ҷавонон ҳангоми дохил шудан ба донишгоҳҳо бештар на дар бораи нақшаҳои ояндаашон фикр мекунанд, балки мақсадашон танҳо дохил шудану гирифтани диплом аст халос.

Дар Хуҷанд донишкадаи нав ифтитоҳ мешавад

"Ба фикри ман онҳо андеша намекунанд, ки дар оянда ба куҷо ва ба ҳайси кӣ ба кор медароянд. Шояд ҷавононро имконияти ихтисоси ҳуқуқшиносӣ ҷалб кунанд. Зеро, ба қавле, иқтисодчӣ ба ҳа ҷо лозим аст - ӯ метавонад  муҳосиб шавад, менеҷер шавад ё дар бонк ба кор дарояд. Ҳуқуқшинос бошад, қариб ки ба тамоми ширкатҳо лозим аст", - афзуд ӯ.

Ба гуфтаи  Каримова, дар даврони Иттиҳоди Шӯравӣ низ, ихтисосҳои забономӯзӣ, адабиётшиносӣ ва гуманитарӣ мӯд буд. Аммо бо пошхӯри Иттиҳод ҷои онҳоро муҳосибону ҳуқушиносон гирфтанд.

Пизишк бекор намемонад

Мушкилӣ дар он аст, ки давталабон бозори корро ба назар намегиранд. 

Корро дар хориҷа ёфтан ҳам сосон нест. Зеро масалан, агар ҳуқуқшинос панҷ сол ҳуқуқи Русияро таҳсил кунад ҳам, дар Русия рақобат бузург аст. Вазорати меҳнати Русяи ҳам мегӯяд, ки 80 дар сади хатмкунандагони факултаҳои ҳуқуқшиносӣ мувофиқи ихтисосашон кор намеёбанд.

Барои ҳамин мутахассисони тоҷик ба Русия муҳоҷир шаванд ҳам, ҳамчун коргари қаторӣ фаъолият бурда метавонанду халос.

Омили дигари интихоби ин касбҳо, мавҷуд будани кафедраи ҳарбӣ дар ин факултаҳо мебошад. Хизматгурезии ҷавонон ба андозаест, ки ҷавонон панҷ соли донишгоҳро аз ду соли хизмат аъло медонанд.

Дар соҳаи пизишкӣ бошад, довталабон бештар мафтуни "обрӯӣ" ин касб мешаванд, то дарсҳои дурударозу китобҳои зиёди даврони донишҷӯӣ.

"Тавре таҷрибаҳо нишон медиҳанд, бештаринҳо намефаҳманд, ки ин касбро ба даст овардан осон нест, шаш соли пурмашаққати таҳсил дар донишгоҳро на ҳама донишҷӯё аз ӯҳдааш мебароянд", - тавзеҳ дод Каримов ба Sputnik Тоҷикистон.

Муҳим, пизишкони оянда дар пайдо кардани ҷои кор мисли ҳуқуқшиносон ё иқтисодшиносон ба мушкилӣ дучор намешаванд. Зеро дар хориҷ низ мутахассиони тоҷик серталабгоранд. Дар шаҳрҳои калони Русия кам нестанд духтурони тоҷик, ки донишгоҳи тиббии ба номи ибни Синои Тоҷикистонро хатм намудаанд.

Муаллим ва иқтисодчӣ: Назаршозода Лоиқ - иҷрокунандаи вазифаи раиси ноҳияи Роштқалъа кистАз Тоҷикисто

Қазия танҳо дар Тоҷикистон нест

Мувофиқат накардани ихтисоси хатмкунандагон ва ҷои кор - мушкилии танҳо Тоҷикистон нест. Ин ба тамоми кишварҳои ИДМ шинос аст.

Ба гуфтаи кошинос гап дар  шакливазкунии иқтисоди кишварҳо пас аз пошхӯрии СССР аст.

"Шояд дар Тоҷикистон ҳам таҷрибаи сисола ба кор рафт. Зеро дар даврони соҳибистиқлолӣ аввал истеҳсолот қариб барбод рафт ва метахассисони техникӣ бекор монаданд. Ҳоло хатмкунандагонро ба донишгоҳҳои техникӣ даъват кунанд ҳам, аз ин нуфузи ихтисосҳо мазкур зиёд намешавад", - мегӯяд Митрофинова.

Дар Русия ва Қазоқистон вазъ вобаста ба гарон шудани арзиши нафт аз соли 2000, дигаргун аст. Ихтисосҳои муҳандис, архитектор, геолог ва химик дар кишвар пурнуфуз  ва дар бозори меҳнат низ серхаридоранд.

Тоҷикистон захираи бузурги бойгариҳои табииро коркард намекунад, соҳаҳои алоқа ва интернет бошад зери назорати шадид қарор доранд. 

"Тоҷикистон дар минтақа дар рушди гидроэнергетика пешрав аст, аммо шояд реклом намерасад, ки ҷавонон дарк намекунвнд, ки дар дохили худи кишвар имконияти бузурге барои ин мутахассион ҳаст", - таъкид кард вай.

