Директор Центра исследований проблем Центральной Азии и Афганистана Института международных исследований МГИМО МИД России Андрей Казанцев

Коршинос: кумак ба Тоҷикистон ба оромӣ дар Осиёи Марказӣ мусоидат мекунад

681
Андрей Казансев, мудири Маркази Таҳлилии Пажуҳишгоҳи муносибатҳои байналмилалии Маскав, доктори илмҳои сиёсӣ гуфт, чигуна метавон ҳамкориҳои судмандро миёни Тоҷикистон ва Қазоқистон ба роҳ монд

ДУШАНБЕ, 11 апр — Sputnik. Тоҷикистон омодагии худро ҷиҳати таъмин кардани бозори Қазоқистон бо маҳсулоти аввалияи меваву сабзавоти тоҷикӣ дар ҳаҷми зарурӣ, аз ҷумла таъминоти пиёз, иброз дошт.

Ба гуфтаи Казансев, дар ин ҷо сухан дар бораи ҳамкориҳои мутақобилан судманди ду кишвар меравад.

"Қазоқистон нисбат ба дигар давлатҳои Осиёи Марказӣ як кишвари бой аст, зеро дар ин кишвар нафти зиёд аст. Тоҷикистон, дар навбати худ, метавонад маҳсулоти кишоварзиро таъмин кунад",- гуфт ӯ дар мусоҳиба бо Sputnik Тоҷикистон.

Ӯ гуфт, ки дар Тоҷикистон нерӯи барқи обӣ мавҷуд аст, ки метавонад барои Қазоқистон низ муфид бошад.

"Дар Тоҷикистон қувваи кории зиёд мавҷуд аст ва Қазоқистон яке аз воридкунандагони қувваи корӣ аст", - афзуд ӯ.

Ба гуфти коршинос, кӯмак ба Тоҷикистон барои худи Қазоқистон шояд судманд бошад.

" Ин ҷо дар масоили амниятӣ вобастагии муайяне мавҷуд аст. Тоҷикистон дар ҳамсарҳадии як кишваре ба мисли Афғонистон қарор дорад, ки вазъи сиёсии ноором дорад. Аз ин рӯ, кумак ба Тоҷикистон ба оромӣ дар Осиёи Марказӣ, алахусус дар Қазоқистон мусоидат мекунад",-қайд кард коршинос.

Тоҷикистон пиёзу Қазоқистон гандум медиҳад: суҳбати Расулзода бо ҳамтои қазоқаш

Ёдовар мешавем, ахиран Эмомалӣ Раҳмон, раисиҷумҳури Тоҷикистон, зимни суҳбати телефонӣ бо ҳамтои қазоқистонияш, Қосим-Жомарт Тоқаев густариши ҳамкориҳо ва додугирифт дар пасманзари пандемияи коронавирусро баррасӣ кард.

Раисиҷумҳури Тоҷикистон омодагии кишварро барои таъмини бозори Қазоқистон бо маҳсулоти барвақтии меваю сабзавот дар ҳаҷми зарурӣ, ҳамчунин интиқоли пиёз иброз доштаст. Мавзӯи интиқоли пиёзи барвақтӣ аз Тоҷикистон ва воридоти орд аз Қазоқистон аз мавзӯъҳои меҳварии суҳбати сарвазирони тоҷику қазоқ қаблан буд.

 

681
Барчаспҳо:
кумак, Қазоқистон, Тоҷикистон
Селевой поток в Таджикистане

“Харобаҳои Хуросон”: аз вайрона то ободӣ арқоми расмӣ

139
(Таҷдидшуда 12:04 05.06.2020)
Омори расмӣ ривоят аз вусъату паҳнои селу ярчи вайронгар дар ноҳияи Хуросон мекунад, ҳатто барои оне, ки ба он бо дидаи шак мебинад. Аз сӯи дигар, вуқӯъи ин ҳодиса дар айни гирудорҳо бо коронавирус ва моҳи Рамазон корзори дигаре дар майдони кӯмаку хайрия ба вуҷуд омад

ДУШАНБЕ, 4 июл – Sputnik. 14 ба 16 майи соли равон дар пайи боронҳои шадид сатҳи оби рӯди Элок боло рафт ва ба рустоҳои ҷамоати деҳоти Садриддин Айнии ноҳияи Хуросони вилояти Хатлон рехт, ки дар пайи он даҳҳо хона тахриб шуда, садҳо нафар дар кӯча монданд. Кор ба ин ҷо кашид, ки офатзадагон бо нишони эътироз аз адами кӯмак роҳи Душанбе - Бохтарро бастанд. "То кӯмак нарасонанд, роҳро боз намекунем!"- шиор медоданд сокинон.

