Украшение города Душанбе перед саммитом лидеров стран Совещания по взаимодействию и мерам доверия в Азии

Дӯстӣ бо Эрон: мулоқоти 12 кишвар дар Душанбе, ҷамъбасти моҳи июн барои Тоҷикистон

161
(Таҷдидшуда 20:13 05.07.2019)
Дар моҳи июни соли ҷорӣ дар Тоҷикистон якчанд ҷамъомадҳои муҳим баргузор гардиданд, аз ҷумла оғози дӯстӣ бо Эрон, мулоқоти 12 кишвар дар Душанбе, таҷлили иди Ваҳдати миллӣ ва дигар чорабиниҳо

ДУШАНБЕ, 5 июл - Sputnik, Григорий Ростов. Оғози моҳи аввали фасли тобистон – июн дар Тоҷикистон бо таҷлили иди Рамазон, ки яке ҷашнҳои муҳим барои мардуми мусалмон ба шумор меравад, рост омад.

Чун анъана Шӯрои уламои Тоҷикистон рӯзи таҷлили иди Рамазонро як рӯз пас, нисбати баъзе кишварҳо, яъне 5 июн таъйин намуданд.

Хусусиятҳои иди Рамазон дар Тоҷикистон

Иди Рамазонро дар Тоҷикистон аз хурд то калон, ҳама ҷашн мегиранд. Омад-омади иди Рамазонро мардуми Тоҷикистон бетоқатона интизор мешаванд, махсусан дар фасли Тобистон.

Охир тобистон фасли меваю ҷамъоварии ҳосилу захиракунь барои фасли зимистон аст. Ҳамчунин таҷлили ид дар фасли гармо ин як нишонаи дастархони пур аз нозу неъмат аст.

Ҳамчунин бояд қайд кард, ки дар ин моҳ дар Тоҷикистон махсусан дар арафаи ид нархи меваю сабзавот ва гӯшту озуқа боло меравад. Ҳукумати Тоҷикистон бошад чанд сол боз кӯшиш кардаистодааст пеши роҳи ин зуҳуротро бигирад, аммо то ҳол давом ёфта истодааст.

Инчунин бояд қайд кард, ки мувофиқи қонуни Ҷумҳурии Тоҷикистон дастархони идона набояд аз меъёри муайяншудаи ҳукумат калон бошаду, хӯришҳои зиёд дошта бошад.

Роҳбарони 12 кишвар меҳмони Тоҷикистон

Чорабини сиёсии дараҷаи олӣ – Саммити Машварати ҳамкорӣ ва тадбирҳои боварӣ дар Осиё (МҲТБО) 14-15 июн бо иштироки роҳбарони 12 кишвар дар шаҳри Душанбе баргузор гардид. Дар МҲТБО дар Душанбе роҳбарони Русия, Чин, Эрон, Озорбойҷон, Узбакистон, Қазоқистон, Қирғизистон, Туркманистон, Туркия, Тоҷикистон, Бангладеш ва Шри-Ланка иштирок намуданд.

Эмомалӣ Раҳмон расҷумҳури Тоҷикистон ҳангоми баромадаш дар ҷаласаи ин чорабинӣ меҳмононро аз вазъи экологии минтақа ҳушдор дод.

“Дар кишвари мо тайи 40 соли охир зиёда аз 1000 пиряхҳо нест шудаанд, ки ин ба масоили муҳими аз ҷумла иқтисодӣ, энергетикӣ, аграрӣ, саноат ва ғайраҳо таъсири манфӣ мерасонад”, - қайд кардааст Эмомалӣ Раҳмон.

Ӯ ҳамчунин илова намудааст, ки ин ҷараён ба кули Осиёи Миёна таъсирашро мерасонад.

Роҳбари Тоҷикистон ҳамчунин аз вазъи низомӣ дар ҳамсоякишвари Афғонистон нигаронӣ кард. Вай аз ҷамъияти байналмилалӣ хоҳиш кард, ки дар барқарор намудани сулҳу субот дар Афғонистон дасти ёрӣ дароз кунанд.

Эмомалӣ Раҳмонро дар ин масъала Президенти Русия Владимир Путин дастгирӣ намуда, қайд кард, ки гуруҳҳои террористӣ аз кишварҳои Ховари Миёна фаъолона ба Афғонистон равона карда шудаистодаанд, ки ин диққат ва роҳи ҳалли махсусро талаб мекунад.  Путин ҳамчунин аз муътадилшавии вазъ дар Сурия таъкид намудааст.

