Марзи Қирғизистону Тоҷикистон. Акс аз бойгонӣ

Мулоқоти муовинони сарвазирони Тоҷикистону Қирғизистон дар Берлин

11
(Таҷдидшуда 08:18 10.09.2015)
Муовинони нахуствазирони ду кишвар ба тавофуқ расиданд, ки таърихи рӯзи баргузории иҷлоси навабатии кумиссиюни байнидавлатии Қирғизистону Тоҷикистонро аз тариқи роҳҳои дипломатӣ мушаххас кунанд.

ДУШАНБЕ, 9 сен — Sputnik. Муовинони нахуствазирҳои Тоҷикистону Қирғизистон Азим Иброҳим ва Абдураҳмон Маматалиев  дар як мулоқот дар чорчӯби анҷумани "Об ва муносибатҳои ҳамсоягӣ дар Осиёи Марказӣ" дар шаҳри Берлин масоили равобити дуҷонибаро баррасӣ карданд, менависад сомонаи расмии ВКХ ҶҚ.

"Ҷонибҳо бо изҳори омодагӣ ба рушди ҳамкориҳои тиҷоративу иқтисодӣ таъкид карданд, ки гардиши молу коло ва табодули амвол байни ду кишвар дар нимаи аввали соли 2015 афзудааст",- омадааст дар хабари манбаъ.

Ҳамзамон, дар ин нишаст масоили марбут ба сарҳад ва аломатгузорӣ,аз ҷумла дар пасманзари ба Иттиҳоди иқтисодии АвруОсиё пайвастани Қирғизистон низ баррасӣ шудааст.

Муовинони нахуствазирони ду кишвар ба тавофуқ расиданд, ки таърихи рӯзи баргузории иҷлоси навабатии кумиссиюни байнидавлатии Қирғизистону Тоҷикистонро аз тариқи роҳҳои дипломатӣ мушаххас кунанд.

11
Барчаспҳо:
аломатгузории сарҳад, гардиши амвол, табодули мол, баррасаии масоили марз, анҷумани “Об ва муносибатҳои ҳамсоягӣ дар Осиёи Марказӣ, муовинони нахуствазирони Тоҷикистону Қирғизистон, Азим Иброҳим, Абдураҳмон Маметалиев, Берлин, Қирғизистон, Тоҷикистон
Врач и пациенты в отделении реанимации и интенсивной терапии

Афзоиши мубталоён ба вируси корона дар Ӯзбекистон, Қазоқистон ва Қирғизистон

347
(Таҷдидшуда 12:14 05.08.2020)
Вазорати тандурустии Ӯзбекистон эълом кард, ки теъдоди мубталоён ба корона дар ин кишвар ба 25 ҳазору 828 нафар расид

ДУШАНБЕ, 5 авг — Sputnik.  Бар асоси гузориши Вазорати тандурустии Ӯзбккистон то кунун дар ин кишвар 16 ҳазору 507 нафар аз корона беҳбуд ёфтанд ва 161 нафар низ фавт кардан, иттилоъ додааст хабаргузории “Парстудей”.

Ҳамчунин бино бар эъломи Вазорати тандурустии Қазоқистон 8 ҳазору 518 нафар аз пизишкон ва кадри пизишкии ин кишвар мубтало ба корона шуданд.

Ажар Гиният, муовини вазири тандурустии Қазоқистон ахиран эълон доштааст, ки пизишкон ва коркунони муроқибатҳои беҳдоштӣ, ки мубтало ба вируси корона шудаанд, аз ҳаққи дарёфти кумаки молӣ ба мизони 2 миллион танга (баробар бо 4700 доллар) бархурдор ҳастанд.

Дар ҳоли ҳозир дар Қазоқистон 92 ҳазору 662 нафар мубтало ба корона шуданд ва 1058 нафар низ бар асари ин вирус фавт карданд.

Дар ҳамин ҳол, дар дигар кишвари ҳабӯмсоя бо Тоҷикистон, Қирғизистон шумори кулли ин беморони гирифтор ба вируси корона ба 37 ҳазору 541 нафар расид

Вазорати беҳдошти Қирғизистон эълом кард, ки 412 бемори нави КОВИД-19 дар ин кишвар шиносоӣ шуданд.

Дар баёнияи ахири Вазорати беҳдошти Қирғизистон омадааст, ки бо сабти ин теъдод аз мубталоён ба КОВИД-19, шумори кулли ин беморон дар ин кишвар ба 37 ҳазору 541 нафар расид.

Бино бар эъломи Вазорати беҳдошти Қирғизистон шумори фавтидагони корона дар ин кишвар низ бо марги ҳафт тани дигар дар 24 соати гузашта ба ҳазору 427 нафар расидааст.