Офати табиӣ дар Хуросон чанд рӯз мавзӯи баҳсу баррасиҳои матбуоти дохилу хориҷ ва то ҷое сиёсӣ ҳам шуд. Иттилои зиёде дар атрофи он пахш шудаву мақомдорони сатҳҳои мухталиф, шурӯъ аз раиси вилояти Хатлон ва сарвазири Тоҷикистон аз маҳалли ҳодиса дидан карданд.

Аз он ҳодиса беш аз 20 рӯз сипарӣ шуд. Sputnik Тоҷикистон дар ин миён аз мақомоти зидахл - Раёсати беҳдошти замин ва обёрӣ, шуъбаи нақлиёт ва коммуникатсия ва Раёсати Кумитаи ҳолатҳои фавқулодда ва мудофиаи гражданӣ дар вилояти Хатлон хост, ки тасвири он аз арқоми расмиро ироа намоянд. Ин як талоши тасвири офати табиии Хуросон дар арқом аст.

“Ҷанги эълоннашуда”

Фавти одамон: тибқи иттилои вазорати корҳои дохилии Тоҷикистон, Холбой Бекмуродов, мутаваллиди 1965, сокини ҷамоати деҳоти Ҳилолӣ, деҳаи Пахтаобод ва Қумриддин Камолов, мутаваллиди 1956, сокини ҷамоати деҳоти Айнӣ, деҳаи Гулистон.

Харобии манозил: 36 манзили истиқоматӣ пурра - 2 700 ҳазор сомонӣ ва 40 манзил қисман - 1 500 ҳазор сомонӣ тахриб шуда, 184 замини наздиҳавлигӣ таги селоба ва лойқа мондаанд.

Тафсилот: дар деҳаи Неъматулло Асадулло 34 хона пурра, 33 хона қисман, дар деҳаи “Анҷумани 18 – и Ҳизб” 1 хона пурра ва 6 хона қисман, дар деҳаи Хуросон як хона пурра ва як хона қисман тахриб шудаанд.

Тавсияи Саридораи геологияи назди ҳукумати Тоҷикистон: кӯчонидани 67 хоҷагӣ - деҳаи Неъматулло Асадулло – 66 ва деҳаи “Анҷумани 18 – и Ҳизб” - 1 хоҷагӣ аз сабаби хатари фаромадани ярч ба ҷойҳои бехавф.

Чорвои мардум: 112 сар - 114 ҳазор сомонӣ (аз ҷумла 100 сар чорвои шохдори майда - 72 ва 12 сар чорвои калони шохдор - 42 ҳазор сомонӣ).

Сокинони офатзадаи Хуросон бо эътироз роҳи Душанбе-Бохтарро бастанд: ба мо кумак кунед

Зерсохторҳо: 7,7 км хатҳои обёрӣ ва каналҳо - 193, 0 ҳазор сомонӣ, ҷӯйбори бузурги ПК+659 - 350 метр - 118,7 ҳазор сомонӣ; 7,6 км хатҳои интиқоли барқ - 219,5 ҳазор сомонӣ; роҳ - дар км 21 – 22 аз 350 метр роҳ (деҳаҳои Пахтаобод ва Гулистони ҷамоати деҳоти Ҳилолӣ) - 250 метр пурра аз байн рафта, канори роҳи дохилии баромади деҳаи Гулистон ба роҳи байнулмилалии Душанбе – Бохтар дар се мавзеъ фурӯ рафтааст. Хисорот - 326, 5 ҳазор сомонӣ.

