Выборы в Афганистане

Як Аҳмадшоҳ мурду садҳо таваллуд шуд: чаро тоҷикони Афғонистон нуфузашонро гум мекунанд?

1219
(Таҷдидшуда 14:56 07.12.2018)
Чанд соли ахир аст, ки тоҷикону узбакони Афғонистон барои соҳибӣ ба ҳуқуқҳои худ мубориза мебаранд. Ба қавли онҳо, паштуҳои кишвар ҳузурашонро танг мекунанд

ДУШАНБЕ, 7 дек — Sputnik. Як сол пеш дар ҳамин шабу руз дар Афғонистон байни ҳукумати марказӣ ва минтақаҳо муноқиша сар зад, ки онро бархе аз сиёсатмадорон чун оғози ҷанги навбатии шаҳрвандӣ арзёбӣ карданд.

Раисҷумҳури кишвар Ашраф Ғанӣ истеъфои Ато Муҳаммад Нур, раиси вилояти Балх, раиси ҳизби "Ҷамъияти исломӣ" ва роҳбари ғайрирасмии тоҷикони этникии Афғонистони шимолиро талаб кард.

Нур дар навбати худ аз итоат ба Кобул саркашӣ намуд ва раисҷумҳурро дар вайрон кардани тавофуқҳои пештар ба даст омада муттаҳам кард. Дар соли 2014 дар натиҷаи интихобот эътилофҳои қувваҳои  гуногуни сиёсии бо ном Ҳукумати ваҳдати миллӣ ташкил шуд. Мувофиқи шартномаи иштирокдорон  раисони вилоятҳои шимолии Афғонистон дараҷаи густурдаи худмухториро ба даст меоварданд.

Ато Муҳаммад Нур ваъда дод, ки агар ҳукумати марказӣ аз қувва истифода барад, ӯ ҳам ба ҳамин васила посух хоҳад дод. Бо далели он, ки Нур даҳҳо ҳазор низомӣ дошт, ин суханони вай таҳдиди холӣ набуданд.

Аммо бидуни истифодаи ягон қувва қазия ҳал шуд. Нур ба ивази кадом гузаштҳои Кобул, ки то ҳол ба ҳама маълум нест,  розӣ шуд, ки аз мақом барканор мешавад ва баҳона  кард, ки барои иштирок дар интихоботи раёсати ҷумҳур омодагӣ мебинад.

Ба ҳар ҳол, расман дар ин муноқиша ҳукумати марказӣ дастболо шуд, ҳарчанд маҳз ҳукумат назди Ато Муҳаммад сар хам мекард. Бештари сокинон ин қазияро далели паштушавии сиёсати Афғонистон ном доданд.

Ба гуфтаи роҳбарони ҷамъиятҳои маҳаллии узбакони Афғонистон, тоҷикон устухоне дар гулӯи Ашраф Ғанӣ (ки сиёсати Ҳомид Карзай ҳам ҳамин буд) мебошанд. Онҳо мехоҳанд ба мақомҳои калидӣ танҳо паштуҳоро таъин кунанд.

"Ҳодисаи Балх далели равшани танг кардани мавқеи тоҷикон дар саҳнаи сиёсӣ аст. Ин агар аз як тараф Ҳукумати амалкунандаро аз машрӯият маҳрум кунад, аз тарафи дигар кишварро ба вартаи бӯҳрони сиёсӣ тела медиҳад", - мегӯяд мудири Маркази пажӯҳиши Афғонистони муосир (МПАМ) Умар Ниссор.

Афзун бар ин, паштуҳо гӯё, ки аксариятро ташкил медиҳанд. Байни тамоми аҳолии бисёрқавмии кишвар, ки шумораи онҳо 31,5 миллион гуфта мешавад, ин қавм ҳудудан 40 дар сади аҳолиро ташкил медиҳад. Барои муқоиса, тоҷикони кишвар ҳамагӣ 5 дар сад камтар аз паштуҳо 35 дар сад арзёбӣ мешаванд. 10 дар сади аҳолии кишварро узбакон ва ҳазораҳо ташкил медиҳанд.

