Бывший президент Таджикистана Рахмон Набиев

Мардуми Тоҷикистон аз Раҳмон Набиев чӣ интизориҳо доштанд? - идома

1833
(Таҷдидшуда 16:30 15.08.2019)
Бо таваҷҷуҳ ба таҷрибае, ки Раҳмон Набиев дошт, мардум фикр мекарданд, раисҷумҳури тозаинтихоб вазъро беҳбуд мебахшад, аммо ӯ ба тақсими мансаб ва қасосгирӣ оғоз кард

ДУШАНБЕ, 15 авг - Sputnik. Талабшоҳи Салом. Баъд аз пирӯзии Раҳмон Набиев дар интихоботи соли 1991 гумон  мерафт, раисҷумҳури тозаинтихоби Тоҷикистон бо он таҷрибае, ки дошт, ҷиддан вориди амал мешавад ва шароитеро, ки қаблан мардум доштанд, бармегардонад.

Ин дар ҳоле буд, ки Тоҷикистон мустақил шуда буд ва сарвари кишвар дигар набояд аз Русия дастури идорӣ мегирифт. Муҳимтарин интизорот он буд, ки Тоҷикистон ҳиссаашро аз ИҶШС соҳиб мешавад. Аммо ин интизорот ба орзуҳо мубаддал шуданд ва раисҷумҳури Тоҷикистон ба тақсими қудрат дар ҳукумат шурӯъ кард.

Дуюми декабри соли 1991 Раҳмон Набиев савганд ёд кард ва дар иҷлоси Шӯрои Олии Тоҷикистон Сафаралӣ Кенҷаев, мухолифи ашаддии  нерӯҳои демократию исломӣ ба раёсати Шӯрои Олӣ расид.

Сафаралӣ Кенҷаев, ки дар замони маъракаҳои пешазинтихоботӣ раиси ситоди интихоботии Раҳмон Набиев буд, баъди интихобот раисии Шӯрои Олиро соҳиб шуд. Иштибоҳи дигари Раҳмон Набиевро Карим Абдуллов кор накардан болои пешниҳодҳои ҷонибдоронаш медонад. Дигаре аз иштибоҳоти Раҳмон Набиев, ба андешаи Карим Абдулов, таъйини Юлбарс Эгамбердиев ба унвони мудири корҳои Девони Вазирон буд. Раисҷумҳур дар аввал мехост, ки  Ю. Эгамбердиевро раиси Девони Вазирон таъйин кунад, аммо парлумон ризоият надод. Вале бинобар он ки Юлбарс Эгамбердиев дар беҳтар кардани равобити Раҳмон Набиев бо ледирҳои Узбакистон нақши умда дошт, раисҷумҳур наметавонист ба ӯ мансаби поин диҳанд, бинобар ин ӯ мудири корҳои Девони Вузаро таъйин шуд.

 Дар ин зимн дигаре аз таъйиноте, ки онро иштибоҳи Раҳмон Набиев дар ибтидои соли 1992 медонанд, сари қудрат омадани Акбар Мирзоев аст, ҳол он ки бисёриҳо Акбар Мирзоевро лоиқи ин мансаб намедонистанд. Вале ба навиштаи Ҳикматуллоҳ Насриддинов, “аз рӯйи анъана мебоист ҳатман дар ин мансаб (раиси Шӯрои Вазирон-Т.С.) ягон нафар кӯлобӣ кор мекард. Зимнан гурӯҳҳо ҷамъу гирд омада, дуру дароз маслиҳату машварат карданд ва ба хулосае омаданд, ки раиси кумиҷроияи Шӯрои намояндагони халқи вилояти Кӯлоб Акбар Мирзоевро раиси Девони Вазирони Ҷумҳурии Тоҷикистон интихоб кунанд” (Ҳикматуллоҳ Насриддинов, “Таркиш”, саҳ. 151).

© Sputnik / Юрий Абрамочкин
Рахмон Набиев и Сапармурад Ниязов

Агар ба минтиқи суханҳои Ҳикматуллоҳ Насриддинов таваҷҷуҳ шавад, метавон гуфт, дар ин гуна ҷобабаҷогузории кадрҳо низ ба иштибоҳ роҳ дода шуд, зеро саҳми бадахшиҳову қаротегиниҳо, ки ба қавли муҳаққиқон, раёсати Шӯрои Олӣ буд, аз онҳо гирифта шуд.

