Дар инфиҷори Бангкок 6 шаҳрванди Чин қурбон шудааст

© AP / Mark BakerМаҳалли таркиш дар Бангкок
Маҳалли таркиш дар Бангкок - Sputnik Тоҷикистон
Обуна шудан
Рӯзи душанбеи гузашта дар Бангкок, дар маркази тиҷоратӣ ва сайёҳӣ, ки пуриздиҳомтарин макони Тайланд маҳсуб меёбад, тарикш ба вуқӯъ пайваст. Гумонбари асосӣ мардеро медонанд, ки бо борхалта ва либоси зард дар наворҳо сабт шудааст.

ДУШАНБЕ, 19 авг — Sputnik. Сафорати Чин дар Тайланд хабари ҳалокати шаш шаҳрванди кишварашро дар пайи амалиёти террористӣ дар Тайланд тасдиқ карда гуфт, як нафари дигар ҳанӯз бе ному нишон аст, иттилоъ медиҳад РИА Новости бо истинод ба оҷонсии Синхуа.

Қаблан дар мавриди қурбон шудани панҷ чиноӣ иттилоъ дода буданд.

Таркиш дар Бангкок: 20 нафар ҳалоку 123 тани дигар ҷароҳат бардоштанд

"Як шаҳрванди Чин ҳанӯз бе ному нишон аст, 22 тан аз табааи ҶМЧ ба беморхона интиқол шудаанд",- менависад оҷонсӣ.

Таркиш  дар назди як макони муқаддаси ҳиндуҳо дар Бангкок, пойтахти Таиланд, дастикам 20 кушта ва ҳудуди 123 захмӣ ба ҷо гузошт. Ҳанӯз касе масъулияти таркиш дар мазори Эраванро, ки дар як маркази Бангкок дар атрофи меҳмонсароҳои пуршукӯҳ воқеъ мебошад, бар дӯш нагирифтааст.  

Лентаи хабарҳо
0