Дар бемористон, Афғонистон

Қиссаи ғамангези корхонаи оксиген: боз як сафҳаи сиёҳи таърихи Афғонистон

524
Корхонаи оксиген, ки метавонист тайи 40 сол ҷони ҳазорон нафарро наҷот диҳад, дар замони ҷангҳои дохилии Афғонистон хароб шуд. Он дар асл моли Ҳиндустон будааст, на Русия

ДУШАНБЕ, 3 сен — Sputnik. Маркази матбуоти вазорати сиҳати оммаи Афғонистон дар як посухи катбӣ ба Sputnik Тоҷикистон хабар дод, ки 23 июли соли 1991 теъдоди 8 контейнер таҷҳизот ва сомонолот барои эҷоди корхонаи тавлиди оксиген аз тариқи ширкати ҳиндии Далал Маккена (Dalal Mckena) вориди Кобул гардид ва се рӯз пас аз он ширкат тақозо шуд, ки барои монтаж ва насби таҷҳизоти марбута инжинери хешро ба Афғонистон эъзом бидорад ва Созмони ҷаҳонии сиҳат (WHO) низ барои ҳамкорӣ изҳори омодагӣ кард.

“Дар асл тарҳи сохтмони корхонаи тавлиди оксиген соли 1985 дар замони режими коммунистии Кобул оғоз ёфта буд. Он замон шахсе ба номи Ғанӣ Хон, мушовири фаннии Дафтари форматсевтии вазорати сиҳати омма дар 12 сафҳа ин тарҳро ба забони инглисӣ кашида, аз ҳукумати Афғонистон хоста буд, ки бо кишварҳои хориҷ онро ба миён гузорад. Моҳи апрели соли 1991 як ширкати сохтмоние ба номи “Хуршед” кори эъмори бинои корхонаи оксигенро оғоз намуд. Моҳи июл таҷҳизоти корхона ҳам аз Ҳинд ворид шуданд”, - омадааст дар иттилоияи вазорати сиҳати оммаи Афғонистон.

Бино ба ин санад, 29 сентябри 1991 як инжинери ҳиндие ба номи Б. Гапатан барои як ҳафта вориди Кобул гардида, аз кори сохтмони таъмири пружаи оксиген дидор намуд ва гузориши 12 – сафҳаиеро дар бораи кори сохтмони корхонаи оксиген ба Раёсати сохтмонҳои вазорати сиҳати оммаи Афғонистон ироа намуда, рафт.

Қурбонии гунг

Ин корхона дигар фаъол нашуд, балки ба як сарнавишти талхе дучор омад. Пас аз суқути режими коммунистии Доктор Наҷибулло дар Кобул ва ба қудрат расидани ҳукумати муҷоҳидин Афғонистон вориди як марҳилаи тӯлонии ҷангҳои дохилӣ шуд, ки бешак, яке аз талафоти бузурги он маҳз ҳамин корхонаи тавлиди оксиген буд. Корхонае, ки дар он ҷангу қатлу кушторҳои 40 соли ахир дар Афғонистон метавонист ҷони ҳазорҳо нафарро наҷот диҳад.

24 апрели соли 1993 вазорати сиҳати оммаи Афғонистон дар номае ба Созмони ҷаҳонии сиҳат (WHO) хабар додааст, ки дар пайи бархӯрди рокет ба контейнерҳои марбут ба таҷҳизоти пружаи корхонаи оксиген дар фабрикаи тавлиди фарматсевтӣ, воқеъ дар Қарға, маҳалле дар 5 - километрии канори шаҳри Кобул, қисме аз таҷҳизот корношоям ва як теъдод ҳам аз сӯи дуздон чӯру чаповул шуданд.

Рӯзноманигор Раззоқи Момун, шоҳиди ҳаводиси он рӯзҳо ба Sputnik Тоҷикистон гуфт, ин ҳама дар даврони ҳукумати муҷоҳидин дар Кобул иттифоқ афтод.