Ба навиштаи Ҳикматуллоҳ Насриддинов, баъдтар миёни Раҳмон Набиев ва Акбар Мирзоев ихтилоф пайдо шуда буд. Ҳарчанд Ҳикматуллоҳ Насриддинов дар бораи ихтилофоти раиси вақти Шӯрои Вазирон бо раисҷумҳур иттилои зиёд надодааст, вале Аслиддини Соҳибназар менависад, ки Акбар Мирзоевро аз ночорӣ ба мансаби сарвазирӣ таъйин карданд. Ба қавли ӯ, Акбар Мирзоев дар кишвар шахсияти шинохта набуд. “Раисҷумҳур мехост ҳамтабақаш Қурбон Мирзоалиевро, ки раиси ҳукумати ноҳия буд, сари ин вазифа биёрад..., вале мансаби ишғолкардааш иҷозат намедод, ки яку якбора аз раисии  ноҳия ба вазифаи раиси  Шӯрои Вазирон биёяд” (Аслиддини Соҳибназар, “Субҳи ситоракуш” (китоби дуюм), саҳ. 34).

Баъди ба сари қудрат омадани Раҳмон Набиев истихдоми “худиҳо” идома дошт ва ҳарчанд дар давлати Қаҳҳор Маҳкамов ҳам нафарҳои сазовор буданд, вале зимни пешниҳоди онҳо ба мансабе раисҷумҳури тозаинтихоб истихдоми онҳоро ба таъхир меандохт ва ба ҳамин тарз аз ёд мерафтанд.

Ба ибораи дигар бепарвоии раисҷумҳур дар робита ба ташкили давлати қавӣ эҳсос мешуд, ба ҳадде ки болои коғаз гвардияи миллӣ созмон дод ва ба гуфтаи Сафаралӣ Кенҷаев, ба ҷойи сарбозони Гвардияи миллӣ сарбозони Фирқаи 201-и Русия савганд ёд карданд. Карим Абдулов дар ин замина менависад: “...Додо Мухторович Қосимовро ба Тошканд ва Маскав фиристодем. Таҷрибаи кори раисҷумҳури Русия ва Узбекистонро омӯхт. Аз рӯйи масъалаҳои гуфташуда, таклифҳои худро ба таври дақиқ ба муҳтарам Р. Набиев пешниҳод кардем. “Монед, ман дида мебароям. Боз як бори дигар дида бароед, маслиҳат кунед”,-гуфтанд раис. Бо ҳамин на маслиҳат шуду на кори дигар” (Карим Абдулов, “Роҳи беҳбуд”, саҳ. 62).  

Дар ин зимн Нарзулло Дӯстов, ноиби раёсатҷумҳурӣ дар соли 1992 менависад, ки Раҳимҷон Ғафуров, вазири вақти сохтмони деҳоти Тоҷикистон дар тасмимгириҳои Раҳмон Набиев ба унвони раисҷумҳур нақши калидӣ дошт. “...Раҳмон Набиев зимни ҳалли тамоми корҳои масъули давлатӣ бо вазири ҳамонвақтаи сохтмони деҳот Раҳимҷон Ғафуров машварат мекард. Дар таъйин намудан, аз кор озод намудани кадрҳо, қабули фармонҳои муҳими давлатию ҳукуматӣ ӯ ба президент маслиҳат медод ва сардори давлат ҳам мувофиқи маслиҳати ӯ амал мекард (Нарзулло Дӯстов, “Захм бар ҷисми Ватан”, саҳ. 263).

Гузашта аз ин Ҳизби коммунистӣ дар моҳи январ иҷозаи фаъолият ба даст овард, ки боиси таҷаммӯи мардум шуд. Аввалин тазоҳуроти мардумӣ дар мухолифат бо иҷозаи фаъолияти ҲКТ дар шаҳри Қӯрғонтеппа баргузор  шуд.

Ин гуна тағйирот дар сиёсат аз он дарак медод, ки Раҳмон Набиев натавонист манфиатҳои нерӯҳои сиёсиро ба таври баробар таъмин кунад. Албатта, манзур ин нест, ки барқарор накардани ҳуқуқҳои Ҳизби коммунистии Тоҷикистон маънои таъмини манфиатҳоро дошт, балки манзур шеваи кор, ҳалли решаии масъала аст, ки раисҷумҳури тозаинтихобшуда ба он даст наёфт. Яъне бидуни муросо бо нерӯҳои мухолиф ҳуқуқҳои ҲК  барқарор шуданд ва ин маънои онро дошт, ки вазъи сиёсӣ ба ҳолати қабл аз сентябри соли 1991 бармегардад.

