Микрофон в студии радио Sputnik, архивное фото

Загарин: Тоҷикистону Узбакистон бояд байни худ масъалаҳои зиёдеро ҳал намоянд

127
(Таҷдидшуда 17:27 29.08.2018)
Игор Загарин, дотсенти кафедраи фанҳои иҷтимоӣ-гуманитарии факултаи илмҳои иқтисодӣ ва сиёсии Донишгоҳи иқтисоду идораи умури умумии Русия дар бораи рушди ҳамкориҳои Тоҷикистону Узбакистон тавзеҳ дод

ДУШАНБЕ, 29 авг — Sputnik. Эмомалӣ Раҳмон, раисҷумҳури Тоҷикистон дар арафаи сафари расмиаш ба Узбакистон қарореро ба имзо расонид, ки тибқи он мошинҳои сабукрав ва автобусҳои мусофиркаши кишварҳи ҳамсоя барои убури  сарҳади Тоҷикистон аз пардохти хироҷи давлатӣ озод мешаванд.

Коршинос бар онаст, ки ин аввалин қадамҳо барои беҳтар намудани муносибатҳои кишварҳост ва барои ҳамин зиёд шодӣ кардан лозим нест, чунки Тоҷикистону Узбакистон бояд чандин масъалаҳои дигарро ҳал намоянд.

“Навовариҳое, ки мегузарад, мусбӣ мебошанд, аммо таҷрибаҳои пешина нишон медиҳанд, ки хушбиниҳои зиёде бояд интизор надошта бошем, чунки кишварҳои бояд чандин масъалаҳои дигарро ҳал намоянд”, – таъкид кард коршинос дар суҳбат бо Sputnik  Тоҷикистон.

Ба гуфтаи Загарин, то замоне, ки кишварҳо аломатгузории сарҳади давлатиро пурра ҳал накунанд, ин масъала ба рушди ҳамкории ду кишвар  мушкилиҳо ворид мекунад.  

Шарҳи пурраи коршинос дар шакли садо гуш диҳед.

127
Барчаспҳо:
Тоҷикистон, ҳамкорӣ, коршинос
Ганиев Таварали

Ғаниев гуфт, Тоҷикистон чӣ гуна метавонад сармоягузории хориҷиро ҷалб кунад

149
(Таҷдидшуда 12:36 02.08.2020)
Имкониятҳои ҷалби сармояи хориҷӣ ба Тоҷикистонро доктори илмҳои иқтисодӣ, профессор, мудири кафедраи идоракунии захираҳои инсонии ДМТ Таваралӣ Ғаниев шарҳ дод

ДУШАНБЕ, 2 авг — Sputnik. Барои ҷалби сармояи хориҷӣ бояд якчанд самтҳои фоиданокро дар тиҷорат дошт, гуфт доктори илмҳои иқтисодӣ, профессор, мудири кафедраи идоракунии захираҳои инсонии ДМТ Таваралӣ Ғаниев.

Коршинос боварӣ дорад, ки он ширкатҳое, ки дар Тоҷикистон фаъолият мекунанд, аллакай қарордодҳои дарозмуддат ба имзо расониданд.

Ғаниев инчунин дар бораи аҳамияти ҷолибияти кишвар барои сармоягузорӣ сухан гуфт.

"Захираҳои табиӣ дар иқтисоди бозаргонӣ бояд таблиғ карда шаванд. Бояд коре кард, ки сармоягузорони хориҷӣ ба фазои сармоягузорӣ боварӣ ҳосил намоянд ва тавонанд маблағгузорӣ кунанд. Тоҷикистон дорои потенсиали бузурги захираҳои табиӣ аст" гуфт коршинос дар мусоҳиба бо Sputnik Тоҷикистон.

Ба таъкиди профессор,  ҳоло дар ҷаҳон як инқилоби нави технологӣ ҷараён дорад, аз ин рӯ Тоҷикистон метавонад сармоягузорони хориҷиро барои тайёр кардани кадрҳо ва навсозии  технология ҷалб кунад.

Ба гуфтаи Ғаниев, сармоягузоронро аз Русия ҷалб кардан мумкин аст, зеро олимони тоҷик забони русиро хуб медонанд.

Ёдовар мешавем қаблан Фаррух Ҳамрализода, раиси Кумитаи давлатии сармоягузорӣ ва идораи амволи давлатӣ гуфт дар пайи буҳрони коронавирус интизор доранд, ки сармоягузории хориҷӣ ба Тоҷикистон аз 30 то 50 дарсад коҳиш меёбад.

