Президент Республики Таджикистан Эмомали Рахмон (слева) и президент Республики Узбекистан Ислам Каримов

Торихи сафарҳои Раҳмон ба Узбакистон: аз мухолифатҳо дар сохтмони Роғун то тӯҳфаи Каримов

591
(Таҷдидшуда 17:48 16.08.2018)
Ба наздикӣ раисҷумҳури Тоҷикистон бо сафари расмӣ ба Узбакистон меравад, ин сафар севумин сафари Эмомалӣ Раҳмон ба Тошканд аст

ДУШАНБЕ, 16 авг — Sputnik, Вадим Попов. Рӯзи сафари кишвардори Тоҷикистон Эмомалӣ Раҳмон ба Узбакистон дақиқ шуд. Сафар ба 17-18 август ба нақша гирифта шудааст.

Раисҷумҳури Тоҷикистон бори аввал дар 17 соли охир бо сафари расмӣ ба Узбакистон меравад. Пештар Эмомалӣ Раҳмон чанд маротиба ба Тошканд сафар дошт, аммо чун раиси ҷумҳури кишвари ҳамсоя танҳо ду маротиба вориди Узбакистон гашт.

Sputnik Тоҷикистон кай ва барои чӣ ба  Узбакистон рафти Эмомалӣ Раҳмонро тавзеҳ медиҳад.

Нахустин сафар — бо умеди нек

Президент Таджикистана Эмомали Рахмон, архивное фото
© Фото : пресс-служба президента Таджикистана
Президент Таджикистана Эмомали Рахмон, архивное фото

 

Бештар аз 20 сол пеш Эмомалӣ Раҳмон ба сифати президенти Тоҷикистон аввалин сафари худро ба пойтахти Узбакистон анҷом дод. Ин сафар 4 январи соли 1998 сурат гирифтааст.

Роҳбари кишваре, ки ба тозагӣ ба ҷанги шаҳрвандӣ пирӯз шуда буд, барои барқарор намудани муносибатҳои шахсӣ бо раисҷумҳур Ислом Каримов ба Узбакистон рафт. Ин кишвар дар рафти ҷангҳои шаҳрвандӣ  бо баҳонаи пешгарӣ аз вуруди ҷангиёни мухолифин марзашро бо Тоҷикистон минакорӣ карда буд. Ҳамчунин Каримов дар масъалаи анҷоми ҷанги шаҳрвандӣ дар кишвари ҳамсоя,  хулосаҳои худро дошт.

Ба Эмомалӣ Раҳмон барқарор кардани муносибат бо раисҷумҳури кишвари ҳамсоя муҳим буд.

"Ин сафар ба барқароршавии муносиботи Тоҷикистону Узбакистон такони назаррас бахшид. 4 феврали ҳамин сол нахуствазири Узбакистон Султонов У. С. ба Душанбе омада буд", — қайд карда мешавад дар вебгоҳи ВУХ Тоҷикистон.

Сафари дувум — тӯҳфаи Ислом Каримов

Комисиияи оштии миллӣ дар Тоҷикистон кори худро соли 2000 ба анҷом расонид, аммо муносибатҳои байни Тоҷикистон ва Узбакистон ҳанӯз ҳам сард буданд.

Тошканд дар сохтмони НБО Роғун дар дарёи Вахш муқобилияти шадид нишон дод. Нерӯгоҳ барои Тоҷикистон бисёр муҳим буд.

Ба Каримове, ки мехост фишангҳои нуфузи сиёсиро ба ҳамсояҳо дар дасти худ нигоҳ дорад, ин иқдом маъқул набуд. Зеро Узбакистон пештар ба Тоҷикистон барқ мефурухт. Афзун бар ин, нерӯгоҳи нав ба Душанбе имкон медод, ки дар захираҳои обиро идора кунад.

Тошканд бо баҳонаи амнияти сокинон ба ин иқдоми муҳими Тоҷикистон муқобилият нишон медод: ба гуфтаи онҳо, агар сарбанди ин нерӯгоҳ тахриб шавад, минтақаҳои зиёди Осиёи Марказӣ хароб мешаванд.

Афзун ба иддаоҳои ҳудудӣ, масъалаи об садди роҳи беҳбудии муносибатҳои ду кишвар гашт. Аммо бояд муносибатҳоро барқарор мекард. Маҳз бо ҳамин мақсад 5 октябри соли 2001 Эмомалӣ Раҳмон бо сафари корӣ ба Узбакистон рафт.

Саммит ШОС в Душанбе
© Sputnik / Михаил Климентьев
Президент Узбекистана Ислам Каримов и президент Таджикистана Эмомали Рахмон на саммит ШОС в Душанбе. Архивное фото.