Бартарии паштуҳо дар саҳнаи сиёсии Афғонистон намояндагони дигар қавмиятҳоро сахт нигарон мекунад. Ба гуфтаи онҳо, бадии кор дар он аст, ки бозингарони хориҷӣ роҳбарони паштуҳоро ягона ҷониб дар гуфтушунидҳо оиди ояндаи кишвар медонанд, ҳатто агар ин гуфтушунидҳо бо "Толибон"(ҳаракати террористии мамнӯъ дар Тоҷикистон) бошанд ҳам.

Ҳамин тавр, коргардон Иброҳим Арафӣ, ки худ тоҷики этникии Афғонистон аст, дар мусоҳиба бо рӯзноманигори Sputnik хело шоирона гуфт, ки ҳатто дар мулоқоти ахири дипломатҳои рус ва намояндагони "Толибон" дар Маскав дар гирди миз танҳо паштуҳо буданд.

"Сулҳ якҷониба намешавад. Дар Афғонистон миллатҳои гуногун зиндагӣ мекунанд ва ҳамаи онҳо баробарҳуқуқанд.Паштуҳо инҷо аксариятро ташкил намедиҳанд. Лекин дар гуфтушунидҳо танҳо онҳо иштирок мекунанд  - ҳам аз ҷониби "Толибон" ва ҳам аз ҷониби давлат. Ин метавонад саҳви бузург бошад", - мегӯяд Иброҳим Арафӣ.

Роҳбарони тоҷикон, узбакон ва ҳазораҳо беихтиёр фишори дуҷонибаро эҳсос мекунанд.

Аз як тараф марказ онҳоро аз ҳуқуқи овоздиҳӣ маҳрум мекунад ва нуфузи сиёсиашонро танг мекунад, аз ҷониби дигар дар ҳудудҳои тобеъ онҳо маҷбуранд, ки бо "Толибон" ҷанг кунанд. Толибоне, ки дар ҳудуди кишвар на танҳо чун гурӯҳи террористӣ шинохта мешавад, балки гурӯҳи террористие арзёбӣ мешаванд, ки онро паштуҳо ташкил кардаанд.

Мушкилии намояндагони  қавмиятҳои гуногуни Афғонистон бештар аз мухторият ва нуфузи сиёсӣ - ин масъалаи зинда мондан аст. Одамон фаромӯш накардаанд, ки чигуна дар соли 1993 дар Кобул ваҳҳобиҳои афғон , ки дератар ба "Толибон" ҳамроҳ шуданд,  бо шиаҳо ҷангида, дар чанде аз минтақаҳои Афғонистон  маъракаи поксозии қавмӣ баргузор карда буданд.

Дар Шарқ то дер фаромӯш намекунанд ва ҳоло бештари одамон эълон мекунанд, ки ин дафъа аққалияти хомӯш намемонанд, бигзор ба ивази хун бошад ҳам.

"Амрикоиҳо ба ғайр аз толибон яроқи ҳамаро гирфтанд. Аммо мо агар хоҳем, силоҳ пайдо мекунем. Аҳмадшоҳ Масъуд мурд вале садҳо Аҳмадшоҳ таваллуд шуданд. Мо миллати кӯчакем, аммо Худованд дар ҷониби мост, бигзор онҳое ҳаросанд, ки моро хор карданд", - мегӯянд имрӯзҳо дар Афғонистон.

1219
Дмитрий Полетаев

Полетаев: пас аз пандемия муҳоҷиронро дар Русия корҳои зиёд интизор аст

234
(Таҷдидшуда 17:22 19.10.2020)
Дмитрий Полетаев, директори Маркази тадқиқоти муҳоҷират, корманди пешбари Пажӯҳишгоҳи пешгӯии иқтисодии Академияи илмҳои Русия гуфт, ки дар оянда Русия ба коргарони мавсимӣ муддати дароз ниёз хоҳад дошт

ДУШАНБЕ, 19 окт — Sputnik. Соли 2020 шумораи муҳоҷирони меҳнатӣ дар Маскав 40% коҳиш ёфт. Дар ин бора мири шаҳр Сергей Собянин хабар дод.