Юрий Куйдин
21 декабря 1991 года. Президент Республики Таджикистан Рахмон Набиев

Бинобар ин дар натиҷаи 40 рӯзи фаъолияти раисҷумҳури Тоҷикистон аллакай сиёсати пешгирифтаи ӯ ба мухолифат дучор шуд. 12 январ дар шаҳри Душанбе аввалин бор дар соли 1992 тазоҳурот баргузор гашт, ки муътаризон иқдомоти раисҷумҳурро дар робита ба таъйини “раисони кумиҷроия, ғасби садо ва симо, эҳёи Ҳизби коммунист, кӯшиши ҳифз намудани сохтори куҳнаи идорӣ ва ғайра” (Бӯрӣ Карим, “Фарёди солҳо”, саҳ.384) нодуруст унвон  карданд.

Карим Абдулов, ки мегӯяд, дар ташкили ин тазоҳурот Ҳизби демократи Тоҷикистон даст дошт, талаби муътаризинро ба ин гуна ба қалам додааст: “Имрӯзҳо дар Тоҷикистон ба тамоми маънӣ диктотура, қувваҳое, ки мехоҳанд режими тоталитариро аз нав зинда гардонанд, зуҳур карда истодаанд. Маҳдуд кардани фаъолияти сиёсии гурӯҳҳои сиёсӣ ва шаҳрвандон, ҳаққу ҳуқуқи онҳо, таъқиби нерӯҳои демократӣ дар Қумсангир, Қӯрғонтеппа, Ванҷ, Файзобод, Фархор, Зафаробод, Ғончӣ, Хоруғ ва ғайра ба тасарруфи раисҷумҳур даровардани Кумитаи радио ва телевизион, рӯирост ва аҳдшиканона вайрон намудани шартномаи 6 октябр, қонуншиканиҳо дар рӯзи 23 сенятбр ва дар маъракаи интихоби раисҷумҳур, аз рӯйи садоқати шахсӣ ва манфиати гурӯҳӣ таъйин кардани роҳбарон ин кори ошкори нерӯҳои оппозитсионӣ ва ғайраю ҳоказо гувоҳи равшан мебошанд” (Карим Абдулов, “Роҳи беҳбуд”, саҳ. 76).

Боло бурдани ҳадди ақали маош (340 сӯм буд), бекор кардани қарори Шӯрои Олӣ дар бораи таъйини руасои навоҳӣ аз ҷониби раисҷумҳур, истеъфои Атахон Сайфуллоев, раиси Кумитаи садо ва симо ва истеъфои Нуруллоҳ Ҳувайдуллоев, додситони кул, изҳори нобоварӣ ба С. Шаропов, додситони шаҳри Душанбе аз дигар талаботи онҳо буд. Қисме аз ин талаботи мардумро мудири котиботи Раҳмон Набиев ҷолиби диққату қобили баррасӣ, вале қисми дигарро ғайриқонунию муғризона гуфтааст. Зимнан котиботи раёсатҷумҳур бо овардани далоиле талаботи муътаризинро рад кардааст.

Р. Набиев: Сафаралӣ бачаҳои Кӯлобро гаранг кард

Сангинтарин рӯзҳои раёсатҷумҳурии Раҳмон Набиев баъди Наврӯзи соли 1992 оғоз шуданд. Ин воқеот, ахиран мунҷар ба аз сари қудрат рафтани иддае аз ҳомиёни Раҳмон Набиев дар солҳои 1990-1991 шуд. Агар онҳо дар соли 1992 ба мисли солҳои 1990-1991 Раҳмон Набиевро дастгирӣ мекарданд, на танҳо ӯ сари қудрат боқӣ мемонд, балки шояд Тоҷикистон ҳам ба гирдоби ҷанги 5-сола намепечид.

Дуруст аст, ки муҳокимаи Муҳаммадаёз Навҷувонов, вазири вақти умури дохилиро дар парлумон муҳаққиқон дар аксар маврид оғози нооромиҳо дар Тоҷикистон унвон мекунанд. 26-уми марти соли 1992 қисме аз ҳамшаҳриҳои вазири вақти умури дохилӣ ба манзури ҳимоят аз ӯ ба майдон омаданд, вале вақте нерӯҳои мухолифи вақт, ҲНИТ, ҲДТ, созмонҳои “Растохез” ба онҳо пайвастанду норизоиятии худро аз рафтори Сафаралӣ Кенҷаев нисбат ба Навҷувонов ва ҳарфҳои аввалӣ дар ин иҷлос иброз карданд, кор аз кор гузашт. Агар ба баррасии воқеоти он шабу рӯз, аллахусус ҷараёни тазоҳуроту баҳсҳо дар атрофи талабҳои мухолифин пардозем, матлаб тӯлонӣ хоҳад шуд. Барои ҳамин бо овардани як нукта дар ин  маврид иктифо мекунем.