Он вақт дар изҳороти муштараки ду ҷониб роҳҳои асосии ҳалли тамоми мушкилоти байни Тоҷикистону Узбакистон нишон дода шуда буд.

Қариб як сол пас, 5 октябри соли 2002  Созишномаи марзи давлатии байни Тоҷикистону Узбакистон ба имзо расид. Ин рӯйдод барои Эмомалӣ Раҳмон тӯҳфаи махсусе гардид. Аммо дар пеш 15 соли сардӣ дар торихи муносибатҳои ду кишвари дӯст буд.

Севумин сафар — видоъ бо Каримов

Бори севум Эмомалӣ Раҳмон бо ваҷҳи тасодуфие вориди Узбакистон шуд — 2 сентябр раисҷумҳур Ислом Каримов вафот кард. Ҳарчанд муносибатҳои роҳбари Тоҷикистон бо ин кишар начандон хуб буданд, Эмомалӣ Раҳмон ба хотири гиромидошти хотири Ислом Каримов ба ин кишвар рафт.

Сардори шӯъбаи Осиёи Марказии донишкадаи кишварҳои ИДМ Андрей Грозин. Акс аз бойгонӣ
© Фото : официальный сайт Института Стран СНГ

Бояд қайд кард, ки ширкат дар маросими видоъ бо Ислом Каримов иқдоми шахсии Эмомалӣ Раҳмон буд. Сафар ба маросими дафн ба Самарқанд мақсади сиёсие надошт, балки аз гиромидошти шахсияту анъанаи муштараки ду миллат шаҳодат медод. Новобаста аз муносибатҳои ду роҳбар, хизматҳои  Ислом Каримовро дар рушди Узбакистон нодида гирифта намешуд.

Прощание с президентом Узбекистана И. Каримовым
© Sputnik / Дмитрий Астахов
Прощание с президентом Узбекистана И. Каримовым

Узбакистон бо роҳбарии Ислом Каримов тавонист солҳои вазнини пасошӯравиро паси сар кунад, аммо дар масъалаи мушкилиҳои умумии Осиёи Марказӣ ҳамагуна нофаҳмиро сарфиназар мекард. Маҳз бо ҳамин рӯҳия ду кишвар ба давраи нави муносибатҳо қадам ниҳоданд.

Сафари қарибулвуқӯи Раҳмон ба Узбакистон чорумин аст. Сафари ҷавобии раисҷумҳур бо даъвати раисҷумҳури Узбакистон Шавкат Мирзиёев, ки баҳори соли равон ба Тоҷикистон омад, рӯзҳои 17-18 август сурат мегирад. Эмомалӣ Раҳмон аз Тошканд ва Самарқанд дидан хоҳад кард.

Дар номгӯи мавзӯъҳои асосиии гуфтушунидҳо, коршиносон мувофиқа дар масъалаи минтақаи марзии байни вилояти Суғди Тоҷикистон ва вилояти Сирдарёи Узбакистонро муҳим номбар мекунанд. Изҳори умедворӣ карда мешавад, ки роҳбарон ба мувофиқа мерасанд ва ин мушкилӣ пурра бартараф мешавад.

Афзун бар ин, Эмомалӣ Раҳмон ва Шавкат Мирзиёев вазъи Афғонистонро баррасӣ хоҳанд кард. Айни замон Узбакистон бо мақомоти расмии Кобул дар ҳалли масъалаи тундгароӣ ва ифродагроӣ фаъолона ҳамкорӣ мекунад.

Тоҷикистону Узбакистон бо мақсади амният дар Осиёи Марказӣ нақша дорад, ки роҳҳи ҳалли мушкилиро якҷо пайдо кунанд.

Бахши дигари муҳими малоқоти Раҳмон ва Мирзиёев НБО Роғун ва захираҳои обии минтақаъ хоҳад шуд. Ҳарду ҷониб умед доранд, ки дар ин масъала роҳи ҳалли созандаеро пайдо мекунанд. Шавкат Мирзиёев аллакай изҳор дошт, ки мехоҳад дар сохтмони Роғун ширкат кунад ва бо ҳамин роҳ ҳамкориҳои ду кишварро дар масоили обӣ тақвият бахшад.

Президент Узбекистана Шавкат Мирзиёев и президент Таджикистана Эмомали Рахмон
© Пресс-служба президента Таджикистана
Президент Узбекистана Шавкат Мирзиёев и президент Таджикистана Эмомали Рахмон

Кишварҳо дар умум 23 санад ба имзо хоҳанд расонид. Ба нақша гирифта шудааст, ки дар соҳаи кинематография ва умури гидрометеорологӣ низ ҳамкориҳо ба роҳ монда шаванд.