Камшавии нисфи шумораи муҳоҷирон дар кори хадамоти шаҳрӣ, алахусус дар ҷойҳои кории муваққатӣ барои тоза кардани шаҳр ба назар мерасад.

Коҳиши шумораи муҳоҷирон ба бозори меҳнат дар Маскав таъсир мерасонад. Ин алалхусус ба соҳаи манзилию коммуналӣ дахл дорад, ки дар он коргарони мавсимӣ ҷалб карда мешаванд.

Ба гуфтаи директори Маркази тадқиқоти муҳоҷират Дмитрий Полетаев, корманди пешбари Пажӯҳишгоҳи пешгӯии иқтисодии Академияи илмҳои Русия, дар Маскав ва дигар шаҳрҳои калон ҷойҳои муҳоҷирон боқӣ хоҳанд монд, зеро пас аз бекор кардани карантин, иқтисод ба ҳолати муқаррарӣ бармегардад.

Генерал Валентина Казакова шарҳ дод, чигуна ҳуқуқи муҳоҷирон ҳимоят хоҳад шуд

Полетаев дар суҳбат бо Sputnik Тоҷикистон гуфт, сохтмон, хоҷагии манзилию коммуналӣ, хидматрасонӣ, тозагӣ - ин ҳама ба ҷое нахоҳад рафт ва ҳамзамон дар умури хизматрасонии хаткашонӣ низ ҷойҳои нав пайдо хоҳанд шуд.

Коршинос қайд кард, ки ҳамин ки иқтисод тадриҷан аз оромии маҷбурӣ бармегардад, ҷойҳои корӣ боз пайдо мешаванд.

Илова бар ин, Полетаев қайд кард, ки раванди ҷалби қувваи корӣ ба маркази Русия ва шаҳрҳо идома дорад. Дар берун аз минтақаҳои калони, ба монанди Санкт-Петербург ва Москва ҷойҳои нав пайдо шудаистодаанд.

"Ин тамоюл барои 10-15 соли оянда аст, бинобар ин, мо бояд ҳатто сари он андешем, ки шояд ҳатто он муҳоҷирони меҳнатиро, ки ҳоло мо ба онҳо такя карда метавонем, нарасад", - илова кард манбаъ.

Ӯ ҳамзамон тавзеҳ дод, ки ин ҷойҳо барои муҳоҷирони дорои тахассуси пасти меҳнатӣ хоҳанд буд, ки дар он ҷо кори душвор хоҳад буд ва аз ин рӯ онҳо танҳо ба муддате ба он ҷо хоҳанд омад.

Мактуб аз баргҳо: муҳоҷири роҳруб тарзи мубориза бо коронавирусро нишон дод - навор

"Мусаллам аст, ки вазъи демографӣ талаб мекунад, ки шумораи бештари муҳоҷирони синни қобили меҳнат ҷалб карда шаванд, ки онҳо русиягӣ шуда метавонанд. Ин муқаррарот амалӣ карда мешавад", - хулоса кард директори Маркази омӯзиши муҳоҷират.

234
Барчаспҳо:
кор, муҳоҷир, Тоҷикистон, Русия

"Инҷо мардумро мекушанд": Русияро дар Қаробоғ кӣ интизор аст?

259
(Таҷдидшуда 23:52 16.10.2020)
Дар бораи он ки ҳайъати оштидиҳии Русия дар Қаробоғ ба кадом мушкилиҳо рӯ ба рӯ хоҳад шуд ва дар солҳои 90-ум ин танишро чигуна кӯшиш карда буданд, пешгирӣ кунанд, аз маводи зер хонед

Вазири корҳои хориҷии Русия Сергей Лавров изҳор доштааст: дар Қаробоғи Кӯҳӣ бояд низомиёни нозири Русия бошанд, аммо қарори ниҳоӣ пас аз тасмими ҷонибҳои муқобил қабул хоҳад шуд.

