Акси дастаҷамъӣ аз ҷаласаи Шӯрои ВКХ-и узви СПАД дар Душанбе. 2 апрели соли 2015

Ниятбеков: СПАД манофеъи аъзоёнашро ҳимоя мекунад

7
Ҳамоҳангсози миллии Тоҷикистон дар назди СПАД-и кишварҳои узви ИДМ чунин меҳисобад, ки қочоқи маводи мухаддир аз Афғонистон ба амнияти кишварҳои минтақа хатари ҷиддӣ дорад, аз ин рӯ зарурати эҷоди тасмаи бехатарӣ ва молиявӣ атрофи ин кишвар ба миён омадааст.

ДУШАНБЕ, 3 апр — Sputnik. Манбаи аслии таҳдид ба кишварҳои минтақаи СПАД ин Афғонистон аст ва бояд марзи Тоҷикистон бо Афғонистон таҳким ёбад, иброз дошт ҳамоҳангсози миллии Тоҷикистон дар назди СПАД-и кишварҳои узви ИДМ Вафо Ниятбеков, менависад РИА Новости.

"Бояд марзи Тоҷикистон бо Афғонистон таҳким ёбад, зеро амнияти кишварҳои узви Созмони Паймони Амнияти Дастаҷамъӣ, аз он сӯи Ому таҳдид мешавад. Бо вуҷуди он ки пас аз тақсими қудрат дар Афғонистон вазъи амниятӣ дар ин кишвар то ҳадде ба эътидол омадааст, аммо ҳанӯз ҳам хатарҳо аз қаламрави Афғонистон ба кишварҳои минтақа, ба хусус минтақаи СПАД вуҷуд дорад",- афзуд ин масъули мақомоти тоҷик рӯзи ҷумъаи 3 апрел дар оғози ҷаласаи "Гурӯҳи "Афғонистон"-и СПАД.  

Ин аст, ки Ниятбеков манбаи аслии таҳдид ба кишварҳои минтақаи СПАД-ро дар қаламрави Афғонистон донист ва гуфт, қочоқи маводи мухаддир аз Афғонистон ба амнияти кишварҳои минтақа хатари ҷиддӣ дорад.

"Мақомоти Тоҷикистон бо сохторҳои зидахли Афғонистон, ба хусус пулис ва марзбонӣ ҳамкории танготанге доранд, ки муштаракан алайҳи ҳама чолишҳо метавонанд мубориза баранд",-илова кард ӯ.

Ба гуфти вай, Тоҷикистон низ барои тақвияти фаъолияти сохторҳои ҳифзи ҳуқуқи Афғонистон кӯмаки худро мерасонад. Ниятбеков ба унвони мисол зикр кард, ки ҳар сол теъдоди 500 нафар аз афсарони афғон дар Тоҷикистон таҳсил мекунанд. 

Дар шаҳри Душанбе нишасти гурӯҳи корӣ роҷеъ ба Афғонистон дар назди Шӯрои вазирони корҳои хориҷии кишварҳои узви Созмони Паймони Амнияти Дастаҷамъӣ идома дорад. Дар ин нишаст муовинони Дабири кулли СПАД, намояндагони доимӣ ва ҳамоҳангсозони миллӣ роҷеъ ба Афғонистон дар назди Шӯрои вазирони корҳои хориҷии кишварҳои узви ин созмон ширкат доранд.

Масъулони вазорати корҳои хориҷии Тоҷикистон вазъи кунунӣ ва дурнамои таҳкими вазъи сиёсӣ-низомӣ дар Афғонистон, инчунин нақшаи гурӯҳи кории Шӯрои вазирони корҳои хориҷии кишварҳои узви СПАД-ро аз масоили мавриди баҳс дар ҷаласаи ин гурӯҳ  унвон карданд.