Аз ҳама муҳим, Тоҷикистону Узбакистон дар бораи ҳамкориҳои стратегӣ созишнома мебанданд.

Ёдрас мешавем, пас аз иваз шудани роҳбари Узбакистон муносибатҳои Тоҷикистону Узбакистон бамаротиб беҳтар шуд ва рушд кард. Тарафҳо на танҳо дар кишварҳои ҳамдигар рӯзҳои фарҳангӣ баргузор карданд, балки чанд намоишгоҳи тиҷориву иқтисодӣ баргузор намуда, дар рафти он ба чандин миллион доллар созишнома бастанд. Байни Тоҷикистону Узбкастон низоми раводид лағв шуда, роҳҳои ҳавоиву оҳанӣ барқарор ва гузаргоҳҳо боз шуданд.

591
Барчаспҳо:
муносибат, марз, сохтмон, НБО "Роғун", Шавкат Мирзиёев, Ислом Каримов, Эмомалӣ Раҳмон, Узбакистон, Тоҷикистон
Мавзуҳо:
Аввалин сафари Эмомалӣ Раҳмон ба Узбакистон баъди 17 сол (18)
Главный корпус больницы Истиклол

Поёнравӣ ё оромии қабл аз тӯфон: дар шифохонаҳои Тоҷикистон чӣ хабар аст?

2456
(Таҷдидшуда 02:25 25.05.2020)
Маҷмӯаи иттилооти дасти аввал аз шифохонаҳо нишон медиҳад, ки шуюъи “вируси корона” дар Тоҷикистон сайри нузулӣ дорад. Аммо мутахассисин мегӯянд, барои кафкӯбӣ кардан ҳанӯз вақт ҳаст

ДУШАНБЕ, 24 май — Sputnik. Масъулини дасти кам 10 шифохонаи шаҳру навоҳӣ ва вилоят ба Sputnik Тоҷикистон таъйид карданд, ки теъдоди маризон рӯ ба коҳиш оварда, утоқҳои табобатӣ холӣ мешаванд.

Эмомалии Мирзо, сухангӯи вазорати тандурустӣ ва ҳифзи иҷтимоии Тоҷикистон гуфт, 23 май, вазири тандурустӣ ба вилояти Хатлон сафар дошт, то бо вазъ дар маҳалҳо ошно шавад.

Вай афзуд, бино ба иттилое, ки сардухтурон дар ихтиёри вазир гузоштанд, тайи рӯзҳои ахир теъдоди назарраси маризон шифо ёфта, ба хонаҳои худ рухсат шудаанд.

“Масалан, дар шифохонаи марказии ноҳияи Ёвон ҳамагӣ чор мариз бистарӣ буданд. Ҳамин гуна вазъ дар Шифохонаи марказии шаҳри Бохтар, маркази вилоят низ мушоҳида шуд. Дар умум аз садҳо нафаре, ки тайи 20 рӯзи ахир дар шифохонаҳои ин вилоят таҳти тадовии табибон буданд, ҳудуди 200 нафар боқӣ мондаанд. Инҳо ҳам ба зудӣ рухсат хоҳанд шуд”, - гуфт Эмомалии Мирзо.

Бистарӣ шудани собиқ ноиби раиси парлумон дар шуъбаи эҳёи бемористони сироятӣ-акс

Ба гуфтаи сухангӯи вазорати тандурустӣ, дирӯз аз шифохонаҳои шаҳри Душанбе дар умум 500 нафар, ки бо маризиҳои мухталиф, аз ҷумла “вируси корона” ва “пневмония” бистарӣ буданд, ба хонаҳои худ рухсат шудаанд.

Бино ба иттилои дарёфтӣ, то лаҳзае, ки ин гузориш омода мешуд, дар корпуси 2 – и Маркази миллии тиббии Тоҷикистон - "Шифобахш", маъруф ба Шифохонаи Қарияи Боло, ҳамагӣ 4 мариз бистарӣ буданд ва дар корпусҳои 4, 6, 8 ва кардиологияи ин марказ, ки тақрибан 500 нафар табобат мегирифтанд, се рӯз ба ин сӯ касе бистарӣ нашуда, теъдоди онҳое, ки таҳти назоратанд, аз 100 поён шудааст.

Бино ба манобеъи мо, бештари маризон ба Маҷмааи тандурустии “Истиқлол” муроҷиат мекунанд ва он ҷо низ теъдоди муроҷеин аз садҳо нафари даҳаҳои аввалу дуюми моҳи равон ба 20 – 30 нафар коҳиш ёфта, рӯзщои ахир то 30 - 40 нафар аз шифохона рухсат мешаванд.