“Дар Қарға асли қудрат дар дасти Мулло Иззат, фармондеҳи Ҷамъияти исломӣ ва неруҳои Сайёф буд. Вақте ҷанг байни ҳазораи шиа ва Сайёф шурӯъ шуд, Мулло Иззат дар ҳимоят аз Сайёф дар саркӯби ҳазора иқдом кард. Ҳар вайроние, ки шуд, байни ҳамин се ҷиноҳ буд. Корхонаи оксиген қурбонии гунги ин ҷангҳо буд”, - гуфт Раззоқи Момун.

Талоши беҳуда

Бозгашт ба ин тарҳ танҳо дар соли 2007 муяссар шуд. 12 майи ҳамон сол ҳукумати Афғонистон як ҳайатеро барои омӯхтани вазъи асбобу олоти корхонаи тавлиди оксиген таъйин кард. 18 ноябр Афғонистон аз Ҳиндустон хост, ҳамон инжинери ширкати Unichem-ро, ки 14 соли қабл кори насбу монтажи таҷҳизоти оксигенро ниматамом гузошта, Афғонистонро тарк карда буд, фиристад. Вазорати сиҳати омма аз вазорати молия хостори тахсиси буҷа барои ин тарҳ шуд.

Ҳамзамон вазорати сиҳати омма ба раёсатҳои худ дар вилоятҳо, вазоратҳои дифову корҳои дохила ва Хадамоти амнияти миллии Афғонистон мактуб фиристода, аз онҳо хост, ки эҳтиёҷоти худро ба оксигени табиӣ гузориш диҳанд. Ин ниёзсанҷӣ баҳори соли 2008 анҷом шуд. Бино ба он, масрафи солонаи оксигени тиббӣ дар Афғонистон 4 миллиону 546 ҳазору 013 кг ҳисоб шудааст.

Роҳи ҷадид: содироти молу коло аз Эрон ба Тоҷикистон ва Қирғизистон аз масири Афғонистон

Аммо ин ҳама талошҳо низ ба ҷое нарасиданд. Раёсати тасаддии форматсевтии вазорати сиҳати оммаи Афғонистон 20 апрели 2008 зимни як нома дигарбора хостори мусоидати сафорати Ҳинд дар Кобул ҷиҳати эъзоми инжинери ширкати Unichem шудааст. Аммо маълумоти дигар аз он рӯзҳо дар ин бора нест ва ин ба он маънист, ки инженер ҳам наомадаву корхона низ ба кор шуруъ накард ва тарҳ боз ба таъхир афтод...

Ганҷи барбодрафта

Замоне, ки дар Афғонистон вируси корона шуюъ кард ва тавлиди оксигени тиббӣ як амри ҳаётӣ ва омулманфаа барои низоми сиҳат шуд, ҳукумати он кишвар боз ба такопӯ афтод. Дар ин росто Дафтари тасаддии форматсевтии вазорати сиҳати омма дар ҳамдастӣ бо Идораи инкишофи миллии назди раисҷумҳури Афғонистон, ниҳоди нозири кӯмакҳои байнулмилалӣ ва харҷи буҷа, як ҳайати мутахассисонро боз ба суроғи он корхонаи тавлиди оксиген фиристод.

Маъсума Анварӣ, аз вазорати сиҳати оммаи Афғонистон, ба Sputnik Тоҷикистон гуфт, ин тими техникӣ таҷҳизоти корхонаро дигарбора шиносоӣ ва ташреҳ намуда, гузориши кории хешро тартиб ва ирсол намуд.

“Бино ба он, дастгоҳи аслии тавлидкунандаи оксиген, ки дар як контейнер қарор дорад, комилан тахриб гардида, танҳо искелети он боқӣ мондааст ва аз диди техникӣ таҷҳизоти феълӣ номукаммал буда ва тақрибан 30 – 50 фисади таҷҳизот барои фаъол шудани дастгоҳ мавҷуд намебошад. Ҳеҷ гуна асноди техникӣ, мушаххасан мошинолот ва нақшаҳои таъмирот ва диаграми насб мавҷуд нест ва зарфияти тавлиди ин дастгоҳ ва технологияи кори он мушаххас намебошад”, - гуфт Маъсума Анварӣ.

