Корманди зиндон. Акс аз бойгонӣ

Дар Қирғизистон барои маҳбусони якумрӣ зиндон бунёд мекунанд

22
(Таҷдидшуда 15:40 26.10.2015)
Сохтмони ин бинои дорои низоми махсус соли 2007 дар асоси муассисаи ислоҳии рақами 19 дар деҳаи Жани-Жери ноҳияи Сокулукскийи вилояти Чуйи Қирғизистон оғоз шуда буд.

ДУШАНБЕ, 26 окт — Sputnik. Дар Қирғизистон сохтмони нахустин бинои дорои низоми махсус барои нигаҳдории маҳбусони якумрӣ ба поён расид, хабар медиҳад Sputnik-и Қирғизистон аз нишасти хабарии Хадамоти давлатии иҷрои ҷазои Вазорати адлияи ин кишвар.

Сохтмони ин бинои дорои низоми махсус соли 2007 дар асоси муассисаи ислоҳии рақами 19 дар деҳаи Жани-Жери ноҳияи Сокулукскийи вилояти Чуйи Қирғизистон оғоз шуда буд.

"Ба муассисаи ислоҳии №9 дар рӯзҳои наздик 100 маҳбуси маҳкумшуда ба абад интиқол дода мешавад, ки дар як утоқ аз 2 то 4 нафарӣ нигаҳдорӣ мешаванд"- иброз доштанд масъулини Хадамоти давлатии иҷрои ҷазои Вазорати адлияи Қирғизистон.

Тибқи иттилои манбаъ, дар бинои кунунӣ корҳои таъмиру бозсозӣ сурат гирифта, маҳбусоне, ки барои як умр пушти панҷара нарафтаанд, ба дигар зиндонҳо бурда мешавад.

Муҷаҳҳаз гардонии муассисаи ислоҳии №19 бо дастгириии Салиби сурхи байналмилалӣ сурат мегирад.

Бар иловаи ин, дар чаҳор зиндони Қирғизистон утоқҳои вижа барои нигаҳдории алоҳидаи маҳбусоне, ки ба иттиҳоми ифротгароии динӣ равонаи зиндон шудаанд, бунёд карда хоҳад шуд.

Тибқи талаботи моддаи 99 Кодекси ҷиноии Қирғизистон афроде, ки барои як умр аз озодӣ маҳрум мешаванд, бояд дар муассисаҳои дорои низоми махсус нигаҳдорӣ шаванд.

Вале ба далели набуди чунин макон то кунун ин навъи маҳбусон дар утоқҳои боздоштгоҳҳои муваққат ё СИЗО ва дигар муассисаҳои ислоҳӣ нигаҳдорӣ мешаванд, ки хилофи қонунгузорӣ ва созишномаҳои байналмилалӣ аст.

Дар Тоҷикистон ҳам ин мушкил ба чашм мерасад. Соли 2004 дар пайи як тағйирот дар қонунгузории кишвар ҳукми қатл ба ҳукми абад тағйир дода шуд. Вале то ҳол барои нигаҳдории ин навъи зиндониён шароити лозимии нигаҳдорӣ фароҳам нашудааст.

Тибқи қонунгузории ҷории кишвар, маҳбусони якумрӣ ду нафарӣ нигаҳдорӣ мешаванд ва дар сурати вайрон кардани қоидае онҳоро тавассути нигаҳдорӣ дар утоқҳои яккаса муҷозот менамоянд.

Мақомоти Тоҷикистон аз ифшои шумораи дақиқи маҳбусони ба ҳукми абад равонаи зиндон шуда худдорӣ мекунанд.

Тибқи иттилои расонаҳои хабарӣ, миёни маҳбусони Тоҷикистон нафароне ба ҳукми абад равонаи зиндон шудаанд, ки дар ҳаводиси солҳои 90-ум даст доранд ё баъд аз имзои созишномаи сулҳ даст ба ҷиноят задаанд. Аз зумраи онҳо собиқ генерал Ғаффор Мирзоев, ки тули чандин сол Гвардияи миллии назди президентро раҳбарӣ мекард ва Суҳроб Лангариев, бародари хурдии яке аз қумандонҳи маъруфи Фронти Халқӣ мебошанд.

Тибқи қонунҳои амалкунандаи Тоҷикистон шахсоне барои як умр бояд аз озодӣ маҳрум шаванд, ки ба ҷинояти махсусан хатарнок, аз ҷумла кӯшиши сарнагунии қудрат, куштори ваҳшиёна ва терроризм даст задаанд.

 

22
Барчаспҳо:
Суҳроб Лангариев, Ғаффор Мирзоев, қонунгузорӣ, якумрӣ, маҳбус, СИЗО, маҳбас, зиндон, Қирғизистон, Хадамоти давлатии иҷрои ҷазои Вазорати адлияи Қирғизистон, Суҳроб Лангариев, Ғаффор Мирзоев, Қирғизистон, Тоҷикистон
Последнее звено трансазиатского газопровода “Центральная Азия - Китай” запущено в Казахстане

Чин аз кишварҳои Осиёи Марказӣ дар шаш моҳ 19 миллиард метри мукааб газ харид

83
(Таҷдидшуда 03:08 07.08.2020)
Кишварҳои Осиёи Марказӣ дар шаш моҳи соли равон ҳудуди 19 миллиард метри мукааб газ ба Чин содир карданд

ДУШАНБЕ, 7 авг — Sputnik.  Аз оғози фаолияти лулаи интиқоли гази Осиёи Марказӣ - Чин ,ки дар моҳи декабри соли 2020 роҳандози шуд , кишварҳои минтақа ба Чин 216 миллиард метри мукааб газ содир карданд,радиои Садои Хуросон.