Омори мудҳиш: шумори гирифторини COVID-19 дар ҷаҳон аз 5 миллион нафар гузашт

Вазъи ҳамсон дар Шифохонаи маризиҳои сироятӣ ва ҳам Маркази гастроэнтрологияи Душанбе низ мушоҳида мешавад. Сухангӯи вазорати тандурустӣ ва ҳифзи иҷтимоии Тоҷикистон вазъи Вилояти Мухтори Кӯҳистони Бадахшон ва Навоҳии тобеъи ҷумҳуриро низ рӯ ба беҳбудӣ арзёбӣ кард.

“Хушбахтона, Вилояти Мухтори Кӯҳистони Бадахшон дар қиёс бо дигар вилоёт садамаи камтар расида, ҳоло теъдоди маризон бамаротиб коҳиш ёфтааст. Иттилое, ки аз Навоҳии тобеъи ҷумҳурӣ дар ихтиёри мо гузошта мешавад, низ аз поёни омадани мавориди сироят ва фавт ривоят мекунад”, - гуфт Эмомалии Мирзо.

Ду – се рӯз пас

Вилояти Суғд, ки дар баробари пойтахт – Душанбе дуввумин нуқтаи доғи шуюъи “вируси корона” ба ҳисоб мерафт, низ ҳоло шоҳиди беҳбуди вазъ аст.

Ҳанӯз 20 май хабаргузории “Ховар” аз коҳиши муроҷиати маризон ва тадриҷан холӣ шудани шифохонаҳо дар ин вилоят хабар дода буд. Яке аз минтақаҳои доғ ноҳияи Бобоҷон Ғафуров буд, ки бино ба иттилои дарёфтӣ, дирӯз 24 май, охирин гирифторонро рухсат намудааст.

Вазъ дар Хуҷанду Истаравшан, шаҳрҳое, ки мавориди бештари гирифторӣ ба “вируси корона” ва “пневмония” – ро таҷриба кардаанд, низ аз ҳамин қарор аст.

Як манбаъ дар Шифохонаи маризиҳои сироятии шаҳри Хуҷанд, ки бори аслии табобати маризони вазнинро мекашид, ба Sputnik Тоҷикистон гуфт, агар вазъ ба ҳамин минвол идома пайдо кунад, то чанд рӯзи дигар ин шифохона холӣ хоҳад шуд.

Нишонаҳои коронавирус мушоҳида намешуд: сабаби марги раиси Тоҷикобод муйаян шуд

Нигора Наимҷонова, муовини раиси Истаравшан як рӯзи қабл, 24 май, ба Sputnik Тоҷикистон гуфт, ҳоло дар Шифохонаи марказии шаҳр ҳудуди 30 нафар табобат мегиранд.

“Муроҷеъин кам шудаанд ва умедворем, ки то ду – се рӯзи дигар тамоми маризон рухсат шаванд. Аз сӯи дигар, онҳоеро, ки ҳолати сабуку миёна доранд, тариқи гаштҳои хонагӣ ошкор намуда, духтуронро масъули нигоҳубини онҳо кардаем”, - гуфт Нигора Наимҷонова.

Иттилоъе аз ин қабилро дар Шифохонаи марказӣ ва Маркази физиотерпевтии воқеъ дар ноҳияи Ҷаббор Расулов, ки шоҳиди аввалин мавориди расонаишудаи маргумирҳо аз “пневмония” буданд, низ дар ихтиёри мо гузоштанд. Маъруф Ҳоҷибоев, муовини сардори Раёсати тандурустии вилояти Суғд, гуфт, дар ҳоли ҳозир дар 18 ноҳияи вилоят ҳудуди 400 нафар таҳти муроқибати табибон қарор доранд.

“Ҳолати аксарияти кул рӯ ба беҳбудӣ оварда, мавориди вазнин хеле кам шудаанд. Теъдоди фавт низ сахт коҳиш ёфта, ин умедворӣ ба вуҷуд омадааст, ки ба ҳамин қарибӣ вилоят аз ин вабо озод шавад”, - гуфт Маъруф Ҳоҷибоев.

“Мавҷи дуюм”

Дар ҳамин ҳол, ҳамсӯҳбатони мо коҳиши муроҷиати маризон ба шифохонаҳои Тоҷикистонро ҳанӯз анҷоми ин набарди пур аз талафот бо “вируси корона” намебинанд.

Ба қавли онҳо, таҷрибаи кишварҳои дигар нишон медиҳад, ки сайри нузулӣ ё коҳиши мавориди гирифторӣ ҳанӯз комилан аз миён рафтани “вируси корона” буда наметавонад. “Эҳтимол дорад, ки ба истилоҳ, “мавҷи дуюм” моро дар пеш бошад.

