Абдугаффор Юсуфов сотрудник комитет по делам религии

Масъули Кумитаи дин: "Агар масҷидҳо баста шуданд, ҳангома насозед!”

2558
(Таҷдидшуда 18:27 16.04.2020)
Масъули Кумитаи дин, танзими анъана ва ҷашну маросими Тоҷикистон баста шудани масҷидҳо ба хотири ҷилавгирӣ аз маризии “вируси тоҷдор” – ро ба нафъи мусалмон ҳисобида, аз мардум хостааст аз ин тасмим ҳангома насозанд

 ДУШАНБЕ, 16 апр - Sputnik. Абдуғаффор Юсуфов, сардори шӯъбаи равобити байналмилалӣ ва ташкили ҳаҷи Кумита ба Sputnik Тоҷикистон гуфт, имрӯз ҳатто масоҷиди мӯътабартарини олами ислом, назири Масҷид ул-ҳаром, Масҷиди Набавӣ, Масҷиди Ақсо баста шуда, ҳатто тавофи Каъба номумкин шудааст.

“Муфтиҳои Миср, Арабистони Саудӣ, Туркия, Тотористон ва кишвари ҳамсояи мо Ӯзбекистон фатво доданд, ки дар моҳи мубораки Рамазон мардум бояд дар хонаҳояшон ибодат кунанд, хондани намози таровеҳ дар масҷидҳо ва ҳам баргузор намудани ифторҳо дар замони шуюъи “вируси тоҷдор” хатар ба ҷони инсонҳост”, - гуфт Абдуғаффор Юсуфов.

Муфтии Ӯзбекистон ба мардум гуфтааст, ки ин тасмими муштараки шӯроҳои уламои исломии Қазоқистон, Қирғизистон ва Ӯзбекистон мебошад ва бояд мусулмонон ба он итоат намуда, худу хонаводаҳояшонро аз ин вируси марговар эҳтиёт намоянд, афзуд ӯ.

Изҳориназари масъули Кумитаи дин, танзими анъана ва ҷашну маросими назди Тоҷикистон дар ҳолест, ки рӯзи ҷумъаи гузашта Шӯрои уламои Тоҷикистон як матнеро ба имомхатибон ирсол намуда, тавсия дод, то дар хонаҳои худ намоз гузоранд, аммо ин кумита гуфт, дари масоҷид баста нахоҳанд шуд.

Ҷолиб ин таъкиди имомхатибон ба намозгузорон буд, ки дар амри маъруфи худ гуфтанд, масҷид аз ҷиҳати сирояти “вируси тоҷдор” ҷои аз ҳама осебпазиртарин мебошад ва панҷ маротиба пеш аз намоз ва баъд аз он пурра дезинфексия кардани бинои масҷид, таҳоратхона ва гирду атрофи он, инчунин назорати пӯшидани ниқоб мушкил ва ғайримумкин аст.

Масҷидҳои ҷомеъ ва панҷвақта дар Тоҷикистон ҳанӯз 4 март баста шуданд, замоне, ки дар кишварҳои ҳамсоя, назири Ӯзбекистон, Қирғизистон ва Қазоқистон боз буданд. Вазорати тандурустии кишвар вазъи беҳдоштии масҷидҳоро ғайриқаноатбахш арзёбӣ карда, зарурати зиддиуфунӣ кардани онҳоро маслиҳат дида буд.

19 март Кумитаи дини Тоҷикистон эълон кард, ки корҳои профилактикӣ ва зиддиуфунӣ кардани масоҷид анҷом шуда, шурӯъ аз рӯзи ҷумъаи 20 март намозгузорон метавонанд барои адои намозҳои ҷамоат ба масҷидҳо раванд. Ин замоне буд, ки давлатҳои ҳамсояи Тоҷикистон - Чин, Афғонистон, Ӯзбекистон ва Қирғизистон дари масҷидҳоро баста буданд.

