Киштӣ барои сайру саёҳат дар рӯдхонаи Янтсзи. Акс аз бойгонӣ

Наҷотдиҳандагон дар Чин мусофирони киштии ғарқшударо меҷӯянд

9
Пулис капитан ва сармуҳандиси киштии “Ситораи Шарқ” (“Восточная звезда”)-ро боздошт карда, қазияро таҳқиқ дорад. Ба гуфти дастгиршудагон, қабл аз ғарқшавӣ дар дарё гирдбод ба вуқӯъ пайваст.

ДУШАНБЕ, 2 июн — Sputnik. Амалиёти наҷотдиҳӣ дар маҳалли ғарқшавии киштии "Ситораи Шарқ" дар дарёи Янтсзи Чин идома дорад, зимни он 1 ҳазор наҷотдиҳанда ва 54 қаиқ даст ба кор аст, менависад РИА Новости бо истинод ба расонаҳои маҳаллӣ.

Тибқи хабари бархе аз манобеъ, аллакай аз 13 то 20 нафар наҷот дода шудаанд. Умури наҷотдиҳӣ аз сабаби боришоти шадид ва шамоли сахт ба мушкил мувоҷеҳ гардидааст. Киштӣ дар қаъри рӯд, дар чуқурии 15 метр аст.

Киштӣ соати 21.28 бо вақти маҳаллӣ (18.28 дшб) дар вилоят (провинсия)-и Хубэй ба садама дучор шуд. Он аз Нанкин ба қисмати ҷанубии Чин, минтақаи Чунтсин ҳаракат мекард. Ба навиштаи ВАО, дар киштӣ 405 мусофир- шаҳрвандони Чин, 47 сарнишини он ва 5 намояндаи як ширкати сайру саёҳат  ҳузур доштанд.

Аксари мусвофирони киштӣ бузургсолон будаанд, ки аз 50 то 80 сол доштанд.

9
Барчаспҳо:
боришоти шадид ва шамоли сахт, наҷотдиҳандон дар рудхона, дар ҷануби Чин як киштӣ ба садама дучор шуд, "Восточная звезда", "Ситораи Шарқ", Чунтсин, Нанкин, Хубэй, Чин

Туркманистон: коронавирус нест, аммо мардумро ба пӯшидани ниқоб муваззаф мекунанд

82
(Таҷдидшуда 14:02 15.07.2020)
Кормандони пулис дар кӯчаву хиёбонҳои Туркманистон тариқи баландгӯяк мардумро ба пӯшидани ниқоб ҳангоми сайру гашт дар берун даъват мекунанд

ДУШАНБЕ, 15 июл – Sputnik. Туркманистон, ки то ҳол аз орияти худ аз маризии сироятии коронавирус пофишорӣ мекунад, акнун сокинонро маҷбур мекунад,ки дар берун танҳо бо ниқоби тиббӣ сайру гашт кунанд.

Дар мавриди ҷорӣ шудани режими ниқоб дар ин кишвар хабаргузории Turkmen.news хабар медиҳад.

Манбаъ меафзояд дар Ашқобод ҳоло бузургтарин Маркази тиҷоратӣ - фароғатӣ "Берқарар" ва бозори "Талкучка" барои қаратин баста шудаанд.

Зимнан, дар роҳи кӯчаву хиёбонҳо кормандони пулис тариқи баландгӯяк мардумро ба пӯшидани ниқоби тиббӣ муваззаф мекунанд.

Ҳамчунин дар сарҳад, аснои ворид шудани ба қаламрави Туркманистон кормандони пулис ниқоби тиббӣ ва маводҳои безараргардониро ба таври ройгон тақсим мекунанд.

Ёдовар мешавем, ҳайати Созмони ҷаҳонии беҳдошт оид ба масоили коронавирус рӯзи 6 - уми июл вориди Туркманистон гардиданд.

Аз СУТ наметарсем: Туркманистон боз гуфт, ки дар кишвар коронавирус нест

Интизор меравад, намояндагони СҶБ тули 10 рӯз дар ин кишвар хоҳанд монд ва бо мутахассисони соҳаи тандурустӣ мулоқот намуда, кори муштаракро оид ба арзёбии хатар ва таҳияи механизмҳои вокуниш ба COVID-19 баррасӣ мекунанд.

Ҳамчунин, ҳайати коршиносон аз муассисаҳои тиббӣ, марказҳои саломатии давлатӣ, озмоишгоҳҳо ва дигар муассисаҳои сатҳи ҷумҳуриявӣ, вилоятиву шаҳрӣ ва нуқтаҳои даромадгоҳӣ дидан хоҳанд кард.

Қаблан вазири умури хориҷаи Туркманистон Рашид Мередов дар рафти нишасти матбуотӣ изҳор дошта буд, ки ҷумҳурӣ омода аст ҳайати СҶБ-ро аввалҳои моҳи июл пешвоз гирад.