Аз ин хотир, мардум набояд фирефтаи ахбори хуш шаванд, балки ҳамоно аз эҳтиёт кор гиранд, пойбанди қавонини беҳдоштиву гигиенаи шахсӣ ва дар хона бимонанд.

Агар вазъ ба ҳамин минвол идома пайдо кунад, тақрибан 20 рӯзи дигар зарур аст, то бигӯем, ки кор тамом шуд ва итминони хотир пайдо кунем”, - гуфт яке аз онҳо.

Дар ҳамин ҳол, оморе, ки вазорати тандурустии Тоҷикистон рӯзи 24 май нашр кард, ҳикоят аз коҳиши ками мавориди гирифторӣ ба “вируси корона” мекунад.

Роҳандозии озмоишгоҳи вирусологӣ дар Хуҷанд барои муайян кардани коронавирус

Бино ба ин манбаъ, аз соати 17 – и рӯзи 22 ба ҳамин соати 23 май дар кишвар 191 (рӯзи қабл 187) ҳолати нави гирифторӣ ба ин маризӣ сабт шуда, теъдоди умумии ибтило ба 2929 маврид расидааст. Масъулин мегӯянд, ин натиҷаи санҷиш ё тестҳоест, ки як ҳафтаи қабл гирифта, ҳоло таъйид шудаанд ва ин бозгӯи вазъи рӯзҳои ахир нест.

2456
Многофункциональный истребитель Су-57

Озмоишҳои Су-57 ба итмом расиданд

97
(Таҷдидшуда 14:35 25.05.2020)
Сарфи назар аз фишори технологӣ, ки аз пандемияи коронавирус ба вуҷуд омадааст, саноати дифоъи Русия нақша дорад, ки истилои панҷуми насли Су-57 -ро сар диҳад

ДУШАНБЕ, 22 май - Sputnik, Александр Хроленко. Федератсияи Русия аз рӯи хароҷот барои мудофиа дар ҷаҳон танҳо чаҳорумро ишғол мекунад. Аммо, комёбиҳои соҳаи дифои Русия ҳайратангезанд - бори аввал дар таърих Русия ҳамаи кишварҳои ҷаҳонро дар соҳаи силоҳи пешрафта, аз ҷумла Иёлоти Муттаҳида пеш гирифт. Ва он ҷо намемонад. 

Муовини сарвазир Юрий Борисов, ки масъули саноати дифоъи Федератсияи Русия аст, дар мусоҳиба бо РИА Новости рӯзи 21 май гуфт: "Ҳангоми санҷишҳо Су-57 тақрибан ҳамаи талаботи мушаххасоти тактикӣ ва техникиро пурра тасдиқ кард. Шартномаи давлатӣ оид ба таъминоти 76 ҳавопаймо барои муҷаҳҳаз сохтани се полки авиатсионии Қувваҳои Авиатсионӣ тибқи ҷадвали таҳвил сурат мегирад. "

Ман қайд мекунам, ки полки ҳавопаймоӣ бо қудрати ҷангӣ бо қудрати муттаҳидшудаи қувваҳои мусаллаҳ қобили муқоиса аст. Се полкҳои нав - ин як мустаҳкамии қувваҳои ҳавопаймоии Русия аст.

Борисов боварӣ дорад, ки сарфи назар аз ҳолатҳои фавқулодда бо сабаби COVID-19, навъи якуми (насби) насли панҷуми Су-57 соли 2020 ба Қувваҳои Мусаллаҳи Федератсияи Русия интиқол дода мешавад. Иттилооти шабеҳро дар бораи ритми таҳвили силсилаҳо қаблан роҳбари корпоратсияи давлатии Ростек Сергей Чемезов гузориш дода буд. 

Дар марҳилаи аввал, нерӯҳои аэрокайҳонии Русия ҳавопаймоҳои дорои муҳаррикҳои насли чорумро мегиранд, таҳвилот бо нерӯгоҳҳои тавлиди панҷум - бо баланд бардоштани самаранокии сӯзишворӣ ва коҳиш додани хароҷоти зиндагӣ - дар миёнаи солҳои 2020 оғоз меёбанд. Аммо муҳаррикҳои ҷорӣ аз бисёр ҷиҳатҳо аз ҳамтоёни хориҷӣ бартарӣ доранд.

Ҳангоми санҷишҳо такроран ва дар шаклҳои гуногун, аз ҷумла бесарнишин, кори тамоми система ва муҳаррикҳои охирини муборизи озмоишӣ гузаронида шуд. Вазорати дифои Русия борҳо изҳор доштааст, ки Су-57 дар шароити ҷангӣ дар Ҷумҳурии Арабии Сурия бомуваффақият гузаштааст.