“Дар муътадилшавии вазъ дар хоки Сурия дар асоси музокироти Остона - Русия, Эрон ва Туркия ташаббуси ҳақиқӣ нишон додаистодаанд. Мо дар якҷоягӣ бо иштироки Кумитаи конститутсионии Сурия кӯшиши аз байн бурдани ихтилофот миёни мардуми ин кишварро дорем. Аз ҳама муҳим ҳарчӣ тезтар баҳри муътадил намудани вазъи сиёсии Сурия чораҳои зарури ба роҳ монд”, - қайд намуд Путин.

Дӯстии Эрону Тоҷикистон аз қадим боқӣ мондааст

Дар доираи Саммити Машварати ҳамкорӣ ва тадбирҳои боварӣ дар Осиё мақомдорони Эрону Тоҷикистон бо боварӣ аз барқарорнамоии равобити дуҷониба дар ҳавои дӯстӣ эълон намуданд. Бояд қайд намуд, ки муносибати ҳарду ҷониб тақрибан 4 сол пеш дар пайи дастгириҳои Эрон ба Ҳизби наҳзати исломии Тоҷикистон бад шуда баданд.

Акнун дар арафаи ин саммит раисҷумҳури Тоҷикистон Эмомалӣ Раҳмон роҳбари Эрон Ҳасани Руҳониро гарм пешвоз гирифт.

“Шуморо ба хоки Тоҷикистон, ба ватани дуюматон хайру мақдам мегуям. Ҳамчунин барои иштирокатон дар ин саммит ба шумо миннатдоргӣ баён мекунам. Ин як дастгирии калон аст барои мо”, - гуфт Раҳмон ба Руҳонӣ.

“Ман боварӣ дорам, ки ин сафар метавонад сабабгорӣ хуб ва мустаҳкам гардидани муносибатҳои кишварҳои мо мегардад. Умедворам мо худ шоҳиди мустаҳкамгардии муносибатҳо ва ҳамкориҳои дуҷониба ба манфиати ҳарду кишвар ва минтақа мегардем”, - Руҳонӣ дар мулоқот гуфт ба Раҳмон.

Ба гуфтаи коршиносону таҳлилгарон ин шакли муносибат шаҳодат аз оғози муносибатҳои хуб миёни Тоҷикистону Эрон аст.

Таҷлили ҷашни Ваҳдати миллӣ

Ҳар сол 27 июн Тоҷикистон ҷашни Ваҳдати миллиро, ки яке аз идҳои муҳимтарини мардуми тоҷик ба шумор меравад бо тантана таҷлил мекунад.

Имсол таҷлили ин иди Ваҳдати миллӣ дар ноҳияи Рашт аз рӯзи 26 июн оғоз гардид. Чун анъана ҳар сол ҷашни Ваҳдати миллӣ дар яке аз шаҳрҳо ва ё навоҳии кишвар бо иштироки раисҷумҳури кишвар таҷлил карда мешавад.

Таҷлили ин ҷашн 27 июни соли 1998 бо фармони раисҷумҳуриии Тоҷикистон Эмомалӣ Раҳмон бо шарофати дар ҳамин рӯз ба имзо расонидани “Созишномаи умумии истиқрори сулҳ ва ризоияти миллӣ дар Тоҷикистон”  ба расмият даромад.

Чун анъана ин ҷашн ҳар сол дар яке аз шаҳрҳои кишвар бо иштироки раисҷумҳури кишвар таҷлил карда мешавад. Иди Ваҳдати миллӣ имсол дар ноҳияи Рашт  таҷлил карда шуд. Таҷлили бо тантанаи ин иди барои миллати тоҷик азиз аз рӯзи 26 июн бо иштироки Эмомалӣ Раҳмон оғоз шуда буд.

“Ваҳдати миллӣ барои мо дар ҳақиқат ҳодисаи таърихист, зеро маҳз бо шарофати ӯ мо тавонистем давлатамонро аз нестшавӣ ва миллатро аз парокандашавӣ раҳо кунем. Тавонистем парокандагиҳое, ки дар натиҷаи ҷанги хонумонсӯз ба миён омада буданд ҷобаҷо карда таъмини рушди кишварро ба роҳ монем”, - қайд кард Эмомалӣ Раҳмон.

Мувофиқи қонуни Ҷумҳурии Тоҷикистон 27 июн ҳамчун Рӯзи ваҳдати миллӣ истироҳат эълон шудааст.

