Здание МИД России, архивное фото

Вазорати корҳои хориҷии Русия изҳороти Берлинро дар бораи Навалний шарҳ дод

144
(Таҷдидшуда 19:09 10.09.2020)
Рӯзи сешанбе Департаменти давлатии ИМА баёноти давлатҳои узви G7-ро паҳн кард, ки аз Русия талаб доранд, то фавран масъули “заҳролудкунӣ”-и Навалнийро муайян кунад ва онҳоро муҷозот кунад

ДУШАНБЕ, 10 сентябр — Sputnik. Олмон сарфи назар аз муроҷиатҳои Русия дар бораи “парвандаи Алексей Навалний” вокуниши фаврӣ ва асосноке надодааст, хабар медиҳад ВКХ Русия.

Рӯзи сешанбе Департаменти давлатии ИМА баёноти давлатҳои узви G7-ро паҳн кард, ки аз Русия талаб доранд, то фавран масъули “заҳролудкунӣ”-и Навалнийро муайян кунад ва онҳоро муҷозот кунад.

“Сарфи назар аз тамоми муроҷиатҳои мо, Берлин то ҳол вокуниши фаврӣ ва асосноке накард ”, — гуфта мешавад дар шарҳи изҳороти ВКХ Русия.

Русия ин муносибати Олмонро дар робита бо қазияи Алексей Навалний беасос медонад, шарҳ доданд дар ВКХ Русия.

"Амалиёти маълумоти дурӯғ бешубҳа шаҳодат медиҳад, ки ташаббускорони он, вазифаи муайянкунии сабабҳои аслии ба беморхона хобондани А. Навалний ё ғамхорӣ ба ӯро надоранд, балки таҳрики таҳримҳост”, - менависад ВКХ Русия.

Дар як вақт дар заминаи ин муносибати беасоси мақомоти Олмон ҳамлаҳои бепоя ба Русия идома доранд. 

Дар вазорат қайд карданд, ки дар ҳангоми пешниҳод нашудани маълумоти "парвандаи Алексей Навалний" "воҳима дар атрофи ин парванда фақат зиёд мешавад". Ва ҳам набудани маълумот ба Русия имконият намедиҳад, ки усулҳои зарурии муайян кардани қазияи Навалнийро  истифода барад.

"Набудани маълумоти мазкур (дар бораи тафтиши тиббии Навалний - шарҳ аз идора) ба мақомоти ҳифзи ҳуқуқи Русия имконият намедиҳад, ки  тамоми усулҳои зарурии тартибии  муайянкунии ҳолатҳои қазияро истифода барад", — изҳор доштааст ВКХ Русия.

Олмон  ҳамкории табибони Русияро бо мутахассисони олмонӣ дар "парвандаи Навалний" боздоштааст, баён кардааст ВКХ Русия.

"Қайд мекунем, пизишкони рус ҳам пешниҳод доранд, ки барои баррасии маълумотҳои Русияву Олмон дар бораи саломатии Навалний бо ҳамкорони олмониашон робитаи мустақим барқарор кунанд. Афсӯс тарафи Олмон ин равандро боз доштааст", — омадааст дар шарҳи ВКХ Русия.

20 август А. Навалнийро баъди бад шудани вазъи саломатиаш дар ҳавопаймо ба беморхонаи шаҳри Омск хобониданд.

Пизишкони Омск дар натиҷаи ташхисҳо диагнози асосии Навалнийро вайрон шудани мубодилаи моддаҳо гуфтанд, ки миқдори қанди хуни ӯро тағйир додааст. Сабаби он то ҳол маълум нест, аммо бино бар иттилои пизишкони Омск дар хун ва пешоби Навалний заҳр набуд.

 Пас аз ин ӯро бо ҳавопаймо ба Олмон интиқол доданд.

 Ҳукумати Олмон рӯзи чоршанбе дар истинод ба духтурҳои ҳарбӣ эълон кард, ки Навалний гӯё бо моддаи навъи "Новичок" заҳролуд шудааст.

Пешвои мухолифин дар Черногория таҳримҳои зидди Русияро иштибоҳ хонд

 Дар ин маврид Кремл гуфт, ки Берлин ба Маскав хулосоҳояшро равон накард ва ВКХ  таъкид мекунад, ки Русия ҷавоби Олмонро интизор мебошад.