Аммо дар барномаи мубориза бо густариши “вируси корона” вазорати сиҳати оммаи Афғонистон бо фармони раисҷумҳури ин кишвар Ашраф Ғанӣ муваззаф шудааст, то тавлиди оксигени тиббиро дар авлавияти барномаҳои хеш қарор дода, ҳамкории байнулмилалӣ ва тарҳи ҳамаҷонибаро тартиб диҳад.

Дар ҷаҳон оксиген дар корхонаи махсус ва дастгоҳи нисбатан хурд тавлид мешавад. Бино ба нархҳое, ки ҳоло дар бозори ҷаҳонӣ муқаррар шудаанд, як корхонаи тавлиди оксиген аз 100 ҳазор то 1 миллион доллар ва як дастгоҳи тавлиди оксиген аз 100 то 200 доллар арзиш доранд.

Тибқи иттилои вазорати сиҳати оммаи Афғонистон, ин кишвар ҳоло дар садади харидории 10 корхонаи тавлиди оксиген ба арзиши 5 миллион доллар мебошад. Бино ба ин манбаъ, ин кишвар 506 поя дастгоҳи тавлиди оксиген ё оксиген-консентраторро аз Чин харидорӣ карда, мехоҳад боз 500 пояи дигар харад.

Ҳамлаи ҷангиёни ДОИШ ба таваллудхонаи Афғонистон: 14 кушта ва 15 - и дигар захм бардоштанд

Аммо ҳамсӯҳбатони Sputnik Тоҷикистон мегӯянд, ҳеҷ як аз ин дастгоҳҳо на ба нарх ва на ба сифату зарфият бо он корхонаи барбодрафтаи қадимӣ баробар шуда наметавонанд ва эъмори корхонаҳои нав низ ба амнияту суботи оянда бастагӣ доранд. Хуллас, ҳамоно маълум нест, ки дар Афғонистон як чунин корхона ба вуҷуд хоҳад омад ё хайр.

524
Американский танк M1A2 Abrams

“Абрамс”-ҳо интиқол ёфтанд: амрикоиҳо дар назди сарҳади Белорус чӣ карданӣ ҳастанд

76
Тибқи мулоҳозаи мутахассисон, НАТО фаъолияти худро дар назди ҳудудҳои Русия аз соли 2014 ду маротиба зиёд кард

ДУШАНБЕ, 21 сен — Sputnik, Николай Протопопов. Қӯшунҳои хушкигард, тайёраҳои бомбаандоз, қиркунандаҳо ва гурӯҳҳои ҳамлавари флотӣ — Пентагон ва НАТО боз дар назди сарҳадҳои Давлати иттиҳод меафзоянд. Ба қарибӣ баталони танкии ИМА дар Литва фуруд омад — вай дар тамринҳои низомии “Ҷасорати атлантикӣ” (Atlantic Resolve) иштирок мекунад. Қувваҳои ҳавоӣ-кайҳонии Русия тез-тез парвозҳои ҳавонавардии стратегӣ ва тайёраҳои иктишофкунандаро муайян мекунанд. Сабаби ин чист — дар мақолаи РИА Новости хонед.

“Дӯстон” аз Балтика

Дар машқгоҳи шаҳри Пабраде даҳҳо танкҳои Abrams, мошинҳои ҷангии пиёдагарди Bradley, мошинҳои зиреҳпӯш ҷойгир карда буданд — дар машқгоҳи Пабраде як артиши хурд ташкил ёфт ва андак пеш аз ин амрикоиҳо ҳавонавардҳои худро — чархболҳои Apache ва Black Hawk-ро ҳам ба Литва интиқол доданд.

