Президент Алмосбек Атамбоев бо Котиби генералии СММ Пан Ги Мун мулоқот кард

Пан Ги Мун аз оғози тарҳи нав барои ҳалли таниши марзӣ хабар дод

7
(Таҷдидшуда 10:08 15.06.2015)
Созмони Милали Муттаҳид, бино бар паёми ахири Дабир кулли он Пан Ги Мун, мехоҳад, дар ҳалли мушкилоти марзии байни Тоҷикистон ва Қирғизистон нақши миёнарав ва сулҳофарро бозад.

ДУШАНБЕ, 11 июн — Sputnik. Дабири кулли Созмони Милали Муттаҳид Пан Ги Мун аз оғози як тарҳи нави таҳкими ҳамкориҳои марзии Тоҷикистону Қирғизистон хабар додааст, менависад "Радиои Озодӣ".

Пан Ги Мун аснои суханронӣ дар ҳамоиши байналмиллалии Об барои ҳаёт дар Душанбе. 9 июни соли 2015
© Официальная страница пресс-службы президента РТ в Facebook.

"Ман имрӯз ташаббуси нави Бунёди сулҳсози СММ-ро эълон мекунам, ки ин рушди ҳамкорӣ миёни ҷомеаҳои марзии Қирғизистон ва Тоҷикистон аст, то шумори ҳарчӣ бештар занону ҷавонон ва кӯдакон ба ин раванд ҷалб шаванд", — гуфтааст Пан Ги Мун.

Бо ин паём рӯзи 11-уми июн дар Бишкек, пойтахти Қирғизистон, Пан Ки Мун афзудааст, ки ин тарҳ ба густариши бештари ҳамкориҳои минтақаӣ дар Осиёи Марказӣ кӯмак хоҳад кард.

Раисиҷумҳури Қирғизистон Алмосбек Отамбоев барои ин ташаббус аз Пан Ги Мун изҳори сипос намуда гуфтааст, ҳуҷҷатҳое, ки ахиран байни ҳукуматҳои Қирғизистон ва Тоҷикистон ба имзо расидаанд, низ ба таҳкими робитаҳо дар минтақаҳои ҳаммарз марбутанд. Вай ҳамчунин изҳори умедворӣ кардааст, ки кор барои ҳалли ҳамаи мушкилоти марзии байни ду кишвар дар авҷ аст.

Рӯзи 4-уми июн дар Бишкек тарҳе бо номи "Ҳамкории марзӣ ба хотири сулҳ ва рушди пойдор" байни Тоҷикистон ва Қирғизистон ба имзо расид, ки ҳадафи асосияш ҳалли мушкилоти марзии миёни ду кишвар аст. Барои коҳиши хатарҳои низоъбарангез дар марз дар вилоятҳои Бодканди Қирғизистон ва Суғди Тоҷикистон зимни ин барнома 3 миллион доллар харҷ хоҳад шуд.

Муноқишаҳо дар ин марз ба иллати номуайянии хатти он сар мезананд ва ду тараф ҳамдигарро айбдор мекунанд, ки қаламрави ҳамсояашро ишғол кардааст. То имрӯз аз 970,8 километр марзи Тоҷикистону Қирғизистон 567 километраш мушаххас ва аз ин 519 километри марз дар сатҳи кумиссиюни байнидавлатӣ тасвиб ва таъину аломатгузорӣ шудааст.

Танҳо дар соли 2014 дар марзи Қирғизистон бо Тоҷикистон 30 даргирӣ рух дода, дар ин танишҳои марзӣ дар соли гузашта дар маҷмӯъ се шаҳрванди Тоҷикистон, аз ҷумла як афсари нирӯҳои марзбонӣ кушта ва аз ҳарду тараф ҳудуди 20 нафар захмӣ шуданд. Музокироти ҳайатҳои ду тараф дар сатҳи муовинони сарвазирҳо тавонист оташи танишҳоро то ҳадде фурӯ нишонда, як оромии нисбиро дар марзи Тоҷикистону Қирғизистон таъмин кунад.

