Бинои парлумони Қирғизистон дар шаҳри Бишкек. Акс аз бойгонӣ

Дар интихоботи Қирғизистон ду тоҷик довталаб шуданд

10
Равшанбек Собиров ва Саидолим Ҷӯраев – аз тоҷикони муқими Қирғизистон барои соҳиб шудан ба курсиҳои парлумони он кишвар вориди корзори интихобот мешаванд. Интихобти парлумонии он кишвар 4 октябр барпо хоҳад шуд.

ДУШАНБЕ, 19 авг — Sputnik. Ду нафар аз тоҷикони Қирғизистон барои соҳиб шудан ба курсии вакили парлумон дар он кишвар вориди мубориза мешаванд, навиштааст Радиои Озодӣ.

Аз ҷумла дар рӯйхати номзадҳои Ҳизби сотсиал-демократи президент Алмосбек Отамбоев Саидолим Ҷӯраев, аз тоҷикони зодаи шаҳраки тоҷикнишини Учқӯрғон пешбарӣ шудааст.

"Саидолим Ҷӯраев 52 сол дорад ва як полковники бознишаста аст. Ҳоло раҳбарии корхонаи "Машзавод" дар шаҳри Қизил — Кияро бар ӯҳда дорад", — гуфтааст Қодиршоҳи Муруват, намояндаи Анҷумани тоҷикони Қирғизистон ба номи Рӯдакӣ.

Ба ақидаи Муруват, шонси ба парлумон роҳ ёфтани Саидолим Ҷӯраев зиёд аст, чунки таҳлилгарон ба 40 курсии парлумон даст ёфтани Ҳизби сотсиал-демократро пешбинӣ мекунанд. Номзади дувуми эҳтимолӣ аз миёни тоҷиктаборон Равшанбек Собиров, раиси анҷумани тоҷикон ва вазири собиқи ҳифзи иҷтимоии Қирғизистон аст. Равшанбек Собиров дар интихоботи 5 сол пеш низ вакили парлумон интихоб шуда буд, вале баъди интихобаш ба узвияти кобина аз парлумон рафт.

Равшанбек Собиров, ки дар соли 2011 нахустин вазири тоҷиктабор дар ҳукумати Қирғизистон шуд, дар соли 2012 боздошт ва бо ҷурми ришваситонӣ ба 5 соли зиндон маҳкум шуд. Вале моҳи марти соли 2014 ӯро бар асоси қонуни афв раҳо карданд. 

Равшанбек Собиров 18 август дар суҳбат бо Озодӣ гуфтааст, ӯ ин бор аз номи ҳизби Азаттик (Озодӣ)-и генерал Исмоил Исҳоқов ба парлумон меравад.

"Вале рӯйхати мо ҳанӯз ниҳоӣ нашудааст. Анҷумани Ҳизби Озодӣ рӯзи 19 август дар толори Филармонияи Бишкек доир мешавад. Номзадии ман низ матраҳ аст, вале рӯйхати ниҳоӣ танҳо баъди анҷумани интихоботии ҳизб дақиқ хоҳад шуд", — гуфтааст Равшанбек.

Оқои Собиров афзудааст, дар ҳар сурат, ӯ ҳаққи ширкат дар интихоботро дорад, чунки Додгоҳи олии Қирғизистон моҳи июни имсол ӯро бегуноҳ эълон кард ва доғи судиаш ҳам пок шуд.

Интихоботи парлумони Қирғизистон рӯзи 4 октябр доир мешавад ва 120 вакили Жогорку Кенеш танҳо аз рӯйхатҳои ҳизбӣ пешбарӣ мешаванд. То кунун 8 ҳизби сиёсӣ рӯйхати номзадҳои хударо дар анҷуманҳои интихоботиашон ниҳоӣ кардаанд.

Ҳизби сотсиал-демократи раисиҷумҳури Қирғизистон Алмосбек Отамбоев рӯзи 17 август дар анҷуманаш 131 нафарро аз номи ин ҳизб номзад кард. Ин ҳизб дар сомонааш навиштааст, ки рӯйхати сотсиал-демократҳо ба ҷуз аз худи номзадҳои қирғиз 25 намояндаи ақвоми дигарро низ дар бар мегирад.

Ҳизби Озодии генерал Исҳоқов дар парлумони кунунӣ 10 вакил дорад ва эҳтимол аст, ки нуфузашро дар ҳайъати ояндаи Жогорку Кенеш низ ҳифз хоҳад кард. Қодиршоҳи Муруват мегӯяд, агар номи Равшанбек Собиров низ дар даҳгонаи аввали номзадҳои ҳизби Озодӣ биояд, шонси зиёди гузаштан ба парлумонро ба даст меорад ва дар сурати пирӯзии ӯву полковник Ҷӯраев тоҷикҳои Қирғизистон метавонанд барои бори аввал соҳиби ду курсӣ дар парлумони ин кишвари Осиёи Марказӣ шаванд.