Тибқи маълумоти Вазорати мудофиаи Белорус дар ин машқгоҳе, ки 15 километрии ҳудуди Давлати иттиҳодӣ ҷойгир аст, ҳамагӣ панҷсад хизматчии ҳарбӣ, 29 танк ва 43 мошини ҷангии пиёдагардро як ҷо ҷамъ кардаанд.

Мақомоти ҷумҳурии балтика шарҳ доданд, ки амрикоиҳо дар якҷоягӣ бо афсарони Литва вазифаҳои муштараки омӯзиширо таҳия хоҳанд кард. Ин амалиётҳо аз рӯи нақшаанд ва муқобили дигар кишварҳо равона нестанд. Бояд қайд кунем, ки Вилнюс аз амрикоиҳо дар бораи тез-тез гузаронидани тамринҳо дар машқгоҳҳои Литва дархост мекунад ва таъмини истиқомати бароҳат барои шарикони он сӯи уқёнус дер боз яке аз ҳадафҳои асосии ҳукумат мебошад.

 “Барномаи ротатсияи (ҷойивазкунии) қувваҳои амрикоии “Ҷасорати атлантикӣ” ҳанӯз замони раҳбарии собиқи Кохи Сафед оғоз ёфт, — изҳор дошт Артём Куреев, таҳлилгари ҳарбии клуби таҳлилии “Валдай” дар мусоҳиба бо РИА Новости. — Бо ҳодисаҳои Белорус ин мустақиман вобастагӣ надорад. Аммо дар айни замон, сарфи назар аз пандемияи коронавирус, хизматчиёни ҳарбии амрикоӣ ҷадвали ҷойивазкуниро сахт риоя мекунанд ва амалиётҳои худро бекор намекунанд”.

Хотиррасон мекунем, ки амалиёти “Ҷасорати атлантикӣ”- ро ИМА якбора баъд аз ҳамроҳ шудани Қрим ба Русия соли 2014 шурӯъ кард. Бо баҳонаи “таҷовузи русӣ” амрикоиҳо қӯшунҳои худро дар кишварҳои гуногуни Аврупо ҷойгир мекунанд ва тадриҷан шумораи онҳоро афзуда истодааст.

Фаъолияти нодуруст

Тибқи мулоҳозаи мутахассисон, НАТО фаъолияти худро дар назди ҳудуди русия аз соли 2014 ду маротиба зиёд кард. Сергей Шойгу, вазири дифои Русия эълон кард, ки кишварҳои Паймони Атлантикии шимолӣ ба муқобилаи замони Ҷанги Сард мехоҳанд баргарданд: НАТО инфраструктураи худро мустаҳкам карда истодааст ва ташкили системаҳои мушакии худро дар Аврупои Шарқӣ давом медиҳад.

“Гурӯҳи НАТО дар кишварҳои назди Балтика дақиқ кам намешавад, — боварӣ дорад Куреев. — "Раҳбарони ин давлатҳо ба ҳамкорӣ бо Иёлоти Муттаҳида ниёз доранд, то дар назди интихобкунандагон аз" таҳдиди Русия "ҳимоят кунанд, ки ин метавонад ба нокомиҳои иқтисодӣ, бандарҳои истифоданашуда ва норозигии ақаллиятҳои русзабон рабт дода шавад."

Ғайр аз он, бар хилофи Олмон, кишварҳои назди Балтика —  Латвия, Эстония ва Литва барои хӯрондани қӯшуни бегона тайёранд ва бахши асосии хароҷотро барои инфраструктура ва ҷобаҷокунии қувваҳои амрикоӣ ба дӯш мегиранд.

Аз ҷой ба ҷой гузаштани доимии хизматчиёни ҳарбии ИМА дар Аврупо — як чизи одатӣ аст. Бузургтарин майдони амалиёти ҳарбии Пентагон дар Аврупои Шарқӣ дар Лаҳистон (Полша) воқеъ аст. Ҳоло дар он ҷой чоруним ҳазор хизматчиёни ҳарбӣ ҳастанд ва ба наздикӣ боз ҳазортои дигар оварда мешавад.

