Выдача первых патентов в Едином миграционном центре

Натиҷаи хуби соли вазнин: муҳоҷиронро дар соли 2021 чи навгоние интизор аст

756
(Таҷдидшуда 20:28 28.12.2020)
Соли "ковиди"-е, ки меравад, нисбат ба дигар гурӯҳи одамон ба муҳоҷирон зарбаи сахттар зад. Русия ҳамчун ҷуброн мехоҳад дар соли 2021низоми муҳоҷиратро ба таври ҷиддӣ бознигарӣ кунад

ДУШАНБЕ, 21 дек — Sputnik. Моҳи аввали соли 2020 ҳам барои муҳоҷирон ва ҳам корфармоён бо хушхабар оғоз ёфт: ҳукумати Русия мехост корхонаҳое, ки муҳоҷиронро ба кор мегиранд, аз санҷишҳои нақшавӣ озод кунад.

Сабабаш оддӣ аст - санаи омадани санҷиш пешакӣ маълум аст ва агар корхона қонунҳои меҳнатро вайрон кунад, оҳиста коргарони хориҷиро то гузаштани санҷиш рухсат медиҳад ва бо ҳамин халос мешавад.

Дар натиҷа, корфармоёни беинсоф то ҳол масъулиятро бар дӯш нагирифтаанд ва соҳибкорони бовиҷдон маҷбуранд, ки барои гузаштани расмиёти бемаънӣ вақтро беҳуда сарф кунанд, мегӯяд генерал-майор Валентина Казакова, сардори Раёсати муҳоҷирати ВКД Русия.

"Шумо тасаввур кунед, ки мо сана, вақт ва ҷои санҷишро эълон мекунем. Ва, албатта, агар муҳоҷирони ғайриқонунӣ дар ин корхона кор кунанд, пас мо метавонем тахмин кунем, ки онҳо дар он рӯз рӯзи истироҳат хоҳанд дошт", - шарҳ дод Казакова.

Дар айни замон, албатта, ҳеҷ кас санҷишҳои  ногаҳониро бекор накардааст.

Қарз ва иҷро

Ва пас аз се ҳафта, ҳукумат дар бораи тағироти дигар дар бозори меҳнат хабар дод. Муовини сарвазир Татяна Голикова лоиҳаи қонунеро эълон кард, ки мувофиқи он сарони минтақаҳои Федератсияи Русия метавонанд ҳуқуқи ба танзим даровардани шаҳрвандони хориҷиро ба кор бо маҳдудиятҳо дар касбҳои мушаххас диҳанд.

Ба гуфтаи муаллифони лоиҳаи қонун, чунин тадбир ба ҳифзи бозори миллии меҳнат тавассути афзалият додани ҷойҳои корӣ барои шаҳрвандон мусоидат хоҳад кард. Росташ, ки ин иқдом дар байни коршиносон шубҳаҳои зиёдеро ба бор овард - чаро ин меъёрҳоро ҷорӣ кунем, дар ҳоле, ки шаҳрвандони Русия бидуни ин ҳам барои кор дар сохтмон ва хоҷагии манзилию коммуналӣ намешитобанд.

Хабарҳои дигар аз соҳаи  бонкӣ мерасиданд - ташкилотҳои маблағгузории бузург ба муҳоҷирон низ қарз медиҳанд, гарчанде ки қаблан онҳо танҳо ба шаҳрвандони Русия ва Белорус медоданду халос.

Қарзҳо ба шаҳрвандони Тоҷикистон, Ӯзбекистон ва Қирғизистон дода мешаванд, ки ба хона пул мефиристанд ё барои пардохти патент сарф мекунанд. Андозаи миёнаи қарз дар аввали сол аз 10 то 100 ҳазор рублро ташкил дод, ки ба андозаи тақрибан 120% солона аст. Аммо, тибқи пешгӯиҳои таҳлилгарони молиявӣ, ин самт дар солҳои наздик гумон аст, ки густариш ёбад.

Ҳифзи ҳуқуқи муҳоҷир: кор барои тоҷикистониён дар Русия осон мешавад?

Навовариҳо дар соҳаи муҳоҷират ба донишҷӯён низ таъсир расонд. Дар авоили моҳи феврал Владимир Путин қонунеро дар бораи бо кор таъмин кардани донишҷӯён бидуни иҷозати махсус имзо кард. Акнун хориҷиёне, ки рӯзона таҳсил мекунанд, метавонанд бидуни дарёфти иҷозатномаҳои мувофиқ дар Русия кор кунанд.

Баҳор, каме пеш аз сар задани пандемия, як пешниҳоди дар вебсайти Кремл нашршуда, сару садои зиёдеро ба бор овард. Тибқи ин санад, Русия барои муҳоҷирон "созишномаи иҷро" ҷорӣ карданӣ буд, ки тибқи он шаҳрванди хориҷӣ бояд бо рӯйхати шартҳое, ки барои вайрон кардани онҳо ихроҷ мешавад, хонда имзо мекард.

Фикрҳои коршиносон дар ҷо гуногун буд - баъзеҳо мегуфтанд, ки чунин чора огоҳии муҳоҷиронро дар бораи меъёрҳои қонунгузории Русия баланд мебардорад ва онҳоро аз нақзи қонун ҳифз мекунад, дигарон мегуфтанд, ки чунин "созишнома" нақзи ҳуқуқи шаҳрвандони хориҷӣ аст.

Аммо муҳокимаи ин ва инчунин ташаббусҳои дигар дар соҳаи муҳоҷират дер давом накард - дар аввали моҳи март эпидемияи коронавирус ниҳоят ба тамоми минтақаҳои ҷаҳон таъсир расонд ва бозори меҳнатро ба куллӣ тағир дод.