Дар Қирғизистон, бино ба омори расмӣ, тақрибан 55 000 тоҷикҳо зиндагӣ мекунанд. Тоҷикон тақрибан 1,1 дарсад аз 5 миллион аҳолии Қирғизистонро ташкил медиҳанд. Як маҳалли асосии сукунати деҳаи Учқӯрғон дар вилояти Бодканд буда, ҳамин тавр, дар гӯшаҳои дигари ин вилоят ва ҳам дар вилоятҳои Ӯшу Ҷалолобод низ ба сар мебаранд. Бар илова, танҳо дар вилояти Чуй дар шимоли Қирғизистон 6 000 муҳоҷир аз Тоҷикистон, бо шумули қирғизҳои кӯчида аз Тоҷикистон, зиндагӣ мекунанд. Ҳазорон муҳоҷири дигар аз Тоҷикистон дар пойтахт, шаҳри Бишкек ва шаҳрҳои дигари саноатии Қирғизистон макони кору зиндагӣ пайдо кардаанд. Анҷумани тоҷикони Қирғизистон ба номи Рӯдакӣ барои тоҷикони ин кишвар нашрияи тоҷикие бо номи "Паёми Алатоо" нашр мекунад.

10
Барчаспҳо:
2 тоҷик, сабқат, интихобот, Жогорку Кенеш, Қодиршоҳи Мурувват, Саидолим Ҷӯраев, Равшанбек Собиров, Қирғизистон
Самолет компании Сомон Эйр, архивное фото

Рӯзи барқароршавии парвозҳо байни Тоҷикистону Қазоқистон маълум шуд

628
(Таҷдидшуда 20:26 04.03.2021)
Қазоқистон санаи барқарор шудани парвозҳои мунтазам байни Душанбе ва Алмааторо эълон кард. Парвозҳоро ширкати "Эйр Астана" ва "Сомон Эйр" анҷом медиҳанд

ДУШАНБЕ, 4 мар — Sputnik. Қазоқистон санаи азсаргирии парвозҳои мунтазам аз Алмаато ба Душанберо эълон кард.

Тибқи иттилои хадамоти матбуоти Вазорати саноат ва рушди инфрасохтори ҷумҳурӣ, аз 14 марти соли 2021 ширкати "Эйр Астана" ба нақша гирифтааст, ки парвозҳои мунтазамро байни пойтахтҳои Қазоқистон ва Тоҷикистон оғоз кунад.

Ин тасмим бар асоси вазъи эпидемиологии коронавирус дар Тоҷикистон ва Қазоқистон гирифта шудааст. Парвозҳо дар масири Алмаато - Душанбе - Алмаато ҳафтае як маротиба анҷом меёбанд. Тибқи ҷадвал, парвоз рӯзҳои якшанбе сурат мегирад", - омадааст дар хабари вазорати Қазоқистон.

Қарор аст, аз ҷониби Тоҷикистон парвози аввал рӯзи 18 март сурат гирад. Парвозҳо ҳафтае як маротиба рӯзҳои панҷшанбе анҷом дода мешаванд. Ин масирро ширкати миллии "Сомон Эйр" иҷро мекунад.

Раиси фурудгоҳи Внуково гуфт, кай парвозҳо миёни Тоҷикистону Русия барқарор мешавад

Ёдовар мешавем, ки Тоҷикистон аз 20 марти соли гузашта бинобар пандемияи коронавирус парвози мунтазамро бо тамоми кишварҳо қатъ карда буд.

Истисноҳо парвозҳои махсус барои шаҳрвандони ҷумҳурӣ буданд.

628
Барчаспҳо:
парвоз, Қазоқистон, Тоҷикистон
Эмомали Рахмон и Шавкат Мирзиёев в Самарканде

Самарқанд ва Саратов бародаршаҳр шуданд

151
(Таҷдидшуда 12:00 04.03.2021)
Шаҳрдори Самарқанд ва муовини шаҳрдори Саратови Русия дар мавриди барқарории равобити бародаршаҳрӣ қарордоди ҳамкорӣ имзо карданд

ДУШАНБЕ, 4 мар — Sputnik. Ба гузориши хабаргузории “Форс”, Бобурмирзо Облоқулов, шаҳрдори Самарқанд ва Алексей Никитин, муовини иқтисодии шаҳрдори Саратови Русия дар мавриди барқарории равобити бародархондагӣ қарордоди ҳамкорӣ имзо карданд.