Вашингтон ва Варшава шартномаро дар бораи ҳамкории васеъи ҳарбӣ имзо карданд. Мувофиқи ин санад дар Полша тартиби фармондиҳӣ ва штабии Қувваҳои мусаллаҳи ИМА беҳтар мешавад, марказҳои тайёрии ҳарбиро ташкил мекунанд, шароити мусоид барои ҷойгиркунии ҳавонавардии ҳарбию нақлиётӣ ва қувваҳои амалиёти махсус муҳайё мешавад.

Тибқи Қарори асосии Россия – НАТО соли 1997, алянс ӯҳдадор аст, ки дар сарҳадҳои шарқияш қувваҳои сершуморро доимӣ ҷойгир намекунад, аммо дар ин ҳол ИМА ин моддаҳоро моҳирона риоя намекунад.

Даҳҳо тайёраҳою чархболҳо бо мақсади “тарсондани” Русия ба Аврупо интиқол ёфтаанд. Ҳамин тавр дар Лаҳистон қиркунандаҳои F-16 ва тайёраҳои нақлиётии С-17 Hercules-ро ҷойгир кардаанд. Такроран барои посбонӣ кардани кишварҳои назди Балтика ва марзҳои фазоӣ ва баҳри Балтикаро ба Литва қиркунандаҳоро интиқол кардаанд. Пентагон гоҳ-гоҳ тайёраҳои муосири F-35 Lightning ва F-22 Raptor-ро барои намоиши қувваи худ ба фурудгоҳҳои иттифоқчиён мефиристад. Ҳамзамон дар Лаҳистон ҳам онҳо гурӯҳи бесарнишинҳои иктишофию ҳамлавари  MQ-9 Reaper-ро ташкил карданд.

Намоиши қувваи ҳарбӣ

Ҳавонавардии стратегии ИМА дар Аврупо ҳам фаъол аст. Ҳамин тавр, се тайёраи бомбаандози В-52Н зарбазаниро бо мушакҳои пардор дар охири август дар вилояти Калининград таҳия карданд. “Стратегҳо” аз базаи ҳавонавардии Фэрфорд парвоз карда, аз болои Нидерланд, Олмон, Лаҳистон ба сӯи минтақаи машқгоҳи эстониявии Тапа гузашта омаданд ва ба ҳадафҳо дар ҳудуди Русия зарбаҳои шартиро заданд.

Дар аввали сентябр тайёраҳои бомбаандози “Flying Fortress” гирдогирди Украина парвоз кардаанд. B-52 аввалин бор ба фазои ҳавоии ин кишвар даромад — се тайёра бо ҳамроҳии қиркунандаҳои украинӣ аз сарҳади ғарбии давлатӣ то баҳри Азов ва баргаштанд.
Тибқи гуфтаи Сергей Суровикин, раҳбари Қувваҳои ҳавоӣ-кайҳонии Русия, ҳатто дар давоми як ҳафта — аз 28 август то 4 сентябр — тайёраҳои ҳавонаварди бомбаандози ИМА даҳ парвози алоҳида ва гурӯҳӣ дар фазои ҳавоии Аврупои Ғарбию Шарқӣ иҷро кардаанд. Ғайр аз ин даҳҳо тайёраҳои “иктишофӣ” ҳар ҳафта қад-қади ҳудуди русия парвоз мекунанд — қиркунандаҳои Қувваҳои ҳавоӣ-кайҳонии Русия гоҳ-гоҳ маҷбуранд чанд бор дар як рӯз барои барои боз доштан ба осмон парвоз кунанд.

Аммо Куреев қайд мекунад, ки бар хилофи Хитой, Русия ба ҳар хел “машқҳои зарбазанӣ ба сарзамини худ”-ро оромтар қабул мекунад ва бо тамринҳои нақшавӣ ҷавоб медиҳад. “Масалан, Пекин ба ин хел чизҳо хеле асабӣ муносибат мекунад ва дар ҳамон замон кӯшиш мекунад қувваи низомии худро нишон диҳад”, — изҳор кард мутахассис.