Ҳаёт зери нишони "корона"

Чораҳои карантин бидуни истисно ба ҳама, ба хориҷиён низ зарбаи сахт заданд - баъзеҳо ба хона баргаштанд, чанд рӯз дар фурудгоҳҳо мемонданд, бархеи дигар ба шароити нави кор бо мушкилӣ одат мекарданд.

Аз ҳама бештар соҳаҳои фароғативу ва хидматрасонӣ - марказҳои савдо, тарабхонаҳо, қаҳвахонаҳо, ки дар он ҷо бисёр муҳоҷирон кор мекарданд, зарари бештар диданд. Ин вақт хизматрасонии харидрасон, ки ба бештари чунин муассисаҳо лозим шуд, муҳоҷиронро наҷот дод. Аммо ин ҷо низ рақобат бузург буд, чун шаҳрвандони Русия низ бекор мондаву кор мекофтанд.

Ва ҳатто хоҷагии манзилию коммуналӣ ва соҳаи сохтмон, ки дар он ҷо чораҳои маҳдудкуниро то охир ҷорӣ кардан нахостанд, бори гарони пандемияро пурра ҳис карданд.

Зодагони Тоҷикистон дар Петербург мардумро аз коми оташ наҷот доданд - навор

Ҳамин тавр, дар Маскав авалҳои тобистон ҳудуди 75 дар сади муҳоҷирон бекор монданд.

Аммо, роҳбарияти Федератсияи Русия ба зудӣ фаҳмиданд, ки на танҳо муҳоҷирон бе кор зиндагӣ карда наметавонанд, балки тиҷорати Русия низ бе муҳоҷирон заиф мешавад. Аз ин рӯ, мақомот саросемавор ба муайян кардани он шурӯъ карданд, ки чӣ гуна вазъи коргарони хориҷиро сабук кардан мумкин аст.

Дар моҳи марти соли равон, Ҳукумати Федератсияи Русия қарор кард, ки иҷозатномаҳои корӣ барои хориҷиёнро ба таври автоматӣ тамдид кунад ва худи эпидемияи коронавирус барои тамдиди корти муҳоҷират сабаби кофӣ шуд.

Росташ, ки сарфи назар аз ҳама мушкилоти кор дар Русия дар давраи пандемия, ҷумҳуриҳои Осиёи Миёна аз ҳамватанони худ даъват карданд, ки барои баргаштан ба ватан шитоб накунанд.

Ин изҳороти онҳо сабабҳои худро дошт - кишварҳо натавонистанд ҳамаи хоҳишмандонро баргардонанд (масалан, барои интиқоли 1 миллион нафар тавассути ҳавопаймоҳои чартерӣ  8030 парвоз ё ҳамарӯза 22 хатсайр лозим буд). Дар ҳамин ҳол муҳоҷирони дар фурурдгоҳҳо ба умеди баргаштан ҷамъ омада, вазъияти эпидемиологиро вазнинтар мекард.

"Мо бояд сарҳадҳоро комилан бандем, ё интиқоли бепоёни шаҳрвандонро идома диҳем. Бояд каме ором шавем ва бозистем. Ба хотири ҳамаи одамоне, ки ҷони худро аз даст дода метавонанд, ба хотири он табибоне, ки барои ҷони беморон мубориза мебаранд. Ман ба эҳтиёткорӣ даъват мекунам. Мо бояд ба ҳамаш хотима бахшем. Дигар илоҷе надорем: бояд ин тараф ва он тараф рафтан, сайру гашт кардану сафарҳоро қатъ кард ", - гуфта буд сафири Тоҷикистон дар Русия Имомуддин Сатторов.

Муҳоҷир намерасад

Дар ҳамин ҳол, роҳбарияти Федератсияи Русия кӯшиш кард, ки иқтисоди кишварро наҷот диҳад ва шумораи ҳарчи бештари шаҳрвандонро бо кор таъмин кунад. Масалан, Владимир Путин моҳи апрел аз сарони минтақаҳо даъват кард, ки лоиҳаҳои сохтмониро ях накунанд, балки корро мутобиқи қоидаҳои карантин идома диҳанд (ҳарчанд бо суръати сусттар).

Дар вилояти Томски Русия қимати патент барои муҳоҷирони меҳнатӣ гарон мешавад

Илова бар ин, президент мӯҳлати будубоши хориҷиён дар Русияро тамдид кард ва ба кор қабул кардани муҳоҷиронро бидуни иҷозатномаи кор дар давраи пандемия тасдиқ кард. Дар Маскав мақомот ҳаққи патентро то 15 июни соли 2020 бекор карданд. Ба болои ин, аз моҳи сентябри соли равон ба соҳибони хонаҳои хориҷӣ дар Русия иҷозат дода шуд, ки хешовандони худро сабти ном кунанд, ки ин дар оянда бояд ба муттаҳидшавии оила мусоидат кунад.

Аммо, бо вуҷуди ҳама чораҳо, хуруҷи муҳоҷирон қатъ нашудааст. Масалан, дар пойтахт ҳазорон нафар шаҳрвандони Тоҷикистон мунтазам ба сафорати Тоҷикистон меомаданд, то бо умеди он, ки оё онҳо ба парвоз савор шуда метавонанд ё не.

Табиист, ки ҳаҷми интиқолҳо низ коҳиш ёфтааст. Бонки Ҷаҳонӣ коҳиши 20% -ро пешбинӣ карда буд, аммо дар Тоҷикистон ин аз ин ҳам бузургтар буд.

Тибқи маълумоти Бонки марказии Федератсияи Русия, дар давоми тобистон дар се моҳи аввал муҳоҷирони меҳнатӣ ба ватани худ 359 миллион доллар интиқол доданд, ки ин 103 миллион ё нисбат ба ҳамин давраи соли 2019 22% камтар аст. Афзоиш танҳо дар миёнаи моҳи июл, вақте ки баромади тадриҷӣ аз низоми карантин дар Федератсияи Русия оғоз ёфт, маълум шуд.