Гуфта шудааст, ки дар қарордоди мазкур ҷалби сармоягузор, иҷрои тарҳҳои муштараки сармоягузорӣ, ҳимоят аз ҳамкориҳои мутақобили байни созмонҳои омӯзишии шаҳрҳо ва ҳамчунин заминаҳои фарҳангиву гардишгарӣ мавриди тавваҷуҳ қарор гирифтааст.

Пешниҳоди Панҷакенту Самарқанд барои сабт дар феҳристи ЮНЕСКО

Дар ин қарордод ду тараф ҳамчунин барои рафъи муштараки паёмадҳои ҳамагирии корона низ ба тавофуқ расиданд.

Қайд карда шудааст, ки дар вилояти Саратови Русия беш аз 3 ҳазор нафар ва дар шаҳри Саратов беш аз 1100 шаҳрванди Ӯзбакистон иқомат мекунад.

151
Барчаспҳо:
шаҳрдор, равобит, бародаршаҳрӣ, бародаршаҳр, вилояти Саратови Русия, Самарқанд
День 6 марта

Зодрӯзи Парвин Юсуфӣ ва таъсиси клуби "Реал": имрӯзи таърих

0
(Таҷдидшуда 18:04 02.03.2021)
Рӯзи шашуми март дар Ҷумҳурии Муғулистон Рӯзи матбуот ва дар Гана Рӯзи истиқлолият ҷашн гирифта мешавад

Рӯзи 6 март дар ҷаҳон чӣ рух дод

Соли 1665 дар Лондон аввалин маротиба дар таърихи ҷаҳон  маҷаллаи "Асарҳои файласуфонаи ҷомеаи шоҳигарӣ" нашр шуд.

Соли 1834 дар Канада шаҳри Йорк ба Торонто тағйири ном кард.

Соли 1902 клуби футболи "Реал" (Мадрид) таъсис дода шуд.

Соли 1960 дар Швейтсария ба занон ҳуқуқи дар интихоботи мунитсипалӣ иштирок намудан дода шуд.

Соли 1994 дар раъйпурсӣ аксарияти аҳолии Молдова барои ба даст овардани истиқлолияти мамлакат овоз доданд.

Рӯзи 6 март дар Тоҷикистон чӣ рух дод

Соли 2009 ВАО хабар доданд, ки дар Ҷумҳурии Тоҷикистон «Равзанаи ягона» оид ба тартиби раванди воридоту содирот сохта шуд.

Соли 2010 дар шаҳри Куала — Лумпури Малайзия маросими қуръакашии мусобиқоти Ҷоми президенти КФО баргузор гардид, ки дастаи "Вахш"-и Тоҷикистон ба гурӯҳи "В" шомил шуд.

Соли 2014 дар шаҳри Душанбе ба раисҷумҳури Тоҷикистон Эмомалӣ Раҳмон сафирони нави фавқулода ва мухтори Туркманистон, Куба, Ҷумҳурии Сербия, Амороти Муттаҳидаи Араб, Ҷумҳурии Корея, Ҷумҳурии Словакия, Давлати Фаластин, Ҷумҳурии Мисри Араб, Ҷумҳурии Судон, Ҷумҳурии Кипр ва Гурҷистон эътимодномаҳои худро тақдим намуданд.

Соли 2015 Эмомалӣ Раҳмон бинои нави сохтмонаш анҷомёфтаи Маркази ҷумҳуриявии иммунопрофилактикаро мавриди баҳрабардорӣ қарор дода, ба сохтмони бинои нави маъмурии Вазорати тандурустӣ ва ҳифзи иҷтимоии аҳолӣ ва се хобгоҳи иловагӣ барои донишҷӯёни Донишгоҳи миллии Тоҷикистон оғоз бахшиданд.

Ҷашнҳои рӯзи 6 март

  • Дар Муғулистон – Рӯзи матбуот.
  • Дар Гана – Рӯзи истиқлолият.

Рӯзи 6 март кӣ ба дунё омадааст

Соли 1928 - доктори илмҳои филология, профессор Расул Ҳодизода.

Соли 1938 - шоир Одина Мирак.

Соли 1945 - иқтисодшинос Муртазо Қаҳҳоров.

Соли 1969 - сорояндаи маъруфи тоҷик Парвин Юсуфӣ.

0
Барчаспҳо:
ҷаҳон, ҷашн, Тоҷикистон
Мавзуъ
Тоҷикистон ба узвияти СММ пайваст: имрӯзи таърих
Зодрӯзи Акашариф Ҷӯраев ва нахустин пирӯзии Майк Тайсон: имрӯзи таърих
Зодрӯзи Дона Баҳромов ва ифтитоҳи Маҷмааи тандурустии "Истиқлол": имрӯзи таърих