Эмомалӣ Раҳмон дар Покистон. 12 ноябри соли 2015

Табодули амвол миёни Тоҷикистону Покистон ба $89 млн. расидааст

12
(Таҷдидшуда 10:12 13.11.2015)
Таъкид гардид, ки дар давоми 23 соли муносиботи дипломатӣ то ба ҳол беш аз 40 санади дуҷониба дар соҳаҳои мухталиф ба имзо расидаанд, гардиши мол миёни Тоҷикистону Покистон аз 18 миллиони доллар дар соли 1998 то 89 миллион доллар дар соли 2014 афзудааст.

ДУШАНБЕ, 13 ноя — Sputnik. Баррасии масоили вобаста ба рушди минбаъдаи муносиботи дӯстӣ ва ҳамкории ду кишвар нахуст дар мулоқоти раисҷумҳури Тоҷикистон Эмомалӣ Раҳмон бо сарвазири Покистон Муҳаммад Навоз Шариф оғоз ёфта, бо  музокироти расмии сатҳи олӣ бо иштироки ҳайатҳои васеъи ду ҷониб идома ёфт, иттилоъ медиҳад дафтари матбуотии сарвари давлат.

"Ташрифи Шумо боиси хушҳолӣ ва сарфарозии мост. Шумо Покистонро метавонед хонаи дуюми худ шуморед ҳамон гуна, ки мо Тоҷикистонро хонаи дуюми худ медонем. Боздиди Шумо имкони дигаре барои таҳким ва густариши бештари робитаҳои дӯстӣ ва ҳамкорӣ аст",- иброз дошт нахуствазири Покистон.

Мулоқоти раисҷумҳури ҶТ Эмомалӣ Раҳмон бо нахуствазири Покистон Навоз Шариф. 11 ноябри соли 2015
Официальная страница пресс-службы президента РТ в Facebook

Ҳамзамон, Эмомалӣ Раҳмон гуфт, густариши ҳамкории гуногунҷанба ва таҳкими равобити ҳасана бо Покистон яке аз самтҳои асосии муносибатҳои хориҷии Тоҷикистон ба шумор меравад ва барои кишвари мо имкониятҳои тиҷоративу иқтисодии Покистон, мавқеи геостратегӣ ва нуфузи он дар минтақаи Осиёи Ҷанубӣ ва ҷаҳони ислом муҳим арзёбӣ мегардад.

Зимни музокироти расмӣ доир ба рушди ҳамкорӣ дар соҳаҳои сиёсӣ, иқтисодию сармоягузорӣ, тиҷоратӣ, энергетикӣ, дифоъ, амният, илмию техникӣ ва фарҳангӣ гуфтугӯйи судманд сурат гирифт.

Таъкид гардид, ки дар давоми 23 соли муносиботи дипломатӣ то ба ҳол беш аз 40 санади дуҷониба дар соҳаҳои мухталиф ба имзо расидаанд, гардиши мол миёни Тоҷикистону Покистон аз 18 миллиони доллар дар соли 1998 то 89 миллион доллар дар соли 2014 афзудааст.

Маврид ба тазаккур аст, ки рушди ҳамкорӣ дар соҳаи энергетика масъалаи меҳварии робитаҳои иқтисодии Тоҷикистону Покистон маҳсуб мешавад.

Манбаъ меафзояд, Навоз Шариф аснои мулоқот бинобар норасоии зиёди неруи барқ дар Покистон ба тезондани корҳо барои кашидани хатти барқии CASA-1000 мароқи зиёд зоҳир намуд.

Тибқи тасмими ду ҷониб ояндаи наздик миёни Тоҷикистон ва шаҳрҳои Исломобод, Лоҳур, Қарочӣ, Файсалобод ва Квейтаи Покистон бояд хатсайрҳои мустақими ҳавоӣ  кушода шаванд.

Ба гуфти Навоз Шариф "Покистон омода аст, ки дарвозаи Тоҷикистон ба роҳҳои баҳрии ҷануб бошад".