7
Барчаспҳо:
аломатгузорӣ, ҳалли қазия, кӯмак, муноқишаи марзӣ, танишҳо дар марз, марз, СММ, Алмосбек Атамбоев, Пан Ги Мун, Бишкек, Қирғизистон, Тоҷикистон
Давлат Худоназаров советский, таджикский кинодокументалист, политик и общественный деятель. Народный артист Таджикской ССР (1989)

Худоназаров филми офаридаи Далер Имомалиро арзёбӣ кард

145
(Таҷдидшуда 23:38 08.07.2020)
Сиёсатмадор, фаъоли ҷамъиятӣ ва коргардони барҷастаи тоҷик Давлат Худоназаров ширкати филми коргардон Далер Имомалиро дар Ҷашнвораи синамои мусалмонон дар Қазон арзёбӣ кард

ДУШАНБЕ, 8 июл — Sputnik. Филми нави ҳуҷҷатии коргардони ҷавони тоҷик Далер Имомалӣ "Кӯчаи умед - 612" ба 16-умин Ҷашнвораи байналмилалии синамои мусалмонӣ дар Қазон, даъват шуд.

Чунин таваҷҷӯҳ ба филми Далер Имомалӣ хабари хушоянд аст, гуфт сиёсатмадор, фаъоли ҷамъиятӣ ва коргардони барҷастаи тоҷик Давлат Худоназаров.

Ӯ ёдоварӣ кард, ки соли гузашта коргардони тоҷик аллакай як филми худро дар ин ҷашнвора ба намоиш гузошта буд.

Ба фикри Давлат Худоназаров филми Далери Имомалӣ бисёр унвони зебо ва ғайриоддӣ дорад - "Кӯчаи умед - 612". 

"Қаҳрамони филм Саъдулло Раҳимов - шахсияти илмӣ, намояндаи бузурги фарҳанги тоҷик. Ӯ фаъолияти касбияшро дар шӯъбаи философияи Академияи илмҳои Тоҷикистон оғоз карда буд. Баъдтар киношинос ва мунаққид шуд. Ҳамаи даҳсолаҳо ӯ дар мавқеъи худ устувор буд. Ба муносибати шахсӣ бо он ё ин коргардон нигоҳ намекарда, ӯ доим рост ва он чиро, ки эҳсос мекард, мегуфт ", - афзуд Худоназаров дар суҳбат бо Sputnik Тоҷикистон.

Ӯ қайд кард, ки корҳои Раҳимов ба беҳтар шудани сифати синамои "Тоҷикфилм" таъсири мусбат кард.

Худоназаров ҳамчунин баргузории 16-умин ҷашнвораи Қазонро воқеъаи хушоянд арзёбӣ карда, гуфт аз як тараф ин ҷашнвора ҳамаи синамогарони мусалмонро якҷо ҷамъ меорад ва аз сӯи дигар барои ҳамагон кушода аст.

Дар баробари ин Худоназаров ба ин аст, ки ҷашнвора метавонад миқёси худр бо филмҳои минтақавии Русия васеътар кунад.

Ба гуфти ӯ, филмҳо аз ҳар минтақа бозгукунандаи симои ҳар минтақа шуда барои ошноӣ бо онҳо заминаи хубе хоҳанд буд.

145
Барчаспҳо:
ҷашнвораи кино, Қазон
В.Путин принимает участие в четвертом Каспийском саммите

Рӯҳонӣ: Эрон ба ғайр аз ду кишвар бо ҳамсоягони худ равобити хуб дорад

484
(Таҷдидшуда 17:55 08.07.2020)
Раисҷумҳури Эрон ахиран дар ҷаласаи ҳайати давлат равобити Теҳрон бо кишварҳои ҳамсояро хуб арзёбӣ кард

ДУШАНБЕ, 8 июл — Sputnik. Ҳасани Рӯҳонӣ, раисҷумҳури Эрон ахиран дар ҷаласаи ҳайати давлат, таъкид доштааст, ки кишвараш таомули бисёр хубе бо кишварҳои ҳамсоя дорад, албатта ба ғайр аз ду кишваре, ки худашон намехоҳанд бо Теҳрон робита дошта бошанд.