Ҳам дар мавриди бастан ва ҳам боз кардани масоҷид иддае дар шабакаҳои иҷтимоӣ ва расонаҳо мақомоти Тоҷикистонро мавриди интиқод қарор дода буданд, ки дар як замони номусоид дари онҳоро баста ва дар як шароити ногувор боз кардаанд. Абдуғаффор Юсуфов бо ишора ба ин мавзуъ гуфт, баста шудани масоҷид набояд мавриди сӯистифодаи афроду гурӯҳҳои ҳангомаҷӯ шавад ва яке барои худ обрӯ созаду дигарӣ манбаи даромад ҷӯяд.

Бигӯ, дӯстат дорам! Муфтӣ Абдулқодирзода дар бораи хиёнати занони муҳоҷирин

“Ҳамд ва сипоси беҳад Парвардигори оламиёнро, ки имрӯзҳо бори дигар раҳмати бемунтаҳои хешро нисори мардуми мо кардааст ва хушбахтона, миёни давлатҳои ИДМ то имрӯз танҳо дар Тоҷикистон ва Туркманистон ягон ҳолати сирояти коронавирус ба қайд гирифта нашудааст. Мо бояд аз ин ҷиҳат ҳамеша шукргузор бошем, аммо набояд фаромӯш кард, ки дар ин замони ҳассос як беаҳамиятӣ ё бемасъулиятӣ метавонад ҷони ҳазорон шаҳрванди моро низ ба хатар андозад”, - гуфт сардори шӯъбаи равобити байналмилалӣ ва ташкили ҳаҷи Кумитаи дин.

Ҳам Шӯрои уламо ва ҳам ин масъули Кумитаи дин бар зарурати хондани намоз дар хона таъкид мекунанд, аммо равшан намегӯянд, ки оё масоҷиди Тоҷикистон дигарбора баста хоҳанд шуд? Абдуғаффор Юсуфов дар посух ба ин суол гуфт, дар чунин вазъияти ҳасос ҳар тасмиме метавонад аз сӯи ниҳодҳои зидахл, аз ҷумла Шӯрои уламои исломӣ, гирифта шавад, аммо муҳим ин аст, ки мардум омодаи пазириши бидуни воҳимаву изтироби он бошанд.

Омори нави коронавирус: беш аз ним миллион кас шифо ёфтанд

Ҳафтаи оянда дар Тоҷикистон моҳи Рамазон шурӯъ мешавад ва аз пеш омадани вазъу тасмими мақомот дар баробари он вобаста хоҳад буд, ки намозгузорони кишвар намозҳои ҷомеъ, таровиҳу ифтори худро барпо хоҳанд кард ё хайр.

2558
Мавзуҳо:
Пайомадҳои COVID-19 дар Тоҷикистон ва ҷаҳон (500)
Шариф Рахимзода. Архивное фото

Фармони президентро буҷа мебардорад? Шарҳи Шариф Раҳимзода

1632
Иқтисодшиноси маъруф имкониятҳои молиявӣ барои иҷрои фармони зиддибуҳронии президенти Тоҷикистонро шарҳ дод

ДУШАНБЕ, 5 июн – Sputnik. Шариф Раҳимзода, директори Институти иқтисодиёт ва демографияи Академияи миллии илмҳо, дар гузашта раиси Бонки миллӣ ва вазири рушди иқтисоду савдои Тоҷикистон ба Sputnik Тоҷикистон гуфт, фармони президент Эмомалӣ Раҳмон дар бораи пешгирии таъсири бемории сироятии СOVID-19 ба соҳаҳои иҷтимоию иқтисодии Тоҷикистон агарчи пурра дар тавони буҷа буда наметавонад, манобеъи дигари молиявие вуҷуд доранд, ки онро пӯшанд.

“Иттилои дақиқи иҷроиши буҷа то нимаҳои моҳ маълум мешавад, аммо метавон ҳадс зад, ки кор накардани манобеъи даромад, бахусус соҳибкории хурду миёна, таъсири ҷиддӣ хоҳад дошт. Аммо вақте ҳукумат тасмим мегирад, ҳатман ҳисобу китоби худро дорад. Аз ҷумла мо дар Бонки миллӣ захираҳои асъорӣ ва пасандозҳои муайян дорем. Кӯмакҳои ниҳодҳои молиявии байнулмилалӣ низ ихтисос ёфтаанд, ки эълон хоҳанд шуд”, - гуфт Шариф Раҳимзода.