Дар бораи он ки ҳайъати оштидиҳии Русия дар Қаробоғ ба кадом мушкилиҳо рӯ ба рӯ хоҳад шуд ва дар солҳои 90-ум ин танишро чигуна кӯшиш карда буданд, пешгирӣ кунанд, аз маводи РИА Новости хонед.

Посухро нашуниданд

Дар бораи "кулоҳҳои кабуд" бояд пеш аз ҳама Озарбойҷон ва Арманистон ба мувофиқа оянд. Котиби раисҷумҳури Русия Дмитрий Песков таъкид кардааст: "Ҳамагуна ҷойгиркунии ҳамагуна оштидиҳандагон, ҳар касе бошад, бояд бо ризогии ҳарду ҷониб сурат гирад. Ва афзуд: "То ҳол, мо посухе дарёфт накардаем".

Як рӯз пеш, 14 октябр, президент Илҳом Алиев дар мусоҳиба бо телевизиони туркии Haber Turk чунин гуфт: "Агар яке аз ҷонибҳо мухолиф бошад, ин имкон надорад. Нуқтаи дувум ин аст, ки ҳама бояд дарк кунанд, ки сухан дар бораи ҳудуди мустақили Озарбойҷон меравад. Бе розигии мо касе наметавонад нафареро ирсол кунад. Ин нақзи қовонини байналмилалӣ аст".

Алиев ба Sputnik аз имрӯзу фардои Қаробоғ гуфт - навор

Роҳбари Озарбойҷон афзуд, вуруди нозирон дар усулҳои асосии ҳаллу фасли сулҳ пешбинӣ шудааст. "Аммо ин банди охирон аст. Масъала феълан дар марҳилаи баррасӣ аст, зеро то ҳол дигаргунии назаррасе нест", - таъкид кард Алиев.

Ба қавли вай, бояд ба гуфтушунидҳо Туркия ҷалб карда шавад ва ба самаранокии кори гурӯҳи бо ном Мински САҲА, ки ба баҳси соли 1992-уми Қарабоғ машғул аст, эътимод надорад. 

Муштарикони он - Русия, Фаронса ва ИМА, аъзоҳо бошанд, ба ғайр аз Арманистон ва Озарбойҷон, - Белорус, Олмон, Италия, Шветсия, Финландия ва Туркия мебошанд.

"Дар ин гурӯҳ кишварҳое ҳастанд, ки ба минтақа дастрасӣ ва дар минтақа нуфузе надоранд, - тавзеҳ дод Алиев. Агар мо ҳалли танишро хоҳем, кишварҳое лозиманд, ки дар ҳақиқат метавонанд. Дар оштӣ нақш дошта бошанд. Дар нақши чунин кишвар мо албатта Туркияро мебинем".

Сарвазири Арманистон Никол Пашинян қайд кард, ки масъалаи ворид шудани оштидиҳандагони Русияро бояд баррасӣ кард. "Аммо ин гуна масъалаҳо бояд дар миқиёси бузургтар ба монандаи Гурӯҳи Минскии САҲА баррасӣ шаванд", - гуфтааст сарвазир ба Al Jazeera.

Дабири кулли Созмони аҳдномаи амнияти дастаҷамъӣ (СААД) Станислав Зас иттилоъ дод, ки шӯрои доимии созмон муроҷиати сарвазири Арманистон Никол Пашинян ва роҳбари Вазорати корҳои хориҷии Арманистон Зограб Мнасаканянро дар мавриди вазъ дар Қаробоғи Кӯҳӣ гирифтааст.

"Ворид кардани ҳайъати оштидиҳанда ба минтақа баррасӣ мешавад", - таъкид кард Зас. 

Ва афзуд: "Мо иштироки кишварҳоеро, ки узви Гурӯҳи Минскии САҲА мебошанд, истиқбол мегирем ва ин танҳо дар ҳошияи ваколатҳое аст, ки ба онҳо дода шудааст".