161
Заместитель главного редактора журнала «Авиапанорама», заслуженный военный летчик России Владимир Попов

Коршинос дурнамои ифтитоҳи парвозҳо байни кишварҳои ИДМ-ро арзёбӣ кард

377
(Таҷдидшуда 14:36 27.10.2020)
Муовини сармуҳаррири маҷаллаи “Авиапанорама”, генерал-майор, Ҳавонаварди шоистаи ҳарбии Федератсияи Россия, номзади илмҳои техникӣ Владимир Попов гуфт, ки фурудгоҳҳои кишварҳои ИДМ барои кушодани ҳаракати ҳавоӣ то куҷо омодаанд

ДУШАНБЕ, 27 окт - Sputnik. Мақомоти Тоҷикистон ва Ӯзбекистон дар мавриди азсаргирии парвозҳо байни Тошканд ва Душанбе ба созиш расиданд.

Тибқи маълумоти пешакӣ, нахустин парвози ҳавопаймоҳо байни пойтахтҳои Тоҷикистон ва Ӯзбекистон рӯзи 28 октябр сурат мегирад.

Попов гуфт, ки эҳёи парвозҳо дар дохили ИДМ дурнамои рафъи бӯҳрон дар нақлиёти ҳавоиро боз мекунад.

Владимир Попов ба Sputnik Тоҷикистон гуфт: "Танҳо манъ кардан, бастани марзҳо лозим нест, бояд назорат ва сармоягузорӣ кард, то амнияти умумиҷаҳониро таъмин кунед". Ба гуфтаи мутахассис, вазъи мавҷуда имкон медиҳад, ки ҳаракати ҳавоӣ дубора барқарор карда шавад, зеро ташхиси коронавирус муайян,  ваксина аллакай сохта шудааст ва  нақшаи табобати ин беморӣ мавҷуд аст.

Номбурда илова кард, ки иқтисодиёт ба тамоми соҳаҳои ҳаёт таъсир мерасонад.

Тоҷикистон боз аз рӯйхат берун монд: Русия бо 4 давлати дигар парвозҳо барқарор кард

Барои барқарор кардани кори ҳамаи сохторҳо, риояи тамоми чораҳои зидди эпидемия зарур аст, гуфт коршинос.

Ёдовар мешавем, дар пайи ҳамагирии коронавирус кишварҳо, аз ҷумла Тоҷикистон марзҳояшонро ба хотири ҷилавгирӣ аз ин беморӣ бастанд.

377
Барчаспҳо:
фурудгоҳҳо, коршиносон, парвозҳо, Тоҷикистон
Самолет F-16

"Аллакай дар истеҳсолот": чаро Русия "ҳавопаймоҳои рӯзи қиёмат"-ро эҳё мекунад

565
Муносибати байни қудратҳои ҳастаӣ то ҳадде боло рафтааст. Дипломатҳо ба бунбаст афтоданд, ҷонибҳо сафирҳоро даъват мекунанд. Қувваҳои мусаллаҳ дар ҳолати омодабош қарор доранд

ДУШАНБЕ, 26 окт — Sputnik. Барҳаво, қавӣ, бо технологияи олӣ сохташуда- аллакай ба наздикӣ Қувваҳои мусаллаҳи Русия бастаҳои ҷадиди фармондиҳӣ дар асоси ҳавопаймои баландпарвози Ил-96-400М-ро ба даст меоварад. 

Дар Ғарб ин гуна мошинҳоро "ҳавопаймоҳои рӯзи қиёмат" меноманд. Дар ҳолати оғози ҷанги севуми ҷаҳонӣ аз борти "ситоди парвоз" низомиёни олӣ ва роҳбарияти сиёсии кишвар дифоъ ташкил мекунанд ва аз замин қӯшунҳои обӣ ва ҳавоиро идора менамоянд. Ин навъи ҳавопаймоҳоро имрӯзҳо танҳо Русия ва ИМА доранд. Дар бораи имконот ва вазифаҳои онҳо маводи РИА Новостиро мутолиа кунед.

Наҷоти фармондиҳӣ

Муносибати байни қудратҳои ҳастаӣ то ҳадде боло рафтааст. Дипломатҳо ба бунбаст афтоданд, ҷонибҳо сафирҳоро даъват мекунанд. Қувваҳои мусаллаҳ дар ҳолати омодабош қарор доранд. Бомбафканҳои статегӣ боло мешаванд, қоиқҳои зериобии ҳастаӣ бо мушакҳои баллистикӣ ба уқёнус мераванд, системаҳои мушакии заминӣ ба ҳаракат даромдаанд ва ҷаҳон дар интизори ҷанги севум аст. 