ИМА ба фазои обӣ ҳам аҳамият медиҳад. Киштиҳои онҳо на фақат дар баҳри Сиёҳ  тез-тез пайдо мешаванд. Охири тобистон киштии зериобии ҳастаии USS Seawolf ба Норвеж интиқол ёфт ва андак пеш аз ин киштиҳои НАТО аз болои амалиётҳои зидди қаиқҳо дар Атлантикаи Шимолӣ дар назди соҳили Исландия машқ карданд.

Моҳи май флоти амрикоӣ аввалин бор дар сӣ сол ба баҳри Баренс даромад. Сарнишинони киштиҳои мушакии “Портер”, “Доналд Кук”, “Франклин Рузвелт” ва киштии бритониёии “Кент” дар шароити душвори иқлим машқ карданд.

Ҳамаи ин на танҳо дар бораи кӯшишҳои алянс дар таквият додани иқтидори ҳарбӣ дар Шимол, балки дар бораи қувваи афзудаи Флоти ҳарбии баҳрии Русия ва махсусан флоти Шимолӣ шаҳодат медиҳад. Дар ҳақиқат, пас аз анҷоми Ҷанги Сард ва пошхӯрии Иттиҳоди Шӯравӣ, ИМА флоти Русияро ҳамчун рақиби муҳим ҳисоб намекард.

Акнун онҳо маҷбуранд онро ба назари эътибор гиранд.

76
Барчаспҳо:
Белорус, Литва, Аврупо, ИМА, НАТО, Русия

Чаро Иттиҳоди Аврупо таҳримҳои алайҳи Белорусияро манъ кард?

264
Bloomberg дар бораи манъ кардани таҳримҳои Иттиҳоди Аврупоиро зидди Белорусия хабар дод. Владимир Лепехин, мудири генералии Институти Иттиҳоди иқтисодии Авруосиё, дар пахши радиои Sputnik вазъро аз нуқтаи назари худ шарҳ дод

ДУШАНБЕ, 14 сен — Sputnik. Тибқи маълумоти нашрия, давлати баҳримиёназаминӣ бо чораҳои пешниҳодкардаи алайҳи Белорусия розӣ нашуд. Ва кӯшиш кард ба рӯйхатҳои таҳримии ИА ҳафт ширкатҳои туркиро дарорад, ки дар корҳои пармакунии истихроҷи гази табиӣ дар дохили минтақаи иқтисодии Кипр иштирок карданд.

Барои қабул кардани таҳримҳои зидди Белорусия розигии тамоми 27 давлати узви Иттиҳоди Аврупо зарур аст.

Владимир Лепехин, мудири генералии Институти Иттиҳоди иқтисодии Авруосиё, дар пахши радиои Sputnik гуфт, ки мавқеи ягона нисбати таҳримҳо дар ИА нест.

"Мо дида истодаем, ки ду давлати бузурги аврупоӣ — Фаронса ва Олмон — кайҳо мавқеи худро дигар карданд, онҳо дар эълон кардани таҳримҳои  иқтисодиро тамоман манфиатдор нестанд. Яъне дар Аврупо ихтилоф мавҷуд аст. Ҳама ҳодисаҳои Белорусия аз тарафи Полша, Литва, бо дастгирии Бритониёи Кабир ва фондҳои гуногуни Амрико — на Вашингтону Қасри Сафед, балки демократҳои амрикоӣ, тарафдорони (Ҷорҷ) Сорос ва ғайра ташкил мекунанд. Онҳое, ки дар Белорусия эътироз доранд, таҳримҳои зидди ҳам Русия, ҳам Белорусияро пеш мебаранд, аммо тарафдории комил надоранд. "Бозӣ" рафта истодааст. Ягонагии пештара ва мақсади эълон кардани таҳримотҳои иловагӣ нест. Чаро "инқилоб"-и Белорусия имконияти идома ёфтанро надорад? Чунки тарафдорони ашаддии сарнагун кардани (президенти Белорусия Александр) Лукашенко, аз ҷумла сиёсатшиносони Полша ва Литва, акнун дастгирии бисёри давлатҳои Аврупоро надоранд. Инқилоб барор нагирифт, кӯшиш ба марҳалаи муқовимаи шадид бесамар шудааст, Русия ба Белоруссия ёрии худро ваъда дод. Ҳамаи инро дар Ғарб мефаҳманд", — гуфт Владимир Лепехин.