Ин ғайриимкон буда наметавонист, зеро ҳавопаймои насли панҷуми Русия барои самаранок нобуд сохтани ҳама намудҳои ҳаво, заминӣ ва заминӣ сохта шудааст. Маҷмӯи силоҳҳои пуриқтидор, системаҳои пешрафтаи муайянкунии душман, суръати кружонии садои баланд ва маневрияти баланд, ноаёнии паст - Су-57-ро бо бартарии мутлақ ҳаво таъмин мекунанд. Дар ҷаҳон аналогҳои баробарарзиш вуҷуд надоранд.

Имкониятҳои беасос

Се полкҳои ҳавоии Су-57 як иқдоми квантӣ дар рушди қобилиятҳои ҳарбии Қувваҳои ҳавоии Русия мебошанд. Ҳавопаймои охирин қодир аст ҳадафҳои ҳавоӣ ва заминиро дар фосилаи то 400 километр, 62 объектро пайгирӣ кунад (ва таъиноти ҳадафиро ба ҳавопаймоҳои дигар интиқол диҳад (drones ҳамла). 

Бартарии Сухой нисбат ба ҷангиёни насли панҷум аз амрикоиҳо бо суръати баланд дар суръати круизии тӯфон (чунин нест, ки F-35 ва F-22), сифатҳои барҷастаи аэробатӣ, истгоҳи асосии радар, системаи ягонаи мушаххаси оптикӣ ва электронӣ ва системаи каҷкунии электронӣ ( пӯсти интеллектуалӣ), арсенали 10-тоннаи силоҳ дар дохили ҳавопаймо (аз ҷумла ракетаҳои гиперсонӣ). Тамоми лавозимоти ҷангӣ дар қисмҳои дохилӣ аст, яъне он ба радарҳои душман “намесӯзад”.

Майдони хурди сатҳи инъикоскунандаи об (0,4 метри мураббаъ) ба Су-57 имкон медиҳад, ки ба радарҳои душман қариб нонамоён боқӣ монад - ба туфайли масолеҳи баландсифати сохтмонӣ (70% рӯи сатҳи ва 25% вазни ҳавопаймо).

Радарҳои асосӣ ва якчанд дигар пойгоҳҳои радарӣ ва оптикӣ-оптикӣ, инчунин системаи ягонаи иттилоотӣ оид ба истифода ва назорати ҷанг Су-57 бо зерсистемаи мубодилаи маълумот бо дигар ҳавопаймоҳо, постгоҳҳои фармондеҳӣ, системаҳои иктишофи нерӯҳои ҳавоӣ, баҳрӣ ва заминӣ муттаҳид карда шудаанд.

Ду муҳаррики турбоҷет имкон медиҳанд, ки Су-57 суръати то 2600 километр дар як соат ва ба суръати 21 километр дар як дақиқа бирасад. 

Муборизаи панҷуми насли Русия ба суръати ғулом мегузарад, на фурӯшанда ва на танҳо ҳамлаҳои мушакҳои кӯтоҳ, миёна ва дарозумрро ҳамла карда метавонад, балки инчунин муборизаи зӯрро бо манбаъи баланд бо истифодаи яроқ бомбаборон мекунад (халабонон ин сифатро хеле қадр мекунанд). Системаи саркашии вектории андозагирии вектории се андоза ҳавопайморо бо идоракунии пуриқтидор таъмин мекунад.

Танҳо тасаввур кардан мумкин аст, ки чӣ қадар қобилиятҳои ҷангии 76 киштии вазнини Su-57, ки аз ҷониби артиши Русия фармоиш дода мешаванд, агар онҳо супоришҳоро дар ҳамбастагӣ бо навтарин Hunter UAV иҷро кунанд.

Ҳангоми ҳамкорӣ бо муборизи насли 5, ҳавопаймои ноаён метавонад як пешрафт дар соҳаи истифодаи муборизаи ҳавопаймоҳои ҷангӣ бошад. Дар ин ҷо барои ҳамкории самарабахши пилот ва роботи ҷангӣ миқёси васеъ фароҳам оварда мешавад.

Маълумот дар бораи рушди ҳолати бесарнишин дар худи Су-57 бениҳоят ҷолиб аст ва маънои онро дорад, ки мошини мураккабтарин метавонад тавассути зеҳни сунъӣ (ё оператор) дар масофаи хеле дур аз пой идора карда шавад. Ин маҳдудиятҳои физиологии суръат ва манёврро бартараф мекунад (изофабориҳо дигар дар тактикаи истифодаи мубориза нақше нахоҳад дошт).

Тасодуфӣ нест, ки Иёлоти Муттаҳида бо таҳияи модификси (бидуни) як ҳавопаймои насли панҷум дар Федератсияи Русия бо нигаронӣ машғул аст, зеро охирин ҳавопаймои амрикоӣ F-35 Lightning II метавонад пас аз тақрибан ду дақиқа бо суръати тез ғарқ шавад - пӯст тоб наовардааст.