Танҳо онҳое, кӯшиш мекарданд дар Русия монанд, ки даромадашон коҳиш наёфта буд ё иҷозаи муваққати истиҷомату иҷозаи бемӯҳлати истиқомат доштанд. Барои ин категорияҳои шаҳрвандон вазъ дар тӯли соли гузашта ҳатто беҳтар шудааст - моҳи июл қонун дар бораи коҳиш додани вақти баррасии дархостҳо барои шаҳрвандӣ ба иҷро даромад. Тибқи қонун, мӯҳлати баррасии ариза аз 6 моҳ то 3 моҳ коҳиш дода шудааст.

 Пандемияи коронавирус собит кард, ки муҳоҷирон албатта ҷойҳои кории русҳоро намегиранд. Инро мақомоти Русия низ ошкоро эътироф мекунанд, ки аз нарасидани коргарон шикоят мекунанд.

Ҳамин тавр, моҳи сентябр муовини сарвазир Марат Хуснуллин хабар дод, ки дар минтақаҳои Русия ба 100 ҳазор коргари сохтмон зарур аст, бинобарин татбиқи баъзе лоиҳаҳо ба таъхир меафтад. Қаблан сарвазир Михаил Мишустин гуфта буд, ки барои эҷоди ҷойҳои кории муваққатӣ, аз ҷумла дар бахши сохтмон, беш аз 4 миллиард рубл ҷудо карда мешавад.

Аммо мушкилоти пандемия на танҳо шаҳрвандони хориҷиро, ки барои кор ба Русия омадаанд, балки ба ҷавононе, ки таҳсил мекунанд ё барои дохил шудан ба донишгоҳҳои Русия меоянд, низ фаро гирифт.

Баъзе донишҷӯён нав ба курси аввал дохил шуданд, баъзеи дигар тобистон аз хона баргашта, боварӣ доштанд, ки то аввали соли хониш карантин суст шуда, таҳсилро бидуни мушкил идома медиҳанд.

Аммо ногаҳон афзоиш ёфтани беморӣ дар ИДМ ва дар саросари ҷаҳон ҳукуматҳоро маҷбур кард, ки чораҳои карантинро шадидтар кунанд, аз ҷумла кушодани марзҳоро ба таъхир андозанд. Ва хориҷиён маҷбур буданд, ки аз орзуҳои таҳсили рӯзона даст кашанд.

Вилояти Твери Русия барои таъмини аҳолияш ба кор нархи патентро гарон кард

Тибқи талаботи Вазорати маорифи Федератсияи Русия, шумораи донишҷӯёни хориҷӣ дар донишгоҳ яке аз меъёрҳои кори самарабахши он ба шумор меравад ва аз ин рӯ роҳбарияти муассисаҳои таълимӣ кӯшиш карда истодаанд, ки ба донишҷӯён ягон намуди алтернативӣ пешниҳод кунанд.

"Агар шумо сатҳи ихроҷро бинед, аз 2200 донишҷӯи хориҷие, ки ба донишгоҳҳои Русия  дохил шуданд, шаш нафарашон хориҷ карда шуданд, ки ба таҳсил шурӯъ накардаанд - ҳатто камтар аз донишҷӯёни Русия. Дар омади гап, дар соли 2020 назар ба гузашта 11% бештар хориҷиён ба қайд гирифта шуданд, Ва онҳо ин корро карданд, хуб медонистанд, ки бори аввал бояд онлайн таҳсил кунанд, - мегӯяд коршиноси рус Ярослав Кузминов.

Ва дар Донишгоҳи федералии Сибир стипендияи донишҷӯёни хориҷӣ, ки иҷборан дар таҳсилоти фосилавӣ таҳсил мекарданд, ҳифз карда шуд. Дар мавриди Тоҷикистон, ягона мушкилӣ дар таҳсили фосилавӣ суръати бисёр сусти интернет ва қатъшавии барқ мебошад.
"Курсҳои электронӣ роҳи беҳтарин барои донишҷӯён мебошанд, аммо Zoom умуман ғайри қобили қабул аст. Ва мушкилоти асосӣ дар ҷумҳурӣ ҳатто интернет нест, балки қатъ шудани барқ ​ аст", - тавзеҳ медиҳад Акмал Ҷумъаев, директори маркази роҳнамоии касбҳо дар Тоҷикистон.

Чароғ дар охири нақб

Соли ояндаи 2021 эҳтимолан мисли соли 2020 душвор нахоҳад буд, аммо ба ҳар ҳол одӣ  нахоҳад шуд. Дар Тоҷикистон даҳҳо ҳазор шаҳрвандон умедворанд, ки ба Русия , аммо дурнамои ифтитоҳи марзҳо ва барқарор шудани парвозҳо муайян нест.

Маскав ва Душанбе аз тобистон гуфтушунид доранд ва ширкатҳои калон хоҳиш мекунанд, ки ба таври муташаккилона қабули коргарон аз Тоҷикистон иҷозат дода шавад, то ки бо нарасоии коргар каме ҳам бошад, рафъ шавад. Аммо, марзҳо ҳанӯз ҳам бастаанд ва ягона парвозҳои анҷомёбанда чартерианд.

Бо ҳамин сабабҳо, ба донишҷӯён низ мушкилӣ пеш меояд. Рӯшан аст, ки донишҷӯёни донишгоҳҳои олии Русия имтиҳони зимистонаро фосилавӣ месупоранд, эҳтимоли комил имтиҳоноти тобистонаро низ.

Ба донишҷӯёни донишгоҳҳои Русия кафолат дода мешавад, ки ҷаласаи зимистонаро аз фосилаи дур ва эҳтимолан дар тобистон низ бигиранд. Барои онҳое, ки ба ихтисосҳои амалӣ ё тиббӣ дохил шудаанд, дучанд душвор хоҳад буд. Дар ин ҷо, роҳбарияти донишгоҳҳо  иқрор мешаванд, ки онҳо бо ягон роҳ омӯзиши амалиро ҷуброн карда наметавонанд ва ба таври қатъӣ гирифтани рухсатии академиро тавсия медиҳанд.

