Девушка с мобильным телефоном

Талоқ барои сӯҳбат бо ҳамсари дугона ё чаро оилаҳои тоҷик пош мехӯранд?

807
Як нафар зани 48 сола ба воситаи телефони мобилӣ вақте, ки бо шавҳари дугонааш суҳбат кард, аз ин ҳолат шавҳараш огоҳ шуда рашк бурдааст, ки дар натиҷа ба ҷудошавии оила оварда расонидааст

ДУШАНБЕ, 19 апр – Sputnik. Дар соли 2018 дар Тоҷикистон беш аз 11 ҳазор оила аз ҳам ҷудо шудаанд, ки ин рақам назар ба солҳои 2017 - (10 100) 900 ҳодиса бештар аст. Аз ҷумла дар вилояти Суғд, соли 2018 бекоркунии ақди никоҳ  4 ҳазору 46 ҳодиса гуфта мешавад.

Дар соли 2018, дар Суғд 22 ҳазору 781 ҳодисаи бастани ақди никоҳ ба қайд гирифта шудааст.

Идигул Қосимзода, раиси кумитаи кор бо занон ва оилаи назди ҳукумати Ҷумҳурии Тоҷикистон бо ироаи ин иттилоъ гуфтааст, ки сабабҳои ҷудошавии оилаҳо бештар ба вазъи иҷтимоию иқтисодӣ ва масоили муҳоҷирати кории хонаводаҳо рабт дорад.

Раёсати идораи кор бо занон ва оила дар ҳукумати вилояти Суғд аз таъсиси "шӯрои муросо" дар шаҳру ноҳияҳои вилоят иттилоъ, медиҳад, ки мақсади инчунин марказҳои ҷамъиятӣ пешгирии ҷудошавии оилаҳо гуфта мешавад. Ин шӯроҳо аз ҳисоби равоншиносон, духтурони амрози занона ва ҳам имомхатибони шаҳру ноҳияҳо ташкил ёфта ва дар назди идораҳои кор бо занон ва оила дар шаҳру ноҳияҳои вилояти Суғд фаъолият мебаранд.  

Шӯрои муросо - оштидиҳандаи хонаводаҳо

Нигорахон Ғаффорзода, раиси идораи кор бо занон ва оила дар ҳукумати вилояти Суғд мегуяд, ки дар паи таъсиси "шӯрои муросо" дар шаҳру ноҳияҳои вилоят, камшавии шумори ҳодисаҳои ҷудошавии оилаҳо дар се моҳи аввали соли 2019 ба назар мерасад. Дар се моҳи аввали ҷорӣ, 1139 ҳодисаи бекоркунии ақди никоҳ аз ҳисоби шаҳру ноҳияҳои вилояти Суғд ба қайд гирифта шудааст, ки дар муқоиса ба ин давраи соли 2018, 36 ҳолат камтар будааст.  

"Мақсади ин шӯроҳо пешгирии ҷудошавии оилаҳо, пешгирии хушунати хонаводагии занон мебошад. Ин шӯроҳо аз равоншиноси касбӣ, табиби амрози занона, имомхатиби шаҳр ва ё ноҳия ва аз ҳисоби фаъолзанони ҷамоатҳо иборат мебошад.  Онҳо бо усули хона ба хона кор мекунанд. Дар вақти муроҷиати сокинон, барои бекоркунии ақди никоҳ, кормандони шӯро ба хонаи аризадиҳандаҳо рафта, сабаби ҷудошавии онҳоро маълум ва ба онҳо корбарӣ менамоянд. Онҳоро ба муросо меоваранд", - мегӯяд раиси идораи кор бо занон ва оилаи Суғд.

Нигорахон Ғаффорзода афзуд, ки ҳоло сатҳи таҳаммулпазирӣ дар хонаводаҳо коҳиш ёфтааст ва ин боиси азҳампошии шуморе аз оилаҳо гардидааст.

Даҳ соли ҳамзистӣ ва "дигар сабр карда наметавонам"

Раёсати сабти асноди ҳолатҳои шаҳрвандӣ дар вилояти Суғд мегуяд,  қисмати бештари ҳолатҳои бекоркунии ақди никоҳ бар сари хонаводаҳое рост меояд, ки то даҳ сол оиладорӣ кардаанд. Бар пояи иттилоъи ин ниҳод, 63% аз рӯзи бастани ақди никоҳ то 10 соли оиладорӣ, 12,3 % аз 11 то 15 соли оиладорӣ ва боқимонда аз 16 то 50 сол оиладорӣ карда, аз ҳам ҷудо шудаанд.