Фармони ахири президенти Тоҷикистон дар баробари табобати ройгони маризони СOVID-19, кӯмаки яквақта ба гурӯҳҳои осебпазири аҳолӣ (400 сомонӣ) ва иловапулӣ ба кормандони соҳаи тиби машғул бо ташхис ва табобати маризони СOVID-19, аз 1 апрел то 1 сентябри соли 2020 иншоотҳои соҳаи сайёҳӣ, меҳмонхонаҳо, ташкилотҳои хӯроки умумӣ, марказҳои саломатию варзишӣ, осоишгоҳҳо, ҳамлу нақли мусофиркашонии байналмилалӣ ва аэронавигатсияро аз пардохтҳои андозӣ таътил мекунад.

Бино ба ин фармон, се моҳ – аз 1 май то 1 августи соли равон субъектҳои соҳибкории хурду миёна, ки бо сабаби паҳншавии бемории сироятии СOVID-19 пурра аз фаъолият бозмондаанд, аз пардохти маблағи иҷораи моликияти давлатӣ ва соҳибкорони инфиродие, ки тибқи патент дар бозорҳо, марказҳои савдо ва нуқтаҳои хизматрасонии маишӣ, аз ҷумла сартарошхонаҳо, кошонаҳои ҳусн, ателеҳои мӯд ва дӯзандагӣ фаъолият менамоянд, аз ҳисоб ва пардохти андозҳо озод мешаванд.

Ин фармон дигар суҳулатҳоеро низ пешниҳод мекунад, ки бояд аз сӯи ҳукумат ҷуброн шавад. Харҷи ин имтиёзҳо ва барномаи зиддибуҳронӣ чӣ қадар хоҳад буд, дақиқ нест.

Соҳибкории хурду миёна, тибқи иттилои расмӣ, 70% ММД ва 67% аҳолии кишварро машғул медорад ва андози он 78% буҷаи миллиро таъмин мекунад.

Тибқи иттилои Кумитаи андози Тоҷикистон, соли гузашта нақшаи андоз (11 миллиарду 120 миллион сомонӣ) 96,1% 450 миллион сомонӣ кам иҷро шуд. Ин ҳам аз ҳисоби андозсупорандагони калон буд, ки нақшаро 67% иҷро карданд.

Тибқи иттилои Бонки миллии Тоҷикистон, захираҳои арзиву тиллоии Бонки миллии Тоҷикистон дар оғози соли 2020 1 миллиарду 479 миллион долларро ташкил медод.

Пас аз пеш омадани буҳрони иқтисодӣ дар пайи пандемияи СOVID-19 дар ҷаҳон, тибқи иттилои дарёфтӣ, Тоҷикистон барои эҷоди эътидоли иқтисодӣ муваффақ шуд, ки 189 миллион доллар қарзи бефоиз аз Сандуқи ҷаҳонии пул дарёфт кунад.

Фармони Раҳмон: нархи неруи барқ, об ва алоқа то охири соли 2020 баланд намешавад

Як манбаъ дар ниҳодҳои молиявӣ ба Sputnik Тоҷикистон гуфт, ки ҳамчунин музокирот бо Бонки ҷаҳонӣ, Бонки осиёии рушд, Бонки таҷдиду тавсеаи Аврупо ва ғайра дар ҳоли ниҳоӣ шудан мебошанд.

1632
Селевой поток в Таджикистане

“Харобаҳои Хуросон”: аз вайрона то ободӣ арқоми расмӣ

326
(Таҷдидшуда 12:04 05.06.2020)
Омори расмӣ ривоят аз вусъату паҳнои селу ярчи вайронгар дар ноҳияи Хуросон мекунад, ҳатто барои оне, ки ба он бо дидаи шак мебинад. Аз сӯи дигар, вуқӯъи ин ҳодиса дар айни гирудорҳо бо коронавирус ва моҳи Рамазон корзори дигаре дар майдони кӯмаку хайрия ба вуҷуд омад