Сохтмони роҳҳои мошингарду оҳан, иштироки ҷониби Покистон дар татбиқи лоиҳаҳои энергетикӣ, сохтмони нерӯгоҳҳои обӣ ва кашидани хатҳои интиқоли барқ, маблағгузории лоиҳаҳои хурду миёнаи саноатӣ дар қаламрави Тоҷикистон ва барқарорсозии парвозҳои мустақим миёни ду кишвар аз соҳаҳои афзалиятноки ҳамкорӣ номида шуд.

Ҳар ду ҷониб терроризм ва ифротгароиро хатари ҷиддӣ ба амнияти ҳамдигар номида, омодагӣ ва ҳавасмандии ҷиддии худро ба таҳкими ҳамкорӣ дар ин соҳа таъйид доштанд. Дар ин робита қайд гардид, ки Тоҷикистону Покистон ба таҳкими амну субот дар Афғонистон, аз ҷумла тавассути татбиқи лоиҳаҳои иқтисодию иҷтимоӣ ҷаҳду талош хоҳанд кард.

Пас аз анҷоми мулоқоту музокироти расмӣ 8 санади нав ба имзо расид, ки заминаи қарордодию ҳуқуқии ҳамкории Тоҷикистону Покистонро тақвият мебахшанд.

 

12
Барчаспҳо:
имзои созишномаҳо, сафари Раҳмон ба Покистон, 89 миллион доллар, табодули амвол, ҳамкорӣ, нахуствазири Покистон, президенти Тоҷикистон, Муҳаммад Навоз Шариф, Эмомалӣ Раҳмон, Исломобод, Лоҳур, Карочӣ, Покистон, Душанбе, Тоҷикистон
Микрофон, архивное фото

Интишори албоми сурудҳои ошиқона бар ашъори Камоли Хуҷандӣ дар Теҳрон

70
(Таҷдидшуда 02:59 26.11.2020)
Ба муносибати 700 - солагии Камоли Хуҷандӣ – шоири маъруфи ғазалсарои тоҷик Муассисаи фарҳангии ЭКО дар ҳамкорӣ бо Сафорати Ҷумҳурии Тоҷикистон дар Эрон лавҳи фишурда (CD) - и сурудҳо бар ашъори Камоли Хуҷандиро мунташир кард

ДУШАНБЕ, 26 ноя — Sputnik.  Бино бар иттилои хабаргузории “Парстудей” дар истинод ба пойгоҳи итилоърасонии Муассисаи фарҳангии ЭКО, дар ин албоми навоҳову сурудҳои устодони мусиқии тоҷик ҳамчун Боймуҳаммад Ниёзов, Ҷӯра‎бек Муродов, Абдуллоҳ Султон, Муродбек Насриддин, Ҷӯра‎бек Набиев, Ҷамшед Эргашов, Абдувалӣ Ҷалолов, Баҳрулло Абдуллоев, Маҳмадулло Қурбон, Маҳмадсаид Аҳмадов, Субҳони Саид ва Ғуломҷон Мирдадоев ба сурати савтӣ фароҳам омадаанд.

Ёдовар мешавем Муассисаи фарҳангии ЭКО ба ифтихори ҷашни 700 - солагии Хоҷа Камол чанде пеш китобҳои "Рӯзгор ва осори Камоли Хуҷандӣ", асари доктор Бадриддин Мақсудзода ва "Чиҳил дарси Камол" - 40 мухаммаси Сурайё Ҳасансултон - шоири тоҷик бар ғазалиёти Камолро бо хати форсӣ чоп намуд.

Нашри 50 ашъори Камоли Хуҷандӣ ба забони олмонӣ

Камоли Хуҷандӣ, шоири баландовозаи форсизабони тоҷикистонӣ, ки бо ғазалҳои шӯрангезаш шуҳраи офоқ аст, дар Хуҷанд мутаваллид ва дар Табрез ба хок супурда шудааст.