Хушбахтона, ин сенария  афсонае беш нест. Чи дар Русия ва чи дар Амрико хуб дарк мекунанд, ки ҷанг метавонад дарҳол ба ҷанги ҳастаӣ табдил ёбад, ки даҳҳо миллион қурбонӣ хоҳад дошт. Аммо низомиён доим ба сенарияи бадтар омода мешаванд. 

Ҳарду ҷониб интизор доранд, ки зарбаи авал дар ин гуна чолиш рақибро бесар мекунад, ва аз ӯ имконияти идораи қӯшунҳоро мегирад, ки натавонад ҳеҷгуна муқовимат нишон диҳад. Мақсади асосӣ - марказҳои сиёсӣ ва ҳарбӣ ҳастанд.

 Дар давраи таҳдид роҳбарияти Русия ва ҳайъати олии фармондиҳии Қувваҳои мусаллаҳ дар шароити комилан махфӣ ба фурудгоҳи ҳарбӣ мебаранд, ки дар он ҷо онҳоро пунктҳои фармондиҳии болдор интизор аст. 

Сулҳҷӯи зӯргӯй: Трамп мехоҳад, сарбозони амрикоиро ба хона орад - видео

Вазифаи асосии экипажҳои ҳавопаймоҳои рӯзи қиёмат - нафарони аввали кишварҳоро аз зери ҳамла берун оварда,  имконияти идора аз он тарафи ҳаворо фароҳам меоварад. Суботи набарди ин пунктҳои фармондиҳиро тавассути ҷангандаҳо ва танкҳо ба танзим медароранд. Чунин тактикаи монанд дар Амрико дар солҳои ҷанги сард коркард шудааст.

Ҷойгузине, ки муддатҳо дар интизори он буд

Нерӯҳои ҳаво ва фазои Русия аз чунин ҳавопаймоҳои рӯзи қиёмат 4-то дорад. Ин ҳавопаймоҳо дорои нерӯгоҳи қавӣ, воситаҳои муоширати муосир ва имконияти якчанд рӯз истодан дар ҳаворо доранд. 

Аз гузаштагонаш Ил-80 танҳо бо пешониаш фарқ мекунад, ки калон асту дар он таҷҳизоти радиову электронӣ ҷой дода шудаанд. Афзун бар ин Ил-80 равзана надорад, то мусофирон аз наздикии инфиҷори ҳастаӣ кӯр нашаванд.

Маълумоти бештар аз ин дар бораи Ил-80 сирри давлатист. Танҳо гуфта мешавад, ки дар борти ҳавопаймо таҷҳизот барои идораи тамоми намудҳои Қувваҳои мусаллаҳ, бинои махсус барои кор ва истироҳати мусофирони олимақом, ва захираи сӯзишворӣ ҷойгир аст.

Ҳавопаймо метавонад аз ҳамагуна фурудгоҳ парвоз кунад.

Амрико ба хотири қатъи сохтмони “Маҷрои шимолӣ-2” шарик меҷуяд

 Аммо Ил-80 бештар аз 15 сол аст, ки тавассути нерӯҳо истифода мешавад ва бештари манобеи худро тавсеа доданд. Доманаи амалии онҳо ҳамагӣ о 3800 километрро ташкил медиҳад, ки барои пункти ҳавоии идоракунӣ нокифоя аст. 

Барои ҳамин интихоби  Ил-96-400М ба сифати аоси ҳавопаймои нави рӯзи қиёмат пурра дуруст аст: доманаи амалии он қариб 9 ҳазор километрро ташкил медиҳад.

Меҳмонхонаҳои парвозкунанда
Нерӯҳои мусаллаҳи ИМА дорои 4 ҳавопаймои  E-4B Nightwatch мебошад, ки дар асоси боинг -747 сохта шудаанд. Ҳаряки аз онҳо 1000 нафарро меғунҷонад ва ҳангоми кифоягии маводи сӯхт метавонад то дар ҳаво то як ҳафта монад. E-4B Nightwatch аз таъсири таркиши ҳастаӣ осебе намебинад, ва дорои таҷҳизоти муосири радиоэлектронӣ мебошад.

 Метавон гуфт, ки "ҳавопаймои рӯзи қиёмат"-и амрикоӣ, ин як меҳмонхонаи парвозкунанда аст. Дар он барои кори автономӣ тамоми шароит аз ошхона сар карда, то ҳаммом, минтақаи истироҳатӣ, ҳуҷраи дорои миз ва 9 курсӣ, ҷои муҷаҳҳаз бо техникаҳои иттилоотӣ барои 29 корманд ва дигар бино иборат аст. Хулоса, бисёр ҳавопаймои бароҳат аст.