Сабоҳат Бобоҷонова,  ҷонишини раиси ташкилоти ҷамъиятии занон "Гулрухсор" дар шаҳри Хуҷанд мегуяд, ки аз муроҷиати занон ба ин ташкилот маълум мешавад, ки сабабҳои ҷудошавии оилаҳо якранг набуда, хеле зиёданд. Бино ба гуфти ӯ, дар соли 2018, 1803 нафар, ки бахши аъзами онҳо занонанд, ба "Гулрухсор" муроҷиат кардаанд. Бештари муроҷиатҳо характери равонӣ ва ҳуқуқӣ доштанд, мегуяд Сабоҳат Бобоҷонова.

"Ҷанҷол ба аъзоёни оила, ҳисси нобоварӣ ба келин ва ё хушдоман. Ҳатто ҳолати равонии баъзе аз муроҷиаткунандаҳо то андозае шадид буд ва бо ҳисси қасосгирӣ мубаддал гашта буд. Оид ба масъалаҳои ҳуқуқӣ бошад, муроҷиат сокинон дар мавриди ҷудошавӣ, оид ба тақсимоти моликият, оид ба ситонидани алимент, иборат мебошад",- гуфт ӯ.

Муовини раиси ташкилоти "Гулрухсор" мегуяд, пештар сирри хонаводаҳо пинҳон мемонд ва проблемаҳое, ки рух медод, бо гузашти як ё ду ҳафта фаромӯш мешуданд ва ҳаёти оилавӣ дар хонаводаҳо ба маҷрои ҳамвор ҷараён мегирифт, аммо ҳоло аксари ин ҳолатҳо ин тавассути телефонҳои мобилӣ зуд ба дигарон мерасанд.

Хабаркашӣ бо телефон

Мутаасифона рафта расидани маълумотҳои хонаводаи шавҳар ба хонаи падар, ё баръакс аз хонаи падар ба хонаи шавҳар, бисёр вақт  боиси ҷудошавии оилаҳо мегардад.

"Вақте мо ба ҳолатҳои равонӣ гирифтор мешавему он хусусияти манфӣ дорад ва хабар тавассути телефон зуд ба хешовандон мерасад, он таъсири худро мерасонад. Бинобар ин истифодаи нодурусти телефонҳои мобилӣ яке дигар аз сабабҳое, ки боиси ҷудошавии оилаҳо мешаванд", - мегӯяд Бобоҷонова.  

Сабоҳат Бобоҷнова аз як зани 48 сола мисол овард, ки истифодаи телефони мобилӣ муҷиби ҷудошавии ӯ аз оилааш шудааст.

 "Ман мисол оварда метавонам, ки як нафар зани 48 сола ба воситаи телефони мобилӣ, вақте, ки бо шавҳари дугонааш суҳбат мекунад, аз ин  шавҳараш огоҳ шуда ва рашк бурдааст, ки дар натиҷа ба ҷудошавӣ оварда расонидааст. Се муроҷиате, ки дар ҳафтаи охир ба қайд гирифта шуд, вобаста ба истифодаи нодурусти телефонҳои мобилӣ буд", - афзуд ӯ.

Баъзе коршиносон ҳадс мезананд, ки мушкили бекорӣ  ва  шароити нобасомони иқтисоди хонаводагӣ ба афзудани ҷангу ҷидолҳои зиёд боис шуда, ин ҳолат  ба барҳамхурии  оилаҳои ҷавон асос  мегузорад.

Сабоҳат Бобоҷонова ташкили чорабиҳо бо иштироки шахсони барӯманд дар сатҳи мактабу маҳал ва ҷамоатҳоро муфид арзёбӣ мекунад. Ӯ мегуяд, барои баланд бардоштани сатҳи донишу савод ва маърифати ҷавонон хуб мебуд, ки онҳо ба китобхонӣ фаро гирифта шаванд.

Зимнан раёсати кор бо занон ва оила дар ҳукумати Суғд баргузории як қатор чорабиниҳо ба мисли "мактаби хушдоман", "дастони моҳир", "занони ҳунарманд"- ро барои баланд бардоштани мавқеи зан  дар ҷомеа арзёбӣ мекунанд.  