Кишоварзӣ: 53,72 гектар (га) хоҷагиҳои деҳқонӣ, 11,36 га замин хоҷагии ёрирасон, 2,5 га замини ғайрикишоварзӣ, 8, 42 га замини наздиҳавлигӣ, аз он ҷумла 28 га пахта - 58, 6, 5 га картошка - 53,4, 3 га пиёз - 18, 2, 31 га гандум - 71,6, 1 га помидор - 1,6, 1 га бодиринг - 1,6, 0,5 га каду - 0,9 ҳазор сомонӣ.

Бозгашт ба зиндагӣ

Ситоди бартарафкунии офати табиӣ (кумитаҳои ҳолатҳои фавқулодда, идораи замин ва геодезӣ, меъморӣ ва сохтмон, Агентии беҳдошти замин ва обёрӣ, вазоратҳои нақлиёт ва кишоварзӣ) аз ҳисоби захираҳои инсонӣ ва фании вилоят, ноҳия ва Кумитаи ҳолатҳои фавқулодда 3091 коргару хизматчӣ, афсару сарбоз ва техникаву нақлиёти махсусро барои рафъи паёмадҳои офати табиӣ эъзом кард.

Аз 75 хайма як хаймашаҳрак ташкил шуд. 186 хона пурра ва 4020 метр роҳи байни кӯчаҳо то 29 май аз лою селоба тоза карда шуд.

Идораи беҳдошти замин 220 метри канали Хоҷақалъаро аз лой тоза карда, ба пикети № 659 30 қубур дар ҳаҷми 270 метр аз Лойқасой гузаронда, дар мавзеи ҷойгиркунӣ 40 метр чуқурӣ кофт ва 20 қубур ба масофаи 180 метр хобонд. Дар болои деҳаи Хуросони ҷамоати деҳоти Айнӣ ба масофаи 80 метр селроҳа тоза карда шуд.

Соҳибкорони маҳалл бо ду экскватор ва 4 мошини боркаши КамАз 1383 метри кубӣ лойи каналу заҳбури ҳудуди деҳаи Неъматулло Асадуллоро тоза карда, 93 мошини КамАз лой бароварданд.

Масъулин ва сокинони маҳаллаҳои ҷамоати деҳоти Айнӣ 23 хона, дар умум 650 метр деворро рангубор ё сафед карданд. Ҷӯйборҳо тоза, дарахтон низ сафед карда шуданд.

Мехост селро навор гирад, аммо ба қаъри он афтод: ҳалокати марди солхурда дар Хуросон

Маркази таъмини бехатарии озуқаворӣ бо ҷалби 9 нафар дар чор рӯз ҷисми мурдаи 21 моли майда, 3 чорвои калони шохдор ва 7 сагро безарар карда, гӯронд.

Шабакаҳои барқи ноҳия дар 36 хонаи осебдидаи деҳаи Неъматулло Асадулло ноқилҳои садамавиро ҷудо ва як трансформатори 400/10 кВт – ро иваз кард. Дар мактаби №58 се прожектори 300-вата барои равшании анбори масолеҳи сохтмонӣ насб шуд.

Шуъбаи кишоварзӣ бо коркарди 31 гектар киштзорҳои бештар осебдидаи зироатҳо машғул буда, дар 15 гектар замин бо ҷалби хоҷагидорон ва қувваи кории иловагӣ корҳои агротехникӣ гузаронд ва 5 гектар киштзори пахтаро аз чобуқ баровард.

Маркази назорати санитарию эпидемиологӣ ду бор шифохонаи минтақавии №5 ва чор бор кӯчаҳои гирду атрофаш, бозору деҳаи Хуросон, 65 манзили деҳаи Неъматулло Асадулло, 40 хонаи зарардидаи дигар деҳаҳо, ҳамарӯза хаймашаҳракро зиддиуфунӣ карда, ба 58 оилаи “Анҷумани 18 – и Ҳизб” ниқоб тақсим намуд (кумитаи ҳолатҳои фавқулоддаи вилоят хаймашаҳракро ҳар рӯз ду бор зиддиуфунӣ мекунад).