Атобеки Амирбек, раиси “Лаъли Бадахшон” тайи як суҳбаташ бо банда дар соли 2012 гуфта буд, ки “аз аввал то охири гирдиҳамоиҳо агар Сафаралӣ Кенҷаев ақаллан як маротиба назди мардум баромада мегуфт, ки «ман ҳамон вақт дар телевизион нодуруст баромад кардам, мебахшед», ҷараёни гирдиҳамоӣ дигар мешуд. Аммо Сафаралӣ Кенҷаев на он ки чунин накард, балки гуфт, “ман аз сари мансаб меравам, вале аз мардум узр намехоҳам”.

Хулоса, мавзеъгирии Сафаралӣ Кенҷаев мунҷар ба он шуд, ки муътазирон муваффақ бо тавофуқ бо ҳукумат шаванд ва Сафаралӣ Кенҷаев, раиси вақти Шӯрои Олӣ, нафаре, ки дар соли 1990 дубора Раҳмон Набиевро ба парлумон баргардонда буд, истеъфо дод. Истеъфои ӯро иҷлосияи 13-уми Шӯрои Олӣ дар таърихи 22-юми апрели соли 1992 қабул кард.

Сафаралӣ Кенҷаев дар рӯзҳои аввали гирдиҳамоӣ намехост истеъфо бидиҳад. Ӯ дар ёддоштҳояш менависад, ки истеъфояш  ба хотири гаравгон гирифтани 17 нафар вакили парлумон ва муовинони сарварзир буд. Вале ӯ бо вуҷуди ин ки баъд аз истеъфояш аз раисии парлумон раиси КАМ таъйин шуд, ором нагирифт, балки ба муборизааш барои баргаштан ба мансаб идома дод. Як рӯз баъд аз истеъфои С. Кенҷаев дар майдони Ленини шаҳри Кӯлоб гирдиҳамоии ҷонибдорони раиси Шӯрои Олӣ оғоз ёфт.

Ду рӯз баъд ин издиҳоми муътаризон ба Душанбе расид. Онҳоро Сафаралӣ Кенҷаев ва Нарзулло Дӯстов пешвоз гирифтанд. “Сафаралӣ бачаҳои Кӯлобро гаранг кард. Онҳоро ба Душанбе овард. Ман аз вай ин хел умед надоштам. Ту ӯро насиҳат накардӣ, Аслиддин. Ман ба вай бовар карда, мансаб дода будам. Раиси Кумитаи бехатарӣ шуда буд. Акбар ҳам ин рафторро дастгирӣ кард. Пас чаро онҳо ба Кӯлоб сим зада, мардумро ҷамъ кардаанд?»,-менависад Аслиддин Соҳибназаров бо ёдоварӣ аз суҳбаташ бо Р. Набиев. Вале Нарзуллоҳ Дӯстов менависад, ки омадани мардуми Кӯлоб ба Душанбе бо Раҳмон Набиев маслиҳат шуда буд, ҳарчанд ба қавли Дӯстов, худи ӯ розӣ набуд, ки мардуми Кӯлоб барои тазоҳурот ба Душанбе биёянд. “Раҳмон Набиев гуфт, ки роҳбарони Кӯлоб ба ӯ телефон кардаанду аз ҳама тафсилоти омадани гирдиҳамомадгони Кӯлоб огаҳ аст. Шумо ба ин масъала кордор набошед... охир, аз нозукиҳои вазъияти ин ҷо (Душанбе-Т.С.) хабар доред-ку” (Нарзулло Дӯстов, “Захм бар ҷисми Ватан”, саҳ. 214).

идома дорад...