Тавре  Нигорахон Ғаффорзода, раиси идораи кор ба занон ва оила дар Суғд иброз медорад, ҳоло шумори маркаҳзои ҳунармандӣ ба 360 адад расида ва онҳо 9 ҳазор шогирдонро аз ҳисоби ҷавнондухтарон ба камол расонидаанд то ба шуғл фаро гирифта тавонанд. 

Зиёда аз 13 ҳазор хоҷагиҳои деҳқонӣ дар шаҳру навоҳии Суғд ро занон роҳбарӣ мекунанд,  ё аъзои онҳо занон мебошанд.

Ба ҷуз ин, ҳамасола аз ҳисоби ҳукумати вилояти Суғд, 60 грант ба занони ҳунарманд ва соҳибкорзанон, ҳар яке ба маблағи аз 5 то 10 ҳазор сомонӣ ҷудо карда мешавад.

"Дар Русия зан гирифтааст..."

Умеда Икромова як коршинос дар умумри масоили иҷтимоӣ мегуяд, ки иллати аслии афзоиши азҳампошии оилаҳо аз муҳоҷирати мардон вобаста мебошад. Ӯ мегуяд, ки ҳоло раванди қабули шаҳрвандии Русия аз ҳисоби муҳоҷирони тоҷик бештар шуда ва онҳое, ки ба хотири шаҳрвандӣ шуда, дар хориҷ аз кишвар оила бунёд кардаанд, кам нестанд, ки мутаасифона чунин ҳолатҳо дар аксар вақт, боиси ҷудошавии оилаҳо мегардад.

“Мушоҳида мешавад, ки ҳоло як қисм аз муҳоҷирони мо ба хотири осон шудани кору зиндагӣ дар муҳоҷират, ба хусус дар Русия шаҳрвандии ин кишварро қабул кардаанд. Онҳо мехоҳанд, ки барои ин, аз ҳар усул кор гиранд, ҳатто дар Русия оила барпо кунанд. Шунидани ин ҳолат, боиси шурӯи  ихтилофҳо шуда ва ба ҷудошавӣ аз ҳамсарони аввали худ боис мегардад”, - иброз медорад, Умеда Икромова. 

Коршиносон мегуянд, барои паст кардани сатҳи ҷудошавии оилаҳо нақши иқтисод ва пеш аз ҳама ташкили ҷои кор дар коргоҳҳои ватанӣ, нақши муассир дорад.

807
Женщина несет своего ребенка

Янки, гоу ҳоум: дар Сурия боз чӣ мегузарад?

221
(Таҷдидшуда 19:50 11.08.2020)
Коршиноси дигари рус Александр Перенджиев мегӯяд, ҳамла ба низомиёни амрикоӣ метавонад қисме аз муборизаҳои дохилиэътилофӣ барои захираҳои Сурия бошад.

Ҳамла ба пойгоҳҳои низомӣ ва дастаи посбонон, ҳамалоти мушакӣ ва инфиҷори минаҳои заминӣ дар тули масири сутунҳо - барои низомиёни амрикоӣ замини Сурия танг мешавад. Ҳамалотро на танҳо гурӯҳҳои террористӣ мезананд. РИА Новости таҳқиқ кард, аз ҳузури ИМА дар кишвари арабӣ боз кӣ нороҳат аст.

Аз чор тараф

Чанде пеш пойгоҳи низомии ғайриқонунии ИМА дар музофоти Хасек дар шимолу шарқии Сирия зери аҳдофи ҳамалоти мушакӣ қарор гирифт. Инҷо дар шасткилометрии ҷануби шаҳри Ал-Хасак амрикоиҳо аэродромеро барои қабули чархболҳои ҳамлавар ва боркашон муҷаҳҳаз карда буданд. Бино ба иттилои расонаҳои Сурия ба пойгоҳи мазкур гурӯҳи номаълум ҳамла оварданд.

Вақтҳои ахир амрикоиҳоро дар Сурия доим тир мезананд ва онҳо осеб мебинанд. "Номаълумҳо" бештар қисми посбонии низомиёни ИМА-ро қир мекунанд.