Шуъбаи дезинфексия то ба имрӯз 150 иншооти истиқоматию ёрирасони шаҳрвандон ва 6 кӯчаро дар масоҳати 9050 метри мураббаъ дезинфексия карда, бинои хобгоҳ ва беморхонаи минтақаии №5, инчунин 20 хонаи истиқоматӣ дар масоҳати 1340 метри мураббаъро бо маҳлули 1 фоизаи гипохлориди калтсий зиддиуфунӣ кард.

Кумитаи идораи замини вилоят ва ноҳия интихобу лоиҳакашӣ ва омодакунии парвандаи заминсозиро анҷом дода, ба 67 хоҷагии деҳаҳои Неъматулло Асадулло ва “Анҷумани 18 – и Ҳизб” бо тариқи қуръакашӣ рӯи иди Рамазон дар деҳаи Чорбоғи ҷамоати деҳоти Айнӣ қитъаҳои замини наздиҳавлигӣ ҷудо ва хаймаи ҳар як хоҷагии зарардидаро дар заминҳои нав насб кард.

Комиссияи ҳолатҳои фавқулодда 29 май ба сокинони осебдидаи деҳаҳои Неъматулло Асадулло, Хуросон ва “Анҷумани 18 – и Ҳизб” – и ҷамоати деҳоти Айнӣ, ки хонаҳои истиқоматиашон пурра ва қисман хароб шудаанд, масолеҳи сохтмонӣ тақсим намуд.

“Борони раҳмат”

КӮМАКҲОИ ДАВЛАТӢ: ҳукумати Тоҷикистон - 13 тон орд, 16 тон картошка, 16 тон пиёз, 16 тон сабзӣ, 9 тон биринҷ, 4 тон макарон, 4 тон равған, 3 тон гречка, 3 тон перловка; масолеҳи сохтмонӣ: 370 тон семент, 370 матри кубӣ тахта, 3700 дона шифер ва 74 тон арматура.

КҲФ ва мудофиаи граждании назди ҳукумати Тоҷикистон: 15 ҳазор литр сӯзишвории дизелӣ, 300 қуттии гигиенӣ, 300 зарфи 10 – литраи оби нӯшокӣ, 10 қуттӣ доруворӣ барои безараргардонии оби нӯшокӣ ва 15 тон орд.

Ҳукумати вилояти Хатлон: маводи сӯзишворӣ - 2 ҳазор литр. Маводи хӯрока: 15 тон орд, 4,5 тон картошка, 6,6 тон пиёз, 12 тон сабзӣ, 7,5 тон биринҷ, 1,5 тон равған, 1,8 тон макарон, 2 ҳазор дона ниқоб, 10 маҷмӯи либос ва 10 айнаки муҳофизатӣ, 2 ҳароратсанҷ, 50 бахил, 100 маҷмуъ дастпӯшак, 10 калапӯш, 480 маҳлули антисептикӣ.

Кумитаи идораи замини вилоят: дар деҳаи Неъматулло Асадулло хӯроки гарм ташкил кард. Раёсати Кумитаи таъмини бехатарии озуқаворӣ дар вилояти Хатлон: маводи хӯрока – 500 кг гӯшти гов ба маблағи 24 500 сомонӣ. Муассисаи кӯмаки аввалияи тиббию санитарӣ: воситаҳои ҳифзи фардӣ – 4200 дона ниқоб, маводи безараргардонӣ – 200 дона маҳлули антисептикӣ ва 82 кг гипохлориди калтсий.

Хоҷагии зотпарварии “Саодат” – и ноҳияи Хуросон: 150 кг гӯшт. Хоҷагии зотпарварии ба номи С. Шерназаров: 5200 сомонӣ барои тоза кардани 600 метр заҳбури назди беморхонаи минтақавии №5; хӯроки гарм барои зарардидагон дар деҳаи Ҳалқаҷар - 1500 сомонӣ; хӯроки гарм ба беморон ва кормандони беморхонаи №5 - 3 ҳазор сомонӣ.

ТОҶИРОН: соҳибкор аз Душанбе - либосҳои гуногун ба маблағи 6 ҳазор сомонӣ, 840 сомонӣ пули нақд ва ташкили ду намуд хӯроки гарм дар маҳалли ҳодиса; соҳибкор Фаридун - 100 кг гӯшт, 50 кг шакар, 500 кг орд ва 100 литр равған. Як гурӯҳ соҳибкорони шаҳри Душанбе: либосворӣ ба маблағи 7 ҳазор сомонӣ, 40 маҷмӯаи кӯрпаю кӯрпача, 10 кг картошка ва 15 ҳазору 800 сомонӣ пули нақд.