Нуҳуми октябр вазирони корҳои хориҷии Арманистон ва Озарбойҷон Зограб Мнасаканян ва Ҷайҳун Байрамов бо миёнравии Сергей Лавров, вазири умури хориҷаи Русия дар Маскав ба мувофиқа омаданд, ки кишварҳо оштӣ мекунанд. Дар назар дошта шуда буд, ки нимаи рӯзи дигар оташбас эълон мешавад. Аммо амалиётҳои ҷангӣ аз сар гирифта шуданд.

Русия омодаи пешниҳоди майдони гуфтугӯҳост: Захарова дар бораи танишҳо дар Қаробоғ

Фосила байни дидгоҳҳо

Қафқозшиноси рус, номзади илмҳои сиёсӣ Артур Атаев дар бораи мушкилие, ки оштидиҳандагонро интизор аст, гуфт.

"Минтақа аз нигоҳи ҷуғрофӣ сода нест. Ҳанӯз дарк нашудааст, ки куҷо метавон хатти тамосро кашид. Як ҷониб мегӯяд, ки Қаробоғи Кӯҳӣ ва 7 ноҳияи назди он ба Ҷумҳурии Қарабоғи Кӯҳии эътирофношуда тааллуқ дорад. Барои дигар ҷониб чӣ худи Қаробоғ ва замини атрофи он - ҳудуди Озарбойҷон аст. Фосила байни ин нуқтаҳои назар аст", - мегӯяд коршинос.

Ба гуфтаи сиёсатшинос, то замоне, ки амалиётҳои ҷангӣ мераванд, барои баррасии ҷиддии ҳайъати оштидиҳандагон шарти пешакие вуҷуд надорад.

"Барои ташдид шудани вазъ бошад, баръакс, ҳаст. Зоҳиран, дар минтақаи даргирӣ узви гурӯҳҳои ҳарбие фаъолият мебаранд, ки омодаанд ҳама гуна созишро шикананд. Дар бораи ба Қафқоз интиқол ёфтани ҷангиёни Шарқи Наздик  роҳбари Хадамоти иттилооти хориҷии Русия Сергей Наришкин ёдрас шуд. Ин гуна изҳоротҳо бидуни далеле гуфта намешаванд", - таъкид мекунад Атаев.

Аз як тараф Русия таҷрибаи ҷойгир кардани қувваҳои сулҳоварро дар Қафқоз - Осетияи Ҷанубиро дорад. Он ҷо иштирокдорони таниш роҳи гуфтугӯро ёфта буданд. Аммо ҳуҷуми ҳарбии Гурҷистон ба нозирони Русия дар Тсинвале иддаи тақсими мухолифин ба тавассути як нерӯи севумро то ҳадди зиёде беэътибор кард. 

"Низомиёне, ки ин гуна вазифаҳоро иҷро мекунанд, метавонанд дар ҳамагуна вазъ ба гуфтушунид бароянд. Дар Осетияи ҷанубӣ ва Абхазистон созиш дар бораи хатти оташ ва минтақаи бидуни тамос амал мекард. Аммо дар ҷо 68 ниомии рус қурбон шуда буд. Барои ҳамин, Маскав масъаларо чуқур баррасӣ хоҳад кард", - мегӯяд коршинос.

Роҳи ҳалли эҳтимолӣ - ширкати СААД дар тақсим кардани ҷонибҳо мебошад. "Ин метавонад чун нақтаи рушд дар созмон хизмат кунад", - тахмин мезанад Атаев.

Дар соли 1980 дар аввалҳои соли 1990 ҷонибҳои мухолиф дар минтақа қисме аз Артиши советӣ ва қӯшунҳои дохилии Вазорати корҳои дохилии Иттиҳоди Шӯравиро ворид карда буданд. 

Аммо на ҳамаи онҳоро ба сифати оштидиҳандагон қабул карданд, - ҳам арманиҳо ва ҳам озарбойҷониҳо таъна заданд, ки онҳо ба ҳариф кӯмак мерасонанд.