Лукашенко назди Путин меояд: сафари роҳбари Белорус ба Маскав

Қаблан ИА эълон кард, ки интихоботи президентии Белорусияро одилона ва бошарафона ҳисоб намекунад ва натиҷаҳояшро эътироф намекунад. Ва ғайр аз ин, роҳбарони ИА дар бораи ҷорӣ кардани таҳримотҳои шахсӣ нисбат ба Минск аз пушти истифодаи зуроварӣ зидди эътирозкунандагон ва чӣ тавре дар ИА ҳисоб мекунанд, аз пушти сохтакории интихобот аҳду паймон кардаанд. Манъи вуруд ба дохили давлатҳои худ барои 30 мансабдорони Белорусия Эстония, Латвия ва Литва аллакай ҷорӣ карданд.

Тибқи гуфтаи намояндаи хадамоти матбуоти Комиссияи Аврупо ва умури сиёсати хориҷии ИА Петер Стано, Иттиҳоди Аврупо кори худро аз болои рӯйхати одамоне, ки зидди онҳо таҳримот аз пушти вазъият дар Белорусия ҷорӣ карда мешаванд, идома медиҳад.

Таркиш ва бераҳмӣ: воқеъияти тазоҳуроти Белорус - гузориши аксӣ

264
Зан бо телефон, акс аз бойгонӣ

Пулгирӣ тариқи эълонҳои бардурӯғ дар сомон.тҷ: боздошти Ғоибназаровҳо-видео

0
Вазорати умури дохилии Тоҷикистон аз боздошти хоҳару бародар хабар додааст, ки дар сомонаи харидуфурӯши молу хизматрасонӣ – somon.tj ба фиребкорӣ машғул будаанд

ДУШАНБЕ, 21 сен — Sputnik. Раёсати кофтукоби ҷиноии ВУД Тоҷикистон аз дастгир шудани Ғоибназаров Ҷаҳонгири 29-сола ва хоҳарбузургаш -  Наргис Ғоибназароваи 39-сола хабар дод.

Ба иттилои манбаъ, дастгиршудагон ба қаллобӣ тариқи шабакаи интернетӣ машғул будаанд.

Манбаъ афзуд, ки муттаҳамон бо нашри эълонҳои бардурӯғ дар саҳифаи интернетии сомон.тҷ, ки гӯиё скутер, автомобил ва дучарха мефурӯшанд, мизоҷонро фиреб медодаанд.

Хотироти Раҳмон аз Раббонӣ, додани ҳукумат, музокироти Давҳа ва ибрат аз тоҷикон-видео

ВУД тавзеҳ дод, ки Ғоибназаровҳо аз ду нафар тариқи ҳамёни электронӣ маблағҳои 1600-1700 сомониро гирифта, бо хомӯш кардани телефонашон дигар ба онҳо посух надодаанд.

Дар пайи боздошт маълум шудааст, ки ин афрод дар 10 ҳолати фиребкорӣ даст дошта, зарари расондаашон беш аз 20 ҳазор сомониро ташкил медиҳад. Ҷаҳонгир дар гузориши ВУД мегӯяд, тариқи ҳамёни электронӣ то 60 фоизи пулро аз харидорони ҷабрдида пешакӣ мегирифтааст ва ба ҳамин восита онҳоро фиреб медодааст. Назари бевоситаи Ғоибназаровҳо дар бораи ин қазия маълум нест.

ВУД таъкид кард, ки феълан таҳқиқи ин ҳолатҳо идома дорад.

0
Барчаспҳо:
Вазорати умури дохилаи ҶТ, боздошт, Тоҷикистон