Чунончи, охири моҳи май гурӯҳи худравҳои пур аз низомиёни Амрико ва ҷанговарони гурӯҳи "Нерӯҳои демократии Сурия"-ро дар Дайр-аз-Зор дастаи мусаллаҳ бо автомат, мусалсал ва норинҷак ҳамла оварданд. Дар натиҷа се арикоӣ ва 5 узви НДС маҷрӯҳ шуданд.

Ҷанҷол бар сари нафти Сурия: Вашингтон таъкид дорад даромади нафт ба Амрико намерасад

Моҳи апрел бошад, силсилаи ҳамалот дар музофоти Хасака анҷом дода шуд. Аз ҷумла, мошини зиреҳдори "Хаммер"-ро, ки низомиёни амрикоӣ ва узви НДС савор буданд , "Шахсони номаълум" дар наздикии деҳаи Рувейшид тирборон карданд. Дар натиҷа чанд тан маҷрӯҳ шуданд. Дар пайи чунин як ҳодисаи дигар дар Дайр-аз-Зор як афсари амрикоӣ ва ҷанговари НДС ҳалок шуданд. Пас аз як ҳамлаи дигар ду амрикоӣ бенишон гум шуанд. Сарнавишти онҳо то ҳол рӯшан нест.

Борҳо дар роҳи патрулҳо таҷҳизоти тарканда мепартоянд. Моҳи июл дар Дайр-аз-Зор автомобили низомиёни мунфаҷир шуд. Талафоти бештарро амрикоиҳо моҳи январи соли гузашта доштанд: дар Манбиҷ дар шимоли Сурия дар наздикии патрули пиёдагард минеро мунфаҷир кард, дар натиҷа ду аскар, Корманди Вазорати дифои ИМА ва як ҷанговар кушта шуданд.

Пентгон бошад бештари хабарҳоро рад мекунад ва "фейк" мебарорад.

Мубориза барои захираҳо

Коршиноси ҳарбӣ Юрий Лямин дар мусоҳиба бо РИА Новости таъкид кард, ки воҳидҳои низомии Амрико ва патрулҳояшро қабилаҳои маҳаллӣ, ки зери истилои ИМА ва ҳаммаслакони вай мондаанд, метавонанд анҷом диҳанд.

"Инҳо арабҳое мебошанд, ки дар шарқ ва шимолу шарқи Сурия ба сар мебаранд, - мегӯяд Лямин. Феълан, онҳо амалан дар зери ҳокимияти курдҳо, ки амрикоиҳо дастгириашон мекунад, қарор доранд. Албатта, одамон норозианд, онҳо пурра аз вазъият норозиянд ва ҷонибдори бо Димишқ буданд".

Дар ҳоле, ки ин қабила мусаллаҳ ва тамриндидаанд.

Бо далели он ки дар кишвар чанд сол боз ҷанги шаҳрвандӣ меравад, силоҳ дар дасти аҳолӣ басанда аст, - таъкид кард Лямин. Аз ҷумла намудҳои гунонуи он, миномет ва пулеметҳо низ ҳастанд".

Коршиноси дигари рус Александр Перенджиев мегӯяд, ҳамла ба низомиёни амрикоӣ метавонад қисме аз муборизаҳои дохилиэътилофӣ барои захираҳои Сурия бошад.

Ин амалан мубориза байни худи дуздон аст, - таъкид кард вай. - Аз як тараф, Пентагон ҳаст, аз тарафи дигар - гурӯҳҳои саноативу молӣ, ки манфиатҳои ширкатҳои низомии алоҳидаро ҳимоя мекунанд, метавонанд ҳамон террористҳоро мусаллаҳ кунанд.

Ба гуфтаи вай, Пентагон дар бозиҳои Сурия, қувваи мустақил нест, балки манфиатҳои гурӯҳи алоҳидаро дар ИМА намояндагӣ мекунад.

Ин ҳамалоти пинҳонии аз тезутунд шудани мубориза барои канданиҳои гаронарзиш дар Сурия шаҳодат медиҳанд. 

Низомиёни рус собиқ фурудгоҳи ҳарбии амрикоиҳоро дар Сурия ишғол карданд

"Агар дар ҳамла ҳарбии Сурия даст медошт, Пентагон дарҳол иқрор мешуд, - афзуд Перенджиев. - Аммо вақте мегӯянд, "қувваҳои номаълум", маънои онро дорад, сиррашонро пош карданӣ нестанд, аммо боварӣ дорам, ки худашон нағз медонанд".