Пешниҳоди Жириновский: Қарабоғи Кӯҳӣ ба ҳайъати Русия ворид шавад

Сергей Шатко дар вилояти мухтори Қарабоғи Кӯҳӣ дар ҳайъати воҳидҳои ҳанги иртиботи давлатӣ хизмат мекард. 

Ӯ худро куҳансарбози амалиётҳои ҷангӣ намедонад - ҳарбиёне, ки дар Қарабоғ ҷанг кардаанд, ин гуна статус надоранд. Вай байни мавқеияти ҳуқуқии номафҳуми сулҳбозони он замон ва авзои ошуфтаи сиёсии авоили солҳои 90-ум қаринаҳоеро тарсим мекунад.

"Мо бо ҷонибҳои ҷангкунанда мисли ҳамватанонамон, ки бояд ҳифзашон мекардем, муносибат доштем, - ба ёд меоварад Шатко. - Тавре афсари баталиони озоди курсантони омӯзишгоҳи ВКД СССР дар Сумгаита гуфта буд:"Ҷанг идома дорад, мардумро мекушанд ва вазифаи мо дар он аст, то нишон диҳем, ки ҳукумати советӣ дар ин ҷо буд, ҳаст ва мемонад." Аммо натавонистанд. Дар марказ шояд намефаҳмиданд, ки чигуна вазъро ба эътидол оваранд. Одамони гуногунро дучор мешудем, бештарашон фикрҳои солим доштанд, аммо нафароне низ буданд, ки моро ба дастгирии ҷониби дигар муттаҳам мекарданд. Ба онҳо сулҳ не, автоматҳои мо лозим буд, ки ба сӯи якдигар тир кашанд.

Қисмҳои ахири аз Степанкерт соли 1992 рафта буд, ҷонибҳо амалан амалиёти ҷангӣ мебурданд, барои ҳамин барои берун кардани қисмҳои ҳарбӣ, кишваре ки аллакай вуҷуд надошт, амалиёти низомӣ ташкил карданд.

"Сиёсатмадорон аз ҳарду ҷониб на ба сулҳ, балки барои ба даст овардани қудрат кӯшиш мекарданд. Ба он миллатгароён низ пайваст шуданд, - идома медиҳад Шатко. - Ягона чизе, ки онҳо мехостанд, - пирӯзӣ бо шартҳои онҳо буд. Дигар чизе не. Қарабоғро қӯшунҳои дохилӣ, қисми ҳарбии собиқ Иттиҳоди Шӯравӣ тарк карданд ва ҳама барҳам пошид. Касе дигар кӯшиш накард, ки ҷонибҳои ҷангкунандаро аз ҳам ҷудо кунад. Пас аз тақсим кардани ғанимати Округи ҳарбии Красноземное ва  Закавказ ҷонибҳо силоҳ ва техникаи ҷангӣ ба даст оварданд ва оташи ҷанг аланга гирифт."

Генерал-майори хадамоти дохилӣ Владимир Ворожсов дар аввалҳои соли 1990 дар Закавказ дар сафарҳои хидматӣ буд. 

Ҳоло бо истеҳзои тунде ба ёд меовард: ҳамхизматони вай гоҳе дар кӯҳҳои Арманистон, гоҳ дар кӯҳҳои Озарбойҷон меҷаҳиданд - аз он вобаста ки дар куҷо адои хидмат мекарданд.

"Мешуд, ки низомиён, ҳангоми қарор доштан дар ҳудуди Арманистон ё Озарбойҷон, чунон ба ақоиди сокинони маҳаллӣ дода мешуданд, ки қариб худро ба ҷониби даргирӣ шомил менамуданд, - иқрор мешавад вай. Иттиҳомот ҳам аз ҳамин ҷост, ки Ҳарбии Советӣ ҳам ину ҳам онро ҷонибдорӣ кард. Аммо сарбозон асосан аҳолии  маҳаллиро ҷонибдорӣ мекарданд. Бархеашон маҳз барои ҳамин ҷонашонро фидо карданд".

Ба гуфтаи Ворожсов, Русия барои миёнравӣ таҷриба дорад, афзун бар ин барои ҳайъати оштидиҳандагон кадр низ  дорад.