70
Барчаспҳо:
Теҳрон, суруд, Тоҷикистон, сафорат, "Маркази илмии Камоли Хуҷандӣ, Эрон
Вакцина

Эрон то тобистони соли оянда ваксинаи COVID -19 - ро вориди бозор хоҳад кард

156
(Таҷдидшуда 14:18 24.11.2020)
Эрон дар сохти ваксинаи COVID - 19 ба дастовардҳои хубе расидааст ва ба эҳтимоли қавӣ ваксинаи эронии корона то тобистони соли оянда вориди бозор мешавад

ДУШАНБЕ, 24 ноя - Sputnik. Кайҳони Озодманиш, Мудири гурӯҳи таҳқиқоти вирусшиносии институти Постури Эрон афзуд, дониши сохти ваксина дар Эрон қадимӣ аст ва кишвари мо таҷрибаи фаровоне дар ин замина дорад, аммо дар шароити кунунӣ ва бо тавваҷуҳ ба раванди тавлиди ваксинаи корона дар чанд ширкати эронӣ эҳтимолан марҳалаи тавлиди анбӯҳи он то тобистони 2021 тӯл хоҳад кашид,  иттилоъ додааст хабаргузории садо ва симо.

Вай дар айни ҳол таъкид кард, ки агар дар ин муддат аз кишвари дигаре битавон ваксинаро арзонтару беҳтар, бамавқеу ба мизони кофӣ харидорӣ кард, ин корро хоҳем кард, зеро бояд аз ҳар роҳе ки метавонем мушкили кишвару мардумро ҳал кунем.

Муассисоти пизишкии Постур ва Розии Эрон дар тавлиди ваксина ҳудуди 70 сол собиқаи фаъолият доранд.

Дар рӯзҳои ахир ҳамзамон бо эъломи муваффақияти 90 дарсадии ваксинаи ширкати Файзер баъд аз 10 моҳи нигаронӣ аз ҳамагирии корона умедвории мутахассисон ба халосии башар аз корона бештар шудааст.

156
Барчаспҳо:
эҳтимол, дастовард, тобистон, бозор, соли оянда, Эрон
Мавзуҳо:
Пайомадҳои COVID-19 дар Тоҷикистон ва ҷаҳон

Сатҳи камбизоатӣ дар Тоҷикистон: беҳбудӣ ё баръакс

0
(Таҷдидшуда 12:14 26.11.2020)
Таҳлилгарон бар ин назаранд, ки пандемия ба иқтисодиёти Тоҷикистону аксар кишварҳои ҷаҳон латмаи сахт мезанад ва сатҳи камбизоатиро афзун мекунад
Сатҳи камбизоатӣ дар Тоҷикистон чӣ гуна тағйир ёфтааст
© Sputnik

Пандемияи коронавирус ба иқтисодиёти кишварҳо таҳдид мекунад. Инро таҳлил карда, иқтисоддонҳо афзоиши сатҳи камбизоатиро дар кишварҳои рӯ ба тараққӣ пешгӯӣ мекунанд.

Дар ин робита, Sputnik Тоҷикистон маълумотҳоро дар тӯли 30 соли ахир фыамъ овард то нишон дищад, ки чӣ гуна омилҳои асосии иқтисодӣ ва сатҳи камбизоатӣ дар ҷумҳурӣ тағир ёфтааст.

Аз ҷумла, аз соли 1995 инҷониб Тоҷикистон ба таври назаррас афзоиши ММД-ро ба ҳар сари аҳолӣ нишон додааст: то соли 2015 ин рақам ба 921 доллар афзоиш ёфт.

Ятимӣ, зангирӣ бо қарз, кулбаи бедар ва духонагии Президент: саргузашти Муҳаммад-видео

Инчунин, қабл аз пандемия, Тоҷикистон музди миёнаи меҳнатро афзоиш дод, аммо дар соли 2020 пардохтҳои миёнаи моҳона бинобар ихтисори кормандон ва аз ҳисоби коронавирус коҳиш ёфтанд.

Фоизи камбизоатон дар кишвар ҳар сол коҳиш меёбад: дар тӯли 10 сол шумораи онҳо 10% коҳиш ёфт.

Агар вазъро дар минтақаҳо ба назар гирем, пас вазъ дар Душанбе ва вилояти Суғд беҳтар аст. Бадтарин ҳолат дар вилояти Хатлон аст: ҳиссаи камбизоатон дар он ҷо 32,8% -ро ташкил медиҳад.

Дар рейтинги байналмилалии камбизоатӣ, Тоҷикистон дар байни 191 кишвар дар мақоми 157-ум қарор гирифтааст.

0
Барчаспҳо:
Тоҷикистон, сатҳи камбизоатӣ