Боз як хатари дигар ба амрикоиҳо, муқовимати мардуми Сурия мебошад. Чуноне ки президенти кишвар мегӯяд, мақсади мардуми ин кишвар, холӣ дидани он аз ҳама гуна нерӯҳои хориҷӣ мебошад.

Моҳи июн сокинони Тел-Абъяд дар музофоти Хасаке дар назди марз даст ба тазоҳурот зада, аз бурдани ғайриқонуни гандумашон изҳори норозигӣ кардаанд.

Чанд рӯз пеш аз қазия ВКХ Сурия изҳор дошт, ки ҷангиёни Туркия ва ҳаммаслакони Амрико барои ноором сохтнаи вазъ дар кишвар чанд бор замини гандум ва дигар донагиҳоро оташ заданд.

Фармондеҳии низомии ва ҳаммаслакони онҳо вазъи гуманитарӣ дар шимоли Сурияро мушкил мекунанд, то аҳолиро зидди мақомоти расмии кишвар хезонанд.

 Зуд-зуд бо ҷурми амрикоиҳо аҳолии осоиштаи кишвар қурбон мешаванд. Моҳи май аскарони ИМА дар Дайр-аз-зор ронандаи худраверо паррониданд - гӯё аз шоҳроҳи назди кони нафти "Коннико" худрав тоб хӯрда бошад.

Моҳи феврал, дар пости назди шаҳри Камишли низомиёни Сурия ҳарбиёни аримкоиро боздошт карданд, ки тариқи хатсайри ҳамоҳангношуда мерафтанд. Амрикоиҳо бо сокинони маҳаллӣ ҷанг хезониданд, ки дар натиҷа ҳарбиён ба тирандозии бетартиб сар карданд. Он замон як наврас кушта шуд ва як тани дигар захм бардошт. 

Қазия танҳо пас аз дахолати Русия ба эътидол оварда шуд.

221
Президент РФ Владимир Путин и председатель КНР Си Цзиньпин

Алвидоъ, доллар: Русия ва Чин ба асъори амрикоӣ ҷойгузин ёфтанд

1409
Дар соли 2015 қариб 90 дар сади савдои дутарафа тавассути доллар анҷом дода мешуд. Аммо пас аз оғози ҷанги тиҷории байни Амрико ва Чин кӯшишҳои мувофиқакардашудаи Маскав ва Пекин ин нишондод дар соли 2019 камтар аз 50 дар садро ташкил дод

ДУШАНБЕ, 9 авг — Sputnik. Русия ва Чин дар роҳи паст кардани вобастагӣ аз доллар фаъолона ҳамкорӣ мекунанд. Коршиносон мегӯянд, чунин ранг гирифтани ҳол метавонад дар натиҷа байни Пекин ва Маскав "иттиҳоди молие" -ро ба миён орад, менависад нашрияи машҳури ҷопонӣ Nikkei Asian Review.

Нашрия ба маълумоти Бонки марказии Русия ва Хадамоти федеролии гумруки кишвар истинод мекунад. Бино бар омори ниҳодҳои мазкур, бори нахуст дар торихи ҳамкориҳои тиҷории Русияву Чин саҳми доллар ба камтар аз 50 дар сад афтодааст.

"Доллар фақат барои 46 дар сади муҳосибаи байни Русия ва Чин истифода мешавад. Дар ҳамин ҳол евро 30 дар сад ва пули миллӣ 24 дар сади муҳосибаҳои ду кишварро ташкил медиҳанд", - омадааст дар гузориши Nikkei Asian Review.

Бо доллар кор мекунӣ, муҷозот мешавӣ: додгоҳ раиси ширкати “Тоҷикояндасоз”-ро ҷарима кард

Таъкид мешавад, ки солҳои охир, Русия ва Чин дар солҳои охир дар савдои дутарафаашон истифодаи долларро ба маротиб коҳиш доданд.

"Дар соли 2015 қариб 90 дар сади савдои дутарафа тавассути доллар анҷом дода мешуд. Аммо пас аз оғози ҷанги тиҷории байни Амрико ва Чин кӯшишҳои мувофиқакардашудаи Маскав ва Пекин ин нишондод дар соли 2019 камтар аз 50 дар садро ташкил дод", - тавзеҳ медиҳад Nikkei Asian Review.