1833
Барчаспҳо:
таърих, Раисҷумҳур, Раҳмон Набиев, Тоҷикистон
Учения ВМС США, архивное фото

Минтақаҳо ошкор шуданд: флоти ҳарбии ИМА силоҳашро ба куҷо равона мекунад

171
(Таҷдидшуда 17:36 18.01.2021)
Амрикоиҳо рушди киштиҳои муосири мушакӣ ва киштиҳои зериобӣ, мушакҳои гипертоникӣ ва силоҳи ҳастаии тактикиро ба таври қатъӣ рад мекунанд

"Deter and Win" - Сардори ситоди баҳрии ИМА адмирал Майкл Гилдай "Нақшаи киштиронӣ" -ро барои даҳсолаи оянда муаррифӣ кард. Чизи асосӣ дар ҳуҷҷат он аст, ки флоти амрикоӣ бояд дар Уқёнуси Ҷаҳон ҳукмфармо бошад.

Ҳадафи назорати ҷаҳонӣ як зиндагии ором ва серғизои амрикоӣ дар хона мебошад. Аммо, дар матн инчунин ба таври возеҳ таҷовузи ошкоро алайҳи дигар кишварҳо нишон дода шудааст. Ҳадафи адмиралҳои Вашингтонро дар мақолаи РИА Новости хонед.

Рақибони ҷаҳонӣ

Муаллифони санад таъкид мекунанд, ки нерӯи баҳрии ИМА бо рақобати дарозмуддат, ки ба амният ва тарзи ҳаёти шаҳрвандони ИМА таҳдид мекунад, машғул аст. Фармондеҳии баҳрӣ як дақиқаро аз даст дода наметавонад: барои нигоҳ доштани таносуби қудрат на танҳо дар даҳсолаи оянда, балки дар тамоми асри 21 фаъолона амал кардан лозим аст.

Рақибон ва "вайронкунандагони" сулҳи ҷаҳонӣ Русия ва Чин мебошанд. Ин кишварҳо, ба гуфтаи адмиралҳои амрикоӣ, озодиро дар баҳр, ки кайҳо ба тамоми ҷаҳон манфиат меорад, халалдор мекунанд.

Маскав ва Пекин кӯшиш доранд, ки дастрасӣ ба манбаъҳои пурарзиши баҳрро, ки берун аз обҳои ҳудудӣ ҳастанд, "ноодилона назорат кунанд", "ҳамсоягони худро тарсонанд", "даъвои худро ба онҳо бо зӯрӣ таҳмил кунанд", "муҳимтарин роҳҳои обиро бо мушакҳои дурбурд нигоҳ доранд."

Амрикоиҳо рушди киштиҳои муосири мушакӣ ва киштиҳои зериобӣ, мушакҳои гипертоникӣ ва силоҳи ҳастаии тактикиро ба таври қатъӣ рад мекунанд. Флоти Русия, ба гуфтаи Пентагон, фаъолияташро дар саросари ҷаҳон тақвият медиҳад ва нерӯҳояшро ба соҳилҳои Иёлоти Муттаҳида наздиктар ва мустақар мекунад. Аз ин рӯ, "Русияро бояд боэътимод назорат кунад."

Амрико аз коҳиши шумори низомиёнаш дар Ироқу Афғонистон эълон кард

Флоти босуръат рушдёбандаи Чин - калонтарин дар ҷаҳон, ба гуфтаи таҳлилгарони амрикоӣ, низ нигаронкунанда аст. Пекин зоҳиран Вашингтон ва ҳампаймонҳои онро зери шубҳа мегузорад ва ба хатари шадидтарин ва дарозмуддат табдил меёбад.

 

Ҳамзамон қайд карда мешавад, ки Иёлоти Муттаҳида як давлати баҳрӣ аст ва ободиву амнияти он аз қобилияти нигоҳ доштани бартарӣ дар баҳр вобаста аст. Барои ин зарур аст, ки нерӯи баҳрии худро "ба ҳар гӯшаи Уқёнуси Ҷаҳонӣ" густариш диҳем.

Амрикоиҳо киштиҳоро идома медиҳанд ва дар ҳама ҷое, ки қонунҳои байналмилалӣ иҷозат додаанд, парвоз мекунанд, инчунин дар минтақаҳои гуногуни ҷаҳон нерӯҳояшонро ҷиҳати мубориза бо "орзуҳои аз ҳад зиёди баҳрӣ" -и рақибон ва безарар кардани қобилияти ҷангии онҳо идома медиҳанд.

Тақвият бахшидани флот

Ҳамин тариқ, киштиҳои зериобии мушаки баллистикии дорои нерӯи ҳастаӣ "Иёлоти Муттаҳидаро аз ҳамлаи ҳастаӣ муҳофизат мекунанд" ва нерӯҳои амалиёти махсус "омодаанд, ки шадидтарин душманро ба таври ногаҳонӣ дастгир кунанд."