Бозори “Ориён” – и ноҳияи Абдураҳмони Ҷомӣ: 500 дона нон. Соҳибкорзане аз ноҳияи Ҷалолиддини Румӣ: 80 дона нон, 40 кг шакар ва 40 намуд либоси занона; Холов Ҳусейн, сокини ноҳияи Кӯшониён: Маводи хӯрока – 2 тон орд ва 200 литр равған. ҶДММ “Мурғи Хуросон”: 900 дона тухм.

МАСҶИДҲО: масҷиди Сариосиёи шаҳри Душанбе - 40 дона қолин, 80 кӯрпаю кӯрпача, 380 кг орд, 114 литр равған, 190 кг қанд. Ходимони динии ноҳия: ба 50 нафар наҷотдиҳанда ва сарбози КҲФ ду рӯз хӯроки субҳона - 350 сомонӣ.

ҚҲФ зарари селу боронҳои шадиди рӯзи гузаштаро гуфт: як қурбонӣ доштааст

СОЗМОНҲО: Ҳилоли Аҳмари Тоҷикистон - 1300 – донаӣ кӯрпа, болишт, нармпӯш (одеяло), рӯйпӯш (простин); 260 қуттигӣ маводи гигиенӣ, маводи ошхона, болопӯш барои фарши хайма; 520 – донаӣ бел, каланд, сатил.

 

139
Барчаспҳо:
КҲФ Тоҷикистон, омор, Ҳукумат, замин, офати табиӣ, зарардидаҳо, аҳолӣ, кумак, сел, Хуросон, Тоҷикистон
Шаҳраки хитоӣ дар Хуҷанд: дар баҳорон ҳам “ях” аст

Шаҳраки хитоӣ дар Хуҷанд: дар баҳорон ҳам “ях” аст

601
(Таҷдидшуда 17:32 30.05.2020)
Панҷ сол аст, ки лоиҳаи сохтмони шаҳраки чинӣ дар Хуҷанд “ях” бастааст. Якуним ҳазор метри мураббаъ замине, ки бояд дар он шаҳраки нав бунёд мешуд, тули ин солҳо шабеҳи як партовгоҳе аст, ки бӯи бади он, ҳавои атрофро олуда мекунад

ДУШАНБЕ, 30 май – Sputnik. Сокинони хиёбони ба номи Раҳмон Набиеви шаҳри Хуҷанд мегуянд, ба ин умед буданд, ки мақомот бо ваъдаи тахриби манзилҳояшон, бо бунёди биноҳои наву замонавӣ дар ободии ин маҳалла ҷаҳд мекунанд. Аммо бо гузашти панҷ сол, маълум мешавад, ки ҳеҷ чиз дар ин маҳалла тағйир наёфта, балки аз пештара дида, ҳоло онҳо ба як вазъи душвори экологӣ ру ба ру қарор гирифтаанд.

Муборак Мирахмедова, аз шумори сокинони маҳаллаи бо номи Раҳмон Набиев мегуяд онҳое, ки манзилҳояшонро хароб карда, замини онро бо умеди соҳиб шудан ба хонаҳои ошёнадори шаҳраки нав дар ихтиёри масъулини ҳукумат қарор доданд, панҷ сол аст, ки дар шароити ҳуҷраҳои иҷоравӣ зиндагӣ мекунанд.

Сохтмони нотамоми Чайна тавн дар Хуҷанд
© Sputnik /
Сохтмони нотамоми "Чайна тавн" дар Хуҷанд

Якуним ҳазор метри мураббаъ замини аз ҳисоби тахриби манзили 32 хонавода мавҷуд буда, зимнан амсоли як “партовгоҳ” и боз аст. Ҳар кас ҳар вақте, ки хост партоваҳоро ба ин макон мепартояд ва бӯи ғализи он ҳамаҷойро олуда мекунад.