Чи коршиносони тоҷик ва чи рус бар онанд, ки ба ихтисосҳои техникиву тибиӣ-риёзӣ "пиар" намерасад. Ҳанӯз аз даврони мактабӣ орзуи духтур шудану ҳуқуқшинос шудан ва либоси онро ба бар кардан дар дили кӯдакон пайдо мешавад, аммо онҳо дарк ҳам намекунанд, ки хилъати духтуриро аз садҳо давталаб яке ба бар мекунанд.

"Иродаи қавӣ": пизишки ҷавони тоҷик худ ва фарзандашро аз коронавирус дар Маскав наҷот дод

Ҳамчунин ба фикри касе ҳам намеояд, ки муҳандисон, биологҳо ва барномасозҳо ба маротиб аз дигарон бештар маош мегиранд.

440
Город Худжанд, архивное фото

Кам шуд, аммо ҳанӯз ҳаст: бӯи ғализ дар Хуҷанд кай бартараф мешавад?

0
(Таҷдидшуда 15:15 08.08.2020)
Сокинони шаҳри Хуҷанд мегуянд, ҳанӯз мушкили олудаги ҳаво бартараф нашудааст. Ин дар ҳолест, ки ахиран раиси Хуҷанд сарчашмаи паҳншавии бӯи ғализ дар шаҳрро гуфта буд

ДУШАНБЕ, 8 авг – Sputnik. Сокинони маҳаллаҳои соҳили рости руди Сир дар Хуҷанд мегуянд, то ба ҳол мушкили паҳншавии бӯи ғализ дар шаҳр ҷой дорад.

Нуриддин Шарифов як сокини маҳаллаи 17-уми Хуҷанд дар сӯҳбат ба Sputnik Тоҷикистон гуфт, ки ба ҳангоми вазидани шамол бӯи бад ба кӯчаву манзили онҳо паҳн мешавад.

“Дар гармои тобистон ҳама вазидани шамолро интизор мешаванд, аммо аз вазидани шамол мо дилгир мешавем, зеро дар вақти шамоли форам бӯи бад маҳаллаи моро фаро мегирад”, гуфт ӯ.

Як сокини дигари Хуҷанд аз маҳаллаи 8-ум ҳам зикр кард, ки шому саҳар ба ҳангоми вазидани шамол бӯю тафи бад ҳавои хонаю дари онҳоро олуда месозад. Ин сокини Хуҷанд гуфт, ин мушкил чанд вақт ба ин тараф ҳалношуда боқӣ мондааст.

“Паҳншавии бӯи бад дар шаҳр, назар ба як моҳи пеш нисбатан камтар шудааст, аммо ҳанӯз пурра бартараф нашудааст”, таъкид кард, ҳамсуҳбати мо.

Ин дар ҳолест, ки рӯзи 15-уми июл Маъруф Муҳаммадзода, раиси шаҳри Хуҷанд дар нишасти матбуотӣ манбаъи паҳншавии бӯи ғализ дар маҳаллаҳои Хуҷандро ошкор кард.

Муҳаммадзода таъкид кард, ки бӯи бад дар Хуҷанд аз ҳисоби порӯи мурғхонаҳое паҳн мешавад, ки дар ҳудуди маҳаллаҳои ноҳияи ба номи Бобоҷон Ғафуров сохта шудаанд.

"Паҳни бӯи бад дар шаҳр мо ҳама маъмурони шаҳрро нигарон кардааст. Мо оиди ин масъала 10-12 рӯз ба ин тараф машғул ҳастем. Гурӯҳҳои корӣ иборат аз кормандони санитарию эпидемологии шаҳр, Раёсати экология вилоят маълум намуданд, ки дар мавзеъҳои доманакӯҳи шаҳр, воқеъ дар ҳудуди ноҳияи Бобоҷон Ғафуров аз ҷониби баъзе ашхос фермаҳои мурғпарварӣ ташкил карда шуда ва порӯи чунин фермаҳо дар фазои кушод нигоҳ дошта мешудааст, ки ба ҳангоми вазидани шамол ба микроноҳияҳои шаҳр паҳн мегардад", - гуфт раиси шаҳри Хуҷанд.

Раиси шаҳри Хуҷанд он замон гуфта буд, ки унвонии Зариф Назирӣ, раиси ноҳияи Бобоҷон Ғафуров ва сардори Раёсати ҳифзи муҳити зисти вилояти Суғд мактуб ирсол намудаанд, то ин масъаларо ба баррасӣ гиранд.

Аммо бо гузашти қариб як моҳ ҳамоно паҳншавии бӯи ғализ дар Хуҷанд бартараф нашудааст ва сокинон аз ин вазъ изҳори нигаронӣ мекунанд. Воқеан порӯи мурғхонаҳо ҳавои шаҳрро олуда мекунад, ё чизи дигар? Оё бӯи ғализ дар Хуҷанд кай бартараф мешавад?

0
Барчаспҳо:
шикоят, Маъруф Муҳаммадзода, сокинон, бӯйи бад, Хуҷанд, Тоҷикистон