ДУШАНБЕ, 4 июл – Sputnik. 14 ба 16 майи соли равон дар пайи боронҳои шадид сатҳи оби рӯди Элок боло рафт ва ба рустоҳои ҷамоати деҳоти Садриддин Айнии ноҳияи Хуросони вилояти Хатлон рехт, ки дар пайи он даҳҳо хона тахриб шуда, садҳо нафар дар кӯча монданд. Кор ба ин ҷо кашид, ки офатзадагон бо нишони эътироз аз адами кӯмак роҳи Душанбе - Бохтарро бастанд. "То кӯмак нарасонанд, роҳро боз намекунем!"- шиор медоданд сокинон.

Офати табиӣ дар Хуросон чанд рӯз мавзӯи баҳсу баррасиҳои матбуоти дохилу хориҷ ва то ҷое сиёсӣ ҳам шуд. Иттилои зиёде дар атрофи он пахш шудаву мақомдорони сатҳҳои мухталиф, шурӯъ аз раиси вилояти Хатлон ва сарвазири Тоҷикистон аз маҳалли ҳодиса дидан карданд.

Аз он ҳодиса беш аз 20 рӯз сипарӣ шуд. Sputnik Тоҷикистон дар ин миён аз мақомоти зидахл - Раёсати беҳдошти замин ва обёрӣ, шуъбаи нақлиёт ва коммуникатсия ва Раёсати Кумитаи ҳолатҳои фавқулодда ва мудофиаи гражданӣ дар вилояти Хатлон хост, ки тасвири он аз арқоми расмиро ироа намоянд. Ин як талоши тасвири офати табиии Хуросон дар арқом аст.

“Ҷанги эълоннашуда”

Фавти одамон: тибқи иттилои вазорати корҳои дохилии Тоҷикистон, Холбой Бекмуродов, мутаваллиди 1965, сокини ҷамоати деҳоти Ҳилолӣ, деҳаи Пахтаобод ва Қумриддин Камолов, мутаваллиди 1956, сокини ҷамоати деҳоти Айнӣ, деҳаи Гулистон.

Харобии манозил: 36 манзили истиқоматӣ пурра - 2 700 ҳазор сомонӣ ва 40 манзил қисман - 1 500 ҳазор сомонӣ тахриб шуда, 184 замини наздиҳавлигӣ таги селоба ва лойқа мондаанд.

Тафсилот: дар деҳаи Неъматулло Асадулло 34 хона пурра, 33 хона қисман, дар деҳаи “Анҷумани 18 – и Ҳизб” 1 хона пурра ва 6 хона қисман, дар деҳаи Хуросон як хона пурра ва як хона қисман тахриб шудаанд.

Тавсияи Саридораи геологияи назди ҳукумати Тоҷикистон: кӯчонидани 67 хоҷагӣ - деҳаи Неъматулло Асадулло – 66 ва деҳаи “Анҷумани 18 – и Ҳизб” - 1 хоҷагӣ аз сабаби хатари фаромадани ярч ба ҷойҳои бехавф.

Чорвои мардум: 112 сар - 114 ҳазор сомонӣ (аз ҷумла 100 сар чорвои шохдори майда - 72 ва 12 сар чорвои калони шохдор - 42 ҳазор сомонӣ).

Сокинони офатзадаи Хуросон бо эътироз роҳи Душанбе-Бохтарро бастанд: ба мо кумак кунед

Зерсохторҳо: 7,7 км хатҳои обёрӣ ва каналҳо - 193, 0 ҳазор сомонӣ, ҷӯйбори бузурги ПК+659 - 350 метр - 118,7 ҳазор сомонӣ; 7,6 км хатҳои интиқоли барқ - 219,5 ҳазор сомонӣ; роҳ - дар км 21 – 22 аз 350 метр роҳ (деҳаҳои Пахтаобод ва Гулистони ҷамоати деҳоти Ҳилолӣ) - 250 метр пурра аз байн рафта, канори роҳи дохилии баромади деҳаи Гулистон ба роҳи байнулмилалии Душанбе – Бохтар дар се мавзеъ фурӯ рафтааст. Хисорот - 326, 5 ҳазор сомонӣ.