Рӯзи интиқоли Навалний ба беморхона прокуратура ва полис аллакай тафтишоти худро сар кард.

Намояндаҳои сафоратхонаи Русия дар Берлин гуфтанд, ки посухи бениҳоят фаврии Олмонро ба дархости Прокуратураи генералии Русия аз 27 август оид ба ёрии ҳукуқӣ дар парвандаи Навалний интизоранд.

Русия мехоҳад ин ҳодисаро возеҳ кунад, барои ин маълумот аз ҷониби Олмон лозим аст, аммо он то ҳол равон нашуд, гуфт Дмитрий Песков, сухангӯи президенти Русия.

Чигуна таҳримҳои зидди Русия қаторҳои Латвияро бозмедоранд?

Амалиёти тафтишотӣ дар парвандаи Навалний дар ҳақиқат рафта истодаанд, агар мавҷуд будани моддаи заҳролуд муайян шавад, тафтиш ҳам қонунан оғоз меёбад, гуфт Песков.

Рӯзи Душанбе клиникаи “Charite”-и Берлин эълон кард, ки аҳволи Навалний беҳтар шуд ва ӯ аз ҳолати кома бароварда шуд.

144
Доцент Московской сельскохозяйственной академии имени К.А. Тимирязева Игорь Абакумов

Абакумов дар бораи содироти пахтаи тоҷик: ин мурғест бо тухми тиллоӣ

184
(Таҷдидшуда 23:05 26.09.2020)
Чаро чунин як соҳаи умедбахш, ба монанди истеҳсоли пахта, дар Тоҷикистон ҳанӯз аз ҷиҳати иқтисодӣ ҷолиб нест, шарҳ дод Игор Абакумов, мутахассиси иқтисодиёти аграрӣ, дотсенти Академияи кишоварзии Маскав ба номи К.А.Тимирязев

ДУШАНБЕ, 27 сен — Sputnik. Дар бахши содироти маводҳои нассоҷии Тоҷикистон қисмати аслии онро нахи пахта ташкил медиҳад.

Тайи моҳҳои январ-августи соли 2020 Тоҷикистон беш аз 42,6 ҳазор тонна нахи пахта ба хориҷа ба маблағи беш аз 57,5 ​​миллион доллар фурӯхтааст.

 Фурӯши нахи пахта бо вазн нисбат ба ҳамин давраи соли гузашта 7,3% афзудааст.

"Содироти ашёи хом нишонаи иқтисоди рушднокарда аст. Тоҷикистон содироти пахтаи хомро афзоиш дод ва содироти матоъро коҳиш",- гуфт Абакумов ба Sputnik Тоҷикистон.

Ба ақидаи ӯ, ин аз он шаҳодат медиҳад, ки содироти матоъ дар бозорҳои хориҷӣ рақобатпазир нест ва содироти пахта ҳамеша як миқдор пул меовард. Аммо, пули бештар аз ҳисоби маҳсулоти коркардшуда ба даст меояд.

Сбор урожая хлопка в Турсунзаде
© Официальная страница пресс-службы президента РТ в Facebook.

"Содироти пахтаи хом дурнамое надорад, бозор ҳамеша ба маҳсулоти тайёр талабот дорад. Русия миқдори муайяни пахтаро дар Тоҷикистон барои мақсадҳои нассоҷӣ ва ҳарбӣ мехарад, зеро пахта ашёи хом аст", - гуфт коршинос.

Ба гуфти коршинос, Тоҷикистон бояд барои рушди соҳаи нассоҷӣ, истеҳсоли матоъҳои нав, маҳсулоти пахтагӣ сармоягузории зиёд кунад.

Ба қавли ӯ, ҳатто аз пахта метавон масолеҳи сохтмонӣ истеҳсол кард, аммо, ин хеле гарон хоҳад буд, зеро дар Тоҷикистон ҳангоми чидани пахта меҳнати дастӣ бартарӣ дорад. Дар чунин ҳолат, сифат зарар мебинад ва илова бар ин, сарбории зиёди захираҳои меҳнатӣ вуҷуд дорад.