Адмиралҳо итминон медиҳанд, ки нерӯҳои баҳрӣ қодиранд нерӯҳояшонро барои дастгирии нерӯҳои заминӣ ба ҳар соҳил фуроранд.

Флот "тамоми воситаҳои зарурӣ барои пешгирии таҷовузро дорад, аз ҷумла силоҳҳои ғайримуқаррарӣ". Аз ҷумла, ин ба иттилоот, технологияҳои кибернетикӣ ва дигар навъҳои силоҳ дахл дорад, ки ба ҳамла аз баҳр, аз зери об ва аз ҳаво имкон медиҳанд.

Иёлоти Муттаҳида дар муқовимати муосир дар баҳр дар солҳои оянда бо зеҳни сунъӣ нақши назаррас хоҳад дошт. Чунин системаҳо, онҳо боварӣ доранд, ки Нерӯи баҳрӣ, самаранокӣ ва бартарии худро дар ҷанг исбот кардаанд, аз ин рӯ, флот бо истифодаи азими онҳо нав карда мешавад.

Платформаҳои бесарнишини оффшорӣ низ "ҳаётан муҳим" мебошанд. Онҳо дар иктишоф, назорат бартарӣ фароҳам меоранд ва қобилияти ҳамлаи флотро афзоиш медиҳанд. То охири даҳсола кормандони Нерӯи баҳрӣ бояд тавонанд бо эътимод ва ҳамоҳанг дар ҳамбастагии зич бо воситаҳои нақлиёти роботӣ кор кунанд.

Фармондеҳии Нерӯи баҳрии ИМА чунин мешуморад, ки барои амалӣ сохтани ҳама нақшаҳо парки ҳавопаймо бояд таҳким ва васеъ карда шавад. Бештар киштиҳои зериобии ҳастаӣ ва киштиҳои рӯизаминӣ бо қобилияти баланди ҳуҷум талаб карда мешаванд.

Гузашта аз ин, киштиҳои нав бояд паймон, масалан, фрегатҳои умедбахши класси "Созвездие" бошанд.

Пентагон низ киштиҳои ҳавопайморо аз ҳисоб намебарорад. Ин то ҳол ифтихори Флоти баҳрӣ ва воситаи асосии намоиши қувва аст. Аҳамияти махсуси нерӯҳои зериобии флот қайд карда мешавад. Афзалият дар ин ҷо киштиҳои зериобии стратегии ҳастаии класси Колумбия ва инчунин Вирҷинияҳои гуногунҷабҳа мебошанд.

Рақам ва лазерҳо

Фармондеҳии Нерӯи баҳрӣ эътироф мекунад, ки танҳо технология кофӣ нест. Кадрҳоро муфассалтар омӯхтан лозим аст, аз ҷумла барои беҳтар фаҳмидани нозукиҳои рафтори душман.

Ҷавоби Амрико ба “Калибр”-и русӣ: “Томагавк”-ҳои нав аз чӣ бархурдоранд

Ба гуфтаи адмиралҳо, "маллоҳон бояд на танҳо таҳдидҳоро мушоҳида кунанд ва ба онҳо зуд вокуниш нишон диҳанд, балки амалҳои ҷониби муқобилро тавассути дониши амиқи вижагиҳои менталитети шаҳрвандони як кишвари мушаххас пешгӯӣ кунанд."

Сенарияҳои "муноқишаҳои оянда" дар машқҳои атрофи кураи замин - аз Шимоли Дур то қисми ғарбии Уқёнуси Ором санҷида мешаванд. Масалан, имсол Нерӯҳои баҳрии ИМА манёврҳои миқёси калони якчанд гурӯҳҳои ҳавопаймо бо амалиётҳои амфибӣ мегузаронанд.

Бори аввал дар он ҷо гурӯҳҳои хурди тактикии тактикӣ ҷойгир карда мешаванд, ки бо истифода аз силоҳҳои нави ҳуҷум ва захираҳои иттилоотӣ истифода мешаванд. Адмирал Гилдей қаблан гуфта буд, ки миқёси ин амалиётҳо "дар таърихи навин бесобиқа" хоҳад буд.

Технологияҳои иттилоотӣ ва рақамӣ дар стратегияи флоти ИМА ҷойгиранд. Ҳоло амалиёти низомӣ бидуни онҳо ғайриимкон аст. "Рақам" ҳама чизро ҳал мекунад, ба шумо имкон медиҳад, ки ҷангҳои баҳрӣ ва хушкиро зуд ва босамар гузаронед.