Дар ҳоли ҳозир беш аз 18 миллиону 444 ҳазор нафар дар ҷаҳон ба КОВИД-19 мубтало шудаанд, ки ҳудуди 700 ҳазор нафар аз онон ҷон бохтаанд.

347
Барчаспҳо:
теъдод, афзоиш, вирус, Қирғизистон, Қазоқистон, Ӯзбекистон
Тестирование на коронавирус (COVID-19)

Нахустин дар Осиёи Миёна: оғози эмгузаронӣ аз COVID - 19 дар Қазоқистон

320
(Таҷдидшуда 12:02 03.08.2020)
Маркази байналмилалии эмгузаронии Қазоқистон нахустин бор аз коронавируси навъи COVID - 19 эмгузаронӣ кард

ДУШАНБЕ, 3 авг — Sputnik. Дар Қазоқистон нахустин довталабро аз Covid - 19 эм карданд, хабар медиҳад Sputnik Қазоқистон.

Ин довталаб раҳбари Маркази байналмилалии эмгузаронии назди Донишгоҳи кишоварзии Қазоқистон Кайсар Табинов шуд.

Дору, ки аз ҷониби коршиносони австралиягӣ омода шудааст, COVAX-19 ном гирифт.

"Худро бо COVAX-19 эм кардам. Феълан худро хуб ҳис мекунам. Ягон ҳолати номусоидӣ эҳсос намешавад", - гуфт Табинов.

Ба гуфти ӯ ин дору дар навбати аввал дар бадани 40 довталаб озмоиш мешавад. Пас аз се моҳ ба озмоиши оммавӣ оғоз хоҳанд кард, ки дар он 100 ҳазор нафар аз 10 кишвари дунё довталаб хоҳад шуд.

Дар ин миён, Вазорати беҳдошти Қазоқистон гуфт, барои баргузории озмоиши клиникӣ бояд ҳуҷҷатҳои вижа пешниҳод шавад.

Русия аз омода шудани нахустин ваксина алайҳи коронавирус хабар дод

Вале, то имрӯз аз ҷониби Маркази байналмиаллии эмгузаронӣ ҳуҷҷате пешниҳод нашудааст.

Ёдрас мешавем, ки пештар хабар дода шуд, ки дар Донишгоҳи ба номи Сеченови Русия озмоиши клиникии ваксинаи зидди коронавирус анҷом ёфт.

320
Барчаспҳо:
нахустин, эмгузаронӣ, Қазоқистон
Мавзуҳо:
Пайомадҳои COVID-19 дар Тоҷикистон ва ҷаҳон
Мужчина с ножом в руках, архивное фото

Боздошти Меҳровар барои қатли додараш дар Душанбе-видео

0
Вазорати умури дохилии Тоҷикистон аз боздошти як ҷавони 24 солаи пойтахт хабар медиҳад, ки дар куштори додараш муттаҳам мешавад

 

ДУШАНБЕ, 6 авг — Sputnik. Бино ба гузориши ин ниҳод, бо гумони бародаркушӣ  Бобоҷонов Меҳровари 24 сола боздошт гаштааст.

Ба иттилои манбаъ, куштор дар заминаи муноқишаи лафзӣ ва якдигарнофаҳмӣ санаи 15 июл тақрибан соати 15:20 ба вуҷуд омадааст.

Манбаъ мегӯяд, дар ин рӯз Бобоҷонов Меҳровар бо бародараш Бобоҷонов Бахтовари 18 сола муноқиша намуда додарашро зери латукӯб қарор додааст.

Боздошти марде, ки ба гардани бародараш корд зад

Гуфта мешавад,Марҳум Бобоҷонов Бахтовар ҳамчун чораи муҳофизатӣ бо корди ошхонагӣ ба бародарааш ҳамла мекунад, аммо гумонбаршуда корди ӯро аз дасташ гирифта, як маротиба ба қафаси синааш зарба мезанад.

Дар натиҷаи зарби корди бародар бинобар сабаби рафтани хуни зиёд додар дар ҷойи ҳодиса ба ҳалокат мерасад, афзудааст манбаъ.

Вазорат шарҳ надодааст, ки чи омил боиси якдигарнофаҳми ва ҳатто куштор гаштааст.

ВУД мегӯяд, нисбат ба ҳодисаи мазкур тафтишот идома дорад.

Ин нахустин ҳолати кордкашии бародар ба бародар набуда, даҳ рӯз пеш кормандони пулиси шаҳри Конибодом 

як сокини 40-солаи маҳаллиро бо гумони қасдан расонидани зарари миёна ба саломатии додараш боздошт карданд.

Ҳамзамон ин ниҳод, қабл аз ин  як марди 42-сола, сокини шаҳри Истаравшанро боздошт кард, ки пас аз майнӯшӣ бо бародари 41-солааш ҷангу ҷанҷол намуда, як маротиба ба гарданаш корд задааст.

 

 

0