Аммо чанд хабари хуш барои соли 2021 ҳаст. Қадами аввал дар ин самт соддагардонии тартиби гирифтани иҷозат барои истиқомат барои шаҳрвандони дорои мақоми ҳамватан аст.

"Онҳо, аз расмиёти иҷозати иқомати муваққатӣ (гирифтани иҷозат барои иқомати муваққатӣ - идора) озод шуда, метавонанд  иҷозатномаи истиқомат ба даст оранд ва мувофиқан, мӯҳлати гирифтани шаҳрвандии Русия барои онҳо кам карда мешавад", - шарҳ дод Валентина Казакова.

Эҳтимол аст, ки иҷозаи иқомати муваққати ва ё РВП пурра бекор карда шавад.

Ҳанӯз моҳи март сомонаи Кремл як дастури президент Владимир Путин оид ба сиёсати муҳоҷиратии Русияро барои  солҳои 2019-2025 нашр намуд ва дар он гуфта мешуд, ки РВП "дар шакли мавҷудааш, хело кӯҳна гардид".

Ва ҳоло шӯъбаҳои дахлдор ба бекор кардани РВП наздик шудаанд. Ба ҷои ин, пешниҳод карда мешавад, ки се низоми муҳоҷират ҷорӣ карда шавад: будубоши кӯтоҳмуддат (то 90 рӯз), будубоши дарозмуддат ва истиқомати доимӣ.

Муҳоҷирони беминнат: чаро Русия ба мушкили норасоии ронандаҳо дучор шуд

Ғайр аз ин, ВКД пешниҳод мекунад, ки феҳристи корфармоён, ки омодаанд хориҷиёнро ба кор ҷалб кунанд ва феҳристи худи коргаронро ташкил кунанд, гуфт Казакова ба Sputnik Тоҷикистон. Ин пешниҳод дар консепсияи нави қонун дар бораи вазъи ҳуқуқии шаҳрвандони хориҷӣ, ки аз ҷониби вазорат таҳия шудааст, мавҷуд аст.

Ҳоло барои муҳоҷирон намудҳои зиёди ҳуҷҷатҳо мавҷуданд: ҳам патентҳои меҳнатӣ ва иҷозат барои ҷалби қувваи кории хориҷӣ ва иҷозатномаи кор мебошанд.

Ин мушкил аст, барои як фарди хориҷӣ дарки тамоми ин равандҳо мушкил аст. Вақти он расидааст, ки чизеро тағйир диҳем. Аз ин рӯ, мо консепсияи қонун дар бораи вазъи ҳуқуқии шаҳрвандони хориҷиро таҳия кардем, ки дар он ҷо пешниҳод кардем баъзе навгониҳо ҷорӣ карда шавад", - таъкид кард намояндаи ВКД.

Тахмин меравад, ки пас аз он ки муҳоҷир дар феҳрастд ҷои корашро пайдо мекунад, ба омода кардани ҳуҷатҳо тавассути портали ягонаи хадамоти давлатӣ сар мешавад. Ҳуҷҷатҳоро масъулин дар Русия тариқи онлайн тафтиш мекунанд ва муҳоҷир ниҳоят иҷозаи вуруд ба Русияро ба даст меорад.

756
Учения ВМС США, архивное фото

Минтақаҳо ошкор шуданд: флоти ҳарбии ИМА силоҳашро ба куҷо равона мекунад

171
(Таҷдидшуда 17:36 18.01.2021)
Амрикоиҳо рушди киштиҳои муосири мушакӣ ва киштиҳои зериобӣ, мушакҳои гипертоникӣ ва силоҳи ҳастаии тактикиро ба таври қатъӣ рад мекунанд

"Deter and Win" - Сардори ситоди баҳрии ИМА адмирал Майкл Гилдай "Нақшаи киштиронӣ" -ро барои даҳсолаи оянда муаррифӣ кард. Чизи асосӣ дар ҳуҷҷат он аст, ки флоти амрикоӣ бояд дар Уқёнуси Ҷаҳон ҳукмфармо бошад.

Ҳадафи назорати ҷаҳонӣ як зиндагии ором ва серғизои амрикоӣ дар хона мебошад. Аммо, дар матн инчунин ба таври возеҳ таҷовузи ошкоро алайҳи дигар кишварҳо нишон дода шудааст. Ҳадафи адмиралҳои Вашингтонро дар мақолаи РИА Новости хонед.

Рақибони ҷаҳонӣ

Муаллифони санад таъкид мекунанд, ки нерӯи баҳрии ИМА бо рақобати дарозмуддат, ки ба амният ва тарзи ҳаёти шаҳрвандони ИМА таҳдид мекунад, машғул аст. Фармондеҳии баҳрӣ як дақиқаро аз даст дода наметавонад: барои нигоҳ доштани таносуби қудрат на танҳо дар даҳсолаи оянда, балки дар тамоми асри 21 фаъолона амал кардан лозим аст.

Рақибон ва "вайронкунандагони" сулҳи ҷаҳонӣ Русия ва Чин мебошанд. Ин кишварҳо, ба гуфтаи адмиралҳои амрикоӣ, озодиро дар баҳр, ки кайҳо ба тамоми ҷаҳон манфиат меорад, халалдор мекунанд.

Маскав ва Пекин кӯшиш доранд, ки дастрасӣ ба манбаъҳои пурарзиши баҳрро, ки берун аз обҳои ҳудудӣ ҳастанд, "ноодилона назорат кунанд", "ҳамсоягони худро тарсонанд", "даъвои худро ба онҳо бо зӯрӣ таҳмил кунанд", "муҳимтарин роҳҳои обиро бо мушакҳои дурбурд нигоҳ доранд."