Тарҳе, ки солҳо боз ҳукумат бунёд карда наметавонад

Соли 2015 ҳукумати шаҳри Хуҷанд, он замон зери роҳбарии Раҷаббой Аҳмадзода, (ҳоло раиси вилояти Суғд) ба 32 хонавода, сокинони хиёбони Раҳмон Набиев, воқеъ дар канори чапи руди Сир пешниҳод кард, ки замини иморатҳояшонро барои сохтмони шаҳраки нав ё ба истилоҳ “China tawn” ҳамвор кунанд. Бар ивази ин кор ба сокинон аз биноҳои навбунёди ин шаҳрак хонаҳои нави истиқоматӣ дода мешавад.

Қарори вобаста намудани 1, 5 ҳазор метр қитъаи замини аз ҳисоби манзили сокинон ба вуҷуд омда бо қарори раиси он вақтаи Хуҷанд, Раҷаббой Аҳмадзода ба ширкати ширкати мутаалиқ ба шаҳрвандони Чин “Ҳусноро 1” вобаста карда шуд.

Лоиҳаи шаҳраки хитоӣ ва ё “Чайна тавн”, дар ин мавзеъи Хуҷанд иборат аз 7 комплекс биноҳои 12, 14, ва 16, ошёна ва сохтмони мактабу дигар иншооти иҷтимоиро дар назар дошт, ки дар маҷмӯъ, барои 1200 оила пешбинӣ мешуд.

Он замон гуфта мешуд, ки баъди ду сол қисмате аз корҳои сохтмониро “Ҳусноро 1” ба анҷом расонида, ибтидо ба сокинон, ки манзиҳояшонро хароб кардаанд, калиди ҳуҷраҳоро тақдим мекунад. То тақдими ҳуҷраҳои нав, яъне зарфи ду сол тибқи шартнома, масъулияти пардохти иҷорапулии сокинон ҳам бар души ин ширкат вогузор шуда буд.

Аммо бо ин панҷ сол сипарӣ мешавад, ки ин гурӯҳи сокинони Хуҷанд бехона монда ва дар шароити танги ҳуҷраҳои иҷоравӣ зиндагӣ мекунанд.

Як нафар аз шумори ин гурӯҳи сокинон дар суҳбат ба Sputnik Тоҷикистон гуфт, бо даъвати ҳукумат, ночор дар қатори 31 хонавода манзили иборат аз ду ошёнаии худро, ки аз 9 хона иборат буд, вайрон кард, аммо инак панҷ сол мешавад, ки ҳамроҳ бо узви 11 нафари оилааш дар шароити танги ҳуҷраҳои иҷора зиндагӣ мекунанд.

“Панҷ сол мешавад, ки мо дар шароити ҳуҷраҳои иҷоравӣ бо азоб зиндагӣ мекунем. Дар як хонаи се ҳуҷрагӣ мо 11 нафар зиндагӣ мекунем. Ду соли пеш туйи хонадоршавии духтарамро ночор дар шароити танги иҷора барпо кардем. Ин барои ман хеле ташвишовар буд”, - таъкид намуд, ҳамсуҳбати мо.

Сокинони дигар ҳам, ки бо ваъдаи ҳукумат бовар карда замини иморатҳояшонро барои сохтмони шаҳраки қарор доданд, аз шароити танготанги ҳуҷраҳои иҷоравӣ то ҳол нигаронӣ мекунанд.

Ширкати сохтмонии “Ҳусноро 1 ”, ки моликони аслияш шаҳрвандони кишвари Чин мебошанд, соли 2015 дар шаҳри Гулистони вилояти Суғд сабти ном шудаааст. Бар пояи иттилои расмӣ ин ширкат дар моҳи ноябри соли 2018 барҳам хурда ва ҳама муассисонаш, ки ба гуфтаи мақомот шаҳрвандони Чин, ба кишвари худ баргаштаанд.

Мавзӯъи таъхир дар сохтмони “шаҳраки хитоӣ” дар Хуҷанд дар поёни соли 2017 замоне расонаӣ шуд, ки мӯҳлати ваъдаҳои масъулини ҳукумату ин ширкати сохтмонӣ ба поён расиданд, аммо тавре дида мешавад кор дар ин самт ҳанӯз оғоз нагардид. Шартномае, ки мувофиқи ваъдаи ҳукумат миёни сокинон ва “Ҳусноро 1” баста шуду он бояд то ин замон амалӣ карда мешуд, ба иҷро нарасид.