Тавре мудири Институти тадқиқотҳои Шарқи дури АИР Алексей Маслов гуфт, "дедолларизатсия" ё долларгурезии Амрикову Чин ба "қулла" наздик мешавад, ки метавонад муносибатҳои Маскав ва Пекинро то "иттиҳод" расонад.

"Ҳамкориҳои Русия ва Чин дар соҳаи молия аз он мегӯяд, ки онҳо дар ниҳоят дар ҳоли ёфтани параметрҳои иттиҳоди ҷадид бо якдигар ҳастанд. Бештаринҳо интизор доштанд, ки ин иттиҳод ё тиҷорӣ ё низомӣ хоҳад буд, аммо он ҳоло бешатр ранги молӣ мегирад. Ин барои ҳарду кишваркафолати мустақилӣ медиҳад", - гуфт вай.

Nikkei Asian Review қайд мекунад, ки "дедолларизатсия" аз соли 2014 авлавият дошт. Русия ҳамчунин пас аз таҳримҳои ИМА маҷбур шуд, ки ба асъори амрикоӣ ҷойгузин ёбад.

"Ҳамагуна амалиёти бонкие, ки дар тамоми ҷаҳон тавассути доллар анҷом дода мешаванд, дер ё зуд аз бонки амрикоӣ мегузарад. Ин маънои онро дорад, ки ҳукумати Амрико метавонад ба ин бонк супориш диҳад, ки ин ё он амлиётро мутаваққиф кунад", - тавзеҳ дод иқтисодшиноси ING Bank  дар Русия Дмитрий Долгин.

Дедолларизатсия пас аз ворид намудани миллиардҳо доллар молиёт ба колои чинӣ аз ҷониби ҳукумати Доналд Трамп фарохтар гардид.

"Мо онҳоро нодида гирифтем": Ғарб комёбии низомии Русияро дар Сурия эътироф кард

"Танҳо ба наздикӣ Чин ва иншоотҳои бузурги иқтисодӣ дарк карданд, ки онҳо низ дар вазъи ҳамтоёни русашон метавонанд қарор гиранд: зери таҳримҳо монанд ва ҳатто аз системаи SWIFT берун оянд", - иқрор мешавад, корманди илмии Маркази тадқиқотҳои Шонгхойи донишгоҳи Чжан Син.

Дар натиҷа дар соли 2014 Русия ва Чин созишномаи сесолаи мубодилаи асъорӣ бастанд. Он ба Маскав ва Пекин имконият дод, ки асъори якдигарро бе харидорӣ намудан аз бозори асъор дастрас карда тавонанд. Соли 2017 ин созишномаро ба 3 соли дигар тамдид карданд.

Тобистони соли 2019 ҷонибҳо созишномаи ивазкунии доллар ба пули миллӣ дар савдои байналмилалиро бастанд. 

Афзун бар ин, Русия аз ҳисоби доллар захираҳои юанро фаъолона бой мекунад. Бино бар иттилои Nikkei Asian Review Русия захираи чоряки юанро дар бозори ҷаҳонии асъор азхуд кардааст.

Тавре Маслов мегӯяд, кӯшиши Русия дар ҷамъоварии юан на танҳо бо мутанаввиъ намудани захираҳои асъори кишвар вобаста аст.

"Русия дар муносибат бо Амрико нисбат ба Чин мавқеи қатъиеро ишғол мекунад. Русия ба мубориза одат кардааст, он ба гуфтушунид намебарояд. Русия ба ҳамкории молӣ бо Чин нишон медиҳад, ки Чин низ мавқеашро мисли ӯ қатъӣ карда метавонад", - афзуд вай.

Дар ҳамин ҳол вожгун кардани доллар осон нест.
Ба гуфтаи иқтисодшиноси Донишгоҳи Ҳорвард Ҷеффӣ Франкел, доллар якчанд афзалият дорад, ки то ҳол ягон асъори кишварҳои дунё бо он баробар шуда наметавонанд.

Дар ҳамин ҳол, коршинос иқрор мешавад, ки вазъи долларро қарзи давлатии Амрико ва сиёсати таҳримбардори кишвар метавонад коста кунад.

Эрон таҳримҳои Амрико бар зидди ин кишварро терроризми иқтисодӣ хонд

"Таҳримҳо як воситаи муҳими Амрико мебашанд, аммо кӣ гуфта наметавонад, ки дигарон низ метавонанд ин роҳро пеш гиранд", - гуфт дар анҷом иқтисодшинос.