Амрикоиҳо рушди киштиҳои муосири мушакӣ ва киштиҳои зериобӣ, мушакҳои гипертоникӣ ва силоҳи ҳастаии тактикиро ба таври қатъӣ рад мекунанд. Флоти Русия, ба гуфтаи Пентагон, фаъолияташро дар саросари ҷаҳон тақвият медиҳад ва нерӯҳояшро ба соҳилҳои Иёлоти Муттаҳида наздиктар ва мустақар мекунад. Аз ин рӯ, "Русияро бояд боэътимод назорат кунад."

Амрико аз коҳиши шумори низомиёнаш дар Ироқу Афғонистон эълон кард

Флоти босуръат рушдёбандаи Чин - калонтарин дар ҷаҳон, ба гуфтаи таҳлилгарони амрикоӣ, низ нигаронкунанда аст. Пекин зоҳиран Вашингтон ва ҳампаймонҳои онро зери шубҳа мегузорад ва ба хатари шадидтарин ва дарозмуддат табдил меёбад.

 

Ҳамзамон қайд карда мешавад, ки Иёлоти Муттаҳида як давлати баҳрӣ аст ва ободиву амнияти он аз қобилияти нигоҳ доштани бартарӣ дар баҳр вобаста аст. Барои ин зарур аст, ки нерӯи баҳрии худро "ба ҳар гӯшаи Уқёнуси Ҷаҳонӣ" густариш диҳем.

Амрикоиҳо киштиҳоро идома медиҳанд ва дар ҳама ҷое, ки қонунҳои байналмилалӣ иҷозат додаанд, парвоз мекунанд, инчунин дар минтақаҳои гуногуни ҷаҳон нерӯҳояшонро ҷиҳати мубориза бо "орзуҳои аз ҳад зиёди баҳрӣ" -и рақибон ва безарар кардани қобилияти ҷангии онҳо идома медиҳанд.

Тақвият бахшидани флот

Ҳамин тариқ, киштиҳои зериобии мушаки баллистикии дорои нерӯи ҳастаӣ "Иёлоти Муттаҳидаро аз ҳамлаи ҳастаӣ муҳофизат мекунанд" ва нерӯҳои амалиёти махсус "омодаанд, ки шадидтарин душманро ба таври ногаҳонӣ дастгир кунанд."

Адмиралҳо итминон медиҳанд, ки нерӯҳои баҳрӣ қодиранд нерӯҳояшонро барои дастгирии нерӯҳои заминӣ ба ҳар соҳил фуроранд.

Флот "тамоми воситаҳои зарурӣ барои пешгирии таҷовузро дорад, аз ҷумла силоҳҳои ғайримуқаррарӣ". Аз ҷумла, ин ба иттилоот, технологияҳои кибернетикӣ ва дигар навъҳои силоҳ дахл дорад, ки ба ҳамла аз баҳр, аз зери об ва аз ҳаво имкон медиҳанд.

Иёлоти Муттаҳида дар муқовимати муосир дар баҳр дар солҳои оянда бо зеҳни сунъӣ нақши назаррас хоҳад дошт. Чунин системаҳо, онҳо боварӣ доранд, ки Нерӯи баҳрӣ, самаранокӣ ва бартарии худро дар ҷанг исбот кардаанд, аз ин рӯ, флот бо истифодаи азими онҳо нав карда мешавад.

Платформаҳои бесарнишини оффшорӣ низ "ҳаётан муҳим" мебошанд. Онҳо дар иктишоф, назорат бартарӣ фароҳам меоранд ва қобилияти ҳамлаи флотро афзоиш медиҳанд. То охири даҳсола кормандони Нерӯи баҳрӣ бояд тавонанд бо эътимод ва ҳамоҳанг дар ҳамбастагии зич бо воситаҳои нақлиёти роботӣ кор кунанд.

Фармондеҳии Нерӯи баҳрии ИМА чунин мешуморад, ки барои амалӣ сохтани ҳама нақшаҳо парки ҳавопаймо бояд таҳким ва васеъ карда шавад. Бештар киштиҳои зериобии ҳастаӣ ва киштиҳои рӯизаминӣ бо қобилияти баланди ҳуҷум талаб карда мешаванд.

Гузашта аз ин, киштиҳои нав бояд паймон, масалан, фрегатҳои умедбахши класси "Созвездие" бошанд.

Пентагон низ киштиҳои ҳавопайморо аз ҳисоб намебарорад. Ин то ҳол ифтихори Флоти баҳрӣ ва воситаи асосии намоиши қувва аст. Аҳамияти махсуси нерӯҳои зериобии флот қайд карда мешавад. Афзалият дар ин ҷо киштиҳои зериобии стратегии ҳастаии класси Колумбия ва инчунин Вирҷинияҳои гуногунҷабҳа мебошанд.

Рақам ва лазерҳо

Фармондеҳии Нерӯи баҳрӣ эътироф мекунад, ки танҳо технология кофӣ нест. Кадрҳоро муфассалтар омӯхтан лозим аст, аз ҷумла барои беҳтар фаҳмидани нозукиҳои рафтори душман.

Ҷавоби Амрико ба “Калибр”-и русӣ: “Томагавк”-ҳои нав аз чӣ бархурдоранд

Ба гуфтаи адмиралҳо, "маллоҳон бояд на танҳо таҳдидҳоро мушоҳида кунанд ва ба онҳо зуд вокуниш нишон диҳанд, балки амалҳои ҷониби муқобилро тавассути дониши амиқи вижагиҳои менталитети шаҳрвандони як кишвари мушаххас пешгӯӣ кунанд."

Сенарияҳои "муноқишаҳои оянда" дар машқҳои атрофи кураи замин - аз Шимоли Дур то қисми ғарбии Уқёнуси Ором санҷида мешаванд. Масалан, имсол Нерӯҳои баҳрии ИМА манёврҳои миқёси калони якчанд гурӯҳҳои ҳавопаймо бо амалиётҳои амфибӣ мегузаронанд.