Нерӯи баҳрӣ чунин мешуморад, ки "рақибони Иёлоти Муттаҳида интизор доранд, ки бо шумораи зиёди мушакҳо мудофиаи флотро рахна мекунанд."

Аз ин рӯ, Пентагон аз системаҳои гуногуни собит ва мобилӣ, радарҳои киштиҳои зериобӣ ва ҳавопаймоҳои баҳрӣ истифода бурда, қобилияти мудофиавии киштиҳо ва ҳавопаймоҳоро баланд мебардорад. Ҳамзамон, дар набардҳои наздик, дар баробари муборизаи маъмулӣ, истифодаи силоҳи энергетикӣ низ ба нақша гирифта шудааст.

171
Пограничники на Таджикско-афганской границе

Коршинос кишварҳоеро ном бурд, ки дар он соли 2021 ҷанг имконпазир аст

1747
(Таҷдидшуда 09:26 09.01.2021)
Коршиноси ҳарбӣ кишварҳоеро номбар кард, ки дар онҷо ҷанг дар соли 2021 имконпазир аст, ки яке аз нуқтаҳои доғ метавонад марзи Тоҷикистону Афғонистон бошад

ДУШАНБЕ, 9 янв – Sputnik. Коршиноси рус дар мусоҳиба бо “MK” як қатор давлатҳоеро номбар кард, ки эҳтимоли даргирии мусаллаҳона дар соли 2021 вуҷуд дорад.

Ба гуфтаи коршиноси ҳарбӣ Алексей Валюжевич, соли ҷорӣ метавонад аз "дастовардҳо" -и соли 2020, ки бо муноқишаҳои гуногуни мусаллаҳона ва мазҳабӣ ва инчунин паҳншавии босуръати коронавирус қайд карда шудааст, зиёдтар бошад.

Ба гуфтаи коршинос, дар соли 2021 мавҷи хушунат танҳо афзоиш хоҳад ёфт ва оқибатҳои онро ҳанӯз наметавон пешгӯӣ кард.

Валюжевич Афғонистонро яке аз минтақаҳои "гарм" номида гуфт, интизор меравад, ки дар соли 2021 аксари нерӯҳои эътилофи ИМА ва НАТО аз ин ҷо хориҷ шаванд.

Вай таъкид кард, ки коҳиши контингенти амрикоӣ ногузир ба афзоиши нуфузи ҷунбиши радикалии Толибон, (фаъолияташ дар қаламрави Русия ва Тоҷикистон кишварҳои дигар манъ карда шудааст), оварда мерасонад.

Владимир Путин аз нақши махсуси Тоҷикистон зикр кард - видео

Ба гуфтаи коршинос, "даври нави муноқишаи абадии Афғонистон" дар инҷо аён аст.

Ин вазъ махсусан барои кишварҳои Осиёи Марказӣ хатарнок аст. Ҷанг мустақиман ба марзҳои Тоҷикистон, Узбакистон ва Туркманистон наздик мешавад.

Вай инчунин ёдовар шуд, ки пойгоҳи низомии 201-и Русия, ки дар Тоҷикистон мустақар аст, тақрибан дар худи марз бо Афғонистон ҷойгир аст.

Ёдовар мешавем, ки Тоҷикистон бо Афғонистон 1300 км марзи муштарак дорад.

Дар вилоятҳои ҳаммарз бо Афғонистон, тез-тез амалҳои террористӣ, задухӯрдҳо байни низомиён ва ҷангиён, аз ҷумла ҳаракати “Толибон” ба қайд гирифта мешуданд.

Дар ҳамин ҳол, коршинос секунҷаи Ҳиндустон - Чин - Покистонро аз назари таниш аввал номид.

Ҷанҷоли деринаи болои қаламравҳои шимолии Ҳимолой, ки се кишвар даъво доштанд, метавонад ба задухӯрдҳои ҷиддӣ оварда расонад.

Раҳмон аз хатару таҳдидҳо ба амнияти кишварҳои узви СААД ҳушдор дод

Дар байни Покистон ва Ҳиндустон барои иёлатҳои Ҷамму ва Кашмири Ҳиндустон, қаламрави Хайбар Пахтунхваи Покистон мубориза бурда мешавад, зеро онҳо гузаргоҳҳои асосии нимҷазираи Ҳиндустон мебошанд.