Кумитаи сармоягузорӣ ҳафт кишвари аслии сармоягузори Тоҷикистонро номбар кард

Ӯ  бо такя ба маълумоти пешниҳодкардаи ниҳодҳои байнулмилалии молиявӣ гуфт, тахмин меравад, сармогузории мустақил то охири соли ҷорӣ аз 15 то 40 дарсад коҳиш ёбад.

 

 

149
Доллары США

Баланду боз баланд: иқтисоддонҳо ҷаҳиши долларро дар моҳи август пешгӯӣ карданд

353
(Таҷдидшуда 10:57 02.08.2020)
Иқтисоддонҳо гуфтаанд, арзиши доллар ва рубл дар моҳи августи соли равон чи қадар метавонанд боло равад

ДУШАНБЕ, 2 авг — Sputnik. Дар ҳафтаи охири моҳи июл, рубл дар байни 23 асъори кишварҳои бо иқтисодиёти рушдёбанда натиҷаи бадтаринро нишон дод, менависад "Российская газета".

Национальный банк Таджикистана
© Фото : Пресс-служба президента Таджикистана

Ба гуфтаи мудири шӯъбаи таҳлилии Мактаби олии менеҷменти молиявӣ Михаил Коган, заифшавии якбораи рубл бо як қатор омилҳо рух додааст.

Ба таъкиди коршинос, сухан дар бораи бад шудани тавозуни пардохт бо сабаби талабот ба асъори хориҷӣ дар заминаи кушодани сарҳадот, коҳиши қурби калидӣ аз ҷониби Бонки марказии Русия то 4,25% меравад.

Ӯ гуфт, Бонки Русия барои сабук кардани сиёсати худ" захираи нерӯ "-и худро амалан тамом кард. Коҳиши интизорравандаи 0,25% дар моҳи сентябр барои сармоягузорони хориҷӣ аллакай ҷолиб ба назар намерасад.

Иқтисодчӣ қайд кард, ки хатари таҳримот ба рубл низ таъсири манфӣ мерасонад, аз ҷумла чораҳои маҳдудкунанда нисбати лоиҳаи"Маҷрои шимол-2" ва беҳбуди вазъи номзад ба президентии ИМА Ҷо Байден, ки ваъда додааст, дар сурати интихоб шудан фишорро ба Федератсияи Русия афзоиш медиҳад.

"Рубл метавонад танҳо ба таъсири омилҳои техникӣ такя кунад ва ин он замон ба кор меравад, ки ғайрирезидентҳо дивидендҳоро пурра ба асъор иваз кардаанд", гуфт таҳлилгар.

Иқтисодчӣ бовар дорад, ки август метавонад барои евро ва доллар баландравиҳои нав орад. Тибқи пешгӯии ӯ, қурби доллар метавонад ба 77 рубл бирасад ва евро бошад ба 88 рубл "парвоз кунад".

Иқтисодшиносон аз коҳиши арзиши рубл ва гарон шудани доллар ҳушдор медиҳанд

"Албатта, рубл, осебпазир ба назар мерасад. Аммо вазъи барзиёди техникӣ, имкон медиҳад, ки мӯътадилиро давоми як ё ду ҳафта коҳиш диҳад. Ғайрирезидентҳо метавонанд аз хариди фаъоли вомбаргҳои қарзии федералӣ бинобар дурнамои таҳримҳои вазнин худдорӣ кунанд", илова кард Коган.

353
День 4 августа

Ҷашнҳои рӯзи 4 август дар Тоҷикистон ва ҷаҳон

0
(Таҷдидшуда 18:49 03.08.2020)
Рӯзи чоруми август дар ИМА – Рӯзи посбони соҳил, дар Украина –Рӯзи милитсияи миллӣ ва дар ҷазираҳои Кук – Рӯзи Конститутсия таҷлил мешавад

Рӯзи 4 август дар ҷаҳон чӣ рух дод

Соли 1777 дар Лондон нахустин Сирк дар ҷаҳон кушода шуд.

Соли 1870 дар Олмон аввалин мусобиқаи байналмилалии шоҳмот баргузор гардид.

Шахматы
© CC0 / Pixabay
Шахматы

Соли 1884 дар ИМА санги аввал барои бунёди пайкараи Озодӣ гузошта шуд.

© Sputnik / Алексей Филиппов
Города мира. Нью-Йорк

Соли 1942 дар Канада дар фурӯши чой ва қаҳва маҳдудият ҷорӣ карда шуд.