Бори аввал дар он ҷо гурӯҳҳои хурди тактикии тактикӣ ҷойгир карда мешаванд, ки бо истифода аз силоҳҳои нави ҳуҷум ва захираҳои иттилоотӣ истифода мешаванд. Адмирал Гилдей қаблан гуфта буд, ки миқёси ин амалиётҳо "дар таърихи навин бесобиқа" хоҳад буд.

Технологияҳои иттилоотӣ ва рақамӣ дар стратегияи флоти ИМА ҷойгиранд. Ҳоло амалиёти низомӣ бидуни онҳо ғайриимкон аст. "Рақам" ҳама чизро ҳал мекунад, ба шумо имкон медиҳад, ки ҷангҳои баҳрӣ ва хушкиро зуд ва босамар гузаронед.

Нерӯи баҳрӣ чунин мешуморад, ки "рақибони Иёлоти Муттаҳида интизор доранд, ки бо шумораи зиёди мушакҳо мудофиаи флотро рахна мекунанд."

Аз ин рӯ, Пентагон аз системаҳои гуногуни собит ва мобилӣ, радарҳои киштиҳои зериобӣ ва ҳавопаймоҳои баҳрӣ истифода бурда, қобилияти мудофиавии киштиҳо ва ҳавопаймоҳоро баланд мебардорад. Ҳамзамон, дар набардҳои наздик, дар баробари муборизаи маъмулӣ, истифодаи силоҳи энергетикӣ низ ба нақша гирифта шудааст.

171
Пограничники на Таджикско-афганской границе

Коршинос кишварҳоеро ном бурд, ки дар он соли 2021 ҷанг имконпазир аст

1747
(Таҷдидшуда 09:26 09.01.2021)
Коршиноси ҳарбӣ кишварҳоеро номбар кард, ки дар онҷо ҷанг дар соли 2021 имконпазир аст, ки яке аз нуқтаҳои доғ метавонад марзи Тоҷикистону Афғонистон бошад

ДУШАНБЕ, 9 янв – Sputnik. Коршиноси рус дар мусоҳиба бо “MK” як қатор давлатҳоеро номбар кард, ки эҳтимоли даргирии мусаллаҳона дар соли 2021 вуҷуд дорад.

Ба гуфтаи коршиноси ҳарбӣ Алексей Валюжевич, соли ҷорӣ метавонад аз "дастовардҳо" -и соли 2020, ки бо муноқишаҳои гуногуни мусаллаҳона ва мазҳабӣ ва инчунин паҳншавии босуръати коронавирус қайд карда шудааст, зиёдтар бошад.

Ба гуфтаи коршинос, дар соли 2021 мавҷи хушунат танҳо афзоиш хоҳад ёфт ва оқибатҳои онро ҳанӯз наметавон пешгӯӣ кард.

Валюжевич Афғонистонро яке аз минтақаҳои "гарм" номида гуфт, интизор меравад, ки дар соли 2021 аксари нерӯҳои эътилофи ИМА ва НАТО аз ин ҷо хориҷ шаванд.

Вай таъкид кард, ки коҳиши контингенти амрикоӣ ногузир ба афзоиши нуфузи ҷунбиши радикалии Толибон, (фаъолияташ дар қаламрави Русия ва Тоҷикистон кишварҳои дигар манъ карда шудааст), оварда мерасонад.

Владимир Путин аз нақши махсуси Тоҷикистон зикр кард - видео

Ба гуфтаи коршинос, "даври нави муноқишаи абадии Афғонистон" дар инҷо аён аст.

Ин вазъ махсусан барои кишварҳои Осиёи Марказӣ хатарнок аст. Ҷанг мустақиман ба марзҳои Тоҷикистон, Узбакистон ва Туркманистон наздик мешавад.

Вай инчунин ёдовар шуд, ки пойгоҳи низомии 201-и Русия, ки дар Тоҷикистон мустақар аст, тақрибан дар худи марз бо Афғонистон ҷойгир аст.

Ёдовар мешавем, ки Тоҷикистон бо Афғонистон 1300 км марзи муштарак дорад.

Дар вилоятҳои ҳаммарз бо Афғонистон, тез-тез амалҳои террористӣ, задухӯрдҳо байни низомиён ва ҷангиён, аз ҷумла ҳаракати “Толибон” ба қайд гирифта мешуданд.

Дар ҳамин ҳол, коршинос секунҷаи Ҳиндустон - Чин - Покистонро аз назари таниш аввал номид.

Ҷанҷоли деринаи болои қаламравҳои шимолии Ҳимолой, ки се кишвар даъво доштанд, метавонад ба задухӯрдҳои ҷиддӣ оварда расонад.

Раҳмон аз хатару таҳдидҳо ба амнияти кишварҳои узви СААД ҳушдор дод

Дар байни Покистон ва Ҳиндустон барои иёлатҳои Ҷамму ва Кашмири Ҳиндустон, қаламрави Хайбар Пахтунхваи Покистон мубориза бурда мешавад, зеро онҳо гузаргоҳҳои асосии нимҷазираи Ҳиндустон мебошанд.

 

1747
Барчаспҳо:
низоъ, Ҳиндустон, Чин, Афғонистон, Покистон, Тоҷикистон
Навоз в кузове автомобиля

“Тиҷорати таппак”: бозори экзотикии маводи сӯхти “аз лиҳози экологӣ тоза” дар Тоҷикистон

0
(Таҷдидшуда 16:04 20.01.2021)
Таппак, ғӯзапоя, ҳезум, ангишт, газ... Бозори аҷибу ғариби сӯзишворӣ дар Тоҷикистон муҳтавояшро ғанӣ мекунад, вақте таъмини аҳолӣ бо барқ ба мушкил мувоҷеҳ мешавад ва зарур меояд, ки ба ҳар қимате набошад, ба оташу гармӣ даст ёфт

ДУШАНБЕ, 20 янв – Sputnik. 5 январ, вақте ширкати “Барқи тоҷик” маҳдудияти интиқоли нерӯи барқ барои аҳолиро эълон кард, дар бозорҳои кишвар якбора қимати маводи сӯхт боло рафт. Дар баробари ангишту газ, ки аз сӯи корхонаҳои саноатӣ тавлид ва ё аз сӯи ширкатҳо аз хориҷ ворид мешаванд, бозори таппаки чорводорону ҳезуми ҳезумкашон ва ғӯзапояи деҳқонони пахтакор низ гарм шуд.