Мередов дар ҳамин нишасти матбуотӣ таъкид кард, ки то ҳол Туркманистон ба кишварҳое шомил мешавад, ки бо коронавирус рӯ ба рӯ нашудааст.

Ӯ далоили набудани коронаро на саривақт бастани марз, балки ба рушди низоми тандурустӣ рабт дода буд.

82
Барчаспҳо:
маризӣ, Туркманистон
Мавзуҳо:
Пайомадҳои COVID-19 дар Тоҷикистон ва ҷаҳон
Полицейские возле места взрыва в Кабуле, Афганистан. 7 августа 2019 года

Таркиши бомб дар Кобул: 16 кушта даҳҳо нафари дигар захмӣ

129
(Таҷдидшуда 18:19 14.07.2020)
Таркиши бомб дар шаҳристони Саробӣ наздикии Кобули пойтахти Афғонистон 16 нафарро кушта ва даҳҳо нафари дигарро захмӣ кард

ДУШАНБЕ, 14 июл – Sputnik. Ба гузориши радиои Садоии Хуросон, полиси шаҳристони Саробӣ дар шарқи шаҳри кобул эълом кард, ин инфиҷори зуҳри рӯзи сешанбе  замоне рӯй дод, ки минаи канори ҷодае дар масири убури мошини ҳомили ғайринизомиён мунфаҷир шуд.

Бино бар иттилои манбаъ, дар ин инфиҷор  панҷ  ғайринизомӣ ҷон бохтанду 11 нафари дигар захмӣ шуданд.

Бар асоси ин гузориш, шуморе аз кушта ва захмӣ шудагони ин инфиҷор  занону кӯдакон ҳастанд.

Фармондори шаҳристони Саробии Кобул  ин минагузориро кори гурӯҳи Толибон дониста аст.

Аммо масъулияти ҳодисаро то ҳол ҳеҷ гурӯҳе ба дӯш нагирифтааст. Гурӯҳи Толибон ҳам дар ин бора изҳороте накардаанд.  

Ёдрас мешавем, дар Афғонистон муҳорибаи шадиди толибон ва ҳукумат идома дорад. Гурӯҳи радикалӣ қисми калони деҳаҳои Афғонистонро таҳти нуфузи худ қарор дода, ба шаҳрҳои калон ҳуҷум мекунад.

Ҳамчунин, дар кишвар нуфузи гурӯҳи террористии "Давлати исломӣ" зиёд мешавад.

129
Барчаспҳо:
Толибон, захмӣ, кушта, таркиш, Кобул, Афғонистон
Район Мургаб - ГБАО

Пешниҳоди Тоҷикистон барои тағйири шеваи интиқоли бор дар Қулма

0
(Таҷдидшуда 16:59 15.07.2020)
Вазорати нақлиёти Тоҷикистон мегӯяд, гузаргоҳи марзии Қулма кушода буда, ҳамлу нақли бор дар он аз дигар гузаргоҳҳо фарқкунанда мебошад

ДУШАНЕБ, 15 июл – Sputnik. Тибқи иттилои Вазорати нақлиёти Тоҷикистон ҳамлу нақли бор дар гузаргоҳи Қулма тариқи контейнерӣ сурат мегирад. Бор дар контейнерҳо то гузаргоҳ оварда мешаванд ва аз он ҷо аз мошинҳои хитоӣ ба мошинҳои Тоҷикистон бор карда мешавад. 

Худоёр Худоёрзода, вазири нақлиёти Тоҷикистон, изҳор дошт чунин шеваи интиқоли бор дар шароити куҳсор мушкилоти худро дорад. Ӯ изҳор дошт, ки хостори тағйири шеваи интиқоли бор ба ядакӣ мебошанд, ки ядакҳо то гузаргоҳҳо оварда шаванду бо риояи қоидаҳои беҳдоштӣ бор ба Тоҷикистон ворид карда шавад. Ядаку нимядаке, ки аз Чин меояд, мо онро безарар гардонему вориди Тоҷикистон кунем, тавзеҳ дод вазир.

Ба гуфтаи Худоёрзода, бартарии дигари ин шеваи интиқол дар он аст, ки ҷониби Тоҷикистон зиёда аз 1500 ядак дорад, аммо контейнер камтар аст.

Вазорати нақлиёти Тоҷикистон зикр намуд, ки дар гузаргоҳҳои дигар ҳамлу нақли бор бо пешниҳоди санади саломатии ронанда ва риояи қоидаҳои беҳдошт роҳандозӣ шуда, воридоту содироти бор дар кишвар таъмин мебошад.

0
Барчаспҳо:
интиқол, бор, Чин, Тоҷикистон