День 3 августа
© Sputnik / Стас Этвеш / Вишнякова Мария

Соли 1944 аввалин санҷиши ҳавопаймоҳои реактивии Англия — Gloster Meteor гузаронида шуд.

Соли 1963 Бонки рушди Африқо таъсис ёфтааст.

Соли 1976 дар Лондон аввалин мусобиқаи чирчирак миёни дастаҳои занона баргузор гардид.

Соли 1993 Парлумони Молдова оид ба ворид шудани ин кишвар ба Иттиҳоди Давлатҳои Мустақил ҳалнома қабул кард.

Рӯзи 4 август дар Тоҷикистон чӣ рух дод 

Соли 1997 Маҷлиси олии Тоҷикистон қарор "Дар бораи авфи иштирокчиёни даргириҳои сиёсӣ ва низомӣ"-ро қабул кард.

Соли 2009 миёни ҳукуматҳои Ҷумҳурии Тоҷикистон ва Фаронса Протокол оид ба сохтмони терминали нави Фурудгоҳи байналмилалии Душанбе бо маблағи 27 миллион евро ба имзо расид.

 Новый терминал душанбинского аэропорта. Архивное фото
© Sputnik
Новый терминал душанбинского аэропорта. Архивное фото

Соли 2009 дар Маҷмааи давлатии «Кохи Борбад» намоиши байналмилалии «Рушди энергетикаи Афғонистон» баргузор гардид.

Соли 2011 дар шаҳри Истаравшан дар Ҷамъияти саҳомии пўшидаи «Оби Зулол» бо иштироки Эмомалӣ Раҳмон коргоҳи нави коркарди меваю сабзавот мавриди баҳрабардорӣ қарор гирифт.

Соли 2016 Президенти Ҷумҳурии Тоҷикистон Эмомалӣ Раҳмон бо мақсади шиносоӣ бо ҷараёни иҷрои корҳои ободонӣ ба шаҳри Роғун сафари корӣ анҷом дода, ҳамчунин бо корҳои барқарорсозӣ дар Неругоҳи барқи обии «Роғун» шинос шуд.

Ҷашнҳои рӯзи 4 август

  • Дар ИМА – Рӯзи посбони соҳил.
  • Дар Украина –Рӯзи милитсияи миллӣ.
  • Дар ҷазираҳои Кук – Рӯзи Конститутсия.

Рӯзи 4 август дар Тоҷикистон кӣ ба дунё омадааст

Абдулазизова (Ҳаётова) Оиша (1921-2012) – актрисаи театр, Ҳунарпешаи шоистаи Тоҷикистон.

Бурҳониддин Баҳоваддинов (1953) – доктори илми тиб, профессор.

Андрей Волос (1955)- нависанда (зодаи Тоҷикистон).

Матлуба Ғаффорова (1954) – доктори илми тиб, профессор.

Мирзо Давлат (1953) – нависанда.

Ҷамшед Каримов (1940) –арбоби давлатӣ, доктори илми иқтисод, узви вобастаи АИ Тоҷикистон.

Ҳотам Солеҳбоев (1910-1987)- арбоби давлатӣ.

Табибӣ (Қосимов Абдулҳаким) (1935)- шоир.

Самеъҷон Уроқов (1947) – карнайнавоз, Ҳунарпешаи шоистаи Тоҷикистон.

Евгений Фала (1913 – 1988) – сарояндаи оркестр, Ҳунарпешаи шоистаи Тоҷикистон.

Рӯзи 4 август кӣ ба дунё омадааст

Барак Обама (1961)- 44-умин президенти ИМА.

Президент США Барак Обама
© Sputnik / Сергей Гунеев
Президент США Барак Обама
0
Барчаспҳо:
ҷашн, Ҷаҳон, Тоҷикистон
Мавзуъ
Ҷашнҳои рӯзи 24 июл дар Тоҷикистон ва ҷаҳон
Ҷашнҳои рӯзи 25 июл дар Тоҷикистон ва ҷаҳон
Ҷашнҳои рӯзи 28 июл дар Тоҷикистон ва ҷаҳон
Ҷашнҳои рӯзи 26 июл дар Тоҷикистон ва ҷаҳон
Ҷашнҳои рӯзи 29 июл дар Тоҷикистон ва ҷаҳон
Ҷашнҳои рӯзи 31 июл дар Тоҷикистон ва ҷаҳон
Ҷашнҳои рӯзи 1 август дар Тоҷикистон ва ҷаҳон
Ҷашнҳои рӯзи 2 август дар Тоҷикистон ва ҷаҳон
Ҷашнҳои рӯзи 3 август дар Тоҷикистон ва ҷаҳон