Ҳамсӯҳбатони Sputnik Тоҷикистон аз гӯшаву канори Тоҷикистон тасвири ҷолибе аз ин бозори аҷибу ғариб ба даст медиҳанд, ки зоҳиран сол то сол ҷолибу ҷаззоб мешавад, аммо дар ягон омору ҳисоботи расмӣ таърифе аз он вуҷуд надорад ва як тиҷорати ҳамоно ношинохта барои иқтисод боқӣ мемонад.

Аз оғил ба бозор

Таппак, ки аз поруву саргини гову гӯсфанд ва бузи хонагӣ ҳосил мешавад, як сӯзишвории анъанавӣ дар Тоҷикистон аст, ки маъмулан хоси деҳот аст, аммо барои шаҳрҳо низ бегона нест. Ҳеҷ кас қадомати ин маводи сӯхтро намедонад. Маъмулан таппакро дар шакли саргин фасли тобистон аз дашту саҳро ҷамъ оварда, захира ва дар фасли зимистон барои гармӣ ва пухтупази хонавода истифода мекунанд. Аммо афроде, ки дар хона чорво доранд, онро фасли сармо дар шакли тар ҷамъ оварда, дар фасли гармо хушк ва дар таппакдонҳо захира мекунанд.

Дар қиёс бо ҳезум, ки аз он дар осори таърихиву адабии асрҳои пешин ёд мешавад ва манбаъи даромади фақиронаи тоифаи ҳезумкаш дар бозорҳо буд, зоҳиран, таппак тайи сӣ соли ахир ба моли тиҷорат табдил ёфтааст.

Акбархӯҷа, як тоҷир дар чорроҳаи Ороми канори Хуҷанд, ки аз навоҳии атрофи шаҳр таппаку ҳезум ва ғӯзапоя меорад, ба Sputnik Тоҷикистон гуфт, ӯ маъмулан моли тиҷорати худро тобистон ва аввали тирамоҳ захира мекунад.

“Кам касе ба ин бозор таваҷҷӯҳ дошт. Баъзеҳо ор мекунанд. Аммо шахсан чанд сол аст, ки бо ин кор машғулам. Аввалҳо барои ошхонаҳои шаҳр ҳезум таҳия мекардам. Баъд дарёфтам, ки дар давраҳои бебарқӣ мардуми дигар ҳам дар ҷустуҷӯи ҳезуму таппак мешаванд. Бале, ин тиҷорати ҳамешагӣ нест, мавсимаш асосан ду-се моҳ тӯл мекашад, аммо бедаромад нест”, - гуфт ӯ.

Акбархӯҷа ва дигар ҳамсӯҳбатони мо аз Рашту Хатлон ва Душанбе дар бораи таппак ҷузъиёти ҷолибе ба даст медиҳанд. Ба қавли онҳо, агар дар оғоз як навъи оддии таппак дар як кунҷи бозорҳо савдо мешуд, ҳоло чандин намуди он ва дар як гӯшаи махсус дар қатори ангишту ҳезум харидуфурӯш мешавад.

Аз навъҳои таппак чалма ё сангтаппак (ки дар оғил саргини ҳайвонро сум зада, баъд дар шакли чоркунҷа бо каланд ё бел мекананд), кулӯлатаппак, тағора ё сатилтаппак (ки дар қолаби тағора ё сатил сохта мешавад), кумуртаппак (омехтаи ангишту саргин), таппаки заминӣ, ҳатто деворӣ ва ғайра низ бо шаклу намуди хос дар бозорҳо ироаи муштариён мешаванд, ки гоҳо донабайъ ва гоҳо бо мошин яклӯхт ба фурӯш мерасанд.

Акбархӯҷа мегӯяд, таппакро на фақат мардуми камдаромади деҳотӣ, балки сарватмандони шаҳрӣ низ харидорӣ мекунанд.

“Ба қавли маъмул, ин сӯзишвории аз лиҳози экологӣ тоза ва ба саломатӣ, бахусус пойҳои инсон, фоидаовар аст. Агар қӯри онро ба сандалӣ гирифта, пойҳоятонро дарун кунед, бубинед, ки чӣ роҳате дорад. Тарбоду дардро мерабояд. Таппаки гӯсфанд мисли ангишт метавонад сари касро гирад ва дилбеҳузур кунад, аммо монанди ангишт кушанда нест. Таппаки буз хеле камёфт аст. Таппаки гов бисёр ва бозоргир аст”, - гуфт ӯ.

Соли равон нархи як дона таппак вобаста ба навъаш аз 25 ё 50 дирам ба 1 то 1,5 сомонӣ ва як мошинаш аз 400 ба 800 сомонӣ боло рафт, ки ба қавли огаҳони ин бозор, дар гузашта собиқа надошт ва ҳам далолат бар қавӣ гаштани мавқеи ин маводи сӯхт дар бозор мекунад.

Кундаи муфиди бобоӣ

Ҳезум аз қадим ва то он замон, ки нафту газ ва ангишт дар зиндагии мардуми ҷаҳон пайдо нашуданд, беҳтарин ва маъмултарин маводи сӯхт буд. Он чӣ ҳезумро аз таппак фарқ мекунонанд, оташбардории он ва он чӣ умумияташон медиҳад, ба истилоҳ, аз лиҳози экологӣ тоза ва барои сиҳатӣ муфид будани онҳо аст.