"Технологияҳо коркард шудаанд, аммо дар амал мушкил аст: низомиёни ҷонибҳои муқобил ва миёнрав якҷо хатти тамосро тафтиш мекунанд. Аввалаш, иртиботи инсонӣ, дувум, ҷониби худашон тир намекушоянд", - тавзеҳ медиҳад вай.

Кӣ бояд вазифаи оштидиҳандаро иҷро кунад - на танҳо аз муносибати сокинони маҳаллӣ вобаста аст.

Путин дар бораи низои Қарабоғ: "Мардуми он ҷой барои мо бегона нестанд" - видео

"Бовариро бо амал ба даст меоваранд. Аммо шартҳои асосӣ - розигии ҷонибҳои мухолиф ба ҳузури маҳз ҳамин низомиён мебошад", - мегӯяд генерал.

Ин масъала сирф сиёсӣ мебошад. Ворид кардани воҳидҳо он вақт маъно дорад, ки вазифаи он муайян аст. Инро ҳам дар Боку, ҳам дар Ереван ва ҳам дар Маскав хуб дарк мекунанд.

259
Офис в здании МИА Россия сегодня в Москве.

Тоҷикистон мехоҳад дуркориро қонунӣ кунад

0
(Таҷдидшуда 16:03 20.10.2020)
Вакилони Маҷлиси намояндагон масъалаи қонунӣ намудани кори фосилавӣ дар ҷумҳуриро баррасӣ намуданд

ДУШАНБЕ, 20 окт — Sputnik. Дар ҷаласаи рӯзи 19 - уми октябр вакилони парлумон лоиҳаи Қонуни Ҷумҳурии Тоҷикистон "Оид ба ворид намудани тағйиру иловаҳо ба Қонуни Ҷумҳурии Тоҷикистон "Дар бораи мусоидат ба шуғли аҳолӣ" - ро мавриди баррасӣ қарор доданд, хабар медиҳад котиботи Маҷлиси намояндагони МО Тоҷикистон. 

Дар ҷаласа қарор қабул гардид, ки бар асоси он ба як қатор қонунҳо тағйирот ворид гардид.  Аз ҷумла ҷорӣ намудани мафҳуми "кори фосилавӣ" мебошад.

Вобаста ба тағйироти пешниҳодгардида ба моддаи 1 қонуни амалкунанда сархатҳои якум, ҳаштум ва дувоздаҳум, ки фарогири мафҳумҳо оид ба "бекорӣ", "кори мувофиқ" ва "мақомоти ваколатдори давлатӣ дар соҳаи меҳнат ва шуғли аҳолӣ" мебошанд, дар таҳрири нав  баён карда шуда, ҳамзамон сархати нуҳум бо мазмуни "кори фосилавӣ" илова карда шудааст. Ин чунин маъно дорад, ки дар оянда фаъолияти меҳнатии онҳоро Кодекси меҳнати Тоҷикистон муайян мекунад.

Вазъи шадиди COVID - 19 дар Русия: 16 ҳазор мариз ва фавти 179 кас дар як рӯз

Зимнан, дар шаҳри Маскав бар тибқи қарори Сергей Собянин низоми дуркориро тамдид карда шуд.

"Аз 28 сентябр ба сокинони солхӯрдаи шаҳри Маскав ва ашхоси гирифтори бемориҳои музмин хонашинӣ ва ба раҳбарияти ташкилоту корхонаҳо ба низоми дуркорӣ гузаронидани коргарон, тавсия дода мешавад", - таъкид мешуд дар қарори Собянин

Ба гуфти раиси шаҳр, барои баромадан аз хона ягон намуди ҷарима ҷорӣ намешавад. Кортҳои нақлиётии одамони солхӯрда дар нақлиёти ҷамъиятӣ бекор нашуда, варзиши оммавӣ низ иҷоза дода мешавад.

0
Барчаспҳо:
кор, Тоҷикистон
Мавзуҳо:
Пайомадҳои COVID-19 дар Тоҷикистон ва ҷаҳон