Кишоварзӣ: 53,72 гектар (га) хоҷагиҳои деҳқонӣ, 11,36 га замин хоҷагии ёрирасон, 2,5 га замини ғайрикишоварзӣ, 8, 42 га замини наздиҳавлигӣ, аз он ҷумла 28 га пахта - 58, 6, 5 га картошка - 53,4, 3 га пиёз - 18, 2, 31 га гандум - 71,6, 1 га помидор - 1,6, 1 га бодиринг - 1,6, 0,5 га каду - 0,9 ҳазор сомонӣ.

Бозгашт ба зиндагӣ

Ситоди бартарафкунии офати табиӣ (кумитаҳои ҳолатҳои фавқулодда, идораи замин ва геодезӣ, меъморӣ ва сохтмон, Агентии беҳдошти замин ва обёрӣ, вазоратҳои нақлиёт ва кишоварзӣ) аз ҳисоби захираҳои инсонӣ ва фании вилоят, ноҳия ва Кумитаи ҳолатҳои фавқулодда 3091 коргару хизматчӣ, афсару сарбоз ва техникаву нақлиёти махсусро барои рафъи паёмадҳои офати табиӣ эъзом кард.

Аз 75 хайма як хаймашаҳрак ташкил шуд. 186 хона пурра ва 4020 метр роҳи байни кӯчаҳо то 29 май аз лою селоба тоза карда шуд.

Идораи беҳдошти замин 220 метри канали Хоҷақалъаро аз лой тоза карда, ба пикети № 659 30 қубур дар ҳаҷми 270 метр аз Лойқасой гузаронда, дар мавзеи ҷойгиркунӣ 40 метр чуқурӣ кофт ва 20 қубур ба масофаи 180 метр хобонд. Дар болои деҳаи Хуросони ҷамоати деҳоти Айнӣ ба масофаи 80 метр селроҳа тоза карда шуд.

Соҳибкорони маҳалл бо ду экскватор ва 4 мошини боркаши КамАз 1383 метри кубӣ лойи каналу заҳбури ҳудуди деҳаи Неъматулло Асадуллоро тоза карда, 93 мошини КамАз лой бароварданд.

Масъулин ва сокинони маҳаллаҳои ҷамоати деҳоти Айнӣ 23 хона, дар умум 650 метр деворро рангубор ё сафед карданд. Ҷӯйборҳо тоза, дарахтон низ сафед карда шуданд.

Мехост селро навор гирад, аммо ба қаъри он афтод: ҳалокати марди солхурда дар Хуросон

Маркази таъмини бехатарии озуқаворӣ бо ҷалби 9 нафар дар чор рӯз ҷисми мурдаи 21 моли майда, 3 чорвои калони шохдор ва 7 сагро безарар карда, гӯронд.

Шабакаҳои барқи ноҳия дар 36 хонаи осебдидаи деҳаи Неъматулло Асадулло ноқилҳои садамавиро ҷудо ва як трансформатори 400/10 кВт – ро иваз кард. Дар мактаби №58 се прожектори 300-вата барои равшании анбори масолеҳи сохтмонӣ насб шуд.

Шуъбаи кишоварзӣ бо коркарди 31 гектар киштзорҳои бештар осебдидаи зироатҳо машғул буда, дар 15 гектар замин бо ҷалби хоҷагидорон ва қувваи кории иловагӣ корҳои агротехникӣ гузаронд ва 5 гектар киштзори пахтаро аз чобуқ баровард.

Маркази назорати санитарию эпидемиологӣ ду бор шифохонаи минтақавии №5 ва чор бор кӯчаҳои гирду атрофаш, бозору деҳаи Хуросон, 65 манзили деҳаи Неъматулло Асадулло, 40 хонаи зарардидаи дигар деҳаҳо, ҳамарӯза хаймашаҳракро зиддиуфунӣ карда, ба 58 оилаи “Анҷумани 18 – и Ҳизб” ниқоб тақсим намуд (кумитаи ҳолатҳои фавқулоддаи вилоят хаймашаҳракро ҳар рӯз ду бор зиддиуфунӣ мекунад).