Ошӯбҳои ҳарбӣ-сиёсӣ

Самаранокии комплекси нави авиатсия барои таъмини амнияти ҳарбии Русия ва иттифоқчиёни он барои пешгирии таҷовузи беруна аҳамияти бузург дорад. Инчунин нигоҳ доштани пешрафти технологӣ дар соҳаи авиатсия, мавқеи пешсафи Федератсияи Россия дар бозори ҷаҳонии силоҳ муҳим аст. 

Таҷрибаи муноқишаҳои низомии даҳсолаҳои охир дар Афғонистон, Ироқ, Сурия, Ливия, Югославия нишон медиҳад, ки воситаи асосӣ ё "клуб" -и Ғарб бартарияти миқдорӣ ва сифатӣ дар ҳаво мебошад (ҳавопаймоҳои ҳамла, ракетаҳои киштиӣ, дрон). Пентагон консепсияи зарбаи фаврии ғайриҳастаӣ таҳия мекунад, ки он бояд қувваҳои мусаллаҳи Амрикоро бо зарбаҳои ҳастаӣ ва сайёр бо зарбаҳои ҳастаӣ зарба занад, то ҳама душманони Иёлоти Муттаҳида дар тӯли якчанд соат мағлуб шаванд.

Ман дар хотир дорам, ки Иёлоти Муттаҳида бо як баҳонаи пешакӣ Созишнома дар бораи барҳам додани ракетаҳои миёнаравӣ ва кӯтоҳмуддат дар соли 2019-ро вайрон кард, номуайяниро дар бораи шартномаи ҳамлаи стратегӣ ба вуҷуд овард ва иқтидори зарбаи системаи ҷаҳонии мудофиавии ракетаро афзоиш дод. Буҷаи низомии ИМА дар соли 2020 ба 750 миллиард доллар расид - ин рақам аз буҷаи мудофиаи Русия 10 маротиба зиёдтар аст ва бо хароҷоти низомии ҳамаи кишварҳои дигари ҷаҳон қиёс карда мешавад.

Дар ин замина, ташкили нерӯҳои тавонои аэрокосмикӣ ва системаҳои мудофиаи ҳавоӣ барои Русия афзалияти ҳатмии давлатӣ мегардад. Маскав маҷбур аст ба афзоиши таҳдидҳои низомӣ дар тамоми қаламрави амният вокуниш нишон диҳад, омодагии ҷангии қӯшунҳо ва қобилияти аслиҳаро афзоиш диҳад ва амнияти иттифоқчиёнро мустаҳкам кунад.

97
В Москве открыт третий коронавирусный центр сети РЖД-Медицина

Паём аз "вируси корона": як бемористони ноҳияи Бобоҷон Ғафуров аз "илтиҳоби шуш" холӣ шуд

0
(Таҷдидшуда 21:17 25.05.2020)
Ба ҳолати 25 - уми май яке аз ду бемористони ноҳияи ба номи Бобоҷон Ғафуров дар шимоли кишвар аз сироятёфтагони “илтиҳоби шуш” ё бемории “вируси корона” холи шуд

Душанбе, 25 май – Sputnik. Муродҷон Ҷураев, сартабиби ноҳияи бо исми Бобоҷон Ғафуров дар суҳбат ба Sputnik Тоҷикистон гуфт, рӯзи 23-уми май гурӯҳи 11 нафараи беморон аз бемористони № 2 воқеъ дар ҷаомати Ёва и ноҳия мураххас рухсат шуданд ва ба ин ҳол, ин яке аз бемористонҳои лозим барои табобати гирифторони "илтиҳоби шуш" холӣ мондааст.

"Дар ноҳияи Бобоҷон Ғафуров дар ду беморхона яке дар ҷамоати Ёва барои беш аз 40 рахти хоб ва дуюми дар ҷамоати Ҳайдар Усмонов дорои 100 кати беморӣ, барои муолиҷаи беморони “илтиҳоби шуш” омода карда шудаанд. Рӯзи 23 уми май 11 нафар аз бемористони ҷамоати Ёва ба манзилҳояшон рухсат шуданд. Ҳоло дар он ягон гирифтори “илтиҳоби шуш” боқӣ намондааст", - гуфт сартабиб.

Бино ба иттилоъи Ҷураев, то рӯзи 23 уми май дар бемористонии № 2 и ҷамоати Ёва, беш аз 200 нафар аз шумори гирифторони “илтиҳоби шуш” бистарӣ ва табобат гирифтаанд.