Соли 2017 бо фармони раисиҷумҳур ба ҷои Раҷаббой Аҳмадзода, Маъруф Муҳаммадзода, раиси шаҳри Хуҷанд таъин гардид. Раҷаббой Аҳмадзода, аввал раиси Кумитаи давлатии идораи замин ва геодезии Ҷумҳурии Тоҷикистон ва баъдан дар моҳи марти соли 2018, раиси вилояти Суғд таъин карда шуд.

Муроҷиати сокинони Гулистон ба Аҳмадзода барои кашидани хатти барқ ба маҳаллаҳои навбунёд

Ба ин тартиб мавзӯъи “яхбанди” и шаҳри чинӣ дар Хуҷанд ҳамеша дар нишастҳои матбуотӣ раиси навтаъин Маъруф Муҳаммадзодаро манзур медошт.

Рӯзи 18-уми майи соли 2018 ҳукумати Хуҷанд аз маҳалли гуфтугузори Муҳаммадзода бо сокинони хиёбони Раҳмон Набиев бо нашри чанд акс дар саҳфаи шабакаҳои иҷтимоӣ аз оғози корҳои ҳамворкунии замин аз ҷониби сохтмончиҳои ширкати "Ҳусноро-1” хабар дода буд, вале бо гузашти инак се сол собит мешавад, ки қарор ва тарҳи бунёди шаҳраки нав дар Хуҷанд муаллақ боқӣ мондааст.

Муҳаммадзода қарори Аҳмадзодаро бекор кард, аммо чаро ҳеҷ чиз тағйир наёфт?
Ахиран рӯзи 23 уми июли соли 2019, Маъруф Муҳаммадзода, раиси шаҳри Хуҷанд дар нишасти матбуотӣ дар посух ба саволи рӯзноманигорон аз гашти нав дар сохтмони “шаҳраки чинӣ” хабар дод.

“Он қарори раиси шаҳри Хуҷанд (Раҷаббой Аҳмадзода) оиди ҷудо кардани замин 1, 5 ҳазор метр қитъаи замин ба ширкати “Ҳусноро-1” бекор карда шуд. Чун, ки то қарори пешинаро мо бекор накунем, иҷозаи сохтмон карданро дода наметавонем. Заминаи қарори нави раиси шаҳр барои ҷудо намудани замин, барои бунёди бинои истиқоматии дувоздаҳошёна ба Идораи сохтмони асосии шаҳр таҳия шуда ва рӯзҳои наздик он ба имзо мерасад”, гуфта буд, Муҳаммадзода раиси Хуҷанд.

Бино ба ин таъкиди Муҳаммадзода, аз соли 2019 масъулияти сохтмони бинои истиқоматӣ ба зиммаи ҳукумат вогузор шуда ва баъди бекор шудани 1, 5 ҳазор метр қитъаи замин аз мувозинати “Ҳусноро-1” масъулияти пардохти хонаи иҷроравии сокинон ҳам ба зимаи ҳукумат вогузор шуд.

Ҳукумати шаҳри Хуҷанд пештар сабаби ба иҷро нарасидани сохтмони шаҳраки навро аз кашолкориҳои ҳампаймони қаблии худ, яъне “Ҳусноро-1” шарҳ медод. Вале, ин ки ҳоло худи ҳукумат масъулияти сохтмони ин тарҳро бар уҳда дорад, дақиқ гуфта наметавонад, ки чаро ду сол ба ин тараф кор дар ин самт шах шудааст?

Сохтмони нотамом дар Хуҷанд, ки барои Чайна тавн ҷудо кардаанд
© Sputnik /
Сохтмони нотамом дар Хуҷанд, ки барои "Чайна тавн" ҷудо кардаанд

Толиб Каримов, коршиносони масоили сохтмон дар Тоҷикистон мегуяд, саривақт иҷро нашудани ин тарҳ, ҳуқуқи сокинонеро, ки манзилҳои бутуни худро вайрон карда, замини онро дар ихтиёри мақомот супоридаанд, нағз мегардад.

