Сергей Лебедев. Акс аз бойгонӣ

Раҳбарони СПАД, СҲШ ва ИДМ терроризм ва муҳоҷиратро баррасӣ карданд

14
(Таҷдидшуда 17:59 04.11.2015)
Раҳбарони созмонҳои байналмилалӣ зимни гуфтушуниди ахири худ масоили марбут ба мубориза бо таҳдидҳои наву сиёсати муҳоҷиратро ҳам ба баҳс кашидаанд.

ДУШАНБЕ, 4 ноя — Sputnik. Мулоқоти раҳбарони Созмони Паймони Амнияти Дастаҷамъӣ (СПАД), Кумитаи иҷроияи ИДМ ва Созмони ҳамкориҳои Шанхай (СҲШ) рӯзи сешанбе дар шаҳри Маскав баргузор шуд, менависад бахши узбакии Sputnik.

"Дабири кулли СПАД Николай Бордюжа, котиби иҷроияи ИДМ Сергей Лебедев ва дабири кулли ШҲС Дмитрий Мезентсев масоили муҳимми марбут ба сиёсати байналмилалию таҳкими амниятро баррасӣ кардаанд", — навиштааст манбаъ.

Инчунин Раҳбарони созмонҳои байналмилалӣ зимни гуфтушуниди ахири худ масоили марбут ба мубориза бо таҳдидҳои наву сиёсати муҳоҷиратро ҳам ба баҳс кашидаанд.

Ба узвияти СҲШ ба ҷуз Русия Чин, Қазоқистон, Қирғизистон, Тоҷикистон, Узбакистон ҳам шомиланд. Кишварҳои Беларус, Муғулистон, Ҳиндустон, Покистон ва Афғонистон ҳамчун узви нозири он ба шумор мераванд. Ибтидои аввали моҳи июни соли равон раванди воридшавии Ҳиндустон ва Покистон ба СҲШ оғоз гардид.

14
Барчаспҳо:
Бордюжа, Мезентсев, Лебедев, СҲШ, Дмитрий, ИДМ, Сергей, вохурӣ, СПАД, баррасӣ, ИДМ, СПАД, СҲШ, Дмитрий Мезентсев, Сергей Лебедев, Николай Бордюжа, Ҳиндустон, Ӯзбекистон, Покистон, Қирғизистон, Қазоқистон, Чин, Тоҷикистон
Священный коран в мечети

Китоби Қуръонро барои TikTok пора - пора кард: боздошти шаҳрванди Ӯзбекистон

2108
(Таҷдидшуда 18:24 30.10.2020)
Шахсияти марде, ки ин ҳодисаро ба навор гирифтааст муайян карда шуда ва ӯ ба тафтишоти пешакӣ ҷалб гардидааст

ДУШАНБЕ, 30 окт — Sputnik. Кормандони мақомоти ҳифзи ҳуқуқи Ӯзбекистон як шаҳрвандеро боздошт кардаанд, ки дар пеши чашми ҳазорон корбари интернет китоби Қуръонро пора кардааст, хабар медиҳад Sputnik Ӯзбекистон бо такя ба ВКД.

Рӯзи 29 октябр дар шабакаи иҷтимоии TikTok наворе паҳн шудааст, ки дар он марде, ки худро бедин мехонд, китоби муқаддаси мусалмонон Қуръонро пора кард. Ин навор  дар шабакаҳои иҷтимоӣ вокуниш ва баҳси зиёде ба бор овард.

Акси Макронро оташ заданд: эътирозҳои густурда назди сафорати Фаронса дар Эрон - акс

"Парванда таҳти назорати мақомоти ҳифзи ҳуқуқ қарор дорад. Дар натиҷаи тафтишот шахсияти марде, ки навор гирифтаву дар интернет паҳн кардааст, муайян карда шуда ӯ ба тафтишоти пешакӣ ҷалб карда шуд", - омадааст дар хабарнома.

Тибқи итилои манбаъ, нисбати ин мард бар асоси моддаи 156  қисми 2 Кодекси ҷиноӣ ("Барангехтани кинаву адовати миллӣ, нажодӣ, миллӣ ё динӣ") парвандаи ҷиноӣ оғоз карда шуда, тафтишот идома дорад.