Бино ба иттилоъи манобеи наздик ба Ситод оид ба пешгирӣ ва мубориза бо бемории COVID -19 то ин замон дар ноҳияи Бобоҷон Ғафуров ҳудуди 600 мавриди “илтиҳоби шуш” сапт шуда, бештар аз 550 нафар аз бемористонҳои ҷамоатҳои Ёва ва Ҳайдар Усмонов шифо ёфта, кам ё беш аз 5 нафар аз теъдоди шумори беморон фавтидаанд. Ҳоло ҳудуди 27 нафар дар бемористони воқеъ дар ҷаомати Ҳайдар Усмонов таҳти тадовии духтурон қарор доранд.

Русия замони эмгузаронии сартосарӣ аз маризии коронавирусро эълон кард

Ноҳияи Бобоҷон Ғафуров бо доштани бештар аз 360 ҳазор аҳолӣ феълан аз калонтарин ноҳияҳои Тоҷикистон ба ҳисоб меравад.

Дилбар Турсунзода, муовини раиси ноҳияи Бобоҷон Ғафуров дар суҳбат ба Sputnik Тоҷикистон гуфт, зарфи ду се рӯзи охир ҳолатҳои гирифтории сокинон ба бемории “илтиҳоби шуш” коҳиш ёфта ва ба ин далел ҳоло зарурати бистарӣ кардани беморон дар бемористони № 2 дар ҷамоати ноҳия боқӣ намондааст.

"Ин бемористон дар авҷи хуруҷ маризӣ, барои табобати маризии “вируси корона” тайёр карда шуд. Ҳоло, ки шиддати ин беморӣ поён шудааст, рӯзҳои наздик ин беморхона ба мисли пештара ба фаъолияти маъмулӣ баргардонида мешавад", - гуфт Турсунзода.

Ба ин тартиб ноҳияи Б. Ғафуров, ҳоло аз аввалин ноҳияҳое дар шимоли Тоҷикистон ба ҳисоб меравад, ки бино ба гуфтаи масъулин бемористонаш аз тоза шудани гирифторони “вируси корона” муваффақ шудааст.

Чанде пеш ҳам баъзе дигар аз шаҳру навоҳии кишвар аз коҳишёбии гирифторони “илтиҳоби шуш” дар бемористонҳо хабар доданд. Аммо масъулин ва табибон таъкид меварзанд, ки ҳоло набояд барои кафкӯбию хурсандӣ шитоб кард, зеро эҳтимол дорад мавҷи дуюм ё давраи дигари ин маризӣ шурӯъ шавад.

Табибон мегуянд, барои пурра нобуд шудани “вируси корона” нақши сокинон ҳам муҳим аст ва ин корро бо риояи гигенаи тиббӣ, ҳар яке метавонад ба иҷро расонад.

Рақамҳо дар бораи сирояти вируси корона, дар ҷаласаи ситоди шаҳру ноҳияҳо баъд аз он сурат мегирад, ки ахиран раисиҷумҳур Эмомалӣ Раҳмон рӯзи 20 уми май дар як ҷаласаи Ситоди ҷумҳуриявӣ оид ба пешгирӣ ва мубориза бо бемори COVID – 19 иштирок намуд ба роҳбарону масъулини соҳа дастур дод, ки дар ин бора ҳеҷ чизро аз мардум пинҳон накунанд, балки кушоду равшан маълумотро барои аҳолӣ пешкаш намоянд.

"Ин бемориро ҳукумати ҷумҳурӣ насохтааст, балки дар ҳама ҷо, ҳатто давлатҳои пешрафтаи дунёро ҳам ин маризӣ сироят кардааст", - гуфт раисиҷумҳур.

Вазорати тандурустӣ ва ҳифзи иҷтимоии аҳолии Тоҷикистон, рӯзи 30-уми апрел нахустин бор аз гирифтории 15 сокини кишвар ба бемории коронавирус хабар дода буд.

Бино ба оморе, ки имрӯз 25 - уми май ин Вазорат эълон кард, теъдоди умумии беморон ба 3100 нафар баробар шуда, то кунун 1395 нафар аз ин шумор сиҳат шудаанд. Вазорати тандурустӣ теъдоди қурбониён аз ин бемориро то ин сана 46 нафар арзёбӣ мекунад.

Ҳукумати Тоҷикистон бо таъсиси Ситод оид ба пешгирӣ ва мубориза бо бемории COVID -19 аз тамоми сокинони кишвар даъват мекунад, ки ҷиҳати пешгирии сирояти мазкур пеш аз ҳама, қоидаҳои беҳдошти шахсиро қатъиян риоя намоянд.

0
Мавзуҳо:
Пайомадҳои COVID-19 дар Тоҷикистон ва ҷаҳон