Аҳмадзода ба ваъдааш вафо кард: 500 каси дигар соҳиби замин шуданд

”Аз рӯи қонунгузорӣ бояд пеш аз он, ки як нафарро аз хонааш беҷо кунанд, яъне, замини хонаи вай ба мақомоти марбутаи давлатӣ лозим бошад, бояд ӯро бо ҷои зисти мутобиқ таъмин кунанд. Аммо дар мисоли сокинони хиёбони Раҳмон Набиев ин муқаррарот риоят нашудааст ва ҳанӯз ҳуҷҷатҳои шаҳраки нав омода нашуда, ҳавлии мардумро вайрон карда ва онҳоро бо ваъдаи то ду соли бозгашт ба хонаҳои нав, дар шароити ҳуҷраҳои иҷроавӣ ҷойгир карданд”, зикр мекунад, коршинос.

Бо гузашти панҷ сол аз таҳияи лоиҳаи шаҳри замонавӣ бо номи “Чайна тавн”, ҳоло дар ин макон танҳо “партовгоҳ”еро дидан мумкин аст, ки чор тарафаш боз буда, ба гуфтаи сокинон, роҳ ба сӯи партобпартоии баъзеҳо ҳамвор шудааст. Аммо бо ин вазъ метавон интизор буд, ки ин “партовгоҳ”, рӯзе ба як шаҳраки замонавӣ табдил дода мешавад, оё не?

Ваъдаҳои хушку интизории чорсола: чаро “China Town” дар Хуҷанд сохта нашуд?

Агар, ҳа пас онҳое, ки хонаҳояшонро ба хотири бунёди шаҳрак вайрон кардаанд, кай аз шароити манзилҳои иҷоравӣ ба хонаҳои худ баргардонида мешаванд?

601
Учения МЧС РФ в Ростове-на-Дону

Мубориза бо КОВИД-19: дар Бӯстон маҳлули хлор тақсим мекунанд

0
Дар ҳудуди шаҳр, кӯчаву хиёбонҳо, ҷойҳои ҷамъиятӣ, бозору марказҳои хизматрасонӣ, коргоҳу муассисаҳо ва манзилҳои аҳолӣ ҳамарӯза ҷиҳати безараргардонӣ тадбирҳо амалӣ гардида истодаанд.

ДУШАНБЕ, 5 июн — Sputnik. Дар шаҳри Бӯстони вилояти Суғд дар баробари ба роҳ мондани корҳои безараргардонӣ дар ҳудуди шаҳр тариқи нақлиёти махсуси хизматӣ ва дастгоҳҳои безараргардонӣ, инчунин Маркази назорати санитарию эпидемиологӣ ба аҳолӣ маҳлули хлорро ройгон дастрас менамояд.

Дар ин бора шаҳрдории Бӯстон гузориш медиҳад.

Дар ҳудуди шаҳр, кӯчаву хиёбонҳо, ҷойҳои ҷамъиятӣ, бозору марказҳои хизматрасонӣ, коргоҳу муассисаҳо ва манзилҳои аҳолӣ ҳамарӯза ҷиҳати безараргардонӣ тадбирҳо амалӣ гардида истодаанд.

Бино бар иттилои манбаъ, шурӯъ аз охирҳои моҳи апрели соли 2020,  ба зиёда аз 780 нафар сокинони шаҳри Бӯстон, ки хоҳиши шахсан дар манзилҳояшон гузаронидани корҳои безараргардонӣ доранд ва ё тариқи пешниҳоди раисони маҳаллаҳо беш  аз 11 тоннаву 700 литр маҳлули хлор дастрас карда шуд.

Тибқи иттилои директори Маркази назорати санитарию эпидемиологии шаҳри Бӯстон Зайнулло Тешаев, дар Марказ захираи кофии маҳлулҳои безараргардонӣ мавҷуд аст.

Сокинон бемамониат имкон доранд ройгон маҳлули хлор дастрас намоянд.

Ҷаҳиши нархи хлору ниқоб дар Суғд

 

0