7
Барчаспҳо:
хатар аз он сӯи Ому, мубориза алайҳи чолишҳо, қочоқи маводи мухаддира, тасмаи бехатарӣ, ҳамоҳангсози миллии СПАД, Гурӯҳи Афғонистони СПАД, Шӯрои вазирони умури хориҷаи СПАД, СПАД, Вафо Ниятбеков, ИДМ, Афғонистон, Тоҷикистон
Мавзуъ
Гурӯҳи кории СПАД оид ба Афғонистон 3 апрел дар Тоҷикистон ҷамъ меоянд
Омодагии Русия ва СПАД барои кӯмак ба Афғонистон

Кохи сафед эълон кардааст, ки тавофуқи Трамп бо Толибонро бознигарӣ хоҳад кард

273
(Таҷдидшуда 13:46 23.01.2021)
Кохи сафед дар баёнияе эълом кард, ки мушовири амнияти миллии Ҷо Байден, раисҷумҳурии Амрико ба ҳамтоии афғонистонии худ итилоъ дода аст, ки Амрико тавофуқи Трамп бо Толибонро бознигарӣ хоҳад кард

ДУШАНБЕ, 23 янв — Sputnik. Ҷек Соливон, мушовири амнияти миллии раиси ҷумҳурии Амрико ба ҳамтоии афғонистонии худ эълом кардааст, ки Иёлоти Муттаҳида тавофуқ бо Толибонро бознигарӣ хоҳад кард, иттилоъ додааст радиои тоҷикии Садои Хуросон ба нақл аз ИРНА.

Пеш‌тар Антони Блинкин, ки аз сӯи Байден номзади ҳидояти вазорати хориҷа шуд, дар ҷаласаи пурсишу посух бо намояндагон дар маҷлиси Сенати ин кишвар гуфта буд, ки тавофуқи давлати Трамп бо Толибонро баррасӣ ва бознигарӣ хоҳад кард.

Ин дар ҳоле аст, ки манобее аз давлати Афғонистону Толибон пештар гуфта буданд, ки ду тараф барои тавофуқи давлати Трамп бо Толибон, мунтазири вуруди Ҷо Байден ба Кохи сафед ҳастанд, то аз мавозеъи ӯ дар қиболи ин тавофуқ ва иқдомоти ӯ огоҳ шаванд.

Рӯзи 20 феврали соли гузашта мақомҳои Амрико ва Афғонистон эълом карданд, ки Амрико ва муттаҳидонаш дар НАТО нерӯҳояшонро дар муддати 14 моҳ аз Афғонистони хориҷ хоҳанд кард, дар сурате ки Толибон ба таъаҳҳудоташ бар асоси тавофуқе, ки дар Давҳа имзо карданд, пойбанд бошад.

Панҷ ҳазор зиндонии гурӯҳи Толибон низ бар асоси ҳамин тавофуқнома аз зиндонҳои давлати Афғонистон озод шуданд, ки акнун давлат муддаӣ аст шумори зиёде аз онҳо ба майдони ҷанг баргаштаанд.

Тавофуқномаи сулҳи Амрико ва ниманизомиёни Толибон баъд аз 11 даври музокирот дар ҳоле ба имзо расид, ки бо вуҷуди давлати қонунии Афғонистон, Амрико ба гурӯҳи Толибон дар умури дохилии ин кишвар иҷозаи мудохила додааст.

273
Барчаспҳо:
тавофуқ, бознигарӣ, Толибон, Трамп, Афғонистон, Амрико
Президент Кыргызстана Сооронбай Жээнбеков прибыл с официальным визитом в Таджикистан

Савгандёдкунии хоксорона: Ҷабборов барои масрафоти зиёд аз кортежу банкет даст кашид

2111
Содир Ҷабборов мегӯяд, маросими савгандёдкунии ӯ бидуни кортежу банкет доир мешавад, зеро намехоҳад беҳуда пули зиёд сарф шавад

ДУШАНБЕ, 22 янв — Sputnik. Кишвардори тозаинтихоби Қирғизистон Содир Ҷабборов тасмим гирифт аз кортежи махсус даст кашад ва мехоҳад маросими савгандёдкунӣ хоксорона доир шавад, хабар медиҳад, котиботи президент.

Чанде пеш дар шаҳри Бишкек, хиёбони Чингиз Айтматовро бинобар тамрини баргузории маросими савгандёдкунӣ бастанд.

Ҳамчунин маълум гардид, ки маблағи умумии масрафи маросими адои савганди президенти феълӣ 15 миллион сомро ташкил медиҳад, ки аз ин миён 10 миллион сом сарф мешавад.

Пас аз ифшои ҳаҷми маблағ, дар шабакаҳои иҷтимоӣ мардум аз сарфи зиёди маблағ ва роҳбандиҳо изҳори нигаронӣ намуданд.