 

1747
Барчаспҳо:
низоъ, Ҳиндустон, Чин, Афғонистон, Покистон, Тоҷикистон
Премьер-министр РТ Кохир Расулзода

Ҷамъбасти соли 2020 ва супоришҳо барои 2021: маҷлиси Расулзода дар вилояти Хатлон

0
(Таҷдидшуда 11:52 20.01.2021)
Расулзода масъулини вилояти Хатлонро барои таъсиси коргоҳу корхонаҳои истеҳсолӣ, сарфаю сариштакории неруи барқ, самаранок истифода бурдани заминҳои наздиҳавлигию саҳроӣ вазифадор кард

ДУШАНБЕ, 20 янв – Sputnik. Сарвазири ТоҷикистонҚоҳир Расулзода натиҷаҳои рушди иҷтимоию иқтисодии вилояти Хатлон дар соли 2020 - ро ҷамъбаст кард.

Расулзода зимни суханронӣ ҷиҳати тақвият бахшидани тадбирҳои ободонию бунёдкорӣ, таъсиси коргоҳу корхонаҳои истеҳсолӣ, сарфаю сариштакории неруи барқ, самаранок истифода бурдани заминҳои наздиҳавлигию саҳроӣ ва тақвият бахшидани корҳои тарғиботию ташвиқотӣ ба хотири риояи гигиенаи шахсию ҷамъиятӣ масъулинро вазифадор намуд.

Зикр гардид, ки раҳоӣ аз бунбасти коммуникатсионӣ, таъмини амнияти озуқаворӣ, расидан ба истиқлоли комили энергетикӣ ва саноатикунонии босуръати кишвар чор ҳадафи стратегии мамлакатанд, ки дар доираи ин ҳадафҳо ва дигар барномаву стратегияҳо дар вилояти Хатлон пайваста тадбир андешида мешавад.

Сарвазир таъкид карда, ки “Барномаи рушди иҷтимоию иқтисодии вилояти Хатлон барои солҳои 2016-2020” аз нақшаҳое мебошанд, ки ҷиҳати расидан ба ҳадафҳои стратегӣ ва вазифаҳои умумӣ дар доираи афзалияти сатҳи миллӣ, маҳаллӣ ва соҳавӣ бо дарназардошти истифодаи босамари захираҳои табиӣ, моддӣ ва молиявӣ дар давраи муайян қабул карда шуда, татбиқи онҳо ҳатмӣ мебошад.

Барномаи рушди маориф дар Хатлон ҳамагӣ 22% иҷро шуд: нигарониҳои раисиҷумҳур

Бо мақсади рушди соҳаи саноат дар ҳудуди вилоят се минтақаи озоди иқтисодӣ таъсис дода шуда, дар доираи қонунҳои амалкунанда ба соҳибкорону сармоягузорон афзалият дода мешавад.

Ҳамзамон дар доираи тадбирҳои ободонию бунёдкорӣ ба истиқболи ҷашни 30-солагии Истиқлоли давлатӣ ва Солҳои рушди деҳот, сайёҳӣ ва ҳунарҳои мардумӣ дар шаҳру ноҳияҳои вилояти Хатлон бунёди иншооти таъйиноти гуногун ҷараён дошта, рӯз то рӯз инфрасохтори вилоят беҳтар карда мешавад.

Гуфта мешавад, ки ҷиҳати мақсаднок истифода бурдани заминҳои наздиҳавлигию саҳроӣ хоҷагидорону кишоварзони вилоят бо эҳсоси баланди масъулият талош доранд.

Натиҷаи баланди истеҳсолӣ дар мавсими ҳосилғундории солҳои 2020 исботи заҳматҳои ҳамешагии аҳли заҳмати вилоят мебошад. 

Дар заминаи Стратегияи миллии рушди Ҷумҳурии Тоҷикистон барои давраи то соли 2030 низ чораҳои таъхирнопазир амалӣ карда мешаванд.

Расулзода ҳамчунин таъкид намуд, ки истифодаи самараноки захираву имконияти мавҷуда ва таъмин намудани пешрафти устувори иқтисодиву иҷтимоии вилоят, пеш аз ҳама, ба заҳмати содиқона ва азму талоши созанда, инчунин ҳисси ватандӯстиву ватанпарастии ҳар сокини вилоят вобаста мебошад.

0
Барчаспҳо:
натиҷагирӣ, ҷаласа, Қоҳир Расулзода, Хатлон