Шояд барои ҳамин баъзан нафарони аввали Амрико барои парвоз ба дигар кишварҳо E-4B-ро ба ҷои Air Force One истифода мекунанд.

Ҳавоппаймоҳои  E-4B аз ҳавопаймои Ил-80-и Русия хело бузургсол аст. Онро ҳанӯз соли 1970 ба истифода бароварда буданд. Бояд қайд кард, ки онҳо то рафт замонавӣ ва пурратар мешаванд.

Мисол, соли 2015 як қисми борт раванди азнавбарномакунонӣ ва тағйирёбии таҷҳизоти коммуникатсиониро гузаштааст. Феълан ин ҳавопаймо бемамоният ба интернет дастрасӣ дорад. Даври E-4B - 11 ҳазор километрро ташкил медиҳад. 

"Ин қадамҳои авваланд": чаро Амрико зердарёиҳоро ба наздикии марзи Русия интиқол медиҳад

Афзун бар ин, амрикоиҳо 16 ҳавопаймои  E-6-ро доранд, ки метавонанд ба сифати пункти фармондиҳии муштараки стратегии нерӯҳои мусаллаҳи Амрико истифода шаванд. Дар ҳолати ҷанг ин мошинҳо аз минтақаи Уқёнуси Ором ва Атлантик вориди фазои ҷанг шуда, бо қаиқҳои зериобии ҳастаӣ ва "ҳавопаймоҳои рӯзи қиёсат" E-4B иртиботи бевосита хоҳанд дошт.

565

Вакил гуфт, бекор кардани патент барои муҳоҷирон чӣ пайомад дорад

0
(Таҷдидшуда 20:06 28.10.2020)
Ба гуфти вакил сабукӣ барои муҳоҷирони метавонад вокунииши манфии шаҳрвандони Русияро ба бор орад ва ба амният хатар дошта бошад

ДУШАНБЕ, 28 окт — Sputnik. ВУД Русия пешниҳод карда, ки қонун "Дар бораи вазъи ҳуқуқии шаҳрвандони хориҷӣ дар ФР" ислоҳ карда шавад ва барои бархе аз гурӯҳи муҳоҷирон патент бекор гардад.

Светлана Бессараб, узви Кумитаи Думаи давлатӣ оид ба меҳнат, сиёсати иҷтимоӣ ва собиқадорон, дар суҳбат бо Парламентская газета аз чунин навоварӣ интиқод кард.

Дар Русия барои муҳоҷирони ғайриқонунӣ низ Маркази имдод ифтитоҳ мешавад

"Ман ба чунин ташаббус эҳтиёткорона муносибат мекунам. Тавре таҷриба нишон медиҳад, аз ҷумла дар кишварҳои Урупо, на ҳамеша пур кардани ҷойҳои корие, ки мардуми бумӣ намехоҳад аз ҳисоби муҳоҷирон, хуб аст. Аксар вақт ин амалкард бо амнияти давлатӣ алоқаманд аст". қайд кард Бессараб.

Вакил афзуд, ки чунин навгониҳо барои муҳоҷирони сохтмончӣ метавонад вокунииши манфии шаҳрвандони Русия ва иттифоқҳои касабаро ба бор орад.

Чунин вокуниш махсусан имрӯзҳо, ки сатҳи бекорӣ дар Русия дар ҳоли афзоиш аст, интизоршаванда мебошад.

Ба ширкатҳои бузурги сохтмонӣ иҷозат дода мешавад, муҳоҷиронро аз Тоҷикистон даъват кунанд

Рӯзи 26 октябр Вазорати корҳои дохилии Русия тарҳи ислоҳи қонун "Дар бораи вазъи ҳуқуқии шаҳрвандони хориҷӣ дар Федератсияи Русия" -ро барои муҳокимаи умум нашр кард.

Тибқи ҳуҷҷат, хориҷиён метавонанд бидуни патент ва иҷозатномаи кор дар ширкатҳои байналмилалии Русия кор кунанд: дар сохтани иншооти барои чорабиниҳо зарурӣ пешбинишуда ва ҳангоми омодагӣ ва иштирок дар чунин чорабиниҳо.

Рӯйхати чорабиниҳо, ташкилкунандагон ва лоиҳаҳои сохтмонро ҳукумат муайян мекунад.

0
Барчаспҳо:
муҳоҷирон, хатар, патент, Русия