Абдураҳим, як фурӯшандаи дигар аст, ки бозори шаҳри Ваҳдат ва ҳам бозорчаи дуроҳаи Қарағочи канори шаҳри Душанберо бо таппаку ҳезум таъмин мекунад. Тиҷорати вай таъмин намудани як қатор ошхонаҳои Ваҳдату Душанбе бо ҳезум аст, аммо вақти фаромадани сардӣ захираҳои молашро ба бозорҳо низ ироа мекунад. Вай ба Sputnik Тоҷикистон гуфт, маъмулан ҳезуми дарахтони пири зардолу, себ, олуча ва тут муштариёни зиёд доранд.

“Ҳезуме, ки аз дарахти мева ҳосил мешавад, агарчи сахтшикан аст, кам дуд мекунад, дер месӯзад ва ҳам фоида дорад. Асосан афроди сарватманд ё миёнаҳол онро супориш медиҳанд. Ин анвои ҳезум аз боғҳои куҳна ба даст меоянд. Вақте дарахтон ё шохаашон хушк мешаванд, онҳоро мебуранду ҳезум мекунанд”, - гуфт Абдураҳим.

Ба қавли ӯ, ҳезум дар шакли кунда ва ё бастаи шохчаҳо фурӯхта мешавад, масалан, имсол як метр кунда аз 50 сомонии тирамоҳ ба 90 сомонӣ дар вақти сармо боло рафт ва ҳамин тавр, нархи як дарзаи шохчаҳо ё ҳезуми резашуда аз 3,5 ба 6 сомонӣ афзуд.

Дар умум, дар саросари Тоҷикистон имрӯзҳо як мошини ҳезум вобаста ба гунҷоишаш аз 800 то як ҳазор сомонӣ, ҳатто бештар аз ин арзиш дорад, ки ба қавли тоҷирон, барои як зимистон, бо иттифоқи истифода аз барқу ангишт, кифоят мекунад.

Пешдаргирон

Ғӯзапоя, боқимондаи заминҳои пахтаи манотиқи пахтакори Тоҷикистон аст, ки аз оғози пайдоиши ин рустанӣ дар кишоварзии Тоҷикистону минтақа, ба масобаи маводи сӯхт истифода шудааст.

Сангалӣ, як фурӯшандаи ғӯзапоя дар шаҳри Бохтар мегӯяд, афроде, ки замини пахта доранд ва ғӯзапоя ба даст меоранд, зиёдатии онро мефурӯшанд. Ба қавли ӯ, ғӯзапояро асосан барои пешдаргирон истифода мекунанд, зеро ҳамон тавре ки зуд месӯзаду зуд хонаро гарм мекунад, ҳамон гуна зуд тамом мешавад.

“Агар ниҳолаш ғафс бошад, каме медорад, дар акси ҳол, зуд сӯхта тамом ва хона ҳам зуд сард мешавад. Аз ин хотир, мардум дар баробари он ангишту ҳезумро низ захира мекунанд, то гармии хонаро муътадил нигоҳ доранд”, - гуфт Сангалӣ.

Ба қавли ҳамсӯҳбатони мо, як дарзаи ғӯзапоя дар гӯшаву канори Тоҷикистон аз 3 то 5 сомонӣ савдо мешавад ва як мошинаш аз 400 то 700 сомонӣ.

Сухие  стебли хлопчатника
© Sputnik
Сухие стебли хлопчатника

Фақат ангишт

Ҳамсӯҳбатони Sputnik Тоҷикистон дар Вилояти мухтори Кӯҳистони Бадахшон мегӯянд, дар бозорҳои Хоруғ, маркази вилоят, ғӯзапоя аслан вуҷуд надорад ва таппаку ҳезум низ хеле ба нудрат пайдо мешавад.

Аслишоҳ, як сокини шаҳри Хоруғ, мегӯяд, дар Бадахшон чорвои хонагӣ, бавижа гову гӯсфанд, кам аст ва агар сокинон таппак ҳам кунанд, аз эҳтиёҷоти худашон зиёдатӣ намекунад.

“Азбаски замини кишоварзӣ кам аст, боғот низ кам ҳастанд ва ҳезумеро, ки ба даст меояд, худи хонаводаҳо масраф мекунанд. Аммо барои сардиҳое, ки дар Бадахшон ҳукм меронанд, чораи асосӣ ангишт аст, ки аз берун ворид мешавад”, - гуфт Аслишоҳ.

Дар Бадахшон ангишти серхаридор аз водии Олойи Қирғизистон ва кони Назар Айлоқи Рашт ворид мешавад, ки килои он аз 1,8 то 2, 20 дирам арзиш дорад. Дар қисматҳои дигари Тоҷикистон низ бар иловаи ангишти қирғизӣ, ангишти конҳои ноҳияи Айнӣ низ ба бозорҳо ироа мешавад ва қиматашон аз 1,8 то 2,5 сомонӣ сари кило аст.

Сӯзишвории дигаре, ки дар сардиҳо деги мардумро меҷӯшонад, гази моеъ аст. Онро дар баллонҳои хурди сохти Эрону Чин харидорӣ намуда, барои хонавода хӯрок омода мекунанд.

Мешки угля
© Sputnik
Мешки угля

Таҷрибаи бо газ гарм кардани хонаҳо, ба қавли ҳамсӯҳбатони мо, натиҷаи мусбат надодааст, зеро ин маводи сӯхт ҳавои хонаро вайрон мекунад ва ба сиҳатии мардум зиёновар аст.

Дар гузашта ин маворид, ки афрод аз дуди ангишт ва таркиши баллонҳои газ ба ҳалокат расидаанд, гузориш шуда буд.

0
Барчаспҳо:
гармӣ, сӯзишворӣ, ҳезумчинӣ, ангиштсанг, лимити барқ, Тоҷикистон