Нахуствазири Ҳиндустон Нарендра Модӣ. акс аз бойгонӣ.

Модӣ: омодаем, ба зарардидагони Афғонистону Покистон кӯмак кунем

12
(Таҷдидшуда 17:07 26.10.2015)
Дар заминҷунбии ахир дар Покистон дасти кам 4 нафар ба ҳалокат расидааст.

Душанбе, 26 окт — Sputnik. Ҳиндӯстон барои кӯмаки осебдидагон аз заминларзаи ахир дар Афғонистон ва Покистон омода мебошад, гуфтааст, нахуствазири ин кишвар Нарендра Модӣ.

"Аз вуқӯъи заминларзаи шадид дар навоҳии Покистону Афғонистон ва як қисмати Ҳиндустон хабар ёфтам. Ҳоло барои муайян кардани вазъ дастур додаам ва мо инчунин омодаем, дар сурати лозимӣ ба осебдидагони ин заминларза дар Афғонистон ва Покистон ҳам кӯмак кунем", — навиштааст, ҷаноби Модӣ дар саҳифаи Твиттери худ.

Заминларзаи 7,5 балӣ Афғонистонро баъд аз зуҳри имрӯз такон дод. Дар пайи ин заминҷунбӣ дасти кам 4 нафар дар Покистон ба ҳалокат расидааст.

Ин заминларза Покистон, Ҳиндустон, Непал, Тоҷикистон, Қирғизистон, Озарбойҷон ва Қазоқистонро ҳам такон додааст.

Тибқи иттилои Хадамоти геофизикии Академияи илмҳои Тоҷикистон, заминларза дар қаламрави кишвар ҳам соатҳои 14:09-и зуҳри 26 октябр ба қайд гирифта шуда, иқтидори он то 7 бал гуфта мешавад. Дар шаҳри Душанбе шиддатнокии он 5-6-ро ташкил медиҳад.

Дар ҳоли ҳозир ҳанӯз иттилое дар мавриди талафоти ҷонию молӣ дар пайи ин заминларза рӯи даст нест.

12
Барчаспҳо:
Нарендра, Модӣ, заминҷунбӣ, заминларза, Ҳиндустон, кӯмак, Покистон, Афғонистон, заминларза, Хадамоти геофизикии Академияи илмҳои Тоҷикистон, Нарендра Модӣ, Ҳиндустон, Озарбойҷон, Покистон, Қирғизистон, Қазоқистон, Афғонистон, Тоҷикистон
Карантин

Эҳтимоли шадид шудани қарантин дар Ӯзбекистон: сатҳи сироятшавӣ рӯ ба афзоиш аст

1520
(Таҷдидшуда 14:42 25.05.2020)
Дар Ӯзбекистон анқариб ҳамарӯза то 60 мавриди ҷадиди мубталошавӣ ба маризии коронавирус сурат мегирад

ДУШАНБЕ, 25 май — Sputnik. Дар сурати бо чунин суръат афзоиш ёфтани мубталошавии ҳамарӯзаи шаҳрвандон ба коронавирус, қарантин боз шадидтар хоҳад шуд.

Дар ҳоле, ки чанде пеш дар аксар манотиқҳои Ӯзбекистон бинобар беҳбуд ёфтани вазъият дар робита ба авҷи коронавирус, маҳдудиятҳо то андозае сабуктар шуданд.

Дар ҳамин ҳол, муовини вазири тандурустии Ӯзбекуистон Баҳодур Юсупалиев мегӯяд, агар вазъият ба ҳамин минвол идома ёбад, қарантин дигарбора сахт хоҳад шуд.

Бухоро, панҷумин минтақаи Ӯзбекистон пурра аз коронавирус наҷот ёфт

Ба изҳори Юсупалиев, ҳамарӯза теъдоди мавориди нави мубталошавӣ то 60 ҳолат афзоиш меёбад. Муовини вазир далели афзоиш ёфтани мавридҳои нави сироятшавӣ аз коронавирусро  ба риоя накардани талаботи пешгирӣ аз паҳншавии ин вирус рабт дод.

Зимнан, Юсупалиев қайд намудааст, ки сироятшавӣ аслан миёни нафароне, ки ба ҷойи кори худ баргаштанд мушоҳида мешавад.

"Дар айни ҳол, мо бояд ҳушёр бошем. Бо фаро расидани тирамоҳ эҳтимол мавҷи дуюми хуруҷи ин маризӣ сар занад", - илова намудааст муовини вазир.

Ёдовар мешавем, ки қаблан мақомоти Ӯзбекистон карантини зидди паҳншавии коронавирусро дар кишвар то 1 июн тамдид карда буд.

1520
Барчаспҳо:
афзоиш, сироят, Узбакистон
Мавзуҳо:
Пайомадҳои COVID-19 дар Тоҷикистон ва ҷаҳон
Пробирка с тестом на коронавирус в руках

Теъдоди дардмандони коронавирус дар Ӯзбекистон марзи 3 ҳазор маризро убур кард

217
(Таҷдидшуда 13:45 25.05.2020)
Дар Ӯзбекистон ҳамакнун теъдоди умумии маризони сироятии коронавирус ба беш аз 3 ҳазор нафар баробар шуд

ДУШАНБЕ, 25 мая — Sputnik. Дар ин кишвар давоми шабонарӯзи гузашта боз 16 ҳолати ҷадиди мубталошавӣ ба ин маризӣ сабт гардид, хабар медиҳад ситоди фаврии назди ҳукумати Ӯзбекистон.