Шуъбаи дезинфексия то ба имрӯз 150 иншооти истиқоматию ёрирасони шаҳрвандон ва 6 кӯчаро дар масоҳати 9050 метри мураббаъ дезинфексия карда, бинои хобгоҳ ва беморхонаи минтақаии №5, инчунин 20 хонаи истиқоматӣ дар масоҳати 1340 метри мураббаъро бо маҳлули 1 фоизаи гипохлориди калтсий зиддиуфунӣ кард.

Кумитаи идораи замини вилоят ва ноҳия интихобу лоиҳакашӣ ва омодакунии парвандаи заминсозиро анҷом дода, ба 67 хоҷагии деҳаҳои Неъматулло Асадулло ва “Анҷумани 18 – и Ҳизб” бо тариқи қуръакашӣ рӯи иди Рамазон дар деҳаи Чорбоғи ҷамоати деҳоти Айнӣ қитъаҳои замини наздиҳавлигӣ ҷудо ва хаймаи ҳар як хоҷагии зарардидаро дар заминҳои нав насб кард.

Комиссияи ҳолатҳои фавқулодда 29 май ба сокинони осебдидаи деҳаҳои Неъматулло Асадулло, Хуросон ва “Анҷумани 18 – и Ҳизб” – и ҷамоати деҳоти Айнӣ, ки хонаҳои истиқоматиашон пурра ва қисман хароб шудаанд, масолеҳи сохтмонӣ тақсим намуд.

“Борони раҳмат”

КӮМАКҲОИ ДАВЛАТӢ: ҳукумати Тоҷикистон - 13 тон орд, 16 тон картошка, 16 тон пиёз, 16 тон сабзӣ, 9 тон биринҷ, 4 тон макарон, 4 тон равған, 3 тон гречка, 3 тон перловка; масолеҳи сохтмонӣ: 370 тон семент, 370 матри кубӣ тахта, 3700 дона шифер ва 74 тон арматура.

КҲФ ва мудофиаи граждании назди ҳукумати Тоҷикистон: 15 ҳазор литр сӯзишвории дизелӣ, 300 қуттии гигиенӣ, 300 зарфи 10 – литраи оби нӯшокӣ, 10 қуттӣ доруворӣ барои безараргардонии оби нӯшокӣ ва 15 тон орд.

Ҳукумати вилояти Хатлон: маводи сӯзишворӣ - 2 ҳазор литр. Маводи хӯрока: 15 тон орд, 4,5 тон картошка, 6,6 тон пиёз, 12 тон сабзӣ, 7,5 тон биринҷ, 1,5 тон равған, 1,8 тон макарон, 2 ҳазор дона ниқоб, 10 маҷмӯи либос ва 10 айнаки муҳофизатӣ, 2 ҳароратсанҷ, 50 бахил, 100 маҷмуъ дастпӯшак, 10 калапӯш, 480 маҳлули антисептикӣ.

Кумитаи идораи замини вилоят: дар деҳаи Неъматулло Асадулло хӯроки гарм ташкил кард. Раёсати Кумитаи таъмини бехатарии озуқаворӣ дар вилояти Хатлон: маводи хӯрока – 500 кг гӯшти гов ба маблағи 24 500 сомонӣ. Муассисаи кӯмаки аввалияи тиббию санитарӣ: воситаҳои ҳифзи фардӣ – 4200 дона ниқоб, маводи безараргардонӣ – 200 дона маҳлули антисептикӣ ва 82 кг гипохлориди калтсий.

Хоҷагии зотпарварии “Саодат” – и ноҳияи Хуросон: 150 кг гӯшт. Хоҷагии зотпарварии ба номи С. Шерназаров: 5200 сомонӣ барои тоза кардани 600 метр заҳбури назди беморхонаи минтақавии №5; хӯроки гарм барои зарардидагон дар деҳаи Ҳалқаҷар - 1500 сомонӣ; хӯроки гарм ба беморон ва кормандони беморхонаи №5 - 3 ҳазор сомонӣ.