1409
Тотальный диктант в Душанбе

Хобгоҳҳо каму иҷорахонаҳо қимат: шикваи донишҷӯёни тоҷик аз гаронии нарх

199
То оғози таҳсил дар омӯзишгоҳу донишгоҳҳои Тоҷикистон, камтар аз 4 рӯзи дигар боқӣ мондааст, аммо мушкили камбуди хобгоҳ ва гароншавии арзиши хонаҳои иҷоравӣ бисёре аз донишҷӯёнро ба тавшвиш овардааст

ДУШАНБЕ, 13 авг – Sputnik. Донишҷӯёни тоҷик мегуянд, ба фарқ аз соли гузашта дарёфти хонаҳои иҷроравӣ дар шаҳрҳои Душанбеву Хуҷанд душвортар шудааст.

Иқбол Раҳимов шуморе аз донишҷӯёни Донишгоҳи тиббии ба номи Абӯалӣ ибни Сино дар шаҳри Душанбе мегуяд, қимати хонаҳои иҷоравӣ аз ҳар вақт дида ҳоло баланд шудааст.

"Ба 1000 сомонӣ ҳам ёфтани хонаи иҷоравӣ дар шаҳри Душанбе қариб ки номумкин шудааст. Соли гузашта мо бо ин қиммат хона иҷора гирифта будем, аммо имсол соҳибхона бо ин нарх хонаро ба иҷора намедиҳад", - гуфт Раҳимов.

Донишҷӯёни Хуҷанд низ аз мушкили дарёфти хонаҳои иҷоравӣ таъкид меварзанд.

Санҷар Шаропов, аз ҷумлаи донишҷӯёнест, ки баъди хатми таҳсили Коллеҷи тиббии шаҳри Хуҷанд азм дорад, имсол барои гирифтани маълумотии олии тахассусаш ба Донишгоҳи давлатии Хуҷанд ба номи академик Бобоҷон Ғафуров таҳсил намояд, аммо гарон шудани қиммати хонаҳои иҷоравӣ ӯро дар ташвиш гузоштааст.

"Дар соли қаблӣ мо 4 нафар донишҷӯён бар ивази 600 сомонӣ дар як хонаи як ҳуҷрагӣ иқомат мекардем. Ҳоло бо ин нарх пайдо кардани хонаи иҷоравӣ душвор аст. Нархи хонаҳо то ба 800 -1000 сомонӣ баланд шудааст", - гуфт донишҷӯ.

Ҳоло дар шаҳри Хуҷанд, чаҳор муассисаи таҳсилоти олӣ аз ҷумла Донишгоҳи давлатии Хуҷанд ба номи академик Б. Ғафуров, Донишгоҳи давлатии ҳуқуқ бизнес ва сиёсати Тоҷикистон, Донишкадаи иқтисод ва савдои Донишгоҳи давлатии тиҷорати Тоҷикистон, Донишкадаи политехкиникии Донишгоҳи давлатии техникии Тоҷикистон ба номи М. Осимӣ фаъолият мекунанд ва дар онҳо бештар аз 30 ҳазор донишҷӯ таҳсил мекунад.

Бемории 7 донишҷӯи тоҷик бо таби баланд дар Вуҳан маълум шуд: шарҳи сафорат

Аммо ин донишгоҳҳо дар мувозинати худ ҳамагӣ як ва ё дутоӣ хобгоҳ барои донишҷӯён доранд. Дар ин миён танҳо ДДХ ба номи академик Б. Ғафуров дар мувозинаи худ чаҳор хобгоҳ дорад, ки дар онҳо кам ё беш аз 2500 ҳазор донишҷӯ, умдатан онҳое, ки тибқи Квотаи президентӣ дохил шудаанд таъмин мешаванд, аммо беш аз 20 ҳазор донишҷӯи дигари ин донишгоҳ аз ҳисоби худ хонаи иҷорави мегиранд.

Дар ҳоли ҳозир донишгоҳҳои кишвар имкони бо хобгоҳ таъмин кардани шумори қобили мулоҳизаи донишҷӯёнро надоранд ва дарёфти хонаҳои иҷоравӣ барои донишҷӯён мушкили аслӣ боқӣ мемонад.

199