Бо илова шудани 16 мавориди ҷадид, шумораи умуми дардмандон ба 3 180 нафар баробар шуд.

Манбаъ меафзояд, рӯзи гузашта дар Ӯзбекистон 49 ҳолат, рӯзи шанбе - 79 ва рӯзи ҷумъа 69 мавриди нав ба қайд гирифта шуд.

Тамдиди қарантина дар Ӯзбекистон ва афзоиши мубталоён ба коронавирус дар Қирғизистон

Бино бар маълумоти ситоди мазкур, феълан дар ин кишвар 602 бемори мубтало ба коронавирус таҳти табобат ва назорати амиқи табибон қарор доранд.

Пизишкони ӯзбек вазъи се маризи вируси COVID-19 - ро бисёр вазнин арзёбӣ мекунанд.

Ёдовар мешавем, ки чанде қабл Ӯзбекистон хабар дода буд, ки ду шаҳрванди Тоҷикистон низ бо аломатҳои маризии коронавирус дар дармонгоҳҳои ин кишвар ба табобат фаро гирифта шуданд.

217
Барчаспҳо:
афзоиш, теъдод, маризон, Узбакистон
Мавзуҳо:
Пайомадҳои COVID-19 дар Тоҷикистон ва ҷаҳон
Посол Ирана в Таджикистане Мухаммажтаки Собири

Аз Ҷурабек Назрӣ то Мунира Ҳакимова: паёми дардноки сафири Эрон ба мардуми Тоҷикистон

0
(Таҷдидшуда 02:39 26.05.2020)
Сафири Эрон дар Тоҷикистон ба даргузашти чанд нафар аз шахсиятҳои саршиноси ҷумҳурӣ изҳори ҳамдардӣ кард

ДУШАНБЕ, 26 май – Sputnik. Муҳаммадтақӣ Собирӣ, сафири Эрон дар Тоҷикистон дар паёмаш қайд кардааст, ки ахиран чанд тан аз ҳунармандон ва шахсиятҳои барҷастаи илмӣ ва адабии тоҷик ба диёри боқӣ рахт барбастанд ва  ҷомеаи фарҳангии тоҷикро доғдор намуданд.

Сафири Эрон таъкид доштааст, ки даргузашти Муҳаммадалии Аҷамӣ,  Баҳриддин Камолиддинов, Саидшоҳ Акрамов, Хайрӣ Назарова, Савринисо Сабзалиева, Мунира Ҳакимова, Абӯбакри Зубайдӣ, Хуршед Алидод, Абдуфаттоҳ Ҳотамов ва  ғайра барои фарҳанг ва ҷомеаи Тоҷикистон ва алоқамандони мероси гаронбаҳои порсӣ, дарднок мебошад.

Сафири Эрон: шеъри Саъдӣ оинадори сулҳ, ишқ ва дӯстӣ аст

“Ҳанўз дар ғами аз даст додани ин азизон будем, ки хабардор шудам устоди арҷманд ва ҳунарманди саршиноси мардумӣ  ва раиси собиқи Шўъбаи осори хаттии пажўҳишгоҳи шарқшиносӣ Ҷӯрабек Назрӣ низ даъвати ҳақро лаббайк гуфтанд”, - зикр кард Собирӣ.

Вай ҳамчунин афзуд, ки ин ҳунарманд ва донишманди саршиноси  тоҷик  тамоми умрашро барои рушду тавсиаи ҳунар ва забону адаби муштараки порсӣ сипарӣ кард.

Сафир таъкид кард, ки осор ва ёдгорҳои Ҷурабек Назрӣ дар ҳавзаи адабиёт ва санадпажӯҳӣ натанҳо дар Тоҷикистон, балки дар Эрону Афғонистон низ бисёр шинохта шуда ва шахсияти ӯ мавриди эҳтироми тамоми аҳли фарҳанг мебошад.

“Зимни арзи тасалият ба бозмондагон, миллат ва кишвари дӯсту ҳамфарҳанг ва ҳамзабони Тоҷикистон, аз  даргоҳи Худованди бузург барои он марҳум ва соири азизони аз даст рафта оромиши абадӣ ва ҷаннатмаконӣ ва барои бозмондагони муҳтарам сабру шикебоӣ орзу менамоем”, - гуфт  Муҳаммадтақӣ Собирӣ.

Дар ҳамин ҳол, сафири Эрон дар паёмаш ишора кардааст, ки Эрон ҳамвора дар канори давлат ва мардуми Тоҷикистон хоҳад буд ва ӯ боварӣ дорад, ки Тоҷикистон бо талоши нерӯи шарифи пизишкӣ ва бо ҳамгомӣ, ҳамбастагӣ ва имон ин вируси манҳуси каронаро шикаст дода ва бар он пирӯз хоҳад шуд.

0
Барчаспҳо:
ҳамдардӣ, сафир, таслият, ҷумҳурӣ, саршинос, шахсият, даргузашт, Тоҷикистон, Эрон