Раҳмон ба Ҷабборов барқия фиристоду ба мардуми қирғиз сулҳу субот таманно кард

Содир Ҷабборов шояд нигаронии мардумро пай бурда, аз кортежу банкет ва дигар чорабиниҳо даст кашид.

"Ман фикр мекунам, ки мардум моро мефаҳманд ва дастгирӣ мекунанд. Ман қарор додам, ки аз кортежи махсус, зиёфат ва дигар чорабиниҳои ташкилӣ, ки хароҷоти калони молиявиро талаб мекунанд, даст кашам.

Ёдовар мешавем, Содир Ҷабборов зимни ноамниҳои ахир дар Қирғизистон аз маҳбас озод шуд ва нахуствазири он кишвар таъйин гардид.

Зимнан, дар маракаи интихоботи президентӣ низ ширкат намуда, дастболо шуд. Ҳоло маросими савгандёдкунии ӯ 28 январ дар толори Филармонияи давлатии Қирғизистон баргузор мегардад.

2111
Барчаспҳо:
президент, маросими савгандёдкунӣ, Қирғизистон
Пояс чемпиона UFC

Агар Ҳабиб наояд, кӣ барои унвони қаҳрамонӣ мубориза мебарад - раҳбари UFC номҳоро гуфт

0
(Таҷдидшуда 22:58 24.01.2021)
Имрӯз номзадҳои эҳтимолӣ барои унвони қаҳрамонӣ дар як мусобиқа ширкат варзиданд. Муборизаи яке аз онҳо шомро пеш мебурду задухӯрди дигар рӯйдоди бузург буд

ДУШАНБЕ, 24 январ - Sputnik. Президенти UFC Дана Уайт гуфт, ки агар қаҳрамони феълии ин ташкилот дар вазни сабук Ҳабиб Нурмуҳаммадов дар ниҳоят карераи худро ба анҷом расонад, ба кӣ имконият медиҳад, то барои унвони қаҳрамонӣ мубориза барад.

Ӯ дар ин бора зимни нишасти хабарӣ пас аз мусобиқаи UFC 257 изҳор дошт.

Ба гуфтаи Уайт, амрикоиҳо Дастин Поре ва Майкл Чандлер барои унвони қаҳрамонӣ дар вазни сабук мубориза мебаранд.

"Агар Ҳабиб биравад, Поре ва Чандлер барои унвони қаҳрамонӣ мубориза хоҳанд бурд",- гуфт роҳбари UFC.

Уайт гуфт, пас аз рақобати варзишкор Поре ва Конор дар доираи рақобати UFC 257 аз Ҳабиб Нурмуҳаммадов дар бораи баргаштан ба майдони ҳарб пурсон шуд.

Нурмуҳаммадов гуфт, барои рақобат бо Поре боз мегардад ё не?

Ба гуфти Ҳабиб на Макгрегор ва на Поре наметавонанд барои ӯ рақиб бошанд.

"Ман бо Ҳабиб суҳбат кардам, ӯ ба ман гуфт: "Дана биё росташро мегӯем, ман чанд сатҳ аз ин бачаҳо болотарам". Намедонам ин сухан хурсандиовар нанамуд, мебинем", - гуфт раҳбари UFC Дана Уайт.

Аммо ин гуфтаҳои Ҳабиб ба варзишкори дигари амрикоӣ Майкл Чандлер хуш наомад ва ӯ Ҳабибро ба майдони ҳарб даъват кард.

Бояд гуфт, ки ҳарду варзишгари эҳтимолӣ, ки барои камарбанд имкон дорад мубориза баранд, имрӯз дар мусобиқае, ки дар "Ҷазираи муҳорибаҳо" -и Абу-Даби баргузор шуда буд, ҳунарнамоӣ карданд.

Муборизаи Чандлер бо Дэн Ҳукер аз Зеландияи Нав барҷастатарини шом буд ва муқовимати Поре ва Макгрегор муборизаи асосӣ буд.

Посухи Конор ба шарҳи Ҳабиб дар бораи шикаст: ба майдон хонд

Поре дар даври дуввум бо нокаут пирӯз шуд, Чандлер рақиби худро бо зарбаҳои шадид дар даври аввал мағлуб кард.

 

 

0
Барчаспҳо:
зӯрозмоии размикорон, қаҳрамонӣ, Ҳабиб Нурмуҳаммадов, қаҳрамони UFC