ТОҶИРОН: соҳибкор аз Душанбе - либосҳои гуногун ба маблағи 6 ҳазор сомонӣ, 840 сомонӣ пули нақд ва ташкили ду намуд хӯроки гарм дар маҳалли ҳодиса; соҳибкор Фаридун - 100 кг гӯшт, 50 кг шакар, 500 кг орд ва 100 литр равған. Як гурӯҳ соҳибкорони шаҳри Душанбе: либосворӣ ба маблағи 7 ҳазор сомонӣ, 40 маҷмӯаи кӯрпаю кӯрпача, 10 кг картошка ва 15 ҳазору 800 сомонӣ пули нақд.

Бозори “Ориён” – и ноҳияи Абдураҳмони Ҷомӣ: 500 дона нон. Соҳибкорзане аз ноҳияи Ҷалолиддини Румӣ: 80 дона нон, 40 кг шакар ва 40 намуд либоси занона; Холов Ҳусейн, сокини ноҳияи Кӯшониён: Маводи хӯрока – 2 тон орд ва 200 литр равған. ҶДММ “Мурғи Хуросон”: 900 дона тухм.

МАСҶИДҲО: масҷиди Сариосиёи шаҳри Душанбе - 40 дона қолин, 80 кӯрпаю кӯрпача, 380 кг орд, 114 литр равған, 190 кг қанд. Ходимони динии ноҳия: ба 50 нафар наҷотдиҳанда ва сарбози КҲФ ду рӯз хӯроки субҳона - 350 сомонӣ.

ҚҲФ зарари селу боронҳои шадиди рӯзи гузаштаро гуфт: як қурбонӣ доштааст

СОЗМОНҲО: Ҳилоли Аҳмари Тоҷикистон - 1300 – донаӣ кӯрпа, болишт, нармпӯш (одеяло), рӯйпӯш (простин); 260 қуттигӣ маводи гигиенӣ, маводи ошхона, болопӯш барои фарши хайма; 520 – донаӣ бел, каланд, сатил.

 

326
Барчаспҳо:
КҲФ Тоҷикистон, омор, Ҳукумат, замин, офати табиӣ, зарардидаҳо, аҳолӣ, кумак, сел, Хуросон, Тоҷикистон
Свеча

Мусибат дар хонаводаи Мӯъмин Қаноат: набераи 42 - солааш ҷаҳони фониро падруд гуфт

250
(Таҷдидшуда 23:48 06.06.2020)
Баҳрин нахустнабераи шоири зиндаёд Мӯъмин Қаноат дар синни 42 - солагӣ аз олам ҷашм пӯшид. Иллати марги ӯ маризии гурда арзёбӣ мешавад

ДУШАНБЕ, 6 июн – Sputnik. Хабари фавти бармаҳали Баҳрин - нахустнабераи Мӯъмин Қаноат шоири зиндаёдро адиби тоҷик Аҳмадшоҳи Комилзода дар сафҳаи Фейсбукии худ коридаст.

акс аз сафҳаи фейсбукии Комилзода Аҳмадшоҳ
Баҳрин нахустнабераи Мӯъмин Қаноат

Ба навишати Комилзода, набераи устоди зиндаёд Мӯъмин Қаноат ҳамагӣ 42 - сол умр дошта, бар асари бемории шадиди гурда, рӯзи 6 - уми июн аз олам чашм пӯшид. 

"Баҳрин ҷавони донишманд, донанда ва тарҷумони хуби се забон – порсии тоҷикӣ, русӣ ва англисӣ буд, ки бо ин се забон кору тарҷума мекард", - навиштааст Комилзода.

Хезед бобо Дарвоз мерем: арӯси хонаводаи Мӯъмин Қаноат аз вопасин суханҳои шоир нақл кард

Аз марҳум ду фарзанд Суруш ва Мумтоз, ки яке 15 - сола ва дувумӣ 13 - солаанд, ятим монданд.

Дӯстони Баҳрин, даргузашти ӯро ҳамчун шахсияти соҳибхираду соҳибғурур ва нафари ботамкин, як мусибати бузурги ҷуброннопазир арзёбӣ мекунанд.

250