Мусалмонони дунё барои тасвирҳои танзомези Муҳаммад дар Фаронса ба по хестанд - навор

Қаблан, аз мардуми Ӯзбекистон даъват шуд, ки ба хотири карикатураҳои пайғамбар Муҳаммад (с), ки дар аввали моҳи сентябр аз ҷониби маҷаллаи ҳаҷвии Charlie Hebdo нашр шуд, ба эҳсосот дода нашаванд.

2108
Барчаспҳо:
ВКД, пора, Қуръон, китоб, Ӯзбекистон
Самолет компании Сомон Эйр, архивное фото

Сабаб номаълум: парвозҳо миёни Душанбе ва Тошканд дубора ба таъхир афтоданд

592
(Таҷдидшуда 11:44 28.10.2020)
Парвозҳо миёни Тоҷикистон ва Ӯзбекистон аз рўзи 20 марти соли ҷорӣ ба далели густариши вируси корона қатъ шуд ва марзҳои заминии ин ду кишвар низ баста боқӣ мемонад

ДУШАНБЕ, 28 окт — Sputnik.  Азсаргирии парвозҳо миёни Тоҷикистон ва Ӯзбекистон, ки қарор буд аз рӯзи 28 октябр оғоз гардад, дубора ба таъхир афтодааст.

Ба гузориши "Парс тудэй" дар истинод ба сомонаи Ахбори осиёи Марказӣ, мақомоти ин ду кишвар тавофуқ карда буданд, ки парвозҳои муназзам миёни Душанбе ва Тошканд рӯзҳои панҷшанбеи ҳар ҳафта анҷом шавад, ки акнун ин барнома ба таъхир афтодааст.

"Дар сомонаи ширкати ҳавопаймоии Ӯзбекистон фурӯши билет ба мақсади Душанбе ба баъд аз рӯзи 2 декабри соли ҷорӣ эълом шудааст", - тавзеҳ медиҳад манбаъ.

Беш аз сад парвоз то охири моҳ: ҷадвали нави парвозҳо миёни Русия ва Тоҷикистон

Бо ин ҳол, дар бораи иллати таъхири дубораи азсаргирии парвозҳо миёни Тоҷикистон ва Ӯзбекистон тавзеҳе ироа нашудааст.

Парвозҳо миёни Тоҷикистон ва Ӯзбекистон аз рўз 20 марти соли ҷорӣ ба далели густариши вируси корона қатъ шуд ва марзҳои заминии ин ду кишвар низ баста боқӣ мемонад.

592
Пожар, архивное фото

Сержант то омадани оташнишонҳо сӯхторро хомӯш кард

0
Вазорати умури дохилии Тоҷикистон мегӯяд, новобаста аз бурдани корҳои зиёди пешгирикунанда, ҳамоно бисёре аз масъулини дӯкону марказҳои савдо, мағозаву бозорҳо қоидаҳои бехатарӣ аз сӯхторро нодида мегиранд

ДУШАНБЕ,  31 окт — Sputnik. Тибқи иттилои ВУД, шаби 29 ба 30-юми октябри соли равон тахминан соати 01:00, дар маҳаллаи 91-уми шаҳри Душанбе, дар нуқтаи савдои тезтайёр сӯхтор сар зад.

"Дар ин ҳангом корманди ШБДА РВКД дар шаҳри Душанбе, сержанти хурди милитсия Мирзоев Хуршед, ки дар ин минтақа хизмат мебурд, ин ҳодисаро пай бурда, дар баробари хабар додани ба бахши оташнишонӣ, худ низ дарҳол аз паи хомӯш намудани сӯхтор мешавад. Мавсуф ба воситаи тирезаи нуқтаи савдо ворид онҷо шуда, оташро дар як муддати кӯтоҳ хомӯш мекунад", - омадааст дар иттилоияи ВУД.

Манбаъ афзуд, дар натиҷа аз таъсири алангаи оташ қисми рости пешонии сержанти хурди милитсия Мирзоев Хуршед осеб дидааст. Айни ҳол номбурда бо бардоштани ҷароҳати ҷисмонӣ дар Раёсати тибби ВКД таҳти муоинаи табибон қарор дорад.

ВУД таъкид кардааст, ҷасорат, масъулият ва садоқати корманди милитсия буд, ки ин ҳодисаи сӯхтор хомӯш карда шуду дигар ашёҳои нуқтаи савдо аз коми оташ эмин нигоҳ дошта шуданд.

0
Барчаспҳо:
оташхомӯшкунӣ, сӯхтор, Тоҷикистон