Ба гузориши ин расона, мабдои аввалияи интиқоли газ аз марзҳои Туркманистон оғоз ёфта аз тариқи Узбакистон ва Қазоқистон ба хутути гази Чин дар минтақаи Син Конг Уйғур мавсум ба Ғарб - Шарқ мутасил шудаанд.

Албатта дар ин гузориш танҳо миқдори кулии содирот унвон шуда ва омори дақиқи марбут ба ҳар кишвари Осиёи Марказӣ сабт нашудааст.

Интиқоли нафт ва газ аз Тоҷикистон ба Чин ҳамин сол шурӯъ мешавад

Тули хутути Осиёи Марказӣ - Чин 1833 киллометр аст ва қобилияти интиқоли 60 миллиард метри мукааб солона дорад.

Туркманистон бузургтарин содиркунандаи газ ба Чин дар байни кишварҳои Осиёи марказӣ аст ,ки дар соли гузашта ширкати Туркман газ  ба Пекин 31. 2 миллиард метри мукааб газро мунтақил кард.

83
Барчаспҳо:
содир, Осиёи Марказӣ, газ, Чин
Колючая проволока, архивное фото

Марзи Афғонистону Покистон ҳам ноором: даргирӣ дар марз ва захмӣ шудани ду марзбон

160
(Таҷдидшуда 03:03 07.08.2020)
Як нерӯи марзбонии артиши Покистон дар даргирӣ бо нерӯҳои марзбонии Афғонистон кушта шуд

ДУШАНБЕ, 7 авг — Sputnik. Ахиран артиши Покистон дар баёнияе эълом кард, террористҳо аз дохили хоки Афғонистон мавозеи нерӯҳои покистониро дар он сӯи марз ҳадаф қарор доданд ва ҳамзамон нерӯҳои марзии Афғонистон низ ба сӯи нерӯҳои покистонӣ, тирандозӣ  карданд, иттилоъ додааст хабаргузории “Парстудей”.

Бино бар иттилои манбаъ, дар ин тирандозӣ ду нерӯи марзбонии дигари Покистон ҳам захмӣ шуданд.

Шумори ҷонбохтагон аз коронавирус дар Афғонистону Покистон афзоиш ёфт

Вазорати умӯри хориҷаи Покистон ҳам дар баёнияе зимн маҳкӯм кардани ҳамалот ба нерӯҳои ин кишвар дар марзи муштарак бо Афғонистон, ҳушдор дод, ки ин вазъият созу кори дуҷониба барои ҳамкориро таҳти таъсир қарор ме‌диҳад.

Покистон ва Афғонистон бар сари масоиле, аз ҷумла хати фарзии "Дюран" ва эҷоди таъсисоти марзӣ ихтилоф доранд ва ҳамчунин якдигарро ба ҳимоят аз тероризм муттаҳам ме‌кунанд.

160
Барчаспҳо:
ноороми, даргирӣ, марз, Покистон, Афғонистон

Вазорати тандурустӣ омори тозаи коронавирусро нашр кард

0
То санаи 7 август дар мамлакат 6484 (84,1%) нафар аз бемории COVID-19 шифо ёфта, бар асари он 62 нафар фавтидаанд.

ДУШАНБЕ, 7 авг — Sputnik. Вазорати тандурустӣ ва ҳифзи иҷтимоии аҳолии Ҷумҳурии Тоҷикистон иттилоъ медиҳад, ки дар як шабонарӯзи охир 99  нафар гумонбарон зери назорати табибон қарор дошта, 41 нафар баъд аз муолиҷа ба хонаҳояшон рухсат дода шуданд.

Инчунин,  дар як шабонарӯзи охир дар ҷумҳурӣ 41 ҳодисаи нави бемории COVID-19 дарёфт гардида,  дар маҷмӯъ шумораи гирифторони ин беморӣ ба  7706  нафар баробар гардид.

Ҳамзамон, то санаи   7 август дар мамлакат  6484  (84,1%) нафар аз бемории COVID-19 шифо ёфта,  бар асари он 62  нафар фавтидаанд.

Коронавирус ба раванди муҳоҷирати меҳнатӣ аз Тоҷикистон чӣ гуна таъсир расонд

Маврид ба зикр аст, ки Ҳукумати Ҷумҳурии Тоҷикистон ва Вазорати тандурустӣ ва ҳифзи иҷтимоии аҳолӣ айни замон ҷиҳати пешгирӣ ва табобати коронавируси нави CОVID-19 тамоми тадбир ва чораҳои заруриро амалӣ намуда истодаанд.

 

0