Ба нақл аз хабаргузории "Парстудей", Ҳасани Рӯҳонӣ ҳамчунин дар ин ҷаласа бо ишора ба зарфиятҳои бандари Чобаҳор, афзуд, зарфияти бандари Чобаҳор ба унвони танҳо бандари уқёнусии кишвар аз 2.5 миллион тон ба 8.5 миллион тон расида, ки ин иқдом таҳаввуле бузург барои хатти транзитии ҷануб ва шимол аст.

Раисҷумҳури Эрон эҳдоси роҳи оҳани Ҷануб - Шимолро як тарҳи миллӣ ва байналмилалӣ донист ва изҳор дошт. Ин хатти роҳи оҳан аз уқёнуси Ҳинд дар Чобаҳор шуруъ мешавад ва ба ҳамаи хутути роҳи оҳан дар минтақаи Осиёи Марказӣ, Қафқоз, Чин, Русия ва Аврупо муттасил мешавад.

Рӯҳонӣ ҳамчунин бо ишора ба тавтеаҳои кишварҳои ғарб нисбати Эрон афзуд, мардум ва масъулони Эрон даст дар дасти ҳам тавтеаҳои душманонро хунсо мекунанд.

484
Барчаспҳо:
ҷаласа, рӯҳонӣ, ҳамсоя, ҳамсоядорӣ, равобит, Раисҷумҳур, Эрон
Служба в армии, архивное фото

Сарбоз 17 сангпора хӯрд, ки аз аскарӣ раҳо шавад: ба хизмат тоб наовардааст

0
Додгоҳи ҳарбии гарнизони Душанбе ҳукми сарбозеро содир кардааст, ки бо хурдани сангпораҳо ва узвмаъюбкунӣ мехост аз хизмати ҳарбӣ раҳо шавад

ДУШАНБЕ, 9 июл — Sputnik. Тибқи иттилои дафтари матбуотии додгоҳ сарбози қаторӣ Отабек Ибрагимов зимни даъвати тирамоҳӣ аз ҷониби комиссияи даъватии шаҳри Турсунзода ба хизмати ҳатмии ҳарбӣ даъват шуда, барои адои он ба қисми ҳарбии 42660 АТАМ назди ҳукумати қумҳурии Тоҷикистон сафарбар карда шудааст.

Ба иттилои манбаъ, ӯ хизмати низомиро дар қисми ҳарбии мазкур иҷро карда, дар ин давом ба шароити хизмати ҳарбӣ тоб наоварда, 24-уми декабри соли 2019 ҳангоми дар қисми ҳарбии 02615-и Вазорати мудофиаи Тоҷикистон муваққатан қарор доштанаш, баъд аз хӯроки нисфирӯзӣ истеъмол намудан дар назди худ мақсад мегузорад, ки бо роҳи узвмаъюбкунӣ бо бемории сохта муваққатан аз иҷрои вазифаҳои хизмати ҳарбӣ озод шавад.

“Бо ин мақсад номбурда 7 адад сангпораҳои ҳаҷмашон гуногунро фурӯ бурда, бо ҳамин роҳ аз иҷрои вазифаҳои хизматиаш дур шуда, санаи 28-уми декабри соли 2019 дар Беморхонаи марказӣ-ҳарбии ВМ Ҷумҳурии Тоҷикистон бистарӣ шудааст”.

Манбаъ мегӯяд, илова бар ин, номбурда бо мақсади аз иҷрои хизмати ҳарбӣ тамоман саркашӣ кардан дар назди даромадгоҳи шуъбаи 1-уми ҷарроҳии Беморхонаи ҳарбии мазкур санаи 31декабри соли 2019 қарор доштанаш боз 10 адад сангпораҳоро фурӯ бурдааст.

Гуфта мешавад, дар пайи ин амалкард, Суди ҳарбии гарнизони Душанбе сарбоз Ибрагимов Отабекро бо моддаи 376 қисми 2 Кодекси ҷиноятии Ҷумҳурии Тоҷикистон ба муҳлати 2 (ду) сол маҳкум кардааст.

0