Ба гуфтаи коршинос, ин соҳа, метавонад мурғи тухмҳои тиллоидошта бошад, ки ҳанӯз аз ҷиҳати иқтисодӣ ҷолиб нест, зеро бозор бо ашёи хоми Тоҷикистон сер шудааст.

184
Барчаспҳо:
содирот, пахта, Тоҷикистон
Генерал ФСБ, член Высшего Совета Общероссийского движения «Сильная Россия» Александр Михайлов

Михайлов дар бораи ротатсия дар Оҷонсии зидди фасоди Тоҷикистон: мӯҳлат хеле кӯтоҳ аст

893
(Таҷдидшуда 13:46 25.09.2020)
Қоидаҳои нави ротатсияи роҳбарият дар Оҷонсии зидди фасоди Тоҷикистонро генерали ФСБ, узви Шӯрои Олии ҳаракати умумирусиягии "Русияи қавӣ" Александр Михайлов баҳо дод

ДУШАНБЕ, 25 сен — Sputnik.  Эмомалӣ Раҳмон, раисиҷумҳури Тоҷикистон, бо имзои як фармон тартиби нави ҷойивазкунии ҳайати роҳбарикунанда дар Ожонси назорати давлатии молиявӣ ва мубориза бо фасодро тасдиқ кард. 

Бар асоси тартиби ҷадид, ҷойивазкунии ҳайати роҳбарикунанда дар Ожонси зидди фасод як бор дар се сол амалӣ карда мешавад.

Генерали ФСБ, узви Шӯрои Олии ҷунбиши умумирусиягии "Русияи пурқувват" Александр Михайлов ҷойивазкуниро як падидаи маъмулӣ номид.

"Аммо дар се сол бояд шахс ба мавзӯъ ворид шавад, вазъро омӯзад, робита барқарор кунад, ба гунае худро исбот кунад, аз ин рӯ мӯҳлат кофӣ нест. Ҳадди аққал тақрибан панҷ сол бояд буд", - гуфт ӯ дар мусоҳиба бо Sputnik Тоҷикистон.

Михайлов мушаххас кард, ки Тоҷикистон ба ғояҳои худ дар бораи муҳити амалиётӣ ва "шикаст" -и коррупсия такя мекунад.

"Ҳар як кишвар барои худ фармоиш муқаррар мекунад. Ҳама гуна фондҳо метавонанд танҳо тавсия диҳанд, аммо на бештар. Баҳо додан ба Тоҷикистон аз мавқеи Русия ё дигар давлатҳои Аврупо беҳуда аст", - гуфт генерали ФСБ.

893
Барчаспҳо:
фармон, Оҷонсии зидди фасод, Эмомалӣ Раҳмон, Тоҷикистон

Вазорат тасдиқ кард: дар Тоҷикистон шумори ҷонбохтагон бар асари COVID-19 афзоиш ёфт

0
(Таҷдидшуда 19:20 30.09.2020)
Вазорати тандурустии Тоҷикистон омори нави сироят, фавту шифоёбии шаҳрвандон аз маризии вируси коронаро нашр кард

ДУШАНБЕ, 30 сен — Sputnik. Шабонарӯзи гузашта 43 ҳодисаи нави бемории COVID-19 дарёфт гардида,  иттилоъ додааст дафтари матбуоти Вазорати тандурустӣ ва ҳифзи иҷтимоии аҳолии Тоҷикистон.

Бино бар иттилои манбаъ шаббнарӯзи гузашта 74 нафар гумонбарон зери назорати табибон қарор дошта, 41 нафар баъд аз муолиҷа ба хонаҳояшон рухсат дода шуданд

Тавре манбаъ қайд кардааст дар маҷмӯъ шумораи гирифторони ин беморӣ ба  9769 нафар баробар гардидаст.

Инчунин,  таъкид шудааст, ки то санаи  30 сентябр дар мамлакат  8572  (87,7%) нафар аз бемории COVID-19 шифо ёфта,  бар асари он 76  нафар фавтидаанд.

Маврид ба зикр аст, ки Ҳукумати Тоҷикистон ҷиҳати пешгирӣ ва табобати коронавируси нави CОVID-19 тамоми тадбир ва чораҳои заруриро амалӣ намуда истодаанд.

0
Барчаспҳо:
афзоиш, вазорат, сироят, омор, вируси корона, Тоҷикистон